SJ WorldNews - шаблон joomla Авто
ကေတု

ကေတု

ပြည်ထောင်စုလွှတ်တော် အစည်းအဝေး

နေပြည်တော်  နိုဝင်ဘာ  ၁၅

ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေး     ဒုတိယနေ့ကို ယနေ့နံနက်  ၁ဝ  နာရီတွင် နေပြည်တော်ရှိ ပြည်ထောင်စုလွှတ်တော် အစည်းအဝေး ခန်းမ၌ ကျင်းပသည်။

အစည်းအဝေးတွင်  နိုင်ငံတော်သမ္မတက ပေးပို့ထားသော ပြည်ထောင်စု တရားလွှတ်တော်ချုပ် တရားသူကြီးအဖြစ် ဦးမျိုးဝင်းအား ခန့်အပ်တာဝန်ပေးအပ်ခြင်းနှင့် စပ်လျဉ်း၍   လွှတ်တော်က   သဘောတူကြောင်း ကြေညာသည်။

ထို့နောက်  နိုင်ငံတော်သမ္မတက  ပေးပို့ထားသော ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေး ဝန်ကြီးဌာန (Ministry  of  Investment   and  Foreign  Economic Relations)ဖွဲ့စည်းရန်ကိစ္စနှင့် စပ်လျဉ်း၍ လွှတ်တော် ကိုယ်စားလှယ်များက  ဆွေးနွေးကြသည်။

လှိုင်းဘွဲ့မဲဆန္ဒနယ်မှ ဦးခင်ချိုက ဆွေးနွေး ရာတွင် နိုဝင်ဘာ ၁၃ ရက်က ပြည်သူ့လွှတ်တော်၌  နိုင်ငံခြား ရင်းနှီးမြှုပ်နှံမှု အခြေအနေ မေးခွန်းအပေါ် စီမံကိန်းနှင့် ဘဏ္ဍာရေး ဝန်ကြီးဌာန ဒုတိယဝန်ကြီး၏ ဖြေကြားချက်အရ ၁၉၉၈ ခုနှစ်မှ ၂ဝ၁၆  ခုနှစ်အထိ  လုပ်ငန်း  ၁၁၁ဝ  နှင့် ရင်းနှီးမြှုပ်နှံငွေ အမေရိကန်ဒေါ်လာ ၆၃ ဒသမ ၇၂ ဘီလီယံရရှိပြီး ၂ဝ၁၆ ခုနှစ် ဧပြီ ၁ ရက်မှ ၂ဝ၁၈ ခုနှစ် မတ် ၃၁ ရက်အထိ နှစ်နှစ်တာ ကာလအတွင်း လုပ်ငန်းသစ် ၃၆ဝ နှင့် ရင်းနှီးမြှုပ်နှံငွေ အမေရိကန်ဒေါ်လာ ၁၂ ဒသမ ၃၇ ဘီလီယံရှိသည့်အတွက် နှစ် ၃ဝ အတွင်း ရင်းနှီးမြှုပ်နှံငွေပေါင်း၏ ၁၆ ဒသမ ၂၅ ရာခိုင်နှုန်း တိုးလာသည်ကို သိရကြောင်း၊ မြန်မာနိုင်ငံသည်  ကုန်းတွင်းပိတ်နိုင်ငံ မဟုတ်သည့်အတွက် အရှေ့တောင်အာရှနိုင်ငံများ အားလုံးတွင်   ပထဝီအနေအထား ဖြစ်ဖြစ်၊ လူ့စွမ်းအား အရင်းအနှီးဖြစ်ဖြစ် သာနေသော်လည်း အာဆီယံနိုင်ငံများထဲတွင်  နိုင်ငံခြား ရင်းနှီးမြှုပ်နှံမှု အနည်းဆုံးနိုင်ငံဖြစ်နေသည့် အတွက်ကြောင့် တိုးတက်အောင် လုပ်ဆောင်ရန် လိုအပ်နေကြောင်း၊ ဝန်ကြီးဌာနအသစ် ဖွဲ့စည်းခြင်းနှင့်ပတ်သက်၍ ကမ္ဘာ့အခြေအနေအရ  ပြည်ပရင်းနှီးမြှုပ်နှံမှု  အပြိုင်အဆိုင် စည်းရုံးဆောင်ရွက်ရမည့် အနေအထားတွင် နိုင်ငံဖွံ့ဖြိုးတိုးတက်လာရန်   ရင်းနှီးမြှုပ်နှံမှု တိုးတက်လာသည်နှင့်အမျှ ပြည်တွင်းက အလုပ်လက်မဲ့ ပြဿနာများနှင့် နိုင်ငံရပ်ခြား လုပ်သားစီးထွက်နေမှုများကို ထိန်းချုပ်လာနိုင်သည့် အလားအလာကောင်းများ ရှိလာနိုင်မည်ဖြစ်ပြီး ပြည်ပရင်းနှီး မြှုပ်နှံမှုများလာသည်နှင့် အမျှ ပြည်တွင်းငွေကြေး တန်ဖိုးတည်ငြိမ်မှု၊ ငွေကြေးဖောင်းပွမှုများ အများကြီး အထောက်အကူ ဖြစ်လာနိုင်မည် ဖြစ်သည့်အတွက် ရင်းနှီးမြှုပ်နှံမှု ကော်မရှင်အနေဖြင့် မဟုတ်ဘဲ ဝန်ကြီးဌာနတစ်ခုအဖြစ် အဆင့်မြှင့်သည်ကို ကန့်ကွက်ရန် မရှိကြောင်း ဆွေးနွေးသည်။

ဆက်လက်၍    မအူပင်မဲဆန္ဒနယ်မှ ဦးစိန်ဝင်းက ဖွဲ့စည်းပြီးသော စီးပွားရေးနှင့် ဆက်စပ်သည့် ဝန်ကြီးဌာနနှင့် ဌာနခွဲအဖွဲ့များကို လေ့လာကြည့်သည့်အခါ  စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာန၊ မြန်မာနိုင်ငံ ရင်းနှီးမြှုပ်နှံမှုကော်မရှင်၊   အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာနနှင့်   ၎င်းဌာနအောက်တွင်    စီးပွားရေး သံမှူးများပါ ခန့်ထားမှုရှိကြောင်း၊ နိုင်ငံတော်၏ အတိုင်ပင်ခံ ပုဂ္ဂိုလ် ဦးဆောင်သည့် စီးပွားရေး ကော်မတီရှိကြောင်း၊စီးပွားရေးဌာနအဖွဲ့ များသော်လည်း ဟန့်တားရန် ခက်ခဲမှုရှိနေလျှင် သက်ဆိုင်ရာ လွှတ်တော်ရေးရာ ကော်မတီတွင်  ကြိုတင် ညှိနှိုင်းဆွေးနွေးပြီးမှ ပြည်ထောင်စု လွှတ်တော်၏ သဘောထား ရယူသင့်ကြောင်း၊ ဝန်ကြီးဌာန အသစ်ဖြည့်စွက်ရန် အစိုးရဝန်ထမ်း အတွေ့အကြုံအရ  အချိန်ကာလအားဖြင့်  အချိန်နှစ်နှစ် ယူရကြောင်း၊     ပြည်ပအရင်းအနှီး မျှော်လင့်သည်ထက်  ပြည်တွင်းအရင်းအနှီးကို မှန်ကန်စွာ ဆောင်ရွက်နိုင်အောင် စီမံရန် ပိုအရေးကြီးကြောင်း၊ဝန်ကြီးဌာနအသစ်  ဖြည့်စွက်ခြင်း အပေါ်အကျိုး  ရှိ၊ မရှိ၊ သင့်၊ မသင့်  စဉ်းစားသင့်ကြောင်း ဆွေးနွေးပြီး အဆိုပါကိစ္စနှင့် စပ်လျဉ်း၍ လွှတ်တော် ကိုယ်စားလှယ်များက ဆွေးနွေးကြသည်။

ထို့နောက် နိုင်ငံတော်သမ္မတက ပေးပို့ထားသော အီလက်ထရွန်နစ် ဆက်သွယ်ရေးနည်းဖြင့် ကူးသန်းရောင်းဝယ်ခြင်းဆိုင်ရာ အာဆီယံ သဘောတူစာချုပ်တွင် ပါဝင်လက်မှတ်ရေးထိုးရေး ကိစ္စနှင့်စပ်လျဉ်း၍ ပဲခူးတိုင်းဒေသကြီး မဲဆန္ဒနယ်အမှတ်(၃)မှ ဒေါ်ရွှေရွှေစိန်လတ် က ဆွေးနွေးသည်။

ယင်းကိစ္စနှင့်စပ်လျဉ်း၍   ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်က ပြန်လည်ရှင်းလင်း ဆွေးနွေးပြီး လွှတ်တော်၏ အဆုံးအဖြတ်ရယူကာ လွှတ်တော်က သဘောတူ အတည်ပြုကြောင်း လွှတ်တော်နာယက ဦးတီခွန်မြတ်က ကြေညာသည်။

ဆက်လက်၍  နိုင်ငံတော်သမ္မတက ပေးပို့ထားသော  ဆောက်လုပ်ရေး ဝန်ကြီးဌာနနှင့် ကရင်ပြည်နယ်အစိုးရ အဖွဲ့တို့က မဟာမဲခေါင်ဒေသခွဲ    အရှေ့အနောက် စီးပွားရေးစင်္ကြံလမ်းတစ်လျှောက်ရှိမြို့များ ဖွံ့ဖြိုးမှု စီမံကိန်းဆောင်ရွက်ရန်အတွက် ထိုင်းနိုင်ငံ Neigh-bouring Countries Economic Develop-ment Cooperation Agency-NEDA ထံမှ ချေးငွေ အမေရိကန်ဒေါ်လာ ၂၄ ဒသမ ၃ သန်း ရယူရန်ကိစ္စနှင့် စပ်လျဉ်း၍ ဆောက်လုပ်ရေး ဝန်ကြီးဌာန ပြည်ထောင်စုဝန်ကြီး ဦးဟန်ဇော်က အဆိုပါ စီမံကိန်းအား မော်လမြိုင်မြို့၊ ဘားအံမြို့နှင့် မြဝတီမြို့တို့တွင် ရေပေးဝေရေး အဆင့်မြှင့်တင်ခြင်းနှင့် အမှိုက်သိမ်း စနစ်တို့အတွက် အဓိကထားပြီး ဆောင်ရွက်မည်ဖြစ်ကြောင်း၊    အဆိုပါမြို့သုံးမြို့တွင် သန့်ရှင်းသပ်ရပ် လှပရေး၊ ရေကောင်းရေသန့် ရရှိရေးနှင့်  စနစ်တကျ အမှိုက်စွန့်ပစ်ရေးတို့အပြင် လူမှုစီးပွားကဏ္ဍ ဖွံ့ဖြိုးတိုးတက်စေရန်၊ Competitive City များ ထူထောင်ရန်၊ မြို့ပြအခြေခံ အဆောက်အဦများ အဆင့်မြှင့်တင်ရန်၊ မြို့ပြစီမံခန့်ခွဲမှုဆိုင်ရာ ပိုမိုအားကောင်းစေရန်၊ ဒေသတွင်းသဘာဝ ပတ်ဝန်းကျင်ကို ထိန်းသိမ်း၍ ရေရှည်ဖွံ့ဖြိုး တိုးတက်စေရန် ရည်ရွယ်ချက်များ ထားရှိပြီး   စီမံကိန်းအား အကောင်အထည်ဖော် ဆောင်ရွက်သွားမည် ဖြစ်ကြောင်း၊ ဖော်ပြပါမြို့ကြီးသုံးမြို့၏ မြို့ပြအခြေခံ အဆောက်အဦ   အဆင့်မြှင့်တင်ရေး စီမံကိန်းအား ADB မှ ချေးငွေ အမေရိကန် ဒေါ်လာ သန်း ၈ဝ ဖြင့် မော်လမြိုင်မြို့နှင့် ဘားအံမြို့တို့အတွက် လည်းကောင်း၊ NEDA ထံမှ အမေရိကန်ဒေါ်လာ ၂၄ ဒသမ ၃ သန်းဖြင့် မြဝတီမြို့အတွက် လည်းကောင်း ချေးငွေများ ရယူဆောင်ရွက် သွားမည်ဖြစ်ကြောင်း။

အဆိုပါချေးငွေ   အမေရိကန်ဒေါ်လာ သန်း  ၈ဝ အား ဒုတိယအကြိမ် ပြည်ထောင်စုလွှတ်တော် သတ္တမပုံမှန်အစည်းအဝေး ၁၆ ရက်မြောက်နေ့တွင် ချေးငွေရယူနိုင်ရန် အတွက် အတည်ပြုခဲ့ပြီးဖြစ်ကြောင်း၊ ၎င်းချေးငွေရယူနိုင်ရေး စာချုပ်အား စီမံကိန်းနှင့် ဘဏ္ဍာရေး ဝန်ကြီးဌာနကိုယ်စား ငွေတိုက်ဦးစီးဌာနနှင့် ADB  တို့က လက်မှတ်ရေးထိုးပြီး Legal Opinion ရယူရန် ပြည်ထောင်စုရှေ့နေချုပ်ရုံးသို့ ပေးပို့၍ ညှိနှိုင်းဆောင်ရွက်လျက် ရှိကြောင်း၊ အဆိုပါမြို့များ၏ လူမှုစီးပွားနှင့်မြို့ပြအခြေခံ အဆောက်အဦ ကဏ္ဍအား တိုးတက်မြှင့်တင်စေပြီး စဉ်ဆက်မပြတ် ဖွံ့ဖြိုးမှုပန်းတိုင် အချက်၁၁ ချက်ပါ မြို့ပြများ ရေရှည်ဖွံ့ဖြိုး တိုးတက်စေရေးအတွက်    အထောက်အကူပြုသည့် စီမံကိန်းဖြစ်ပါသဖြင့် NEDA ထံမှ ချေးယူမည့် အမေရိကန်ဒေါ်လာ ၂၄ ဒသမ ၃ သန်း ရယူရေးကိစ္စအား ပြည်ထောင်စုလွှတ်တော်က ခွင့်ပြုပေးနိုင်ရန်   လွှတ်တော်သို့ ရှင်းလင်း တင်ပြသည်။

ယင်းနောက်   စီမံကိန်းနှင့် ဘဏ္ဍာရေး ဝန်ကြီးဌာန ဒုတိယဝန်ကြီး ဦးမောင်မောင်ဝင်းက NEDA သည် ထိုင်းနိုင်ငံ ဘဏ္ဍာရေး ဝန်ကြီးဌာန၏ အဖွဲ့အစည်းတစ်ခုဖြစ်ပြီး အိမ်နီးချင်း နိုင်ငံများနှင့် စီးပွားရေး ပူးပေါင်းဆောင်ရွက်ရန် ဖွဲ့စည်းထားသည့် အစိုးရအဖွဲ့အစည်း တစ်ခုဖြစ်ကြောင်း၊  NEDA  ၏ ချေးငွေဆိုင်ရာ စည်းကမ်းချက်များမှာ ဆိုင်းငံ့ကာလ ၁ဝ နှစ်၊ ပြန်ဆပ်ကာလ နှစ် ၂ဝ  စုစုပေါင်း နှစ်  ၃ဝ ဖြစ်ပြီး အတိုးနှုန်းမှာ တစ်နှစ်လျှင် ၁ ဒသမ ၅ ရာခိုင်နှုန်းဖြစ်ပြီး  စီမံခန့်ခွဲမှုစရိတ်အဖြစ် သုည ဒသမ ၁၅  ရာခိုင်နှုန်းကို တစ်ကြိမ်တည်း ပေးချေရမည်ဖြစ်ကြောင်း၊ အဆိုပါချေးငွေ၏ Grant Element  တွက်ချက်ရာတွင် ၄၆ ဒသမ၁၆  ရာခိုင်နှုန်း ရရှိသည့်အတွက်  သက်သာမှု ရှိသောချေးငွေဖြစ်ကြောင်း၊ စီမံကိန်းကာလမှာ ၂ဝ၁၉ ခုနှစ်မှ ၂ဝ၂၄ ခုနှစ်ထိ ခြောက်နှစ်ဖြစ်ကြောင်း၊အဆိုပါချေးငွေဖြင့်   ကရင်ပြည်နယ် မြဝတီမြို့တွင် ဖွံ့ဖြိုးမှု စီမံကိန်းများဖြစ်သော   ပြည်သူတို့အတွက်  ရေကောင်းရေသန့်နှင့်   ရေလုံလောက်စွာ ရရှိနိုင်ရေး၊ စွန့်ပစ်ပစ္စည်းများနှင့် အမှိုက်များ စီမံခန့်ခွဲမှု ကောင်းမွန်ရေး၊ ရှေးဟောင်းအဆောက်အအုံများ ပြုပြင်ထိန်းသိမ်းရေး စသည့်လုပ်ငန်းများကို   အကောင်အထည်ဖော် ဆောင်ရွက်နိုင်မည်ဖြစ်ပြီး မြို့ပြဖွံ့ဖြိုးရေးအတွက် လိုအပ်သော အခြေခံအဆောက်အဦများ ဖွံ့ဖြိုးတိုးတက်စေခြင်းမှ တစ်ဆင့် ဒေသခံပြည်သူတို့၏ လူမှုစီးပွားဘဝများ တိုးတက်ဖွံ့ဖြိုးစေနိုင်ခြင်း  အကျိုးကျေးဇူးများ ရရှိမည်ဖြစ်ကြောင်း။

အဆိုပါစီမံကိန်းသည်   ၂ဝ၁၈-၂ဝ၁၉ ဘဏ္ဍာနှစ် ပြည်ထောင်စု၏ ဘဏ္ဍာငွေအရအသုံး ဆိုင်ရာဥပဒေ၊ ပြည်သူ့ကြွေးမြီ စီမံခန့်ခွဲမှုဥပဒေ၊ ၂ဝ၁၇ ခုနှစ် ကာလလတ်ကြွေးမြီ စီမံခန့်ခွဲမှုမဟာဗျူဟာ၊ ဖွံ့ဖြိုးမှု အကူအညီဆိုင်ရာ မူဝါဒတို့နှင့် ကိုက်ညီမှုရှိသည့်အပြင် မကြာသေးမီက ထုတ်ပြန်ထားသော မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း၂ဝ၁၈-၂ဝ၃ဝ ၏ မဟာဗျူဟာ လုပ်ငန်းစဉ်များနှင့်လည်း ကိုက်ညီမှု ရှိကြောင်း၊ မြဝတီမြို့သည် မြန်မာ-ထိုင်း နယ်စပ်ကုန်သွယ်ရေး အတွက် အဓိကအရေးပါသော မြို့တစ်မြို့ဖြစ်ပြီး နိုင်ငံဖြတ်ကျော် ကူးသန်းရောင်းဝယ်ရေးအတွက် အချက်အချာကျသော မြို့တစ်မြို့လည်းဖြစ်ကြောင်း၊ မြဝတီ-ကော့ကရိတ်လမ်းကို   အာဆီယံအဆင့်မီ ဖောက်လုပ်ထားကာ ချစ်ကြည်ရေး တံတားအမှတ်-၂ ကိုလည်း ဖွင့်လှစ်ထားပြီး ဖြစ်ကြောင်း၊ အနာဂတ်ကာလတွင် မြဝတီမြို့၌ ကုန်စည်ကူးသန်း ရောင်းဝယ်ရေးများ ပိုမိုတိုးတက် ဖွံ့ဖြိုးလာမည်ဖြစ်၍  မဟာမဲခေါင်ဒေသခွဲ အရှေ့အနောက် စီးပွားရေးစင်္ကြံလမ်းတစ်လျှောက်ရှိမြို့များ ဖွံ့ဖြိုးမှု စီမံကိန်းအတွက် NEDA ထံမှ ချေးငွေ အမေရိကန်ဒေါ်လာ ၂၄ ဒသမ ၃ သန်း ရယူရန် ကိစ္စအား ပြည်ထောင်စုလွှတ်တော်က  ဆွေးနွေးသုံးသပ်၍ အတည်ပြုချက်ရယူပေးရန် နာယကကြီးထံမှ တစ်ဆင့် လွှတ်တော်သို့ရှင်းလင်းတင်ပြသည်။

ယင်းချေးငွေနှင့်စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များ ရှိပါက အမည်စာရင်းတင်သွင်းနိုင်ကြောင်း    ပြည်ထောင်စုလွှတ်တော် နာယကက  ကြေညာသည်။

ထို့နောက် ပင်လယ်ကြောင်း အကောက်ခွန် အက်ဥပဒေကို ပြင်ဆင်သည့်  ဥပဒေကြမ်း (၂ဝ၁၈ ခုနှစ်)နှင့်စပ်လျဉ်း၍  ဥပဒေကြမ်း ကော်မတီ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာကို ဥပဒေကြမ်း ပူးပေါင်းကော်မတီ  ဒုတိယဥက္ကဋ္ဌ  ဦးခင်မောင်ဝင်းက ရှင်းလင်းဖတ်ကြား တင်ပြသည်။

အဆိုပါ     ဥပဒေကြမ်းနှင့်စပ်လျဉ်း၍ ဆွေးနွေးလိုသည့်  လွှတ်တော်ကိုယ်စားလှယ်များ ရှိပါက      အမည်စာရင်း တင်သွင်းနိုင်ကြောင်း ပြည်ထောင်စုလွှတ်တော် နာယက က ကြေညာသည်။

ယင်းနောက် နိုင်ငံတော်သမ္မတက ပေးပို့ထားသော ပို့ဆောင်ရေးနှင့် ဆက်သွယ်ရေး ဝန်ကြီးဌာနက မီးရထားလူစီးတွဲ ဝယ်ယူရေး စီမံကိန်းအတွက် တရုတ်ပြည်သူ့သမ္မတနိုင်ငံထံမှ အတိုးမဲ့ချေးငွေ ယွမ် သန်း ၈ဝ ရယူရန်ကိစ္စနှင့် စပ်လျဉ်း၍ လွှတ်တော်ကိုယ်စားလှယ်များက ဆွေးနွေးကြသည်။

ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေး  တတိယနေ့ကို နိုဝင်ဘာ ၁၉ ရက်တွင်   ဆက်လက်ကျင်းပမည် ဖြစ်ကြောင်း သိရသည်။

Page 1 of 1020