SJ WorldNews - шаблон joomla Авто

ပြည်သူ သန်း ၅ဝဝ ခန့်ကို ကျန်းမာရေး အာမခံပေးပြီး ၂ဝ၂၂ ခုနှစ်တွင် လူလိုက်ပါသော အာကာသယာဉ် လွှတ်တင်မည့် အိန္ဒိယ

Thursday, 16 August 2018 11:29 font size decrease font size decrease font size increase font size increase font size

အိန္ဒိယအစိုးရ အနေဖြင့် နိုင်ငံအတွင်းရှိ မိသားစုသန်း ၁ဝဝ ခန့်ကို အရည်အသွေး မြင့်မားပြီး လူတိုင်း တတ်နိုင်သော ကျန်းမာရေး စောင့်ရှောက်မှု ရရှိစေရန်အတွက် ကျန်းမာရေး အာမခံများ ပေးသွားမည်  ဖြစ်ကြောင်း ဝန်ကြီးချုပ် နာရန်ဒရာမိုဒီက သြဂုတ် ၁၅   ရက်တွင် ပြောလိုက်သည်။

မိုဒီ စောင့်ရှောက်မှုဟု လူသိများသည့် ထိုအစီအစဉ်က ပြည်သူသန်း ၅ဝဝ ခန့်ကို လွှမ်းခြုံနိုင်မည် ဖြစ်သည်။ ထိုအစီအစဉ်ကို စက်တင်ဘာ ၂၅ ရက်မှစ၍ အကောင်အထည် ဖော်သွားမည် ဖြစ်သည်။ အိန္ဒိယနိုင်ငံ၌ ကျန်းမာရေး အသုံးစရိတ်မှာ အလွန်အမင်း နည်းပါးနေပြီး ပြည်သူ ၅၂ သန်းကျော်မှာ အခြေခံ စားဝတ်နေရေးအတွက် အနည်းဆုံး လိုအပ်သော ဝင်ငွေကိုပင် ရရှိခြင်း မရှိကြောင်း ကမ္ဘာ့ကျန်းမာရေး အဖွဲ့အစည်းက ၂ဝ၁၇ ခုနှစ်တွင် ထုတ်ပြန်ပြီးနောက် မိုဒီအစိုးရ၏ အစီအစဉ် ထွက်ပေါ်လာခြင်း ဖြစ်သည်။

မိုဒီ၏ အစိုးရ အဖွဲ့အနေဖြင့် ကျန်းမာရေး စောင့်ရှောက်မှုခံယူရန် မတတ်နိုင်သူများကို ဆင်းရဲတွင်းမှ ဆွဲထုတ်မည် ဖြစ်ကြောင်း၊ ယခုစီစဉ်ထားသည့် ကျန်းမာရေး စောင့်ရှောက်မှု လုပ်ငန်းသည် အပြုသဘောဆောင်သော အကျိုးရလဒ်ကိုသာ ရရှိစေမည် ဖြစ်ကြောင်း ခံတပ်နီ၌ ကျင်းပသော အိန္ဒိယနိုင်ငံ၏ (၇၂) နှစ်မြောက် လွတ်လပ်ရေးနေ့ အခမ်းအနား မိန့်ခွန်းတွင် မိုဒီက ထည့်သွင်းပြောခြင်း ဖြစ်သည်။

အိန္ဒိယနိုင်ငံ၏ စီးပွားရေး တိုးတက်မှုကိုမူ မိုဒီက အိပ်ပျော်နေသော ဆင်ကြီးနိုးထလာပြီဟု ခိုင်းနှိုင်းပြောဆိုသည်။ ယနေ့အချိန်အခါတွင် အိန္ဒိယနိုင်ငံသည် ပြုပြင်ပြောင်းလဲမှု၊ လုပ်ဆောင်မှုနှင့် ပြောင်းလဲလာမှုတို့၏ နယ်မြေဖြစ်လာပြီ ဖြစ်ကြောင်း မိုဒီကဆိုသည်။

လက်ရှိအချိန်တွင် တူရကီ အရေးအခင်းကြောင့် ရူပီးငွေ တန်ဖိုးကျဆင်း လာနေသော်လည်း မိုဒီကဝန်ကြီးချုပ်အဖြစ် တာဝန်ယူပြီးသည့် နောက်ပိုင်း အိန္ဒိယနိုင်ငံ၏ နှစ်စဉ်စီးပွားရေး တိုးတက်မှုမှာ ၇ ရာခိုင်နှုန်းခန့် ရှိခဲ့သည်။

ထို့ပြင် မိုဒီသည် နိုင်ငံ၏ ကျေးလက်ဒေသရှိ ပြည်သူများကို ပိုမိုဦးစားပေး၍ ၄င်းတို့၏ ဘဝဖွံ့ဖြိုး တိုးတက်ရေးအတွက် ငွေများပိုမို သုံးစွဲသွားရန် လျာထားသည်။ စုစုပေါင်း လူဦးရေ ၁ ဒသမ ၃ ဘီလီယံရှိသည့် အိန္ဒိယနိုင်ငံ၏ ၆၈ ရာခိုင်နှုန်းမှာ ကျေးလက်ဒေသတွင် နေထိုင်ကြခြင်း ဖြစ်သည်။

မိုဒီ၏ ကျန်းမာရေး စောင့်ရှောက်မှု အစီအစဉ်အရ အစိုးရက နှစ်စဉ်ဘဏ္ဍာငွေ ရူပီးဘီလီယံ ၁၂ဝ သုံးစွဲကာ ဆင်းရဲသော မိသားစုများကို ကျန်းမာရေး ထောက်ပံ့မှု ပေးမည်ဖြစ်သည်။ ထို့ကြောင့် ဆင်းရဲသောမိသားစု တစ်စုအတွက် တစ်နှစ်လျှင် ကျန်းမာရေး စောင့်ရှောက်မှု အဖြစ် ရူပီး ငါးသိန်းခန့် အသုံးပြုရမည် ဖြစ်သည်။

မိုဒီ၏ မိနစ် ၉ဝ နီးပါးကြာမိန့်ခွန်းအတွင်း ပြည်သူများအတွက် အိမ်ရာများ ဆောက်လုပ်ပေးရေး၊ ရေဆိုးနုတ်စနစ် ပိုမိုကောင်းမွန်ရေးနှင့် ဆင်းရဲသော ပြည်သူများအား ရေသန့်များ ထောက်ပံ့ပေး နိုင်ရေးအတွက် အစီအစဉ်များလည်း ရေးဆွဲထားသည်ဟု ထည့်သွင်းပြောဆိုခဲ့သည်။ အလားတူ ကျေးလက်နေပြည်သူများ၏ လူနေမှုဘဝ မြင့်မားစေရေးကိုလည်း ဆောင်ရွက်ပေးသွားမည် ဖြစ်ပြီး လယ်သမားများ၏ ဝင်ငွေ နှစ်ဆတိုးမြင့် ရရှိစေရန်လည်း လုပ်ဆောင်ပေးမည်ဟု ၄င်းကပြောသည်။

အင်အားကြီး နိုင်ငံများနှင့် ရင်ပေါင်တန်း နိုင်ရေးအတွက် မိုဒီ၏ နောက်ထပ် ကတိပြုမှု တစ်ခုမှာ အိန္ဒိယနိုင်ငံ၏ ပထမဆုံး လူလိုက်ပါသော အာကာသယာဉ်ကို ၂ဝ၂၂ ခုနှစ်တွင် လွှတ်တင်သွားမည်ဟု ပြောခြင်း ဖြစ်သည်။

အိန္ဒိယနိုင်ငံသည် ၄င်းတို့၏ ပထမဆုံး အာကာသဒုံးပျံကို ၁၉၆၃ ခုနှစ်တွင် လည်းကောင်း၊ ပထမဆုံးဂြိုဟ်တုကို ၁၉၇၅ ခုနှစ်တွင် လည်းကောင်း လွှတ်တင်ခဲ့ခြင်း ဖြစ်သည်။

၂ဝ၂၂ ခုနှစ်တွင် လွှတ်တင်မည့် အာကာသယာဉ် နှင့်အတူ လိုက်ပါသွားမည့် အာကာသယာဉ်မှူးမှာ အမျိုးသား သို့မဟုတ် အမျိုးသမီး တစ်ဦးဖြစ်ကြောင်းနှင့် အာကာသတွင် အိန္ဒိယအလံကို စိုက်ထူမည် ဖြစ်ကြောင်း မိုဒီက ဂုဏ်ယူဝံ့ကြွားစွာ ပြောသည်။

အကယ်၍ အဆိုပါ အစီအစဉ် အောင်မြင်သွားပါက အိန္ဒိယနိုင်ငံသည် ကိုယ်ပိုင်အာကာသ အစီအစဉ်ဖြင့် အာကာသယာဉ်မှူးများကို စေလွှတ်သည့် စတုတ္ထမြောက်နိုင်ငံ ဖြစ်လာမည် ဖြစ်သည်။ ထိုကဲ့သို့ ကိုယ်ပိုင်အာကာသအစီ အစဉ်ဖြင့် အာကာသအတွင်းသို့ အာကာသယာဉ်မှူးများ စေလွှတ်နိုင်သည့် ပထမသုံးနိုင်ငံမှာ ရုရှား၊ အမေရိကန် ပြည်ထောင်စုနှင့် တရုတ်တို့ ဖြစ်သည်။

အိန္ဒိယနိုင်ငံ အာကာသအစီအစဉ်၏ အသုံးစရိတ်မှာ အမေရိကန်ဒေါ်လာ ၁ ဒသမ ၆ ဘီလီယံခန့်သာ ရှိပြီး အမေရိကန်ပြည်ထောင်စုထက် ၁ဝ ရာခိုင်နှုန်းနှင့် ရုရှားနိုင်ငံထက် ၁၅ ရာခိုင်နှုန်း နည်းပါးသည်ကို တွေ့ရသည်။

သို့သော် အိန္ဒိယ အစိုးရသည် အသုံးစရိတ် နည်းပါးသော်လည်း ထိရောက်သော အောင်မြင်မှုကို ရရှိခဲ့သည်။ ၂ဝ၁၄ ခုနှစ်တွင် အိန္ဒိယသည် အသုံးစရိတ် အမေရိကန်ဒေါ်လာ ၇၄ သန်းတည်းဖြင့် အင်္ဂါဂြိုဟ်သို့ အာကာသယာဉ် စေလွှတ်နိုင်ခဲ့သည့် ပထမဆုံး အာရှနိုင်ငံ ဖြစ်လာသည်။ ထိုအသုံးစရိတ်သည် အမေရိကန် ပြည်ထောင်စု၏ Maven Mars အာကာသ ယာဉ်ကို အင်္ဂါဂြိုဟ်သို့ စေလွှတ်မှု ကုန်ကျစရိတ် ဖြစ်သော ဒေါ်လာ ၆၇၁ သန်း နှင့်နှိုင်းယှဉ်ပါက အလွန်အမင်း နည်းပါးသည်ကို တွေ့ရသည်။

ထို့ကြောင့် မိုဒီအစိုးရ လက်ထက်တွင် အိန္ဒိယနိုင်ငံ၏ စီးပွားရေး တိုးတက်လာသည့်အတွက် ပြည်သူများ၏ ကျန်းမာရေးကို ဦးစားပေး လုပ်ဆောင်ပြီး ကမ္ဘာ့နိုင်ငံကြီးများနှင့် ရင်ပေါင်တန်း နိုင်ရေးအတွက် အာကာသ အစီအစဉ်များကို အကောင်အထည်ဖော် နိုင်လာခြင်း ဖြစ်သည်ဟု ဆိုရမည်ဖြစ်သည်။

Ref: CNA, Sputnik

Read 220 times Last modified on Thursday, 16 August 2018 11:30