SJ WorldNews - шаблон joomla Авто

ကြောင်းခြာစေ့စေ့ပညာငွေ့ဖြင့်

Thursday, 02 May 2019 09:33 font size decrease font size decrease font size increase font size increase font size

ပါဠိဘာသာမှ ဆင်းသက်လာသည့်  ပညာဟူသော ဝေါဟာရကို မြန်မာအဘိဓာန်က အဓိပ္ပာယ်ဖွင့်ဆိုရာ၌ ခွဲခြမ်းသိမြင်နိုင်သော အသိဉာဏ်ဟူ၍ လည်းကောင်း၊ အတတ်ဟူ၍ လည်းကောင်း ပြဆိုထားသည်။ ခွဲခြမ်းသိမြင်နိုင်သော အသိဉာဏ်ဟု ဆိုရာတွင် မြင်သိစိတ်၊ ကြားသိစိတ်၊ နံသိစိတ်၊ ရသခံစားမှု၊ ထိတွေ့ခံစားမှု၊ ကြံတွေးမှုတည်းဟူသော ဝိညာဉ်ခြောက်ပါးတို့၏ အကြောင်းနှင့်အကျိုး၊ အကောင်းနှင့်အဆိုးတို့ကို ပိုင်းခြား သိမြင်နိုင်သော အသိဉာဏ်ကို ဆိုခြင်းဖြစ်သည်။

အင်းဝခေတ်စာဆိုကျော် ရှင်မဟာသီလဝံသ ရေးဖွဲ့ထားသော ပါရမီတော်ခန်းပျို့ အပိုဒ် ၇၁ ၌ ''မြွေနှင့် မိကျောင်း၊ စသည်ပေါင်းသော်၊ ခြောက်ချောင်းကြိုးခြာ၊ မကိုင်သာသို့၊ ပမာတန္တု၊ စက္ခုသောတ၊ စသည်ခြောက်စဉ်၊ စိတ်ဝိညာဉ်ကို ''ဟု တွေ့ရသည်။ မြွေသည် အမှိုက်ပုံ၊ မြက်တော  စသည့် ရှုပ်ရှုပ်ထွေးထွေး နေရာတို့၌သာနေရန် ပျော်မွေ့သကဲ့သို့ စက္ခုဝိညာဉ်သည် အရောင်အမျိုးမျိုး၊ ပုံသဏ္ဌာန်အထွေထွေတို့၌ ပျော်မွေ့တတ်သည့် သဘာဝရှိခြင်းကြောင့် စက္ခုဝိညာဉ်(အမြင်အာရုံ)ကို မြွေနှင့်ဥပမာပြုသည်။မိကျောင်းသည် ကျောက်ဂူ လိုဏ်ခေါင်းစသည်တို့၌ ပျော်မွေ့သကဲ့သို့ သောတဝိညာဉ် (အကြားအာရုံ)သည် နားအတွင်းလိုဏ်ခေါင်း၌ မွေ့လျော် တတ်ခြင်းကြောင့် သောတဝိညာဉ်ကို မိကျောင်းနှင့် ဥပမာပြုသည်။ မျောက်သည် တစ်နေရာတည်း၌ ငြိမ်ငြိမ်မနေနိုင်ဘဲ ပြေးလွှားနေတတ်သကဲ့သို့  စိတ်ဝိညာဉ်သည် အာရုံတစ်ခု၌  ကြာရှည်မတည်တတ်ဘဲ ထိုထို ဤဤပြောင်းလဲ ပြေးသွားတတ်သော သဘောရှိခြင်းကြောင့် မနောဝိညာဉ်(စိတ်အာရုံ)ကို မျောက်နှင့်ဥပမာပြုသည်။

မြင်ကာမျှ၊ ကြားရုံမျှဖြင့် ယုံမှားသံသယစိတ် ဝင်တတ်သော ပုထုဇဉ်လူသားတို့ သဘာဝကြောင့် လွတ်လပ်ရေး ရပြီးချိန်မှစ၍  ပြည်ထောင်စုကြီးအတွင်း  တိုင်းရင်းသား အချင်းချင်း  ပဋိပက္ခဖြစ်ပွားနေကြရသည်မှာ ဆယ်စုနှစ်ခုနစ်ခုအထိ ကြာခဲ့ကြလေပြီ။ ၁၉၈၈ ခုနှစ်နောက်ပိုင်း တပ်မတော်က နိုင်ငံတော်တာဝန် အရပ်ရပ်ကို ထမ်းဆောင်ချိန်တွင် ပြည်သူတို့ လိုလားတောင့်တနေသော ပါတီစုံဒီမိုကရေစီ နိုင်ငံသစ် တည်ဆောက်ရန် လမ်းခင်း

ပေးနေချိန်နှင့်   တစ်ပြိုင်တည်းမှာပင်   တောတွင်း လက်နက်ကိုင်အဖွဲ့များနှင့်  ငြိမ်းချမ်းရေး တည်ဆောက်ရန် ကြိုးပမ်းခဲ့ရာ အဖွဲ့ကြီး ၁၇ ဖွဲ့နှင့် အဖွဲ့ငယ် ၂၃ ဖွဲ့တို့ ဥပဒေဘောင်အတွင်း ဝင်ရောက်လာကြပြီး သက်ဆိုင်ရာ ဒေသအလိုက်   ဖွံ့ဖြိုးရေးလုပ်ငန်းများကို ဆောင်ရွက်ခဲ့ကြသဖြင့်  ပြည်သူများ စိတ်နှလုံး ချမ်းမြေ့ကြရသည်။နိုင်ငံတော်သည်  ၂ဝ၁၁  ခုနှစ်မှစ၍ ယနေ့အချိန်အထိ ပါတီစုံ ဒီမိုကရေစီလမ်းကြောင်းပေါ်သို့ လျှောက်လှမ်းနေသည့် ယနေ့အထိကာလအတွင်း တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) တွင်တိုင်းရင်းသား လက်နက်ကိုင်အဖွဲ့ ၁ဝ ဖွဲ့တို့က လက်မှတ်ရေးထိုးကြပြီး ဖြစ်သည်။ NCA တွင် လက်မှတ်ရေးထိုးရန် ကျန်ရှိနေသော တိုင်းရင်းသား လက်နက်ကိုင်အဖွဲ့များ အနေဖြင့် ငြိမ်းချမ်းရေးအတွက် စိတ်အေးအေးဖြင့် အချိန်ယူ ဆွေးနွေးနိုင်ရန် တပ်မတော်က ဒေသငါးခု၌ စစ်ဆင်ရေး ကိစ္စရပ်များကို ၂ဝ၁၈ ခုနှစ် ဒီဇင်ဘာ ၂၁ ရက်မှ ၂ဝ၁၉ ခုနှစ် ဧပြီ ၃ဝ ရက်အထိ ရပ်ဆိုင်းပေးထားရာမှ ဇွန် ၃ဝ ရက်အထိ ထပ်မံတိုးမြှင့် ရပ်ဆိုင်းပေးထားသည်။

ဤကာလအတွင်း ရှမ်းပြည်နယ်(မြောက်ပိုင်း) မူဆယ်မြို့နယ်အတွင်းရှိ နယ်မြေလုံခြုံရေး ဆောင်ရွက်လျက်ရှိသည့် တပ်မတော်စခန်းများသို့ ဧပြီ ၂၇ ရက် နံနက်ပိုင်းတွင် KIA အဖွဲ့ဝင် လေးဦးနှင့် TNLA အဖွဲ့ဝင်ခုနစ်ဦးတို့  လက်နက်ခဲယမ်းများနှင့် အတူ ဥပဒေဘောင်အတွင်း ဝင်ရောက်လာကြသည်။ ကနဦး မေးမြန်းချက်အရ ၎င်းတို့အနေဖြင့် တပ်မတော်မှ ပစ်ခတ်တိုက်ခိုက်မှု ရပ်စဲရေးနှင့် ထာဝရငြိမ်းချမ်းရေး အတွက် ထုတ်ပြန်ချက် ကြေညာထားသည့် ကာလအတွင်း ငြိမ်းချမ်းစွာနေထိုင်ရခြင်း၏ အနှစ်သာရကို သိရှိနားလည်လာကြခြင်း၊ ထာဝရငြိမ်းချမ်းရေး ရရန် အမှန်တကယ် ဆန္ဒရှိလာခြင်း၊ ၎င်းတို့၏ဆန္ဒများကို လက်နက်စွဲကိုင်ပြီး တောင်းဆိုခြင်းဖြင့်  အကျိုးမရှိနိုင်ကြောင်းကို သိရှိလာခြင်း၊  တိုက်ပွဲများကြောင့်  ဒေသခံပြည်သူလူထု ဆင်းရဲဒုက္ခရောက်ရသည်ကို   တွေ့မြင်နေရသဖြင့်   ဆက်လက် တိုက်ပွဲဝင်လိုစိတ် မရှိတော့ခြင်း၊  တရားဥပဒေဘောင်အတွင်း တည်ငြိမ်အေး ချမ်းစွာ နေထိုင်လိုခြင်းတို့ကြောင့် လက်နက်ငယ် မျိုးစုံကိုးလက်၊ ခဲယမ်းဆက်စပ်ပစ္စည်းများနှင့်အတူ ဥပဒေဘောင်အတွင်း ဝင်ရောက်လာခဲ့ခြင်းဖြစ်ပြီး ၎င်းတို့ကဲ့သို့ ဥပဒေဘောင်အတွင်း ဝင်ရောက်လိုသူ အများအပြား ရှိကြောင်း သိရပြီး ၎င်းတို့အဆက်အသွယ်ဖြင့် ဧပြီ ၂၇ ရက် ည ၁ဝ နာရီခန့်တွင် KIA အဖွဲ့မှ ဆေးမှူးဗိုလ်ကြီး အဆင့်ရှိသူအပါအဝင်  အဖွဲ့ဝင်နှစ်ဦး မူဆယ်မြို့နယ်ရှိ  တပ်မတော်လုံခြုံရေး စခန်းသို့ ထပ်မံ ဝင်ရောက်လာကြသည်။

ထို့ကြောင့် အကြောင်းအကျိုး၊ အကောင်းအဆိုးတို့ကို ခွဲခြမ်းသိမြင်သော အသိဉာဏ်ကြောင့် ငြိမ်းချမ်းစွာ နေထိုင်ရခြင်း၏ အနှစ်သာရကို သိရှိနားလည်လာကြပြီး ၎င်းတို့၏ဆန္ဒများကို လက်နက်စွဲကိုင် တောင်းဆိုခြင်းသည် အားလုံးအတွက် အဆိုးသံသရာကိုသာ ဖြစ်စေကြောင်းကိုပါ သိမြင်လာကြခြင်းသည် ယမ်းငွေ့တို့ကို ဖယ်ရှင်း၍ ပညာငွေ့တို့ သင်းရနံ့ကြိုင်စေမည်ဟု မြဝတီက မျှော်လင့်မိပါသည်။    

Read 113 times Last modified on Thursday, 02 May 2019 09:34