SJ WorldNews - шаблон joomla Авто

တိုက်ပွဲတစ်ရာ အောင်ပွဲတစ်ရာရစေကြောင်း

Sunday, 07 April 2019 08:38 font size decrease font size decrease font size increase font size increase font size

လတန်ခူးပေမို့၊ အလှထူးပါဘိ၊ မြမြဖူးရယ်တဲ့၊ ခိုင်ရွှေဝါဟူ၍ တန်ခူးလသာယာပုံကို စာရေးဖွဲ့ထားသည့် အားလျော်စွာ ရွက်သစ်ဝေ၍ သဘာဝပန်းကလေးများဖူးပွင့်ကြသော တန်ခူးလဆန်း ၁ ရက်တွင် တပ်မတော် (ကြည်း) ဗိုလ်သင်တန်းကျောင်း(ဗထူး)၌ ဗိုလ်လောင်းသင်တန်းအမှတ်စဉ်(၁၂၂) သူရတပ်ခွဲသင်တန်းဆင်းပွဲ အခမ်းအနားသို့ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မဟာသရေစည်သူမင်းအောင်လှိုင်(ကိုယ်စား) ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း)ဒုတိယဗိုလ်ချုပ်မှူးကြီး သီရိပျံချီစိုးဝင်း တက်ရောက်မိန့်ခွန်းပြောကြားသည်။ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း)ဒုတိယဗိုလ်ချုပ်မှူးကြီး သီရိပျံချီ စိုးဝင်းက မိန့်ခွန်းပြောကြားရာတွင် ''ရဲဘော်တို့သည် တပ်မတော်၏ အဓိကလုပ်ငန်းကြီးသုံးရပ်ဖြစ်သော နိုင်ငံတော် ကာကွယ်ရေးတာဝန်၊ လေ့ကျင့်ရေးတာဝန်နှင့် ပြည်သူ့အကျိုးပြုလုပ်ငန်းတာဝန်ဆိုသည့် အချက်များကို ကျေပွန်စွာထမ်းဆောင်နိုင်ရန်အတွက် ရုပ်ဝတ္ထုပိုင်းဆိုင်ရာနှင့် စိတ်ပိုင်းဆိုင်ရာ ကျန်းမာကြံ့ခိုင်နေရန် အထူးလိုအပ်ကြောင်း၊ ရုပ်ပိုင်းဆိုင်ရာကြံ့ခိုင်ရေးကောင်းရန်အတွက် တစ်ဦးချင်း ဆောင်ရွက်ရသည့် ကိုယ်လက်ကြံ့ခိုင်ရေးကစပြီး အဖွဲ့လိုက်ဆောင်ရွက်ရသော လေ့ကျင့်ခန်းများကိုလည်း သတ်မှတ်ထားသည့် ရည်မှန်းချက်အတိုင်း လေ့ကျင့်ဆောင်ရွက်နေရန်လိုအပ်ကြောင်း၊ ထို့ပြင် ကျန်းမာရေးကိုထိခိုက်စေမည့် အပြုအမူ၊ အနေအထိုင်က အစ ဆေးလိပ်၊ ကွမ်း၊ အရက်သေစာနှင့် မူးယစ်ဆေးဝါးများသုံးစွဲခြင်း လုံးဝ(လုံးဝ)မပြုလုပ်ရန် အလေးအနက်ထား မှာကြားလိုကြောင်း၊ စိတ်ပိုင်းဆိုင်ရာ ကြံ့ခိုင်မှုဖြစ်စေသည့် သုတ၊ ရသစာပေများအပြင် ဒို့နိုင်ငံ၏ ထင်ရှားသော သမိုင်းဝင် တိုက်ပွဲများနှင့် မြန်မာနှင့်ကမ္ဘာက ထင်ရှားသည့် စစ်ခေါင်းဆောင် အကြောင်းများပါသော စာအုပ်စာပေများကို ရှာဖွေဖတ်ရှုလေ့လာရန် လိုအပ်မှာဖြစ်ကြောင်း၊ စာဖတ်ခြင်းသည် အတွေးအခေါ်နှင့် အယူအဆများကို မြင့်မားစေသည့်အပြင် ကိုယ်ကျင့်တရားနှင့် အသိပညာကောင်းမွန်မှုများကို ရရှိစေနိုင်မည် ဖြစ်ကြောင်း၊ ခေါင်းဆောင်ငယ်များ ဖြစ်သည့် ရဲဘော်တို့ကိုယ်တိုင် ကျန်းမာကြံ့ခိုင်သလို လက်အောက် စစ်သည်များကိုလည်း ကျန်းမာသန်စွမ်းပြီး စိတ်ဓာတ်ခိုင်မာအောင် အစဉ်လေ့ကျင့်ပေးနေရန်လိုအပ်ကြောင်း၊ ဒါမှသာ စစ်မြေပြင်တွင် တိုက်ပွဲတစ်ရာ အောင်ပွဲတစ်ရာ ရရှိမည်ဖြစ်ကြောင်း'' အလေးအနက်ပြောကြားသည်။ လူတစ်ဦး၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာဖွံ့ဖြိုးရေးအတွက် စာမဖွဲ့လောက်သော အသေးအဖွဲကိစ္စ ကလေးများကို ပေါ့ပေါ့ဆဆသဘောထားပါက အလေ့အကျင့်မှ အလေ့အထဖြစ်သွား တတ်သည့် သဘာဝ ရှိသဖြင့် ကောင်းသောအလေ့အထသည် ကောင်းစရှိ ကောင်းချင်ချင်သဘောကိုကား အထူးပြောရန်မရှိပေ။ သို့သော် ဆိုးစရှိ ဆိုးချင်ချင်သဘောကိုကား ကိုယ်တိုင်စောကြော တွေးဆဆင်ခြင်နိုင်စွမ်းရှိရမည် ဖြစ်သည်။ ထို့ကြောင့် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း)က စာအုပ်စာပေများကို ရှာဖွေဖတ်ရှုလေ့လာကြရန် မှာကြားခြင်းဖြစ်သည်။ စာပေပညာရှင်ကြီးများက ဖတ်သင့်သော စာအုပ်စာပေကို ညွှန်ကြရာ၌ အရည်မရ အဖတ်မရ ကွမ်းနှင့်တူသောစာပေ၊ အရည်သာရ၍ အဖတ်မရ ကြံနှင့်တူသော စာပေ၊ အရည်ရောအဖတ်ပါရပြီး အာဟာရဖြစ်သည့် နို့မလိုင်နှင့်တူသောစာပေဟူ၍ သုံးမျိုးခွဲပြထားကြသည်။ ကွမ်းနှင့်တူသောစာပေမျိုးကို ဖတ်ရှုအချိန်မဖြုန်းဘဲ ကြံနှင့်တူသောစာပေ၊ နို့မလိုင်နှင့် တူသောစာပေတို့ကိုသာ ဖတ်ရှုလေ့လာသင့်ကြောင်းကိုလည်း တိုက်တွန်းထားသည်။ စာကောင်းပေကောင်းကို အဖော်ပြုနေသည့်အချိန်တွင် မိမိကြောင့် အခြားသူများအတွက် အနှောင့်အယှက် တစ်စုံတစ်ရာမရှိဘဲ စာအုပ်ထဲမှ ကျယ်ပြန့်လှသော ကမ္ဘာကြီးအတွင်း လှည့်လည်ကျက်စားပျော်မွေ့နေရခြင်းကြောင့် လူတိုင်းစာဖတ်ဝါသနာ ပါခြင်းသည် လူ့လောကလူ့ဝန်းကျင်အတွက် ကောင်းကျိုးပြုစေနိုင်သည်။ စာအုပ်စာပေတွင် လူမှုရေးရာအဖြာဖြာတို့အပြင် သိပ္ပံနှင့် နည်းပညာတိုးတက်ထွန်းကားသော အကြောင်းအရာများကိုပါ လေ့လာသိရှိမှတ်သားနိုင်သည်။ လူတစ်ဦးချင်းစီ၏ တိုးတက်မှုဖြစ်စေ၊ လူ့အဖွဲ့အစည်းတိုးတက်မှုဖြစ်စေ စာအုပ်စာပေမှတစ်ဆင့် နည်းနာခံယူ၍သော်လည်းကောင်း၊ လမ်းရိုးဟောင်းတွင် ဆင့်ကာထွင်၍သော်လည်းကောင်း တိုးတက်မှုကိုရရှိနိုင်မည်ဖြစ်သည်။ လူတို့သမိုင်းခေတ်အဆက်ဆက်တွင် အများအကျိုးသယ်ပိုးကြသူများအဖြစ် နယ်ပယ်မျိုးစုံမှ နာမည်ကျော်ကြားလူသိများသော ပုဂ္ဂိုလ်ကြီးများသည် စာဖတ်ဝါသနာကို အရင်းခံကြသူများသာဖြစ်သဖြင့် စာမဖတ်သူသည် တိုးတက်မှုရပ်နေသည်။ စာဖတ်သူသည် တိုးတက်နေသည်ဟူ၍ လည်းကောင်း၊ အသိဥာဏ်ကျယ်ပြန့်သူသည် တိုးတက်သူဖြစ်သည်ဟူ၍ လည်းကောင်း ဆိုရိုးစကားထားခဲ့ကြခြင်းဖြစ်သည်။ ထို့ကြောင့် စိတ်ကိုအသိဥာဏ်ကအုပ်စိုး၏။ အသိဥာဏ်ကို ဗဟုသုတကအုပ်စိုး၏။ ဗဟုသုတကို စာပေက အုပ်စိုး၏ဟူသော ဆရာကြီး ပီမိုးနင်း၏ အဆိုအမိန့်ကို လက်ဆင့်ကမ်းရင်း တပ်မတော်(ကြည်း)ဗိုလ်သင်တန်း ကျောင်း(ဗထူး)မှ ဗိုလ်လောင်းသင်တန်း အမှတ်စဉ်(၁၂၂) ကျောင်းဆင်းအရာရှိများ အနေဖြင့် တိုက်ပွဲတစ်ရာ အောင်ပွဲတစ်ရာရရှိအောင် စဉ်ဆက်မပြတ် လေ့လာ၊ လေ့ကျင့်၊ လိုက်နာကြပါရန် မြဝတီကထပ်လောင်းပြောကြား ဂုဏ်ပြုကြိုဆိုလိုက်ရပါသည်။

Read 24 times Last modified on Sunday, 07 April 2019 08:45