SJ WorldNews - шаблон joomla Авто

ရန်ကုန်မှာ ပြန်ဆုံကြတော့မည်

Tuesday, 23 April 2019 10:10 font size decrease font size decrease font size increase font size increase font size

မြန်မာနိုင်ငံ လွတ်လပ်ရေးရသည့် ၁၉၄၈ ခုနှစ်နောက်ပိုင်း ရန်ကုန်တိုင်း ဒေသကြီးအတွင်းနေထိုင်သော လူဦးရေ စုစုပေါင်းခြောက်သိန်းခန့်သာ ရှိရာမှ ၂ဝ၁၃ ခုနှစ်တွင် လူဦးရေ ၆ ဒသမ ၂ သန်းအထိ တိုးတက်လာကြောင်း လွှတ်တော် အစည်းအဝေးများတွင် ပြည်ထဲရေး ဝန်ကြီးဌာနမှ ဒုတိယဝန်ကြီးက ရှင်းလင်း ပြောကြားခဲ့ဖူးသည်။ နှစ်စဉ်လူဦးရေ တိုးတက်ရသည့် အကြောင်းရင်းများတွင် ရန်ကုန်တိုင်းဒေသကြီးအတွင်း စက်မှုဇုန်များ တည်ဆောက်ထားခြင်းကြောင့် အလုပ်အကိုင်အခွင့်အလမ်း ရရှိနိုင်မှုအဓိကဖြစ်ပြီး အထူးသဖြင့် ၂ဝဝ၈ ခုနှစ် မေ ၂ ရက်က ဧရာဝတီတိုင်းအတွင်း တိုက်ခတ်ခဲ့သော နာဂစ်မုန်တိုင်းဒဏ် ခံရသော ဒေသခံများ လာရောက်ကြခြင်းဖြစ်သည်။

မြို့နေလူဦးရေ များပြားလာသဖြင့် စားဝတ်နေရေး အတွက် စီးပွားရေး၊ လူမှုရေးကိစ္စများတွင်လိုအပ်ချက် ပိုများလာသည့်အနက် သယ်ယူပို့ဆောင်ရေး အပါအဝင်ဖြစ်သည်။ ၂ဝ၁၃ ခုနှစ်ကသယ်ယူပို့ဆောင်ရေး အခြေအနေမှာ ယာဉ်လိုင်းပေါင်း ၃၉၅ လိုင်းမှ မော်တော်ယာဉ်စီးရေ ၆၃၃၈ စီးဖြင့် ဝန်ဆောင်မှုပေးကြောင်း သိရသည်။ ထိုအချိန်က ရန်ကုန်တိုင်း ဒေသကြီးအတွင်း စုစုပေါင်း မော်တော်ယာဉ်စီးရေ ၂ ဒသမ ၅ သိန်းကျော်၊ မော်တော်ဆိုင်ကယ်ငါးသိန်းကျော်၊ ထော်လာဂျီနှင့် သုံးဘီးအနှေးယာဉ် အပါအဝင် အခြားယာဉ်မျိုးစုံ ၃ ဒသမ ၆ သန်းကျော် ရှိသည်။

ရန်ကုန်မြို့တော်  အများပြည်သူ သယ်ယူပို့ဆောင်ရေးအဖွဲ့တွင်  ယာဉ်ထိန်းရဲ တပ်ဖွဲ့ဝင် စုစုပေါင်း ၈၂၅ ဦး ပါဝင်ကြသည်။ ထိုအချိန်က ရန်ကုန်မြို့တော်လူဦးရေနှင့် မော်တော်ယာဉ်အချိုးအစားမှာ လူ ၁ဝဝဝ လျှင် မော်တော်ယာဉ် ၃၉ စီးရှိကြောင်း သိရသည်။

မြန်မာနိုင်ငံ၏ ဒုတိယမြို့တော်နှင့် စီးပွားရေးမြို့ဖြစ်သော ရန်ကုန်မြို့၏ လူဦးရေနှင့် မော်တော်ယာဉ် အရေအတွက်သည် ၂ဝ၁၃ ခုနှစ်ကထက် တိုးပွားလာသဖြင့် လိုအပ်ချက်တွေကလည်း ပိုများလာသည်။ လူဦးရေ ထူထပ်သော ရန်ကုန်မြို့နေပြည်သူများ သင့်တင့်သော ဈေးနှုန်းဖြင့် ဝယ်ယူစားသုံးနိုင်ရန် ကိုယ်တိုင်စိုက်၊ ကိုယ်တိုင်မွေးသော စိုက်ပျိုးရေး ထွက်ကုန်သီးနှံများနှင့် မွေးမြူရေး ထွက်ကုန် သား၊ ငါးနှင့်ဥတို့ကို အခွန်လွတ်ဈေးများ ဖွင့်လှစ်၍ နေ့စဉ်ရောင်းချပေးသည့်စနစ်ကို ၂ဝဝဝ ပြည့်နှစ်ဝန်းကျင်က ဆောင်ရွက်ခဲ့ဖူးသည်။ ၂ဝ၁၈ ခုနှစ် မေလတွင် ဆိုင်ခန်းပေါင်း ၂ဝ ဖြင့်စတင်ဖွင့်လှစ်သော ရန်ကုန် တောင်သူလယ်သမား ထွက်ကုန်ဈေးကွက်(့ Yangon Farmer Market)ကို ကန်တော်ကြီး ကရဝိက်ဥယျာဉ်ကုန်းမြင့်နေရာ၌ တည်ဆောက်ပြီး အပတ်စဉ် စနေနေ့တိုင်း ရောင်းချပေးလျက်ရှိရာ ယခုနှစ် ဧပြီ ၂ဝရက်တွင် ၄၇ ကြိမ်ရှိပြီဖြစ်သည်။

ရန်ကုန် တောင်သူလယ်သမား ဈေးကွက်၌ ရောင်းချပေးသော  စားသုံးသီးနှံများသည် သဘာဝနည်းဖြင့် စိုက်ပျိုးထားပြီး ကျန်းမာရေးနှင့် ညီညွတ်သော သီးနှံများကိုသာ ရောင်းချခွင့်ပြုသည်။ စားသုံးသီးနှံနှင့် အရွက်များအပြင် မွေးမြူရေးထွက်ပစ္စည်းများ၊ ဝါးဖြင့်ပြုလုပ်ထားသော ထုတ်ကုန်များ၊ သဘာဝနည်းဖြင့် ပြုလုပ်ထားသော မုန့်မျိုးစုံအရောင်းဆိုင်များ၊ ပြည်ပမှ ကုန်ကြမ်းမှာယူပြီး ကိုယ်ပိုင်ဟန်ဖြင့် ထုတ်လုပ်ထားသော ပစ္စည်းများကိုသာ ဆန်းစစ်လေ့လာရွေးချယ်ပြီး ဆိုင်ခန်းခ ပေးဆောင်ရန်မလိုဘဲ အခမဲ့ရောင်းချခွင့်ပြုကြောင်း သိရသည်။ စားသုံးသူ များအတွက် ကျန်းမာရေးနှင့် ညီညွတ်စေရန် ဓာတုဆေးဝါး ကင်းလွတ်သော သီးနှံနှင့်အရွက်များ၊ မုန့်များကိုသာ ရောင်းချပေးသော ရန်ကုန်တောင်သူလယ်သမား ထွက်ကုန်ဈေးကွက်သို့ ရန်ကုန်မြို့ပေါ်မှ ပြည်သူများ  လာရောက်ဝယ်ယူကြသလို  နိုင်ငံခြားသားများပါ လာရောက် ဝယ်ယူကြသဖြင့် တဖြည်းဖြည်း ဝယ်လိုအား မြင့်လာနိုင်ကြောင်း သိရသည်။ ထူးခြားမှုအနေဖြင့် ဝယ်လိုအား များလာလျှင် ဈေးနှုန်းတက်ရမည့်အစား ဝယ်လိုအား များလာလျှင် ဈေးနှုန်း လျှော့ရောင်းနိုင်မည်ဟု မျှော်လင့်ကြောင်း၊ နောက်တစ်ခုမှာ ပလတ်စတစ် ထုပ်ပိုးပစ္စည်း သုံးစွဲမှုလျှော့ချ ပပျောက်ရေးကိုလည်း တောင်သူလယ်သမား ထွက်ကုန်ဈေးကွက်မှ လှုံ့ဆော်ပညာပေးနေကြောင်း သိရသည်။

တောင်သူလယ်သမား ထွက်ကုန်ဈေးကွက်သို့ ရန်ကုန်တိုင်း ဒေသကြီး၊ ပဲခူးတိုင်းဒေသကြီး၊ ရှမ်းပြည်နယ်နှင့် အခြားတိုင်းဒေသကြီး၊ ပြည်နယ်တို့မှ သဘာဝနည်းစနစ်ဖြင့် စိုက်ပျိုးထားသော သီးနှံနှင့် အရွက်အရောင်းဆိုင်များ၊ မွေးမြူရေးထွက်ပစ္စည်းများ၊ ဝါးဖြင့်ပြုလုပ်ထားသော ပစ္စည်းများကိုပြသထားရာ အပတ်စဉ် စနေနေ့တိုင်း နံနက် ၈ နာရီမှ ၁၁ နာရီအထိ လာရောက် ဝယ်ယူနိုင်ကြသည်။ စိုက်ပျိုးရေး ထွက်ကုန်နှင့် လက်မှုလုပ်ငန်းကုန်ထုတ် လုပ်ငန်းများမှ ထွက်ကုန်များကို ရောင်းချလိုသူများ အနေဖြင့် Yangon Farmer Market လူမှုကွန်ရက် စာမျက်နှာမှတစ်ဆင့် ဆက်သွယ် ဆောင်ရွက်နိုင်ကြောင်း ကြေညာထားသည်။

ထို့ကြောင့်  တိုင်းဒေသကြီးနှင့် ပြည်နယ်အသီးသီးရှိ  စိုက်ပျိုးမွေးမြူရေး လုပ်ငန်းများ၊ အငယ်စားစက်မှု၊ လက်မှုကုန်ထုတ် လုပ်ငန်းငယ်များမှ စားသောက်ကုန်များနှင့် အိမ်သုံး၊ လူသုံးကုန်ပစ္စည်း မျိုးစုံတို့ ရန်ကုန်မှာဆုံတွေ့ကြရန် အခွင့်အလမ်း သာနေပြီဖြစ်ကြောင်း မြဝတီက ထပ်လောင်း ဖိတ်ခေါ်အပ်ပါသည်။ 

Read 58 times Last modified on Tuesday, 23 April 2019 10:12