SJ WorldNews - шаблон joomla Авто

မော်ကွန်းစာကိုး ပြည့်တန်ဖိုး

Wednesday, 12 June 2019 09:34 font size decrease font size decrease font size increase font size increase font size

ပြည်ထောင်စုသမ္မတ မြန်မာနိုင်ငံတော် အမျိုးသားမှတ်တမ်းများ မော်ကွန်းတိုက် ဦးစီးဌာနကို စီမံကိန်းနှင့်ဘဏ္ဍာရေး ဝန်ကြီးဌာနက ၁၉၇၂ ခုနှစ်တွင် စတင် တည်ထောင်ထားသည်။ နေပြည်တော်ရှိ အမျိုးသား မှတ်တမ်းများ မော်ကွန်းတိုက် ဦးစီးဌာန၌ ခေတ်အဆက်ဆက် နိုင်ငံတော်အစိုးရ၏ စီမံခန့်ခွဲမှု၊ ချမှတ်ခဲ့သည့်မူဝါဒ၊ မူဝါဒကို အကောင်အထည်ဖော်ခဲ့သည့် လုပ်ငန်းဆောင်ရွက်မှုများ၊ စာချုပ်စာတမ်းများ၊ ဥပဒေများ၊ စည်းမျဉ်းစည်းကမ်းများ၊ နည်းဥပဒေများ၊ အမိန့်ကြော်ငြာများ၊ ပြန်တမ်းများ၊ အရေးကြီး အစည်းအဝေး မှတ်တမ်းများ၊ တိုင်းဒေသကြီး၊ ပြည်နယ်များ၏ Gazetteers များ၊ အစီရင်ခံစာများ၊ စီမံကိန်း၊ စီမံချက်၊ ကိန်းဂဏန်း စာရင်းအင်းများ စသည့်မှတ်တမ်း မော်ကွန်းပေါင်း နှစ်သိန်းကျော် ထိန်းသိမ်းထားရှိသည်။ ထိန်းသိမ်းထားရှိသည့် မှတ်တမ်း၊ မော်ကွန်းများကို  Database Server တွင် အလွယ်တကူ ရှာဖွေနိုင်ရန် စီစဉ်ထားသည့် အပြင် နေရာဒေသ မရွေးမှ ရှာဖွေဖတ်ရှုနိုင်ရန် အတွက် Online Access ပေးပို့နိုင်ရန် ဆောင်ရွက်ထားရှိကြောင်း သိရသည်။

(၇၁)ကြိမ်မြောက် အပြည်ပြည်ဆိုင်ရာ မော်ကွန်းတိုက်များနေ့ အထိမ်းအမှတ် စာတမ်းဖတ်ပွဲ အခမ်းအနားကို ဇွန် ၉ ရက် နံနက်ပိုင်းတွင် နေပြည်တော်ရှိ အမျိုးသားမှတ်တမ်းများ မော်ကွန်းတိုက်ဦးစီးဌာန(နေပြည်တော်)၌ ကျင်းပသည်။  စာတမ်းဖတ်ပွဲ အခမ်းအနားတွင် မော်ကွန်းကြီးကြပ် အဖွဲ့ဝင် သမိုင်းပညာရှင် ပါမောက္ခ(ငြိမ်း) ဒေါက်တာ ကျော်ဝင်းက ''ဗြိတိသျှမှတ်တမ်းများတွင် ပါရှိသော မန္တလေး နန်းတွင်းရတနာများ အကြောင်း''ခေါင်းစဉ်အား လည်းကောင်း၊ အမျိုးသား မှတ်တမ်းများ မော်ကွန်းတိုက် ဦးစီးဌာနမှ လက်ထောက်ညွှန်ကြားရေးမှူး ဒေါက်တာလတ်လတ်စိုးက ''ကိုလိုနီခေတ်အတွင်း နန်းကျတော်ဝင်မိသားစုများအား ပေးအပ်သည့် နိုင်ငံရေးပင်စင်''ခေါင်းစဉ်အား လည်းကောင်း၊ အမျိုးသားမှတ်တမ်းများ မော်ကွန်းတိုက်ဦးစီးဌာနမှ  လက်ထောက်ညွှန်ကြားရေးမှူး ဒေါက်တာဥမ္မာလင်းက ''မြန်မာနိုင်ငံ အမျိုးသား မော်ကွန်းတိုက်၏ ထင်ရှားသည့် မော်ကွန်းများ''ခေါင်းစဉ်အား လည်းကောင်း အသီးသီး ဖတ်ကြားကြရာ တက်ရောက်လာသူများက သိလိုသည်များ မေးမြန်းဆွေးနွေးကြသည်။

စီမံကိန်းနှင့် ဘဏ္ဍာရေးဝန်ကြီးဌာန အမျိုးသားမှတ်တမ်းများ မော်ကွန်းတိုက် ဦးစီးဌာနက မှတ်တမ်းကို အဓိပ္ပာယ်ဖွင့်ဆိုရာ၌ မှတ်တမ်းဆိုသည်မှာ အစိုးရဌာနတစ်ခုခု သို့မဟုတ် အခြားအဖွဲ့အစည်း တစ်ရပ်ရပ် သို့မဟုတ် ပုဂ္ဂိုလ်တစ်ဦးဦးက ရေးသားပြုစုထားသည့် သို့မဟုတ် လက်ခံရရှိထားသည့် စာရွက်စာတမ်း၊ ကမ္ပည်းစာ၊ ပုရပိုက်၊ ပေစာ၊ လက်ရေးစာပေ၊ ပုံနှိပ်စာပေတို့ကိုဆိုလိုပြီး ယင်းစကားရပ်တွင် စက်ကိရိယာဖြင့်ဖြစ်စေ၊ အီလက်ထရွန်နစ် နည်းဖြင့်ဖြစ်စေ မည်သည့်ပုံစံနှင့်မဆို မှတ်တမ်းတင်ထားသည့် အက္ခရာ၊ အသံ၊ ရုပ်သံမှတ်တမ်းတင်ချက်များလည်း ပါဝင်၍ ယင်းမှတ်တမ်းများအနက် မြန်မာနိုင်ငံသမိုင်း၊ ယဉ်ကျေးမှု အမွေအနှစ်နှင့်   နိုင်ငံအုပ်ချုပ်ရေး စသည်တို့နှင့် စပ်လျဉ်းသည့် အထောက်အထားများ၊ အချက်အလက်များ ပါရှိသောကြောင့် နှစ်ကာလကြာမြင့်စွာ ထိန်းသိမ်းထားသင့်သည့် မှတ်တမ်းများသည်  မော်ကွန်းဖြစ်ကြောင်း ရှင်းလင်းထားသည်။

အမျိုးသားမှတ်တမ်းများ မော်ကွန်းတိုက်ဦးစီးဌာန၏ ရည်ရွယ်ချက်များမှာ သတင်းအချက်အလက် တန်ဖိုး၊ အထောက်အထားတန်ဖိုး စသည့် တန်ဖိုးရှိသော အမျိုးသားမှတ်တမ်းများနှင့် မော်ကွန်းများကို တစုတစည်းတည်း ထာဝစဉ်လုံခြုံစွာ မပျက်မစီး သိမ်းဆည်းထားနိုင်စေရန်၊ ပြည်တွင်းပြည်ပရှိ သမိုင်းဝင် မှတ်တမ်းများနှင့် မော်ကွန်းများ၊ အစိုးရအဖွဲ့အစည်းများသာမက အခြားအဖွဲ့အစည်းများ၊ ပုဂ္ဂိုလ်များ၏ လက်ဝယ်၌ရှိသော သမိုင်းဝင် မှတ်တမ်းများနှင့် မော်ကွန်းများကို အမျိုးသားရေးတာဝန် တစ်ရပ်အနေဖြင့် လွှဲပြောင်းလက်ခံ ရယူစုဆောင်းရန်၊ အပြည်ပြည်ဆိုင်ရာ မော်ကွန်းတိုက် အဖွဲ့အစည်းများနှင့် ဆက်သွယ်၍ မှတ်တမ်းစီမံခန့်ခွဲရေးနှင့် မော်ကွန်းအုပ်ချုပ်ရေး ပညာရပ် တိုးတက်မြင့်မားစေရန်၊ သိမ်းဆည်းထားသော အမျိုးသား မော်ကွန်းများမှ ကောက်နုတ်ဖော်ထုတ်၍ ပြည်သူလူထု အသိဉာဏ် တိုးတက်ပြန့်ပွားစေပြီး နိုင်ငံတော်၏ နိုင်ငံရေး၊ စီးပွားရေး၊ လူမှုရေး ဦးတည်ချက်များကို အထောက်အကူဖြစ်ရေးအတွက် ဆောင်ရွက်ရန်တို့ဖြစ်သည်။

အထက်ပါ ရည်ရွယ်ချက်များနှင့်အညီ သုတေသန ပြုလိုသူတို့အတွက် မော်ကွန်းအထောက်အထားနှင့် သတင်းအချက်အလက်များကို တရားဝင် အထောက်အထားအဖြစ် မှီငြမ်းကိုးကားနိုင်ရန် အမျိုးသားမှတ်တမ်းများ မော်ကွန်းတိုက် ဦးစီးဌာနက ဆောင်ရွက်ပေးလျက် ရှိခြင်းကြောင့် မော်ကွန်းစာကိုး ပြည့်တန်ဖိုးဟူ၍ ညွှန်းဆိုထားခြင်း ဖြစ်ပါသည်။ 

Read 54 times Last modified on Wednesday, 12 June 2019 09:35