SJ WorldNews - шаблон joomla Авто

အရည်အသွေး ပြည့်ဝသော ပညာရေး အားလုံး ဝိုင်းကူပေး

Sunday, 08 October 2017 07:56 font size decrease font size decrease font size increase font size increase font size

၂ဝ၁၇ ခုနှစ် ကမ္ဘာ့ဆရာများနေ့ အထိမ်းအမှတ် အခမ်းအနားကို ''လွတ်လပ်စွာသင်ကြားဖို့၊ ဆရာများကို အားပေးစို့'' ဆောင်ပုဒ်ဖြင့် အောက်တိုဘာ ၅ ရက် နံနက် ၉ နာရီတွင် နေပြည်တော်ရှိ ပညာရေး ဝန်ကြီးဌာန စုဝေးခန်းမ၌ ကျင်းပရာ ပညာရေး ဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီး တက်ရောက် အမှာစကား ပြောကြားသည်။

ကမ္ဘာ့ဆရာများနေ့ အထိမ်းအမှတ် အခမ်းအနား၌ ကမ္ဘာ့ဆရာများနေ့ အထိမ်းအမှတ် ဂုဏ်ထူးဆောင် ပုဂ္ဂိုလ်ကြီးများ၊ ထူးချွန်ဆရာ၊ ဆရာမများနှင့် ကျောင်းတက်ရက်မပျက်သော ဆရာ၊ ဆရာမများ၊ နိုင်ငံတကာပြိုင်ပွဲများတွင် ဆုရရှိစေ ရန် ကြီးကြပ်တာဝန်ယူခဲ့ကြသော ဆရာ၊ ဆရာမများအား ဂုဏ်ပြု ဆုများ ပေးအပ်သည်။ ထို့ပြင် အခြေခံပညာအဆင့် ကမ္ဘာ့ဆရာများနေ့ အထိမ်းအမှတ် ဆောင်းပါးပြိုင်ပွဲ၊ တက္ကသိုလ်/ကောလိပ်အဆင့်၊ အခြေခံပညာ အထက်တန်း အဆင့်နှင့် အလယ်တန်းအဆင့် ကဗျာပြိုင်ပွဲ၊ တက္ကသိုလ်/ကောလိပ်အဆင့် ပိုစတာပြိုင်ပွဲများသို့ ဝင်ရောက်ယှဉ်ပြိုင် ခဲ့ကြသော ကျောင်း သား၊ ကျောင်းသူများမှ ပထမ၊ ဒုတိယ၊ တတိယဆု ရရှိကြသူများအား တာဝန်ရှိသူများက ဆုများ ပေးအပ်ချီးမြှင့်ကြသည်။

နိုင်ငံတော်တွင် အရည်အသွေးရှိသော ပညာရေးစနစ် ဖော်ဆောင်ရာတွင် အရည်အသွေး ပြည့်ဝသောဆရာ၊ ဆရာမများ ပေါ်ထွန်းလာစေရန် ပညာရေး ဝန်ကြီးဌာနက အစဉ်တစိုက် ကြိုးစားဆောင်ရွက်လျက်ရှိရာ နယ်စပ်ဒေသနှင့် ကျေးလက်ဒေသများ၌ပါ ဆရာ၊ ဆရာမများပြည့်စုံအောင် ခန့်ထားပေးေ ရး၊ တိုးတက်ပြောင်းလဲလာသည့် နည်းပညာများနှင့်အညီ ဆရာအတတ်ပညာနှင့် စီမံခန့်ခွဲမှုပညာများကို ထပ်ဆောင်း လေ့ကျင့်ပေးရေး၊ ဆရာ၊ ဆရာမများ၏ လူနေမှု အဆင့်အတန်းပိုမို မြင့်မားလာအောင် မြှင့်တင်ပေးရေးတို့ကို တစ်ပြိုင်တည်း ဆောင်ရွက်ပေးနေကြောင်း တွေ့ရသည်။ ဆရာကောင်း တပည့် ပန်းကောင်းပန်နိုင်ကြစေရန် အခွင့်အလမ်းကောင်းအဖြစ် ရှုမြင်ရသည်။ ၂ဝ၁၇ ခုနှစ် ကမ္ဘာ့ဆရာများနေ့ အထိမ်းအမှတ် အခမ်းအနားကို ''ယနေ့ခေတ် တို့ဆရာ'' သီချင်းသီဆိုဖွင့်လှစ်ပေးကြပြီး ''ပန်းပျိုးသူ'' သီချင်းဖြင့် တေးသရုပ်ဖော်တင်ဆက် ရုပ်သိမ်းကြသည်မှာလည်း ဆရာ၊ ဆရာမတို့၏ စေတနာပေါ်လွင်သည်။

ပညာရေးဝန်ကြီးဌာန ပြည်ထောင်စုဝန်ကြီးက အမှာစကား ပြောကြားရာတွင် ''ဆရာများ၏ အခန်းကဏ္ဍနှင့် ပတ်သက် ၍ မြန်မာ့လူ့ဘောင် အဖွဲ့အစည်း၌ ဆရာကို အနန္တောအနန္တ ငါးပါးတွင် အမြတ်တနိုး တန်ဖိုးထားကြပါကြောင်း၊ ဆရာ များ လိုက်နာဆောင်ရွက်ရမည့် ကျင့်ဝတ်၊ သိက္ခာနှင့် စည်းကမ်း များမှာလည်း များပြားလှပါကြောင်း၊ ဝတ်စားဆင်ယင်မှုမှအစ အနေအထိုင်၊ အပြောအဆို၊ အကျင့်အကြံဆိုသည့် စရိုက်လက္ခဏာအားလုံးတွင် လူ့အဖွဲ့အစည်းက စံပြု ထိုက်သည့်၊ လေးစားအတုယူထိုက်သည့် ပုဂ္ဂိုလ်များဖြစ်အောင် ကျင့်ကြံနေထိုင်သူများ ဖြစ်ပါကြောင်း''ဖြင့် ထည့်သွင်း ပြောကြားသည်။ အခြေခံပညာကျောင်းများ တိုးချဲ့ဖွင့်လှစ်ရေးနှင့် အဆင့်မြှင့်တင်ပေးရေး၊ ဆရာအတတ်ပညာ အရည် အသွေးပြည့်ဝ ထက်မြက်ရေး၊ သင်ရိုးညွှန်းတမ်းနှင့် သင်ရိုးမာတိကာများကို နိုင်ငံတကာ အဆင့်မီ မြှင့်တင်ပေးရေး၊ သင်ကြားမှုနှင့် သင်ယူမှု အထောက်အကူ ပစ္စည်းများကို ထိရောက်စွာ အသုံးပြုနိုင်ေ ရး၊ ကျောင်းများ၏ အရည်အသွေး မြင့်မားရေးအတွက် မူဝါဒများ ချမှတ်ပေးရေးတို့သည် နိုင်ငံတော်အစိုးရက ဆောင်ရွက်ပေးရမည့် လုပ်ငန်းတာဝန် များဖြစ်သည်။ ဤလုပ်ငန်းများ လက်တွေ့ဖော်ဆောင်ရန်မှာ ပညာရေး ဝန်ကြီးဌာန တစ်ခုတည်းက ဆောင်ရွက်နိုင် သည်များရှိသကဲ့သို့ ဆက်နွှယ်သော ဝန်ကြီးဌာနများ၊ ပြည်တွင်းပြည်ပမှ တတ်သိပညာရှင် အဖွဲ့အစည်းများနှင့် ပူး ပေါင်းဆောင်ရွက်ရမည့် လုပ်ငန်းများလည်းရှိသည်။ မည်သို့ဆိုစေ အရည်အသွေး ပြည့်ဝသည့် ပညာရေးကို ကောင်း မွန်သည့် ဆရာများဖြင့်သာ အောင်မြင်အောင် အကောင်အထည် ဖော်နိုင်မည်ဖြစ်သည်။

ပညာသင်ကြားပေးသော ဆရာများက စံပြုလေးစား အတုယူထိုက်သည့် ပုဂ္ဂိုလ်များဖြစ်အောင် ကျင့်ကြံနေထိုင်သူများ ဖြစ်သည့်အားလျော်စွာ ပညာသင်ယူသူ တပည့်တို့ကလည်း တပည့်ကျင့်ဝတ်ကို လိုက်နာစောင့်ထိန်း၍ ပညာရအောင် သင်ယူကြရပေမည်။ အခြေခံပညာ အထက်တန်းအဆင့်တွင် ရှိသော ဆရာနှင့်တပည့်တို့ အပြန်အလှန် စောင့်ထိန်းမှု ရှိကြသည်မှာ အသက်အရွယ်ကွာခြားမှု၏ အထောက်အပံ့နှင့် အစဉ်အလာ ယဉ်ကျေးမှု ဓလေ့ထုံးစံတို့ကြောင့်ဖြစ် သည်။ ကောလိပ်ကျောင်းနှင့် တက္ကသိုလ်ကျောင်းတို့တွင် ဆရာနှင့်တပည့်တို့ အသက်အရွယ် မတိမ်းမယိမ်းရှိသူများ ရှိကြသည်။ ဘွဲ့လွန်သင်တန်းများတွင် အချို့ကျောင်းသားများက ဆရာ၊ ဆရာမများထက် အသက်ပိုကြီးနေခြင်း၊ အ ထူးသဖြင့် နိုင်ငံ့ဝန်ထမ်းဘဝဖြင့် လာတက်သော ဘွဲ့လွန်သင်တန်းသား၊ သင်တန်းသူများမှာ အသက်အရွယ်နှင့် ဘဝ အတွေ့အကြုံရှိသူများ ဖြစ်နေကြသည်။

သင်ကြားပေးသော ဆရာက သင်ခန်းစာသင်ရင်း အတ္တနောမတိ အရှိန်တက်လာသောအခါ သက်ဆိုင်ရာဌာနမှ လာရောက်သင်ယူသော တပည့်မှာ စိတ်ဖိစီးမှုဖြစ်ပြီး မျက်ရည်မိုးရွာခဲ့ဖူးကြောင်း သိရသည်။ မည်သို့ဖြစ်စေ ဆရာသည် ဆရာ၊ တပည့်သည် တပည့်သာဖြစ်ပါ၏။ တပည့်အခက်အခဲကို ဆရာက အချိန်ယူ၍ စေတနာထား ဖြည့်ဆည်းပေး သည်များလည်းရှိကြောင်း သိရသည်။ သို့ဖြစ်၍ အရည်အသွေး ပြည့်ဝသော ပညာရေး ဖော်ဆောင်ရန် ၂ဝ၁၇ ခုနှစ် ကမ္ဘာ့ဆရာများနေ့ ဆောင်ပုဒ်ဖြစ်သော ''လွတ်လပ်စွာ သင်ကြားဖို့၊ ဆရာများကို အားပေးစို့'' (Teaching in Freedom,Empowering Teacher) နှင့်အညီ တိုင်းရင်းသား ပြည်သူအားလုံးတို့က ပူးပေါင်းပါဝင် အားပေးကြပါရန် မြဝတီက တိုက်တွန်း နှိုးဆော်လိုက်ရပါသည်။ ။

Read 25 times Last modified on Sunday, 08 October 2017 08:05