SJ WorldNews - шаблон joomla Авто

လောကအကျိုးစီးပွားနှင့် လောကုတ္တရာ ချမ်းသာရေး မိတ်ဆွေစစ်ကိုရှာဖွေ

Monday, 01 July 2019 10:32 font size decrease font size decrease font size increase font size increase font size

ယနေ့ကမ္ဘာ့လူသား အပေါင်းတို့၏ အသိပညာနှင့် အတတ်ပညာများ တိုးတက်လာသည်နှင့်အမျှ လူအချင်းချင်း ဆက်ဆံရေးပို၍ပို၍ နက်ရှိုင်းကျယ်ပြန့်လာသည်။ လူအချင်းချင်း ပေါင်းသင်းဆက်ဆံရေးကို မေတ္တာဖြင့် နှောင်ဖွဲ့ထားမှသာ ခိုင်မြဲနိုင်ပေမည်။

မေတ္တာသမား အများစုသည် အနစ်နာခံတတ်ကြသူများ ဖြစ်ခြင်းကြောင့် လူအများ ယုံကြည်လေးစားချစ်ခင်မှုကို အမြဲရရှိနေကြသည်။ မေတ္တာတရားသည် သတ္တဝါအားလုံးအပေါ် ချစ်ခင်ကြင်နာစိတ်ဖြင့် အကျိုးစီးပွားကို လိုလားသည့်သဘောဖြစ်သည်။ မေတ္တာသည် ပါရမီ ၁ဝ ပါးတွင် တစ်ပါးအပါအဝင် ဖြစ်သော်လည်း သံသရာမှ လွတ်မြောက်နိုင်သည့် ပညာပါရမီကဲ့သို့ အမြင့်ဆုံး အထွတ်အထိပ် မဟုတ်ပေ။

လူအချင်းချင်း ဆက်ဆံရေးတွင် မိမိကမေတ္တာထားစေကာမူ လောကသည် အကောင်းနှင့်အဆိုး ဒွန်တွဲနေခြင်းကြောင့် မိမိအပေါ်ကောင်းသူများ ရှိသကဲ့သို့ မကောင်းသူများလည်း ရှိမည်။ ကောင်းသောမိတ်ဆွေ၊ ကောင်းသောလုပ်ဖော်ကိုင်ဖက် ရှိသည့်နည်းတူ မကောင်းသောမိတ်ဆွေ၊ မကောင်းသော လုပ်ဖော်ကိုင်ဖက် များကိုလည်း တွေ့ရပေမည်။ မိမိအကျိုးရလဒ်ကိုအဟန့်အတားပြုသူနှင့် မိမိအား စိတ်အနှောင့်အယှက် ဖြစ်စေသူတို့ကြောင့် အားလုံးမကောင်းဟု မဆိုသင့်ပေ။

လူသည် အကျိုးစီးပွားကို အကြိမ်ပေါင်းများစွာ ဆောင်ကြဉ်းခဲ့စေကာမူ မိမိအကြိုက် တစ်ကြိမ်တစ်ခါ မလိုက်လျောသည်နှင့် ရန်သူသဖွယ် သဘောထားတတ်ကြပြန်သည်။ အခက်အခဲတွေ့စဉ်၊ ဒုက္ခရောက်စဉ်၊ စိတ်ဓာတ်ကျနေစဉ်အတွင်း ကြိမ်ဖန်များစွာ ကူညီခဲ့ဖူးသော်လည်း တစ်ကြိမ်တစ်ခါ မလိုက်လျောမိလျှင် ရန်သူသဖွယ် သဘောထားတတ်ကြခြင်းကြောင့် လူ့အကြိုက်ကို နတ်မလိုက်နိုင်ဟု ဆိုကြခြင်း ဖြစ်သည်။ လူ့သဘောလူ့မနောသည် နားလည်ရန် ခက်ခဲခြင်းကြောင့် လူသာမန် အများစု၌ ထိုကဲ့သို့ စိတ်သဘောရှိကြသည်မှာ အပြစ်တင်ရန် မဟုတ်ပေ။

လူအချင်းချင်း ကြင်နာစိတ်၊ ကရုဏာစိတ်၊ စာနာစိတ်၊ အချင်းချင်း ကူညီရိုင်းပင်းစိတ်များ ကင်းမဲ့သွားလျှင် သူတစ်ပါးအပေါ် မုဒိတာပွားလိုစိတ်မဖြစ်ပေါ်နိုင်တော့ပေ။

လူ့ဘောင်လောကသည် တစ်ဦးတစ်ယောက်တည်း၊ တစ်သင်းတစ်ဖွဲ့တည်း သီးခြားရပ်တည်၍မရဘဲ အပေါင်း အဖော်မိတ်ဆွေ ဖွဲ့နေကြရသည်ဖြစ်ရာ မိတ်ဆွေစစ်နှင့် မိတ်ဆွေတုတို့ကို ခွဲခြား သိမြင်ကြရပေမည်။

မိတ်ဆွေစစ်တို့ သဘောသည် မိတ်ဆွေ၏ ပစ္စည်းဥစ္စာကို စောင့်ရှောက်တတ်၏။ ပြုဖွယ်ကိစ္စရှိက တောင်းခံလာသည့် အကူအညီထက် နှစ်ဆရှိသော အထောက်အပံ့ကို ပေးတတ်၏။ ဘေးရန်ရှိသော အခါ၌ စွန့်ခွာမသွားတတ်။

အရေးကြုံလျှင် မိတ်ဆွေအတွက် အသက်ကိုစွန့်နိုင်၏။ မကောင်းမှုကို တားမြစ်၍ ကောင်းမှု၌ တိုက်တွန်း နှိုးဆော်တတ်၏။ မိတ်ဆွေ၏ ဆုတ်ယုတ်ပျက်စီးမှုကို မလိုလားပေ။ မိတ်ဆွေတုတို့ သဘောသည် အကျိုးစီးပွား ရလိုမှုဖြင့် ချဉ်းကပ်၏။ မကောင်းမှုတို့၌ တိုင်ပင်သည်ကို ခွင့်ပြု၏။ မျက်ကွယ်၌ ကဲ့ရဲ့စကားဆိုတတ်၏။ အသောက်အစားအပျော်အပါး လောင်းကစားမှုတို့၌ အပေါင်းအဖော်ပြု၏။

သို့ဖြစ်၍ လောကီအကျိုးစီးပွားနှင့် လောကုတ္တရာ ချမ်းသာရေးအတွက် မိတ်ဆွေစစ်ကို ရှာဖွေကြရာတွင် အတိတ်၊ ပစ္စုပ္ပန်၊ အနာဂတ်ဟူသော ကာလသုံးပါးတို့ကို ယထာဘူတကျကျ ကြည့်ရှုတတ်ကြရမည် ဖြစ်ပေသည်။ ။

Read 29 times Last modified on Monday, 01 July 2019 10:33