SJ WorldNews - шаблон joomla Авто

ဆတ်ရိုးကျကြယ်စင် မြစ်ပြင်မှာတံတား

Wednesday, 24 April 2019 08:45 font size decrease font size decrease font size increase font size increase font size

အင်းဝခေတ်ရဟန်းစာဆို ရှင်မဟာရဋ္ဌသာရသည် ရခိုင်ဒေသသို့ ခေတ္တရောက်ရှိနေစဉ် မိမိဒေသသို့ သတိရ လွမ်းဆွတ်တမ်းတပုံကို ''နှစ်ကူးလည်၍၊ မိုးစည်ပျံ့ပျူး၊ ဆော်ရိုက်ကျူးက'' အစချီ၍ ''မြော်မဆုံးသည်၊ နှလုံးများဖွယ်ရှိလှ၏''ဟူ၍ လည်းကောင်း၊ ''ထစ်ကျူးမြည်၍၊ တိမ်ခြည်မမြင်၊ ထက်ကောင်းကင်က'' အစချီ၍ ''စိတ်ရွှင်ကြည်ဆုံး၊ သီတင်းသုံးသည်၊ အဆုံးဖျားဝယ်ငြိလှ၏''ဟူ၍ လည်းကောင်း၊ ''ရှစ်ဦးတည်၍၊ ရွှေပြည်ရွှေနန်း၊ ရွှေဘုံကွန်းဝယ်'' အစချီ၍ ''မပျော်နှလုံး၊ မရွှင်ပြုံးသည်၊ ပခုံးပါးဝယ်ထိလှ၏'' ဟူ၍ လည်းကောင်း  အင်းဝနေပြည်တော်သို့ တမ်းတရတုသုံးပိုဒ် ရေးဖွဲ့ထားသည်။

ရှင်မဟာရဋ္ဌသာရသည် အင်းဝနေပြည်တော်မှ ရခိုင်ဒေသသို့ ရောက်ရှိသည်မှာ တစ်နှစ်ကြာချိန်၌  မိုးသံလေသံကြားရချိန်တွင်  နေပြည်တော်သို့ လွမ်းဆွတ်မည်ဆိုလျှင် လွမ်းဆွတ်လောက်ပါသည်။

ရခိုင်ပြည်နယ်၏ အနောက်ဘက်တွင် ကပ္ပလီပင်လယ်ကြီးက အပြောကျယ်သလောက် ရခိုင်ရိုးမ တောင်တန်းကြီးကလည်း မြင့်မောက်လှသည်။ လမ်းခရီး ဆက်သွယ်ရေးမှာလည်း တောအထပ်ထပ် တောင်အသွယ်သွယ်တို့ကြား စီးဆင်းနေသော မြစ်ငယ်၊ ချောင်းငယ်တို့ကို ဖြတ်ကျော်ရခြင်းကြောင့် ကုန်းတစ်တန်ရေတစ်တန် သွားလာကြရသဖြင့် ပင်ပန်းလှသည်။ ယနေ့ခေတ်တွင် ရခိုင်ပြည်နယ်အတွင်း သွားလာရေးနှင့် ညီအစ်ကို တိုင်းဒေသကြီး၊ ပြည်နယ် များသို့ သွားလာရေး လွယ်ကူချောမွေ့လျက်ရှိရာ ကုန်းကြောင်း၊ ရေကြောင်း၊ လေကြောင်းခရီးတို့ဖြင့် ကူးသန်းသွားလာ နေကြသည်။

ပြည်ထောင်စုသမ္မတ မြန်မာနိုင်ငံတော်၏ တိုင်းဒေသကြီးများနှင့် ပြည်နယ်အသီးသီးရှိ လူဦးရေနှင့် အိမ်အကြောင်းအရာ သန်းခေါင်စာရင်းကို ၂ဝ၁၄ ခုနှစ်က ကောက်ယူခဲ့ရာ ရခိုင်ပြည်နယ်မှ စစ်တွေ၊ မြောက်ဦး၊ကျောက်ဖြူ၊ မောင်တောနှင့် သံတွဲခရိုင်တို့ အတွင်းရှိသော မြို့နယ်များ၌ နေထိုင်သူလူဦးရေ စုစုပေါင်း သုံးသန်းကျော်ရှိကြောင်း သိရသည်။ ဧရိယာ အကျယ်အဝန်းအားဖြင့် စတုရန်းကီလိုမီတာ  ၃၆၇၇၈ ဒသမ ၁ ကျယ်ဝန်းသော ရခိုင်ပြည်နယ်အတွင်း လူဦးရေ သိပ်သည်းဆမှာ စတုရန်း တစ်ကီလိုမီတာအတွင်း ၈၆ ဒသမ ၇ ဦး နေထိုင်လျက်ရှိကြသည်။ လူဦးရေ စုစုပေါင်းမှ အသက် ၁၅ နှစ်မှ ၆၄ နှစ်အတွင်း အလုပ်လုပ်နိုင်သော လူဦးရေ ၆၂ ဒသမ ၂ ရာခိုင်နှုန်း၊ အသက် ၆၅ နှစ်နှင့်အထက် သက်ကြီးရွယ်အို ၆ ဒသမ ၇ ရာခိုင်နှုန်း၊ အသက် ၁၄ နှစ်ထက် ငယ်ရွယ်သူ ဦးရေ ၃၁ ဒသမ ၁ ရာခိုင်နှုန်းအသီးသီးရှိကြသည်။   ပြည်နယ်အတွင်း နေထိုင်သူ ဦးရေ စုစုပေါင်းမှ အသက် ၁၅ နှစ်နှင့်အထက် စာတတ်မြောက်မှုနှုန်းမှာ ၈၄ ဒသမ ၇ ရာခိုင်နှုန်းနှင့် အလုပ်အကိုင် ရရှိမှု ၅၂ ဒသမ ၆ ရာခိုင်နှုန်း ရှိကြောင်း သိရသည်။

ပြည်ထောင်စုကြီးအတွင်း မှီတင်းနေထိုင်ကြသော တိုင်းရင်းသား ညီအစ်ကို မောင်နှမများ အားလုံး ရှေးခေတ်ကလို လူလည်းတစ်ထွေ ရေလည်းတခြား မရှိကြစေရန် ၁၉၈၈ ခုနှစ်နောက်ပိုင်း လမ်းခရီးဆက်သွယ်ရေး လုံခြုံချောမွေ့မှုရှိအောင် အဆင့်မြှင့် ဆောင်ရွက်ထားရာတွင် ပဲခူးတိုင်းဒေသကြီး ပြည်မြို့မှ ဧရာဝတီမြစ် အနောက်ဘက်ကမ်းရှိ ပန်းတောင်းမှတစ်ဆင့် ရခိုင်ပြည်နယ်သို့သွားနိုင်သော မော်တော်ကားလမ်း၊ မကွေးမြို့မှ ဧရာဝတီမြစ် အနောက်ဘက်ကမ်းသို့ကူး၍ မင်းဘူးမှတစ်ဆင့် ရခိုင်ပြည်နယ်သို့ သွားနိုင်သော မော်တော်ကားလမ်းတို့ကို ဖောက်လုပ်ထားပြီးဖြစ်သည်။ မြန်မာသက္ကရာဇ် ၁၃၈ဝ ပြည့်နှစ်ကုန်၍ ၁၃၈၁ ခုနှစ်သို့ ကူးပြောင်းသည့်ကာလတွင် ရခိုင်ပြည်နယ်အတွင်း ကုန်စည်စီးဆင်းမှုနှင့် ခရီးသွားပြည်သူများ အဆင်ပြေစွာ သွားလာနိုင်ရေးအတွက် အထောက်အကူပြုပေးနေသည့် ဆတ်ရိုးကျချောင်းတံတား၊ ကြယ်စင်မြစ်ကူးတံတား၊ တိမ်ညိုတံတားနှင့် ဒါးလက်ချောင်း တံတားတို့ တည်ဆောက်မှု ရာနှုန်းပြည့် ပြီးစီးနေပြီဖြစ်သဖြင့် ပြည်သူများ အဆင်ပြေစွာ သွားနိုင်ကြပြီဖြစ်ကြောင်း ကြားသိရသည်။

ဆတ်ရိုးကျချောင်းတံတားသည် ပြည်နယ်အစိုးရ ရန်ပုံငွေဖြင့် ၂ဝ၁၆ ခုနှစ် ဒီဇင်ဘာမှ စတင်တည်ဆောက်ခဲ့ရာ ၂ဝ၁၉ ခုနှစ် ဖေဖော်ဝါရီလတွင် ပြီးစီးသည်။ တံတားအရှည် ၁၆၄၂ ပေရှိသော  သံမဏိသံပေါင် အမျိုးအစားဖြစ်ပြီး အောက်ထည်ကို သံကူကွန်ကရစ် ဘိုးပိုင်ဖြင့် တည်ဆောက်ထားသည်။ ထို့အတူ ဒါးလက်ချောင်းကူး တံတားကို မင်းဘူး-အမ်း-စစ်တွေလမ်း မိုင်တိုင်အမှတ်(၂၆/၇)နှင့် (၂၇/ဝ)၌ ပြည်ထောင်စုရန်ပုံငွေဖြင့် တည်ဆောက်ခဲ့ရာ တံတားအရှည်ပေ ၉၆ဝ ရှိသည့် ဘေလီတံတားအမျိုးအစားဖြစ်သည်။ မြေပုံမြို့နယ်နှင့် မင်းပြားမြို့နယ်တို့ကို ဆက်စပ်ပေါင်းကူး ပေးမည့် ကြယ်စင်မြစ်ကူး တံတားသည် အရှည်ပေ ၁၉၂ဝ ရှိသည်။မြောက်ဦးမြို့နယ် အတွင်းရှိ မင်းဘူး-အမ်း-စစ်တွေ ပြည်ထောင်စု လမ်းမကြီး မိုင်တိုင်အမှတ်(၁၂ဝ/၃)နှင့် (၁၂ဝ/၄)ကြား တိမ်ညိုတံတားသည် အရှည်ပေ ၃၆ဝ ရှိသော တံတားဖြစ်သည်။

ထို့ကြောင့် ဆတ်ရိုးကျကြယ်စင် မြစ်ပြင်မှာတံတား။ လမ်းသွားလို့ အချိန်တို၊ တိမ်ညိုနှင့် ဒါးလက်ချောင်း၊ ပေါင်းကူးကာထား ဟူ၍ ဒေသခံပြည်သူများအတွက် မြဝတီက မုဒိတာ ပွားလိုက်ရပါသည်။   

Read 67 times Last modified on Wednesday, 24 April 2019 08:46