SJ WorldNews - шаблон joomla Авто

စေတီနှင့် တန်ဆောင်း ဆည်ချောင်းနှင့် စပါးနှံ

Sunday, 12 November 2017 08:02 font size decrease font size decrease font size increase font size increase font size

တန်ဆောင်မုန်းလရာသီဘွဲ့တွင် ''ဆောင်းဦးဆည်းဆာ၊ လေပြည်လာ၍၊ သောကြာရပ်က၊ ဆွတ်ဖျန်းပြသော်၊မြိုင်ဝပတ်လည်၊ ပင်တိုင်းနွှယ်လျက်၊ သံမြည်ရင့်ကျူး၊ ကျေးငှက်မြူးသား'' စာဆိုနှင့်အညီ မြောက်လေအသွဲ့တွင် ယိမ်းနွဲ့ဟန်ချီသောအကိုင်းအခက်တို့ဆီမှ ကျေးငှက်တို့တွန်ကျူးသံကြားရသည်မှာ ကြည်နူးဖွယ်ဖြစ်သည်။ထေရဝါဒဗုဒ္ဓသာသနာတော်ထွန်းကားသောမြန်မာနိုင်ငံ၌ တွေ့ ရသောစေတီတော်များမှ ဆည်းလည်းသံချိုချိုကိုကြားရသည်မှာလည်း ရှင်အရဟံနှင့် အနော်ရထာမင်းကြီးတို့၏ကျေးဇူးကြီးမားပုံကို ပို၍သတိတရဖြစ်ရသည်။ထို့ကြောင့် ဆရာဇော်ဂျီက ''တရားငယ်မှန်၊ ရှင်မြတ်ကယ်ထေရ်အရဟံနဲ့၊ ပြည်ပုဂံ နော်ရထာဘုန်းငဲ့ပြင်၊ ပြည်လုံးညီညာတော့၊ ဤကမ္ဘာမှာ ပြည်မြန်မာရယ်လို့ဝင်ခဲ့သတဲ့'' ဟူ၍ ရှေးခေတ်ပုဂံပြည်ကဗျာ၌ ထည့်သွင်းဖွဲ့ဆိုထားခြင်းဖြစ်သည်။

 

မြို့ပြနိုင်ငံငယ်ကလေးများကို တစ်စိတ်ဝမ်းတစ်လက်ညီဖြစ်အောင် အနော်ရထာမင်းကြီးစုစည်းခဲ့သော

 

ပထမမြန်မာနိုင်ငံတော် ပုဂံပြည်ကြီးသည် ရှေးနှစ်ပေါင်း ၉ဝဝ ကျော်က မြန်မာတို့ဂုဏ်ယူဝင့်ကြွားခဲ့ကြသကဲ့သို့ သမိုင်းအမွေကိုဆက်ခံသော ယနေ့ခေတ် မြန်မာတို့အတွက်လည်း ရှေးဟောင်းယဉ်ကျေးမှု နယ်မြေအဖြစ်ဂုဏ်ယူဝင့်ကြွားဖွယ်တည်ရှိဆဲဖြစ်သည်။ မြန်မာတို့အသည်းနှလုံးဟုဆိုအပ်သော ပုဂံရှေးဟောင်းယဉ်ကျေးမှုနယ်မြေကို ကမ္ဘာ့ယဉ်ကျေးမှုအမွေအနှစ်အဖြစ်အသိအမှတ်ပြုပေးရန် ကုလသမဂ္ဂ ပညာရေး၊ သိပ္ပံနှင့်ယဉ်ကျေးမှုအဖွဲ့(UNESCO)သို့ ၂ဝ၁၇ ခုနှစ် စက်တင်ဘာ ၂၂ ရက်တွင် ပထမပိုင်းအစီရင်ခံစာတင်သွင်းထားပြီးဖြစ်သည်။ ဒုတိယပိုင်းအစီရင်ခံစာကို ၂ဝ၁၈ ခုနှစ် ဇန်နဝါရီလတွင် တင်သွင်းမည်ဖြစ်ပြီး နောက်ဆုံးအဆင့်အစီရင် ခံစာတင်သွင်းရာ၌ ပထမနှင့်ဒုတိယတင်သွင်းခဲ့သောအစီရင်ခံစာများကို တစ်ပါတည်း ပူးတွဲတင်ပြရမည်ဖြစ်သည်။ မြန်မာနိုင်ငံကတင်သွင်းလာသော အစီရင်ခံစာကို ကုလ သမဂ္ဂပညာရေး၊ သိပ္ပံနှင့်ယဉ်ကျေးမှုအဖွဲ့ကစီစစ်၍ ၂ဝ၁၉ ခုနှစ် ဇွန်လတွင် ကျင်းပမည့်ညီလာခံသို့ ဆက်လက်တင်သွင်းပြီး အတည်ပြုချက်ရယူမည်ဖြစ်ကြောင်း သိရသည်။

 

ပုဂံရှေးဟောင်းယဉ်ကျေးမှုနယ်မြေသို့ ကမ္ဘာလှည့်ခရီးသွားဧည့်သည်များ လာရောက် လေ့လာကြသည့် အရေအတွက်မှာ ၂ဝ၁၅-၂ဝ၁၆ ဘဏ္ဍာနှစ်တွင် ၂၄ဝဝဝဝ ကျော်ရှိရာမှ ၂ဝ၁၆-၂ဝ၁၇ ဘဏ္ဍာနှစ်တွင် ၃ဝဝဝဝဝအထိ တိုးတက်လာသဖြင့် ကမ္ဘာ့အမွေအနှစ်စာရင်းဝင်အဖြစ် အသိအမှတ်ပြုပြီးသည့်နောက်တွင် ယခုထက် ပိုမိုလာရောက်လေ့လာကြမည့် အခြေအနေများစွာရှိသည်။ ပုဂံရှေးဟောင်း ယဉ်ကျေးမှုနယ်မြေသည် ဧရိယာအားဖြင့် ၄၂ မိုင်ကျယ်ဝန်းပြီး ရှေးဟောင်းယဉ်ကျေးမှုအဆောက်အအုံပေါင်း ၃၈ဝဝ ရှိသည့်နေရာဖြစ်သည်။ ရှေးဟောင်းယဉ်ကျေးမှုအဆောက်အအုံများမှာ သဘာဝဘေး ဒဏ်ကြောင့်ယိုယွင်းမှုများရှိသည်ကို သက်ဆိုင်ရာဌာနများက ရှေးမူမပျက်မွမ်းမံပြင်ဆင်ထိန်းသိမ်းလျက်ရှိရာ ဒေသခံပြည်သူများနှင့် ပြည်တွင်းပြည်ပမှလာရောက်ကြသော ခရီးသွား ဧည့်သည်များကလည်း ဝိုင်းဝန်းထိန်းသိမ်းစောင့်ရှောက်ကြရမည်ဖြစ်သည်။ဒေသခံ ပြည်သူများက ထိန်းသိမ်းစောင့်ရှောက်ကြရာတွင် ရှေးဟောင်းယဉ်ကျေးမှုနယ်မြေ ဧရိယာအတွင်းရှိ သဘာဝအခြေအနေများအားလုံးကို မူလ အခြေအနေမပျက် ရှိနေစေရန် ထိန်းသိမ်းကြရမည်ဖြစ်သည်။ ခရီးသွားဧည့်သည်များအနေဖြင့် နံရံဆေးရေးပန်းချီများရှိသည့်နေရာများနှင့် အခြားနေရာများတွင်မိမိတို့ရောက်ရှိကြောင်း စာများရေးသားခြင်းနှင့် အခြားအမှတ်အသားတစ်ခုခုကိုရေးသားကြခြင်းကြောင့် ယဉ်ကျေးမှုအမွေအနှစ်များ၏တန်ဖိုး ယုတ်လျော့ သွားကြောင်းသတိပြုကြရန်လို သကဲ့သို့ တာဝန်ရှိသူများကလည်း ပညာပေးတားမြစ်ရန်လိုကြောင်း အကြံပြုထားကြသည်။

 

နိုင်ငံတော်အစိုးရသည် ပုဂံရှေးဟောင်းယဉ်ကျေးမှုနယ်မြေကို ကမ္ဘာ့ယဉ်ကျေးမှု အမွေအနှစ်စာရင်းဝင်ဖြစ်ရေး ကြိုးစားအားထုတ်နေစဉ်မှာပင် ရခိုင်ပြည်နယ်ရှိ ရှေးဟောင်းရခိုင်ယဉ်ကျေးမှုမြို့တော် မြောက်ဦးမြို့ကိုလည်း ကုလသမဂ္ဂပညာရေး၊ သိပ္ပံနှင့်ယဉ်ကျေးမှုအဖွဲ့က ကမ္ဘာ့ယဉ်ကျေးမှုအမွေအနှစ်စာရင်းဝင်အဖြစ် အသိအမှတ်ပြုရေးကို ၂ဝ၁၈ ခုနှစ်အတွင်းတင်သွင်းနိုင်ရန် ၂ဝ၁၇ ခုနှစ်မှ စတင်ပြင်ဆင်ဆောင်ရွက်နေကြောင်း ဒုတိယအကြိမ်အမျိုးသားလွှတ်တော် ဆဋ္ဌမပုံမှန်အစည်းအဝေး ဒသမနေ့ကျင်းပစဉ် ကြားသိလိုက်ရသည်။ မြောက်ဦးယဉ်ကျေးမှု အမွေအနှစ်ဒေသကို ကမ္ဘာ့ အမွေအနှစ်စာရင်းဝင်သတ်မှတ်နိုင်ရန် နိုင်ငံတကာ နှင့်ပူးပေါင်း၍ စနစ်ကျသောစီမံခန့်ခွဲမှုနှင့် ကာကွယ်ထိန်းသိမ်းမှုဆောင်ရွက်နိုင်ရေး၊ဒေသခံပြည်သူများနှင့်ရခိုင်ပြည်နယ်အစိုးရအဖွဲ့တို့ အပြည့်အဝ ပူးပေါင်းဆောင်ရွက်ရေး၊ အကြံပေးအဖွဲ့၊ ပညာရှင်အဖွဲ့၊ ဒေသခံများ၊သမိုင်းပညာရှင်များ စသည်တို့ဖြင့် စုပေါင်းဖွဲ့စည်း၍ ၂ဝ၁၈ ခုနှစ် ဇွန်လတွင်ပြုလုပ်မည့် ကုလသမဂ္ဂပညာရေး၊ သိပ္ပံနှင့်ယဉ်ကျေးမှုအဖွဲ့ (UNESCO)ကကျင်းပမည့် ကမ္ဘာ့အမွေအနှစ်ညီလာခံတွင် တင်သွင်းသွားမည်ဖြစ်သည်။

ရှေးဟောင်းယဉ်ကျေးမှုအမွေအနှစ်ဟူသည်ယခုမှပြန်လည်ဖန်တီး၍ရကောင်းသောအရာမဟုတ်သကဲ့သို့ တီထွင်ဆန်းသစ်၍လည်းမရနိုင်ခြင်းကြောင့် ကျွန်ုပ်တို့ ဘိုးဘေး ဘီဘင်တို့၏ကိုယ်စွမ်းဉာဏ်စွမ်းနှင့် စုစည်းညီညွတ်သောစွမ်းအားတို့ဖြင့် တည်ဆောက်ခဲ့သောစေတီနှင့်တန်ဆောင်းစသည့် ရှေးဟောင်းယဉ်ကျေးမှု အမွေအနှစ် များကို ရှေးမူမပျက်တည်တံ့စေရန် ကာကွယ်ထိန်းသိမ်း စောင့်ရှောက်ကြရမည် မှာ ကျွန်ုပ်တို့တာဝန်သာဖြစ်ကြောင်း မြဝတီကထပ်လောင်းနှိုးဆော်လိုက်ရပါသည်။ ။

Read 17 times Last modified on Sunday, 12 November 2017 08:18