SJ WorldNews - шаблон joomla Авто

နိုးကြားထောက်ချင့် သင့်လေးသင့် ခေတ်နှင့်ညီရမည်

Sunday, 05 May 2019 12:15 font size decrease font size decrease font size increase font size increase font size

၂၀၁၉ ခုနှစ် မေလ ၅ရက်

လူမှုနယ်ပယ်အသွယ်သွယ်၌ အန္တရာယ်တွေများသည့်အနက် မီးဘေးအန္တရာယ်သည်လည်း တစ်ခု အပါအဝင်ဖြစ်သဖြင့် ပြည်ထဲရေးဝန်ကြီးဌာန ကွပ်ကဲမှုဖြင့် မြန်မာနိုင်ငံမီးသတ်တပ်ဖွဲ့ကို ဖွဲ့စည်းဆောင်ရွက်လျက်ရှိရာ ယနေ့ မေ ၅ ရက်သည် (၇၃)နှစ်ပြည့်ပြီဖြစ်သည်။ မီးဘေးအန္တရာယ် ကျရောက် စေတတ်သော အကြောင်းတရားများ မှာလည်း မီးဖိုမီးကြွင်းမီးကျန်၊ ပေါ့ဆမီး၊ လျှပ်စစ်မီး၊ တောမီး၊ အလိုအလျောက်မီး၊ ရှို့မီး စသည့် အကြောင်းအမျိုးမျိုးကြောင့် မီးလောင်ဆုံးရှုံးမှုများဖြစ်ရသည်။

မြန်မာနိုင်ငံအလယ်ပိုင်း မိုးနည်းရေရှားဒေသမှ မကွေးတိုင်းဒေသကြီးအတွင်း ၂ဝ၁၉ ခုနှစ် ဇန်နဝါရီမှ ဧပြီအထိ မီးလောင်မှု ၁၄၄ ကြိမ်ဖြစ်ပွားခြင်းကြောင့် လူနေအိမ် ၁၅၅ လုံးဆုံးရှုံးသွားသည်။ မီးလောင်မှုကြောင့် လူကိုးဦးသေဆုံး၊ ၁၂ ဦးထိခိုက်ဒဏ်ရာရရှိပြီး မီးဘေးသင့်ပြည်သူ ၄၁၈ ဦးရှိသည်။ လေးလအတွင်း ဆုံးရှုံးမှု တန်ဖိုးစုစုပေါင်းမှာ ငွေကျပ်သိန်းပေါင်း ၁၃၅ဝ ကျော်ရှိသည်။ ယခင် ၂ဝ၁၈ ခုနှစ် ဇန်နဝါရီမှ ဧပြီအထိ မီးလောင်မှုအကြိမ် ၉ဝ ဖြစ်ပွားခဲ့ရာ လူနေအိမ် ၂၂၇ လုံးဆုံးရှုံးသွားသည်။ မီးလောင်မှုကြောင့် သေဆုံးသူတစ်ဦး၊ ထိခိုက်ဒဏ်ရာရသူတစ်ဦးရှိပြီး မီးဘေးသင့်ပြည်သူ ၁၂၃၂ ဦးရှိသည်။ လေးလအတွင်း ဆုံးရှုံးမှုတန်ဖိုးစုစုပေါင်းမှာ ငွေကျပ်သိန်းပေါင်း ၁၂၈၁ သိန်းကျော်ရှိသည်။ မြန်မာနိုင်ငံတွင် ခေတ်အဆက်ဆက် တာဝန်ထမ်းဆောင်ခဲ့ကြသည့် မီးသတ်သမားများ၏ စေတနာ၊ ဝါသနာ၊ အနစ်နာဟူသော နာသုံးနာဖြင့် ပြည်သူ့အကျိုးအတွက် စွန့်လွှတ်စွန့်စားသည့် စိတ်ဓာတ် အစဉ်အလာကို ယနေ့မြန်မာနိုင်ငံမီးသတ်တပ်ဖွဲ့ဝင်များက ဆက်လက်ထမ်းဆောင် နေကြရာ ထိုက်သင့်သော ဆုတံဆိပ်များ ပေးအပ်ချီးမြှင့်လျက်ရှိသည်။ ထို့ပြင် မြန်မာနိုင်ငံ မီးသတ်တပ်ဖွဲ့ ဌာနချုပ်အနေဖြင့် ဌာနတာဝန်ကို ကျေပွန်အောင် ထမ်းဆောင်ကြသူများအား တာဝန်ထမ်း ဆောင်သည့် လုပ်သက်အလိုက် ရာထူးတိုးမြှင့် ခန့်အပ်ပေးလျက်ရှိရာ ၂ဝ၁၈ ခုနှစ် မေ ၄ ရက်တွင် မြန်မာနိုင်ငံ မီးသတ်တပ်ဖွဲ့ ဌာနချုပ်၌ အခမ်းအနားဖြင့် တိုးမြှင့်ခန့်အပ်ပေးသည်။ အဆိုပါ အခမ်းအနား၌ ရာထူးတိုးမြှင့်ခန့်အပ်ခံရသူများမှာ လက်ထောက်ညွှန်ကြားရေးမှူး အဆင့်မှ ဒုတိယညွှန် ကြားရေးမှူးအဆင့်၊ ဦးစီးအရာရှိအဆင့်မှ လက်ထောက်ညွှန်ကြားရေးမှူး အဆင့်၊ ဒုတိယမီးသတ် ဦးစီးအရာရှိအဆင့်မှ ဦးစီးအရာရှိအဆင့်များသို့ အသီးသီးတိုးမြှင့်ပေးခဲ့ရာ စုစုပေါင်း တပ်ဖွဲ့ဝင်အရာရှိ ၁ဝ၂ ဦးဖြစ်ကြောင်း သိရသည်။

မြန်မာနိုင်ငံမီးသတ်တပ်ဖွဲ့ကို နိုင်ငံတော်နှင့်ပြည်သူတို့၏ အသက်အိုးအိမ်စည်းစိမ်များ၊ မီးဘေးနှင့် သဘာဝဘေးအန္တရာယ်များမှ ကာကွယ်စောင့်ရှောက်ရန် ဖွဲ့စည်းထားခြင်းဖြစ်သည်။ ယနေ့အချိန်တွင် နိုင်ငံတော်၏ အခြေအနေ ခေတ်မီဖွံ့ဖြိုး တိုးတက်လာပြီဖြစ်သဖြင့် သဘာဝဘေးအန္တရာယ်နှင့် ဓာတုပစ္စည်း၊ ဇီဝပစ္စည်း၊ ရေဒီယိုသတ္တိကြွပစ္စည်းများကြောင့် ဘေးအန္တရာယ်များ ဖြစ်ပွားလျက်ရှိသည်။ ယင်းအန္တရာယ်များကို ကာကွယ်ရန် မီးသတ်တပ်ဖွဲ့ဝင်လူအင်အား၊ အထောက်အကူပြုယာဉ်၊ စက်ပစ္စည်း ကိရိယာနှင့် နည်းပညာဟူသော အခြေပြုကဏ္ဍ(၃)ရပ်တို့ကို ဟန်ချက်ညီအောင် ကြိုတင် ပြင်ဆင် လေ့ကျင့်သားပြည့်ဝစေရန် စီမံဆောင်ရွက်ထားရမည် ဖြစ်သည်။ ကြိုတင်ပြင်ဆင်မှ အောင်ပွဲရဆိုစကားအရ နောင်တွင်ဖြစ်ပေါ်လာနိုင်မည့် အခြေအနေများကို မျှော်မှန်းတွက်ဆပြီး မီးသတ်တပ်ဖွဲ့၏ ဖွဲ့စည်းပုံ၊ တပ်ဖွဲ့ဝင်များ၏ စွမ်းဆောင်ရည်မြင့်မားရေး၊ ယာဉ်နှင့် ယန္တရားများ တိုးချဲ့ရေးတို့ကို ဆောင်ရွက်ပေးထားကြောင်း သိရသည်။

မြန်မာနိုင်ငံမီးသတ်တပ်ဖွဲ့ဝင်များ၏ စွမ်းဆောင်မှုတိုင်းသည် ပြည်သူတို့၏ နေထိုင်မှုဘဝလုံခြုံရေးမှစ၍ နိုင်ငံတော် တည်ဆောက်ရေးအထိ အကျုံးဝင်လျက်ရှိရာ တပ်ဖွဲ့ဝင်များ၏ အသိပညာနှင့် အတတ်ပညာ ပြည့်ဝရေးလေ့ကျင့်ရာတွင် ခေတ်နှင့်အညီ နည်းပညာကို ထိရောက်ထက်မြက်အောင် အသုံးချနိုင်ရေးသည် အဓိကအခန်းကဏ္ဍ၌ ပါဝင်လျက်ရှိကြောင်း ၂ဝ၁၈ခုနှစ် ဧပြီတွင် ရန်ကုန်တိုင်း ဒေသကြီး လှိုင်သာယာမြို့နယ်ရှိ ထိန်ပင်အမှိုက်ပုံမီးလောင်ကျွမ်းစဉ် မီးငြှိမ်းသတ်ရသည့် အတွေ့ အကြုံအရ သိနိုင်ကြပြီးဖြစ်သည်။ ဧက ၃ဝဝ ခန့်ကျယ်ဝန်းသော အဆိုပါ အမှိုက်ပုံမီးငြှိမ်း သတ်ခဲ့ကြသည့် တပ်မတော်သားများနှင့် မြန်မာနိုင်ငံ မီးသတ်တပ်ဖွဲ့ဝင်များအား ရန်ကုန်တိုင်း စစ်ဌာနချုပ် နယ်လှည့်ဆေးကုသရေးအဖွဲ့က ကျန်းမာရေးစစ်ဆေး ဆောင်ရွက်ပေးခဲ့သည်။

ထို့ကြောင့် ပြည်သူတို့ဘဝလုံခြုံရေးမှစ၍ နိုင်ငံတော် တည်ဆောက်ရေးအထိ အကျိုးပြုသော တာဝန်ထမ်းဆောင်နေကြသည့် မြန်မာနိုင်ငံမီးသတ်တပ် ဖွဲ့သည် ယခင်သမားရိုးကျအတိုင်း လူအသင့်၊ ယာဉ်အသင့်၊ စက်သုံးဆီအသင့်၊ ရေအသင့်ဟူသော သင့်လေးသင့်ထက်ကျော်လွန်၍ ခေတ်နှင့်အညီ အသိပညာ၊ အတတ်ပညာနှင့် ပစ္စည်းကိရိယာတို့ပါ ပြည့်စုံရန် လိုအပ်လျက်ရှိရာ ဌာနဆိုင်ရာများနှင့် စေတနာရှင်ပြည်သူများက ဝိုင်းဝန်းကူညီ ဖြည့်ဆည်းပေးကြပါရန် (၇၃)နှစ်မြောက် မြန်မာနိုင်ငံ မီးသတ်တပ်ဖွဲ့နေ့ကို ဂုဏ်ပြုလျက် မြဝတီက တိုက်တွန်းနှိုးဆော် လိုက်ရပါသည်။

Read 85 times Last modified on Sunday, 05 May 2019 12:24