SJ WorldNews - шаблон joomla Авто

မြန်မာအမျိုးသမီးများ ဘဝမြင့်မားရေး

Wednesday, 03 July 2019 09:51 font size decrease font size decrease font size increase font size increase font size

လောကဇာတ်ခုံလူတို့ဘုံ၌ အမျိုးသားနှင့် အမျိုးသမီးဟူ၍ရှိကြရာ  မြန်မာတို့၏ လူနေမှုဘဝတွင် အမျိုးသမီးများသည် ဣနြေ္ဒသိက္ခာစံတို့နှင့် ပြည့်စုံကြသည့် သမိုင်းအစဉ်အလာရှိသူများ ဖြစ်သည်။ မြန်မာ့သမိုင်းတွင် ကာယ၊ ဉာဏ၊ ဝီရိယ၊ စာရိတ္တနှင့် မိတ္တဗလစွမ်းရည်တို့ဖြင့် ပြည့်စုံသည့် သားကောင်းမိခင်များ ရှိကြသည်။ သမိုင်းအစဉ်အလာနှင့်အညီ မြန်မာအမျိုးသမီးများ  လူနေမှုဘဝဖွံ့ဖြိုး တိုးတက်ရေး တည်ဆောက်ပေးရန် နိုင်ငံတော်အစိုးရက ၁၉၉၆ ခုနှစ် ဇူလိုင် ၃ ရက်တွင် မြန်မာနိုင်ငံလုံးဆိုင်ရာ အမျိုးသမီးရေးရာ ကော်မတီဖွဲ့စည်းပေးပြီး  နှစ်စဉ်ဇူလိုင် ၃ ရက်ကို မြန်မာအမျိုးသမီးများနေ့ သတ်မှတ်ထားသည်။

မြန်မာနိုင်ငံလုံးဆိုင်ရာ အမျိုးသမီးရေးရာ ကော်မတီ၏ရည်ရွယ်ချက်များမှာ ခေတ်မီဖွံ့ဖြိုးတိုးတက်သည့် နိုင်ငံတော်ကြီးတည်ဆောက်ရာတွင် အမျိုးသမီးများ၏ အခန်းကဏ္ဍကို မြှင့်တင်ပေးရန်၊ အမျိုးသမီးများ၏ အခွင့်အရေးများကို ကာကွယ်စောင့်ရှောက်ရန်၊ အမျိုးသမီးများ၏ ပညာရေး၊ ကျန်းမာရေး၊ စီးပွားရေး စသည်များ ဖွံ့ဖြိုးတိုးတက်စေရန်နှင့် အမျိုးသမီးများ၏ ဘဝလုံခြုံရေးကို ကာကွယ်စောင့်ရှောက်ရန်၊ တိုင်းရင်းသား ရိုးရာယဉ်ကျေးမှု ဓလေ့ထုံးစံများကို ပိုမိုမြတ်နိုးတန်ဖိုးထားသည့် စိတ်ဓာတ်မြှင့်တင်ရေးအတွက် လေ့ကျင့်ပျိုးထောင်

ပေးရန်၊ အမျိုးသမီးများအား အကြမ်းဖက်မှုမှကာကွယ်ရေးနှင့် ပြန်လည်ထူထောင်ရေးလုပ်ငန်းများကို စနစ်တကျဆောင်ရွက်ရန်၊ အမျိုးသမီးများနှင့် ကလေးသူငယ်များ လူကုန်ကူးမှုပပျောက်ရေးအတွက် အမျိုးသားရေး တာဝန်တစ်ရပ်အသွင်ဖြင့် ဆောင်ရွက်နိုင်ရန်၊ အမျိုးသမီးများ၏ အခွင့်အရေးများကို တိုင်းရင်းသား ယဉ်ကျေးမှု ဓလေ့ထုံးစံနှင့်အညီ အကောင်အထည်ဖော်ဆောင်ရွက်ရာတွင် အပြည်ပြည်ဆိုင်ရာ အဖွဲ့အစည်းများ၊ ဒေသဆိုင်ရာအဖွဲ့အစည်းများ၊ ပြည်တွင်းပြည်ပဆိုင်ရာ အဖွဲ့အစည်းများနှင့် ပူးပေါင်းဆောင်ရွက်ရန်တို့ဖြစ်သည်။

ခေတ်အဆက်ဆက်တွင် ထူးချွန်ထက်မြက်သော မြန်မာအမျိုးသမီးများထံမှ စံနမူနာတို့ကို ယနေ့ခေတ် မြန်မာအမျိုးသမီးများ အမွေဆက်ခံကြစေငှာ နိုင်ငံတော်အစိုးရနှင့်ပြည်သူတို့ လုံ့လစိုက်ထုတ်နေကြသဖြင့် နိုင်ငံရေး၊ စီးပွားရေး၊ လူမှုရေးရာအဖြာဖြာတွင် အမျိုးသမီးများအခန်းကဏ္ဍ ပိုမိုကျယ်ပြန့်လာနေပြီဖြစ်သည်။

မြန်မာနိုင်ငံလူဦးရေ၏ ထက်ဝက်ကျော်ရှိသော အမျိုးသမီးဦးရေသည် နိုင်ငံတော်အတွက် ဥပဒေပြုရေး၊ အုပ်ချုပ်ရေးနှင့်  တရားစီရင်ရေး ကဏ္ဍများ၌  တာဝန်သိ၊  တာဝန်ယူမှုတို့ဖြင့် ပါဝင်၍ အမျိုးသားများနှင့် တန်းတူပါဝင်နေကြသည်။ နိုင်ငံတော်၏စီးပွားရေးကဏ္ဍမှ  မြန်မာနိုင်ငံစီးပွားရေး စွမ်းဆောင်ရှင်များအဖွဲ့၊ စွန့်ဦးတီထွင် လုပ်ငန်းရှင်များအဖွဲ့ စသည်တို့ဖွဲ့စည်း၍ နိုင်ငံတော်ဖွံ့ဖြိုးတိုးတက်ရေးအတွက် တစ်တပ်တစ်အား ပါဝင်နေကြသည်။  စီးပွားရေးကဏ္ဍတွင်  အမျိုးသမီးများ ပါဝင်ကြသကဲ့သို့  လူမှုရေးကဏ္ဍတွင်လည်း နိုင်ငံတော် အစိုးရဌာန ဆိုင်ရာများနှင့်  ပုဂ္ဂလိကလုပ်ငန်းများ၊ အစိုးရမဟုတ်သော ပြည်တွင်းပြည်ပအသင်း အဖွဲ့များမှာလည်း ပါဝင်ထမ်းဆောင်နေကြသည်။ ထို့အတူ နိုင်ငံတော်ကာကွယ်ရေးတွင် ပါဝင်ကြသော အမျိုးသမီး စစ်မှုထမ်းများကလည်း   တပ်မတော် တပ်ရင်း၊ တပ်ဖွဲ့အသီးသီး၌   တာဝန်အမျိုးမျိုး ထမ်းဆောင်နေကြသည်။

အမျိုးသမီးများအပေါ် အကြမ်းဖက်မှုများ မဖြစ်ပွားစေရန် နိုင်ငံတော်အစိုးရနှင့် အစိုးရမဟုတ်သော အသင်းအဖွဲ့များက  လူထုပညာပေးရေး အစီအစဉ်၊  ဥပဒေနှင့်အညီ ပြစ်ဒဏ်ချမှတ်ရေး အစီအစဉ်များ ဆောင်ရွက်နေကြသည့်တိုင်အောင် အမျိုးသမီးများ၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာ အကြမ်းဖက်ခံရမှု သတင်းများ မကြာခဏကြားသိရသည်။  အချို့သတင်းများမှာ အမျိုးသမီးများအပေါ် အကြမ်းဖက်မှုနှင့် အသက်မွေးဝမ်းကျောင်းမှုတို့ ဆက်စပ်နေကြသည်။ အချို့သတင်းများမှာ နည်းပညာတိုးတက်မှုကို တလွဲအသုံးချ မိသူတို့အတွက်  ပလီပလာစကားကို ရင်ထဲက အဘိဓမ္မာစကား ထင်မှတ်မှားခြင်း၊ အတွေ့အကြုံ နုနယ်သေးသူ တို့အတွက် ခက်လိုက်လေသူ့အပြုံးရယ်ကြောင့်  မမုန်းနိုင်မမေ့နိုင် ဖြစ်မိကြရာမှ မာယာပရိယာယ် ထောင်ချောက်တွင်းသို့ သက်ဆင်းကြရခြင်း စသည့်အဖြစ် မျိုးစုံသတင်းများကြားသိရသည်။ အထူးသဖြင့် အရွယ်မရောက်သေးသော မိန်းကလေးငယ်များ အကြမ်းဖက်မှုခံရသည့် သတင်းများမှာ မြန်မာ့လူ့ဘောင် အဖွဲ့အစည်းအတွက် အကျည်းတန်လွန်းလှသည်။ အမျိုးသမီးများအပေါ် အကြမ်းဖက်မှုသည် အမျိုးသမီးများနှင့် အမျိုးသမီးငယ်ရွယ်သူများ  တစ်ဦးချင်းသာမက မိသားစုအရေး၊  လူမှုအသိုက်အဝန်းအရေးတို့ကိုပါ နှောင့်နှေး ထိခိုက်စေသည်။

ထို့ကြောင့် အမျိုးသမီးများ၏ လူမှုစီးပွားဘဝ ဖွံ့ဖြိုးရန်နှင့် လုံခြုံမှုရှိရန်တို့ကို မြှင့်တင်ပေးခြင်းသည် မြန်မာ့လူမှု အဖွဲ့အစည်းကို မြှင့်တင်ပေးခြင်း ဖြစ်ကြောင်း ၂ဝ၁၉ ခုနှစ် ဇူလိုင် ၃ ရက်တွင်ကျရောက်သော မြန်မာအမျိုးသမီး များနေ့တွင် မြဝတီက တိုက်တွန်းနှိုးဆော် လိုက်ရပါသည်။     

Read 38 times Last modified on Wednesday, 03 July 2019 09:52