SJ WorldNews - шаблон joomla Авто

ကျေးငှက်သားရဲ တောမှာမြဲ၏

Tuesday, 09 April 2019 08:20 font size decrease font size decrease font size increase font size increase font size

အယ်ဒီတာ့အာဘော်

(၂ဝ၁၉ ခုနှစ်၊ ဧပြီလ ၉ ရက်)

ကမ္ဘာကြီးပူနွေးလာမှုနှင့်အတူ လူတို့ပယောဂကြောင့် သဘာဝပတ်ဝန်းကျင်ပျက်စီး လျက်ရှိရာတွင် သစ်ပင်ဝါးပင်များကို တရားမဝင်ခုတ်လှဲနေကြခြင်းသည် အကြောင်းရင်းတစ်ရပ် အဖြစ်ပါဝင်သည်။ သစ်ပင်ဝါးပင်များကို စည်းကမ်းမဲ့ခုတ်လှဲ ကြခြင်းကြောင့် တောင်များမှာ တောင်ကတုံးဖြစ်ပြီး တောင်ယာက ဖုန်းဆိုးဖြစ်၍ တောစိုက တောခြောက်ဖြစ်ကာ ရေထွက်များ ခန်းခြောက်ကာ မြေဆီမြေလွှာများမှာလည်း အထိန်းအကွပ်မခိုင်သဖြင့် ရေတိုက်စားရာ ပါသွားသည်။ တောပြုန်းရေခန်း လာသောအခါ သားငှက်တိရစ္ဆာန်တို့မှာလည်း မှီခိုစရာ ရှားပါးလာကြသည်။ ဤသို့သောအခြေ အနေများကိုကာကွယ်ရန် သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီးဌာန သစ်တောဦးစီးဌာနက  တောတောင် ခြောက်ခန်း လယ်ယာနွမ်း၏၊ ကျေးငှက်သားရဲ တောမှာမြဲ၏ဟူသော  သတိပေးစာတန်းကလေးများကို  အများပြည်သူ မြင်သာသော နေရာ၌ စိုက်ထူထားသည်။

နိုင်ငံတော်အစိုးရ၊ ပြည်သူနှင့် တပ်မတော်တို့က နိုင်ငံတော်၏ အဖိုးတန်သယံဇာတများအား တရားမဝင် ထုတ်ယူ ရောင်းချမှု မရှိရေး၊ ပတ်ဝန်းကျင်ပျက်စီးယိုယွင်းမှုမရှိရေး တို့ကို ဆောင်ရွက်နေကြချိန်မှာ ဘယ်သူသေသေ ငတေမာ ရင်ပြီးရော သဘောထားရှိကြသည့် လောဘသားတို့ကလည်း အတောမသတ်ကြချေ။ ကချင်ပြည်နယ် ဗန်းမော်ခရိုင် မံစီမြို့နယ် အတွင်း တပ်မတော်စစ်ကြောင်းများက နယ်မြေလုံခြုံရေးနှင့် စိုးမိုးရေးလုပ်ငန်းများဆောင် ရွက်လျက်ရှိစဉ် လေကြောင်း ကင်းထောက်မှုများအရ  ခလန်- ထိန်နု- မန်ချန်အနီးတစ်ဝိုက်၌ မြန်မာ့အဖိုးတန် သယံဇာတများအား တရားမဝင် ထုတ်လုပ်နေသည့် မသင်္ကာဖွယ်ရာလမ်းကြောင်းများ၊ ယာဉ်များနှင့် စုပုံထားသည့် သစ်များအား တွေ့ရှိခဲ့ သဖြင့် နိုင်ငံ့သယံဇာတများအား မိမိကိုယ်ကျိုးစီးပွားအတွက် တရားမဝင်ထုတ်လုပ်မှုများမရှိစေရန် အဆိုပါနေရာများသို့

သွားရောက်ဖော်ထုတ်ခြင်းများ ဆောင်ရွက်ခဲ့သည်။

ထိုသို့ဖော်ထုတ်ခြင်းများ ဆောင်ရွက်ခဲ့ရာ မတ် ၂၉ ရက်မှ ဧပြီ ၅ ရက်အတွင်း မံစီမြို့နယ် ခလန်- ထိန်နု-မန်ချန် တစ်ဝိုက်မှ စုစုပေါင်း ကျွန်းသစ်လုံးနှင့် ခွဲသားဆိုဒ်စုံ ၈၆ တန်ခွဲခန့်၊ သစ်ထုတ်လုပ်ရာတွင် အသုံးပြုသည့်  သစ်တင်ယာဉ် ၄၄ စီး၊ Wheel Loader လေးစီး၊ ဘက်ဟိုးယာဉ်တစ်စီး၊ မြန်မာနိုင်ငံသားနှစ်ဦးနှင့် တရုတ် နိုင်ငံသား ၁၃ ဦးတို့ကို ဖမ်းဆီး ရမိခဲ့သည်။ ဖမ်းဆီးရမိသူများ၊ တရားမဝင်သစ်များနှင့် ယာဉ်များအား သက်ဆိုင်ရာ မြို့နယ်သစ်တော ဦးစီးဌာနများသို့  လွှဲပြောင်း အပ်နှံခဲ့ပြီးဖြစ်ကြောင်းနှင့် မြန်မာ့အဖိုးတန် သယံဇာတများအား ကိုယ်ကျိုးစီးပွားအတွက် တရားမဝင် ထုတ်လုပ်နေ မှုများကို တားဆီးကာကွယ်ရန်အတွက် တပ်မတော်လုံခြုံရေးစစ်ကြောင်းများက ဆက်လက်ရှာဖွေ ဖော်ထုတ် ဖမ်းဆီးလျက်ရှိကြောင်း သတင်းရရှိသည်။

စစ်ကိုင်းတိုင်းဒေသကြီး  မင်းကင်းမြို့နယ်အတွင်း  လုံခြုံရေးဆောင်ရွက်နေသည့် ပူးပေါင်းအဖွဲ့သည် ဧပြီ ၂ ရက် နံနက် ၁ဝ နာရီခန့်တွင် ရှဲကျေးရွာ၏မြောက်ဘက် မီတာ ၁ဝဝဝ ခန့်အကွာသို့အရောက်၌ တရားမဝင်အင်သစ်လုံး(ခန့်မှန်း ၃ ဒသမ ဝ၉၄ တန်)နှင့် အင်သစ်ခွဲသားဆိုဒ်စုံ (ခန့်မှန်း သုည ဒသမ ၆၅၄၂ တန်)ကို ပိုင်ရှင်မဲ့တွေ့ရှိသိမ်းဆည်းရမိ ခဲ့သည်။ ထို့ပြင် ပူးပေါင်းအဖွဲ့သည် မွန်းလွဲ ၂ နာရီခန့်တွင် မောက္ကတော်ကျေးရွာ၏ အနောက်တောင်ဘက် မီတာ ၁ဝဝဝ ခန့်အကွာ၌ တရားမဝင်ကညင်သစ်လုံး(ခန့်မှန်း ၅ ဒသမ ၈၃၈ တန်)နှင့် အင်ပင်လှကျေးရွာ၏အနောက်ဘက် မီတာ ၅ဝဝ ခန့်အကွာ၌ တရားမဝင်ကညင်သစ်လုံး(ခန့်မှန်း ၃ ဒသမ ၂၉၆ တန်)တို့ကို  ပိုင်ရှင်မဲ့ထပ်မံတွေ့ရှိ သိမ်းဆည်းရမိခဲ့ သည်။ အဆိုပါသိမ်းဆည်းရမိ တရားမဝင်သစ်များအား မင်းကင်းမြို့နယ် သစ်တောဦးစီးဌာနသို့ စနစ်တကျ လွှဲပြောင်း အပ်နှံခဲ့ကြောင်း သတင်းရရှိသည်။ ရှမ်းပြည်နယ် (တောင်ပိုင်း) မိုးနဲမြို့နယ် ကျိုင်းတောင်းမြို့ အမှတ်(၇)ရပ်ကွက်၌ ဧပြီ ၅ ရက် နံနက် ၈ နာရီခွဲက နေအိမ်ခြံဝင်း အတွင်းမှ ကျွန်းသစ်ခွဲသားဆိုဒ်စုံ (၂ ဒသမ ၇၄၅၆ တန်)၊ ၂၂ ကောင် တရုတ်အင်ဂျင် တစ်လုံးနှင့် ဆက်စပ် ပစ္စည်းများအား ပူးပေါင်းအဖွဲ့က ရှာဖွေသိမ်းဆည်း ရမိသဖြင့် ကျိုင်းတောင်း နယ်မြေ ရဲစခန်းက ဥပဒေအရ ဆက်လက် ဆောင်ရွက်ထားကြောင်း သိရသည်။

ထို့ကြောင့် တောစိုကတောခြောက်ဖြစ်၍ ရေထွက်များလည်းမခန်းစေရန်၊ ကျေးငှက် သားရဲတို့လည်း တောမှာမြဲကြ စေရန်၊ သစ်ပင်နှင့် ဝါးပင်များအား တရားမဝင်ခုတ်လှဲခြင်းများကို ရှောင်ကြဉ်ကြပါရန် မြဝတီက တိုက်တွန်း နှိုးဆော် လိုက်ရ ပါသည်။   

 

 

Read 65 times Last modified on Tuesday, 09 April 2019 08:23