SJ WorldNews - шаблон joomla Авто

 

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးဝင်းမြင့်သည် ပြည်ထောင်စု ဝန်ကြီးများ၊ တာဝန်ရှိသူများ နှင့်အတူ မွန်ပြည်နယ် မော်လမြိုင်မြို့သို့ ဒီဇင်ဘာ ၁၄ ရက်တွင်ရောက်ရှိစဉ် ပြည်နယ်ခန်းမ၌ ကျင်းပသည့် ပြည်နယ် အစိုးရအဖွဲ့ဝင်များ၊ ပြည်သူ့လွှတ်တော်၊ အမျိုးသားလွှတ်တော်နှင့် ပြည်နယ်လွှတ်တော် ကိုယ်စားလှယ်များ၊ ပြည်နယ် တရားလွှတ်တော်နှင့် ပြည်နယ်/ခရိုင်/မြို့နယ်များမှ ဌာနဆိုင်ရာတာဝန်ရှိသူများနှင့် တွေ့ဆုံပွဲအခမ်းအနားသို့ တက်ရောက် အမှာစကားပြောကြားသည်။

ထိုသို့တွေ့ဆုံစဉ် နိုင်ငံတော်သမ္မတက ပြောကြားရာ၌ ဝန်ထမ်းများသည် နိုင်ငံတော်၏ ကျေးဇူးသစ္စာကို စောင့်သိရန် လိုအပ်ကြောင်း၊ နိုင်ငံ့ ဝန်ထမ်းဥပဒေ၊ နည်းဥပဒေ၊ စည်းမျဉ်းစည်းကမ်းများကို လေးစားလိုက်နာရ မည်ဖြစ်ကြောင်း၊ ဝန်ထမ်းသည် ပြည်သူ့ဘဏ္ဍာငွေဖြစ်သော နိုင်ငံတော်၏ ရသုံးခန့်မှန်းခြေငွေ စာရင်းမှ ကျခံသုံးစွဲသည့်လစာ၊ စရိတ် ငွေနှင့် အခြား ခံစားခွင့်များကို ခံစားကြသူများ ဖြစ်ကြောင်း၊ ပြည်သူလိုလားသည့် ဒီမိုကရေစီ ပြုပြင်ပြောင်းလဲရေး ဆောင်ရွက် ရာတွင် ပြည်သူကိုသာ မျက်နှာမူရမည်ဖြစ်ကြောင်း၊ ဝန်ထမ်းများသည် နိုင်ငံတော်၏ တာဝန်ကို ကျေပွန်စွာ ထမ်းဆောင်ပြီး ပြည်သူကို အလုပ်အကျွေးပြုသည့် ဝန်ဆောင်မှုပေးရန်ဟု ခံယူရမည် ဖြစ်ကြောင်း၊ လုပ်ပိုင်ခွင့်ကို အာဏာ ဟု ထင်မြင်ပြီး လုပ်ဆောင်နေပါက ဒီမိုကရေစီလမ်းကြောင်း တိမ်းစောင်း သွားနိုင်သည်ကို သတိချပ်စေ လိုကြောင်း အလေးအနက် ထည့်သွင်းမှာကြားသည်။

နိုင်ငံ့ဝန်ထမ်းတို့သည် နိုင်ငံသားများ ဖြစ်ကြသည့် အားလျော်စွာ နိုင်ငံသားတစ်ဦး၏ တာဝန်ကျေပွန်ရမည် ဖြစ်သည်။ နိုင်ငံသားဟူသည် နိုင်ငံတော်၏သစ္စာကို ခံယူစောင့်ထိန်းသော၊ နိုင်ငံတော်ကပေးအပ်သောတာဝန်ကို ထမ်းဆောင် ရသော၊ နိုင်ငံတော်က ခွင့်ပြုသည့် အခွင့်အရေးများကို ရရှိသောသူဟူ၍ ပညာရေး ဝန်ကြီးဌာန မြန်မာစာဦးစီးဌာနက ပုံနှိပ်ထုတ်ဝေသည့် မြန်မာအဘိဓာန်၌ အဓိပ္ပာယ်ဖွင့်ဆိုထားသည်။ နိုင်ငံသားများဖြစ်ကြသော နိုင်ငံ့ဝန်ထမ်းတို့သည် နိုင်ငံတော်ကခွင့်ပြုသည့်အခွင့်အရေးများကို ရရှိခံစားနေကြရသကဲ့သို့ ခေါင်းနှင့် ပန်းပမာအခွင့်အရေးနှင့် အစဉ်အမြဲ ဒွန်တွဲ နေသော တာဝန်ကိုလည်း ကျေပွန်ကြရမည်ဖြစ်သည်။ နိုင်ငံသားတစ်ဦးအတွက် အခြေခံအခွင့် အရေးများ ဖြစ်သည့် ပညာသင်ကြားခွင့်၊ စီးပွားရေးလုပ်ကိုင်ခွင့်၊ ကျန်းမာရေး စောင့်ရှောက်ကုသမှုခံယူခွင့်၊ နိုင်ငံ့ဝန်ထမ်းတာဝန် ထမ်းဆောင်ခွင့်၊ လွတ်လပ်စွာ ယုံကြည်ကိုးကွယ်ခွင့်၊ ပုဂ္ဂိုလ်ရေးဆိုင်ရာ လွတ်လပ်မှုနှင့် လုံခြုံမှု စသည်တို့ကို တည်ဆဲ ဥပဒေများနှင့်အညီ ခံစားခွင့်ရရှိကြပြီးဖြစ်သည်။

နိုင်ငံတော်တွင် ဥပဒေက ပြဋ္ဌာန်းထားသော အခမဲ့ပညာသင်ကြားရေးသည် အခြေခံပညာအဆင့်အတွက် ထင်သာ မြင်သာ တွေ့ရသော်လည်း အဆင့်မြင့်ပညာကဏ္ဍတွင်လည်း  နိုင်ငံတော်ကကျခံရသည့် စရိတ်စက များစွာရှိကြောင်း လွှတ်တော် အစည်းအဝေး များ၌ ဆွေးနွေးသံကို နားထောင်ကြည့်လျှင် သိနိုင်ကြသည်။

နိုင်ငံသားတစ်ဦးအတွက် ရသင့်သောအခြေခံအခွင့်အရေးများက ကျယ်ဝန်းနက်နဲသကဲ့သို့ နိုင်ငံသား တစ်ဦးထမ်း ဆောင်ရမည့် တာဝန်တွေကလည်း များပြားလှသည်။ သို့သော် ယဉ်ကျေးသောလူ့အဖွဲ့အစည်း အတွင်း ဘဝရပ် တည်မှုအတွက် ရုန်းကန်လှုပ်ရှားကြရာတွင် ကျင့်ဝတ်နီတိစောင့်ထိန်းခြင်း၊ တည်ဆဲဥပဒေ စည်းမျဉ်းစည်းကမ်းများကို လေးစားလိုက်နာခြင်းတို့ဖြင့် နိုင်ငံတော်အပေါ်သစ္စာစောင့်သိပြီး တာဝန်သိ၊ တာဝန်ယူမှုရှိသော နိုင်ငံသားတစ်ဦး ဖြစ်အောင် ကြိုးစားကြရမည်သာဖြစ်သည်။ အရာအားလုံးသည် အလေ့အကျင့်၌ သာတည်၏ဟုဆိုထားကြလေရာ နိုင်ငံသားတစ်ဦးချင်းစီအနေဖြင့် တာဝန်သိ၊ တာဝန်ယူမှုစိတ်ဓာတ် ထားရှိသည့်အလေ့အကျင့်ရှိစေရန် ကိုယ်တိုင်အား ထုတ်ရ မည်ဖြစ်သကဲ့သို့ ပတ်ဝန်းကျင်အသိုင်းအဝိုင်းတို့ကလည်း ဖေးမလမ်းညွှန်သွန်သင်ကြရန်လိုသည်။ ခန္ဓာကိုယ် ကျန်းမာရေးအတွက် ကူးစက်ရောဂါနှင့်မကူးစက်သောရောဂါဟူ၍ရှိသည်။ ထို့အတူ စိတ်ကျန်းမာရေးသည်လည်း ကူးစက် တတ်သည်ဖြစ်ရာ စိတ်ကောင်းစေတနာ ကောင်းသည် ကူးစက်ရန်မလွယ်ကူသော်လည်း မည်သူ့ကိုမျှ အကျိုး မပြုသော စိတ်စေတနာက ကူးစက် လွယ်ကြောင်း တွေ့ရမည်ဖြစ်သည်။ ကောင်းသောစိတ်စေတနာဖြစ်စေ၊ မည်သူ့ကိုမျှ အကျိုးမပြုသောစိတ်စေတနာဖြစ်စေ မိမိကိုယ်တိုင်ပြုမူနေကျအလေ့အကျင့်ကြောင့်သော် လည်းကောင်း၊ ပတ်ဝန်းကျင် အသိုင်း အဝိုင်းမှ ကူးစက် လာ သော အလေ့အကျင့်ကြောင့်သော် လည်းကောင်း တစ်ဆင့်တက်၍  အလေ့အထမဖြစ်စေ ရန် ရှောင်ကြဉ်ကြရ မည်ဖြစ်သည်။

ထို့ကြောင့် နိုင်ငံ့ဝန်ထမ်းတို့သည် မိမိထင်ပေါ်ကျော်ကြားရေး၊ မိမိချမ်းသာကြွယ်ဝရေးကိုသာ ဦးစားပေး နေကြမည်ဆို လျှင် တရားဓမ္မနှင့် မညီ အဓမ္မဆီသို့သာ ဦးတည်သွားသည်၏ နောက်ဆက်တွဲဆိုးကျိုးသည် နိုင်ငံတော်အစိုးရအပေါ်  ပြည်သူတို့၏ယုံကြည်မှုလျော့နည်းသွားပြီး  ညီညွတ်ရေး ပျက်ပြားခြင်းကြောင့် ရွှေပြည်တော်ခရီး နီးလျက်နှင့် ဝေးသွားနိုင် သည်ကို မမေ့အပ်ကြောင်း မြဝတီကစေတနာကောင်းဖြင့် ရေးသား လိုက်ရပါသည်။ 

Page 7 of 40