SJ WorldNews - шаблон joomla Авто

ဤနေ့မင်္ဂလာဤအခါတွင် ရွှင်သာနှစ်ထောင်း ခြိမ့်ခြိမ့်ညောင်းလျက်

Monday, 13 November 2017 11:20 font size decrease font size decrease font size increase font size increase font size

မြန်မာတို့သည် ရှေးနှစ်ပေါင်းထောင်နှင့်ချီ၍ ကိုယ့်ထီးကိုယ့်နန်းနှင့် ဝင့်ထည်စွာ နေထိုင်ခဲ့ကြသော လူမျိုးဖြစ်သည်။ သို့သော် ကံဇာတာအလှည့်အပြောင်းတွင် အကြောင်းမလှသဖြင့် ကိုလိုနီနိုင်ငံသား ဘဝ ကျရောက်ခဲ့ရဖူးသည်။ ဗြိတိသျှတို့က မြန်မာနိုင်ငံကိုသိမ်းပိုက်ပြီးနောက် ပညာရေးကိုလျစ်လျူရှုကာ ကိုလိုနီပညာရေး စနစ်ကျင့်သုံးခဲ့သည်။ ထိုခေတ်က ကာလကတ္တား(ယခု ကိုးလ်ကတ္တား) တက္ကသိုလ် လက်အောက်ခံ ရန်ကုန်ကောလိပ်ကိုသာ ဖွင့်လှစ်သင်ကြားပေးသည်။ မြန်မာနိုင်ငံတွင် သီးခြားတက္ကသိုလ်တစ်ခုဖွင့်လှစ်ပေးရန် မြန်မာတို့က အကြံပြု ကြသော်လည်း ဗြိတိသျှတို့က မသိကျိုးကျွန်ပြုနေကြသည်။

နောက်ပိုင်း ၁၉၂ဝ ပြည့်နှစ်ရောက်သောအခါ မြန်မာနိုင်ငံတွင် သီးခြားတက္ကသိုလ် ဖွင့်လှစ်ပေးရန် တက္ကသိုလ်အက်ဥပဒေကို ရေးဆွဲအတည်ပြုရာ မြန်မာနိုင်ငံ၌ တက္ကသိုလ်တစ်ခုသာရှိရမည်ဖြစ်ပြီး ထိုတက္ကသိုလ်၏လက်အောက်တွင် ကောလိပ် ကျောင်းတစ်ကျောင်းသာရှိရမည်။သင်ကြားလိုသူများသည် ကျောင်းအိပ်၊ ကျောင်းစားနေရမည်။ သင်ကြားခွင့်ရသူများ ပြင်ဆင်မှုအတန်းတွင် တစ်နှစ်နေကြ ရမည် စသည့်အချက်များပါဝင်သည်။ ဤအချက်များက တက္ကသိုလ်ပညာသင်ယူလိုကြသော မြန်မာလူငယ်များအဖို့ ပေးကားပေး၏မရဖြစ်မည့်ကိန်းဆိုက်နေခြင်းကြောင့် ကန့်ကွက် နေကြချိန်မှာပင် ၁၉၂ဝ ပြည့်နှစ် ဒီဇင်ဘာ ၁ ရက်တွင်ဥပဒေပြုကောင်စီက တက္ကသိုလ်အက်ဥပဒေကို အတည်ပြုပြဋ္ဌာန်းလိုက်သည်။ အတည်ပြုပြဋ္ဌာန်းလိုက်သောတက္ကသိုလ် အက်ဥပဒေအရ ဒုတိယဘုရင်ခံ ကရက်ဒေါက်သည် တက္ကသိုလ် အဓိပတိဖြစ်လာပြီး ဒီဇင်ဘာ ၇ရက်တွင် တက္ကသိုလ်ဖွင့်လှစ်ရန်ကြေညာလိုက်သည်။

ဗြိတိသျှတို့အတည်ပြုပြဋ္ဌာန်းလိုက်သော တက္ကသိုလ်အက်ဥပဒေကို ရန်ကုန်ကောလိပ် နှင့် ယုဒသန်ကောလိပ်တို့မှ ကျောင်းသားများက ဒီဇင်ဘာ ၅ ရက်တွင်စုဝေး၍ ကန့်ကွက်ကြသည်။ ဤသို့ဖြင့် ကောဇာသက္ကရာဇ်၁၂၈၂ ခုနှစ် တန်ဆောင်မုန်းလပြည့်ကျော် ၁ဝ ရက်တွင်စတင်ခဲ့သော ပထမကျောင်းသား သပိတ်သည်ရန်ကုန်မြို့ပေါ်ကျောင်းများမှတစ်ဆင့် မန္တလေး၊မော်လမြိုင်၊ ပုသိမ် စသည့်မြို့ကြီးများရှိကျောင်းများသို့ရက်ပိုင်းအတွင်းကူးစက်သွားလေရာတက္ကသိုလ်သပိတ်မှ ကျောင်းသားသပိတ်အဖြစ်သို့ရောက်ရှိသွားသည်။

ကျောင်းများပိတ်ထားသော်လည်း လူငယ်များပညာသင်ကြားရေးမနှောင့်နှေးစေရန် အမျိုးသားကျောင်းများဖွင့်လှစ်သင်ကြားပေးကြရာ ဂျီစီဘီအေအသင်းကြီးမှ မျိုးချစ် ပုဂ္ဂိုလ်တို့၏အားပေးကူညီမှုနှင့် ပြည်သူတို့၏ ထောက်ပံ့မှုကိုရရှိသဖြင့် တစ်နှစ် အတွင်းမှာပင် တစ်နိုင်ငံလုံး၌ အမျိုးသားကျောင်း ၉ဝ ကျော်ဖွင့်လှစ်၍ကျောင်းသား၊ ကျောင်းသူ စုစုပေါင်းတစ်သောင်းကျော်တို့ကို ပညာသင်ကြားပေးနိုင်ခဲ့သည်။ အမျိုးသားရေးလှုပ်ရှားမှုကိုဦးဆောင်မှုပေးသော ဂျီစီဘီအေအဖွဲ့ကြီးသည် ၁၉၂၁ ခုနှစ် အောက်တိုဘာလတွင် နဝမအကြိမ်မြောက်ကွန်ဖရင့်ကို မန္တလေးမြို့၌ကျင်းပပြီး အမျိုးသားနေ့သတ်မှတ်ရေးဆွေးနွေးကြသည်။ အမျိုးသားနေ့အဖြစ်သတ်မှတ်ရန် သီပေါဘုရင်ပါတော်မူသောနေ့၊ ဆရာတော်ဦးဥတ္တမအဖမ်းခံရသောနေ့၊ ရန်ကုန် တက္ကသိုလ် အက်ဥပဒေကို စတင်သပိတ်မှောက်သည့်နေ့တို့မှ တစ်နေ့နေ့ကို ရွေးချယ်ရေးဆွေးနွေးကြသည်။ ရန်ကုန်မြို့ဂျူဗလီဟော၌ ၁၉၂၂ ခုနှစ် ဇွန်လတွင် ဂျီစီဘီအေအထူးကွန်ဖရင့်ကျင်းပ၍ ရန်ကုန်တက္ကသိုလ်အက်ဥပဒေကို ကျောင်းသားများ စတင်ကန့်ကွက်သပိတ်မှောက်သော တန်ဆောင်မုန်းလပြည့်ကျော် ၁ဝ ရက်ကို အမျိုးသားနေ့အဖြစ် ရွေးချယ်သတ်မှတ်ကြပြီး လွတ်လပ်ရေးပန်းတိုင်အထိ ဆက်လက် တိုက်ပွဲဝင်ခဲ့ကြသည်။

မြန်မာနိုင်ငံလွတ်လပ်ရေးရပြီးနောက်ပိုင်းပညာရေးမြှင့်တင်မှုကြိုးပမ်းဆောင်ရွက်ချက် များကြောင့် ယနေ့အချိန်တွင် အခြေခံပညာကျောင်းများ၊ နည်းပညာ အထက်တန်းကျောင်းများ၊ ပညာရေးကောလိပ်၊ နည်းပညာကောလိပ်၊ ကုန်သွယ်ရေကြောင်းကောလိပ်၊ ကောလိပ်၊ ဒီဂရီကောလိပ်နှင့် တက္ကသိုလ်များ၊ နည်းပညာတက္ကသိုလ်၊ ကွန်ပျူတာတက္ကသိုလ်၊ အခြားဝန်ကြီးဌာနဆိုင်ရာ တက္ကသိုလ်များ၊ မြန်မာနိုင်ငံလေကြောင်းနှင့်အာကာသပညာတက္ကသိုလ်၊မြန်မာနိုင်ငံ ရေကြောင်းပညာတက္ကသိုလ်၊ သုတေသနအခြေပြုနည်းပညာတက္ကသိုလ်(ရတနာပုံဆိုက်ဘာစီးတီး)တို့ကို တိုးချဲ့ဖွင့်လှစ်သင်ကြား ပေးနိုင်ပြီဖြစ်သည်။မြန်မာနိုင်ငံသားများအတွက် ဝိဇ္ဇာ၊ သိပ္ပံပညာရပ်များ၊ ဆေးဘက်ဆိုင်ရာပညာရပ်များ၊ ခေတ်မီနည်းပညာရပ်များကို သင်ယူနိုင်သည့်အခွင့်အလမ်းများရရှိနေကြသည်။ နိုင်ငံ တစ်နိုင်ငံဖွံ့ဖြိုးရေးအတွက် ပညာရေးတွင်ရင်းနှီးမြှုပ်နှံမှုသည် အထိရောက်ဆုံးဟု ဆိုကြသည့်အတိုင်းနိုင်ငံသားတစ်ဦးချင်း အနေဖြင့် ပညာနှင့်အသက်မွေးခြင်းသည်သာ အမွန်မြတ်ဆုံးဖြစ်သည်။ အမျိုးသားစည်းကမ်းအစ စာသင်ကျောင်းကဟူသော မြန်မာမျိုးချစ်ပုဂ္ဂိုလ်ကြီးများကိုယ်တိုင် နမူနာပြသွန်သင်ထားကြသည်။ထို့ကြောင့် ၂ဝ၁၇ ခုနှစ် (၉၇)နှစ်မြောက် အမျိုးသားနေ့ဦးတည်ချက်များဖြစ်သည့် ပြည်ထောင်စု စိတ်ဓာတ်ရှင်သန်ထက်မြက်ရေး၊ ပြည်ထောင်စုငြိမ်းချမ်းရေးတည်ဆောက်ရေး၊ တိုင်းရင်းသားအားလုံး ဘက်စုံဖွံ့ဖြိုးတိုးတက်ရေး၊ ဒီမိုကရေစီ ဖက်ဒရယ်ပြည်ထောင်စုတည်ဆောက်ရေးတို့ကို ဤနေ့မင်္ဂလာဤအခါတွင် တစ်နိုင်ငံလုံး၌ခြိမ့်ခြိမ့်ညောင်းလျက်ကျင်းပသောအမျိုးသားနေ့အောင်ပွဲအထိမ်းအမှတ်အခမ်းအနားမှစ၍ မမှိတ်မသုန်ကြိုးပမ်းအားထုတ်ကြပါရန် မြဝတီက တိုက်တွန်းနှိုးဆော် လိုက်ရပါသည်။ ။

Read 15 times Last modified on Monday, 13 November 2017 11:22