SJ WorldNews - шаблон joomla Авто

နိုင်ငံ တကာ ရေးရာနှင့် သံတမန် ရေးရာ

Monday, 11 March 2019 08:25 font size decrease font size decrease font size increase font size increase font size

မြန်မာနိုင်ငံ ပြုပြင် ပြောင်းလဲရေးတွင် နိုင်ငံအစိုးရ အချင်းချင်း ဆက်သွယ် ဆောင်ရွက်ရေး၊ ပြည်သူအချင်းချင်း ဆက်သွယ် ဆောင်ရွက်ရေး တို့သည် ၂ဝ၁၁ ခုနှစ်မှစ၍ နယ်ပယ်စုံ၌ တွင်ကျယ်လာကြောင်း တွေ့ရသည်။

မြန်မာနိုင်ငံလွှတ်တော်များအနေဖြင့် နိုင်ငံတကာလွှတ်တော်များ၊ နိုင်ငံအဖွဲ့အစည်းများနှင့်ဆက်ဆံရာတွင် ပိုမိုအဆင်ပြေ ချောမွေ့စေရန် လွှတ်တော်ရုံးများမှ အရာထမ်းများအတွက် သံတမန်ရေးရာ အခြေခံသင်တန်းကို The Asia Foundation နှင့် နိုင်ငံခြားရေး ဝန်ကြီးဌာနတို့ ပူးပေါင်း ဖွင့်လှစ် ပေးခဲ့ရာ မတ် ၈ရက် ည ၆နာရီတွင် နေပြည်တော် Park Royal Hotel ၌ သင်တန်းဆင်းပွဲ အခမ်းအနား ကျင်းပကြောင်း သိရသည်။

ပြည်ထဲ အရေးပေါက် နှင့်ကျေး၊ ကြက်ဥအရောင် တိမ်တောင်သဖွယ် မင်းရေးကျယ်ဟု ဆိုထားကြသည့် အားလျော်စွာ ကျယ်ပြန့် နက်နဲလှသော နိုင်ငံတစ်နိုင်ငံ၏ ပြည်တွင်းရေးသည်ပင် ရှုပ်ထွေးလျက်ရှိရာ နိုင်ငံအချင်းချင်း ချစ်ကြည် ရင်းနှီး ရေးမှာ ဆိုဖွယ်မရှိတော့ချေ။ ဤသို့ကျယ်ပြန့်နက်နဲ ရှုပ်ထွေးလှသော နိုင်ငံတကာရေးရာများတွင် အဓိကအခန်း ကဏ္ဍမှ ပါဝင်နေကြရသော သံတမန်တို့တာဝန်မည်မျှခက်ခဲမည်ကို မှန်းဆကြည့်လျှင် သိနိုင်ကြပေမည်။ မျက်မှောက် ကာလ နိုင်ငံတကာ ဆက်ဆံရေးသည် အမြဲတမ်းရန်သူ၊ အမြဲတမ်း မိတ်ဆွေဟူ၍မရှိ၊ အမြဲတမ်း အကျိုးစီးပွားသာ ရှိသည် ဟူသော တစ်ခေတ်တစ်ခါက ဗြိတိသျှနိုင်ငံရေး သုခမိန်နှင့် နိုင်ငံခြားရေး ဝန်ကြီး လော့ဒ်ပါမယ် စတန်၏ အယူ အဆသည် မျက်မှောက် ကာလ ကမ္ဘာ့နိုင်ငံများ၏ စစ်ရေး၊ နိုင်ငံရေး၊ စီးပွားရေး၊ လူမှုရေးနယ်ပယ် အသီးသီး၌ လွှမ်း မိုး နေကြောင်း တွေ့နိုင်ကြသည်။

မြန်မာ တို့သည် ပထမ မြန်မာနိုင်ငံတော် ပုဂံခေတ် ကစ၍  သံခင်းတမန်ခင်းကို ကျွမ်းကျင်သူများ ဖြစ်ကြောင်း  ဦးကျည် ပွေ့ ခေါ် အရှင်ဒိသာပါမောက်ကို သာဓကဆောင်ရပေမည်။ ကျစွာမင်း၊ ဥဇနာမင်း၊ နရပတေ့မင်းတို့ လက်ထက်အထိ အရှင်ဒိသာ ပါမောက်ကို ကိုးကွယ်ခဲ့ကြသည်။ နရပတေ့လက်ထက် သက္ကရာဇ် ၆၄၆ခုနှစ်တွင် ပုဂံပြည်သို့ ပြည်ပနိုင်ငံမှ စစ်ပြုရန် အင်အားအလုံးအရင်းဖြင့် ရောက်လာချိန်၌ စာတတ်ပေတတ် နှုတ်ရေးကောင်းသည့် အပြင်  ပညာအမြော် အမြင် နှင့်ပြည့်စုံသော အရှင်ဒိသာပါမောက်ကို ပြည်ပနိုင်ငံဘုရင်ထံသို့ စေလွှတ်လိုက်သည်။ အရှင်ဒိသာ ပါမောက်၏ လိမ္မာပါးနပ်သော အားထုတ်မှုကြောင့် ပုဂံပြည်ကိုစစ်ပြုရန် အင်အားအလုံးအရင်းဖြင့် ချီလာသော တပ်ကြီး ပြန်လည် ဆုတ်ခွာသွားသဖြင့် ပြည်သူများချမ်းသာရာရကြသည်မှာ ကျေးဇူးကြီးမား မှတ်သားဖွယ်ဖြစ်သည်။

ပင်းယခေတ်တွင် သက္ကရာဇ် ၇ဝ၄ ခုနှစ်မှ ၇၁၂ ခုနှစ်အထိ မင်းပြုသော ငါးစီးရှင်ကျော်စွာလက်ထက်၌ တစ်နေ့သောအခါ မင်းကြီး စားတော်ခေါ်ရန်ပြင်ဆင်နေစဉ် ရဟန်းယောင်တစ်ဦး လာ၍ဆွမ်းခံရာ မွန်းတည့်ခါနီး၌ ရပ်လာ၍ ရဟန္တာထင် သည်နှင့် ကြည်ညိုသဒ္ဓါ ပေါက်သွားသောမင်းကြီးက  စားတော်အားလုံးကို မစားဘဲ လှူလိုက်ပြီး မင်းချင်း တစ်ယောက် ကို လိုက်၍ကြည့် စေသည်။ ဇရပ်တစ်ခုသို့ ရောက်သော် မိန်းမက သပိတ်ကိုလှမ်းယူသဖြင့် ရဟန်းအစစ် မဟုတ်ကြောင်း မင်းချင်း သိလေပြီ။    ထိုအခါ မင်းချင်း၏စိတ်၌ကြံသည်မှာ အမှန်အတိုင်းလျှောက်သော် သဒ္ဓါကြည်ညိုပြီးသော မင်းကြီး စေတနာ ပျက်လိမ့်မည်။ မိမိကိုယ်တိုင်လည်း မျက်နှာရမည်မဟုတ်ဘဲ ရှင်ယောင်အတွက်လည်း ဒုက္ခရောက် လိမ့်မည်။ ထို့ကြောင့် မင်းကြီးသဒ္ဓါလည်းတိုးစေ၊ မိမိလည်းမျက်နှာရစေ၊ ရှင်ယောင်လည်းလွတ်စေ၊ မုသားလည်း လွတ်စေဟူသော ရည်ရွယ်ချက်ဖြင့် မင်းကြီးအား လျှောက်တင်ရာတွင် ''ကျွန်တော်လိုက်၍ ကြည့်ရာ ကြည့်စဉ်မှာပင် ထိုအရှင်သည် ရုပ်သွင် ကွယ်ပျောက် သွားပါသည်''ဟုလျှောက်တင်လိုက်သည်။

ပုဂံခေတ်က အရှင်ဒိသာပါမောက်၏ ဥာဏ်ပညာ အမြော်အမြင်နှင့် နှုတ်ရေး ပါးနပ်မှုကြောင့် ပြည်သူတို့ ချမ်းသာ ရကြသည်။ ပင်းယခေတ်က လိမ္မာသောမင်းချင်း ဆင်ခြင်တုံတရားနှင့် နှုတ်မှုရေးရာ ကျွမ်းကျင်မှုကြောင့် လူပုဂ္ဂိုလ်သုံးဦး တို့မှာ အကျိုးမယုတ်ဘဲ ပကတိအတိုင်းတည်နေနိုင်ကြသည်။    ထူးခြားသောဖြစ်ရပ် တစ်ခုမှာ ထိုနေ့၌ပင် ပင်းယပြည် စိုးက အလွန်ကောင်းသော မြင်းကြီးတစ်စီးကို မင်းကြီးထံဆက်သလာသောအခါ ဆွမ်းလှူလိုက်သည့်အကျိုးဟု မင်းကြီး အသိအမှတ်ပြုသည်ဟု ဆိုသည်။

မျက်မှောက်ကာလ နိုင်ငံတကာ နယ်ပယ်၌ အခင်းအကျင်း ကျယ်ပြန့်နေစဉ် စိတ်ရင်းစေတနာမှန်သော ဆက်ဆံရေး တည်ဆောက်ကြ သကဲ့သို့ အမြဲတမ်း အကျိုးစီးပွားသာ ရှိသည် ဟူသော ဆက်ဆံရေး တည်ဆောက်မှု များလည်း ရှိကြ ပေမည်။ စာဏကျနီတိ၌ သံတမန်အင်္ဂါခြောက်ပါးကိုဖော်ပြထားရာ သူ့စကားကိုပျက်အောင်ဖျက် နိုင်ရန် စကား တတ်ခြင်း၊ ဘာသာခြား စကားတတ်မြောက်ရေးသားနိုင်ခြင်း၊ သူတစ်ပါးစိတ်ကို သိတတ်ခြင်း၊ နက်နဲသော စကား တတ်ခြင်းတို့ ပါဝင်သည်။ ထို့ပြင် နာခံတော်ကြီးအင်္ဂါခုနစ်ပါး၌ စစ်ပွဲကိုကြည့်ရှု နားလည်ခြင်း၊ သတိရှိခြင်း၊ ဝီရိယ ရှိခြင်း တို့ ပါဝင်သည်။

ထို့ကြောင့်  ကျယ်ပြန့်နက်နဲ ရှုပ်ထွေးလှသော နိုင်ငံတကာ ဆက်ဆံရေးအတွက် အရေးပါသောသံခင်း တမန်ခင်းတွင် သက်ဆိုင်သူ အားလုံးတို့ အနေဖြင့်  ဥာဏ်ပညာ အမြော်အမြင် ကြီးမားမှု၊ ဆင်ခြင်တုံ တရားစွဲမြဲမှု၊ နှုတ်မှုရေးရာ ကျွမ်းကျင်မှုတို့  ပြည့်စုံအောင် ကြိုးစားကြသော် အောင်မြင်သော သံတမန်တစ်ဦးဖြစ်လာရန် အလားအလာကောင်း သည် ဟု မြဝတီက သုံးသပ်ရပါသည်။ 

Read 62 times Last modified on Monday, 11 March 2019 09:52