SJ WorldNews - шаблон joomla Авто

ပူးပေါင်း ဆောင်ရွက်မှု အရှိန် တိုးမြှင့်

Wednesday, 01 May 2019 07:48 font size decrease font size decrease font size increase font size increase font size

ယနေ့ ၂ဝ၁၉ ခုနှစ် မေ ၁ ရက်သည် ကမ္ဘာ့အလုပ်သမားနေ့ဖြစ်သည်။ ကမ္ဘာ့နိုင်ငံအချို့တွင် စက်မှုထွန်းကား လာသောအခါ အလုပ်သမားတို့ စိုက်ထုတ် လုပ်ကိုင်ရသော ကာယ၊ ဥာဏ စွမ်းအားနှင့်ရရှိသော လုပ်အားခ မမျှတခြင်းကြောင့် အလုပ်ရှင်နှင့် အလုပ်သမားဆက်ဆံရေး မပြေမ လည်ဖြစ်ကြရသည်။

ရင်းနှီးမြှုပ်နှံသူ လုပ်ငန်းရှင်တို့၏ အမြတ်တင်စီးလောဘမီးသည် ကာယ၊ ဥာဏလုပ်သားတို့အပေါ် အပူရှိန်ဟပ်လာသောအခါ အလုပ်သမားတို့မှာ ဝမ်းမဝမျှမညီဖြစ်ရာမှ လူလည်းချုံး စိတ်လည်းနုံးကာ လူမွဲဘဝတွင် သံသရာလည်လျက် မိသားစုစားဝတ်နေရေး၊ ပညာရေး၊ ကျန်းမာရေးတို့ နိမ့်ကျနေကြရသည်။ ဤသို့သော အခြေအနေများမှ လွတ်မြောက်ရန် လုပ်အားနှင့် လုပ်ခမျှတရေးကို အလုပ်သမား တို့ကတောင်းဆိုကြသော်လည်း အလုပ် ရှင်တို့က လျစ်လျူရှုခဲ့ကြသည်။ ထို့ကြောင့် ၁၈၈၉ ခုနှစ်တွင် ပြင်သစ်နိုင်ငံ ပဲရစ်မြို့၌ ကျင်းပသော ကမ္ဘာ့အလုပ်သမား ညီလာခံက အလုပ်သမား တစ်ဦးအတွက် အလုပ်ချိန်ကို တစ်နေ့ ရှစ်နာရီသတ်မှတ်ပေးပြီး နှစ်စဉ် မေ ၁ ရက် ကို ကမ္ဘာ့အလုပ်သမားနေ့အဖြစ် သတ်မှတ်ပေးသည်မှာ ယနေ့ဆိုလျှင်နှစ်ပေါင်း ၁၃ဝ ပြည့်ပြီဖြစ်သည်။

ပဲရစ်မြို့၌ ကမ္ဘာ့အလုပ်သမား ညီလာခံ ကျင်းပသည့် ၁၈၈၉ ခုနှစ်သည် မြန်မာတစ်နိုင်ငံလုံး ဗြိတိသျှကိုလိုနီ လက်အောက် ကျရောက်ခဲ့သည်မှာ လေးနှစ်ကြာသော ကာလဖြစ်သည်။ သို့သော် မြန်မာနိုင်ငံသား အလုပ်သမားတို့မှာ ပဲရစ်ညီလာခံက ချမှတ်လိုက်သော အကျိုးခံစားခွင့်များကို မရရှိကြသဖြင့် အလုပ်ရှင်နှင့် အလုပ်သမားပြဿနာ အများဆုံးပေါ်ပေါက်သည့် နေရာသည် ချောက်ရေနံ မြေဖြစ်ပြီး ဆိပ်ကမ်းကုန်တင် ကုန်ချလုပ်ငန်းနှင့် ဧရာဝတီ သင်္ဘော ကုမ္ပဏီတို့တွင်လည်း အလုပ်ရှင်နှင့် အလုပ်သမား ပြဿနာများ ပေါ်ပေါက်ခဲ့သည်။ ဆိပ်ကမ်းကုန်တင်ကုန်ချ အလုပ်သမားပြဿနာကို ဗြိတိသျှတို့က ဖြေရှင်းရန်ကြိုးစားကြရာ၌ ပြည်ပမှ လာရောက်လုပ်ကိုင်ကြ သောအ လုပ်သမားများနှင့် မြန်မာနိုင်ငံသား အလုပ်သမားတို့ ဘဝတူ အချင်းချင်း ပဋိပက္ခဖြစ်စေသော နည်းလမ်းအသုံးပြုခဲ့ကြသည်။

ချောက်ရေနံမြေမှ သခင်ဖိုးလှကြီး ဦးဆောင်သော အလုပ်သမားများသည် ၁၉၃၈ ခုနှစ်တွင် မိုင် ၄ဝဝ ကျော်ကွာဝေးသော ရန်ကုန်မြို့သို့ချီတက်၍ အလုပ်သမားများဘဝ မြှင့်တင်ရေး တောင်းဆိုမှုသည် မြန်မာနိုင်ငံလုံးဝ လွတ် လပ်ရေးဆီသို့ အရောက်လှမ်းရန် ခြေလှမ်းစတင် လိုက်ခြင်းဖြစ်သည်။ လွတ်လပ်ရေးရပြီးနောက် မြန်မာနိုင်ငံ အလုပ်သမားတို့၏ အခန်းကဏ္ဍသည် နိုင်ငံရေး၊ စီးပွားရေး၊ လူမှုရေးနယ်ပယ် အသီးသီး၌ အရေးပါလျက်ရှိရာ နိုင်ငံတော် တည်ဆောက်ရေးနှင့် ဖွံ့ဖြိုး တိုးတက်ရေး လုပ်ငန်းတို့တွင် ကမ္ဘာ့နိုင်ငံများနှင့် ရင်ပေါင်တန်းနိုင်အောင် နိုင်ငံတော်အစိုးရ၏ ဦးဆောင်မှုဖြင့် ကြိုးစားဆောင်ရွက်နေကြသည်။

မြန်မာနိုင်ငံသည် ဒေသတွင်းဆိုင်ရာ အလုပ်သမားရေးရာ ကိစ္စရပ်များကို အာဆီယံအဖွဲ့ဝင် နိုင်ငံများနှင့် ပူးပေါင်းဆောင်ရွက်လျက်ရှိပြီး တစ်ပြိုင်နက်တည်းမှာပင် အပြည်ပြည်ဆိုင်ရာ အလုပ် သမားရေးရာ အဖွဲ့ချုပ် (ILO)နှင့်ပူးပေါင်းဆောင်ရွက်လျက်ရှိသည်။ နိုင်ငံသားများအတွက် သင့်လျော် ကောင်းမွန်သော အလုပ်အကိုင်အခွင့်အလမ်းများရရှိရေးနှင့် ရေရှည်တည်တံ့သော စွန့်ဦးတီထွင် စီးပွားရေး အခွင့်အလမ်းများကို အလုပ်လုပ်နိုင်သူများ ပိုမိုလက်လှမ်းမီရေး၊ အလုပ်သမား ဈေးကွက် စီမံအုပ်ချုပ်မှု ပိုမိုကောင်းမွန်လာခြင်းအားဖြင့် အလုပ်ခွင်များ၌ အခြေခံစည်းမျဉ်းနှင့် အခွင့်အရေးများ ကျင့်သုံးမှုပိုမို အားကောင်းလာစေရေး၊ ထိခိုက်လွယ်သော အလုပ်သမားနှင့် ပြည်သူများအတွက် လူမှုအကာအကွယ်ပေးမှု အကျုံးဝင်စေရန် တိုးချဲ့ရေးဟူသော ဦးတည်ချက်များကို နိုင်ငံတော် အစိုးရက ဆောင်ရွက်လျက်ရှိသည်။ နိုင်ငံသားများအတွက် အလုပ်အကိုင် အခွင့်အလမ်းများ ပိုမို ဖော်ဆောင်နိုင် ရန် နိုင်ငံတော်အစိုးရ၊ အလုပ်ရှင်၊ အလုပ်သမားတို့၏ သုံးပွင့်ဆိုင်ပူးပေါင်း ဆောင်ရွက် ရေးသည် အဓိကကျသော လုပ်ငန်းဖြစ်သည်ကို အစဉ်နှလုံးသွင်းထား ကြရမည်ဖြစ်သည်။

နိုင်ငံတော်အစိုးရသည် ပြည်တွင်းပြည်ပ အလုပ်အကိုင် အခွင့်အလမ်းဆိုင်ရာ မူဝါဒနှင့် ရွှေ့ပြောင်း သွားလာမှုဆိုင်ရာ မူဝါဒများချမှတ်၍ နိုင်ငံတစ်ဝန်း၌ အလုပ်အကိုင် ရှာဖွေရေးရုံးများ ဖွင့်လှစ်ထားပြီး ဝေးလံခေါင်ဖျားဒေ သများအတွက် ရွေ့လျား အလုပ်သမားမှတ်ပုံတင်ပေးရေး အဖွဲ့များဖြင့် ဆောင်ရွက်ပေးခြင်း၊ အလုပ်အကိုင် အခွင့်အလမ်းပြပွဲများ ကျင်းပပေးခြင်းတို့ဖြင့် ပြည်တွင်း အလုပ်အ ကိုင်ရရှိရေးကို ဆောင်ရွက်ပေးလျက်ရှိသည်။

ထို့ကြောင့် နိုင်ငံသားများအတွက် အလုပ်အကိုင် အခွင့်အလမ်းရရှိရေး၊ နိုင်ငံတော်၏ ကုန်ထုတ်စွမ်း အားမြင့်မားရေးတို့အတွက် အဓိကကျသော သုံးပွင့်ဆိုင်ပူးပေါင်းဆောင်ရွက်ရေး အရှိန်အဟုန်တိုးမြှင့် ကြပါရန် မြန်မာနိုင်ငံ အလုပ်သမားထုကြီးအား ဂုဏ်ပြုလျက် မြဝတီက တိုက်တွန်းနှိုးဆော် လိုက်ရပါ သည်။

Read 207 times Last modified on Wednesday, 01 May 2019 07:56