SJ WorldNews - шаблон joomla Авто

အန္တရာယ်ပိုများလာသည့် ကမ်းရိုးတန်း ဒေသများနှင့် အနာဂတ်၏ အကြောက်ရဆုံး ဖြစ်လာမည့် ရေဘေး

Friday, 17 May 2019 11:41 font size decrease font size decrease font size increase font size increase font size

၂ဝ၁၉ ခုနှစ်တွင် အဆိုးရွားဆုံး သဘာဝဘေးအန္တရာယ် ကျရောက်သည့်ဒေသကို ပြပါဆိုလျှင် အာဖရိကတိုက်ကို ပြရမည်ဖြစ်သည်။ တစ်နှစ်ထဲတွင် တစ်လခြားပြီး ကမ္ဘာ့အဆင်းရဲဆုံး စာရင်းဝင်သည့် မိုဇမ်ဘစ်နိုင်ငံကို တစ်နာရီ မိုင် ၁၄ဝ ပြင်းအားရှိသောမုန်တိုင်းများ ဝင်တိုက်ခဲ့သည်။

လူပေါင်းထောင်ချီ သေဆုံးခဲ့ကာ ယခုအချိန်ထိလည်း အကူအညီများ အရေးတကြီး လိုအပ်နေသေးသည်။ ထို့ပြင် ယခင်ကုန်းမြေနေရာများကို ရေထုက ဖုံးလွှမ်းသွားသောကြောင့် ကူညီကယ်ဆယ်ရေး လုပ်ငန်းစဉ်များက နှောင့်နှေးနေရကာ အစိုးရ၏ ထုတ်ပြန်ချက်အရ လူပေါင်း၁၅ဝဝဝ ကျော်ကို ကယ်ဆယ်ရန် လိုအပ်နေသည်ဟု ဆိုသည်။ ထို့ပြင် သမ္မတ၏ ခန့်မှန်းချက်အရ လူပေါင်း ၁ဝဝဝ ကျော် သေဆုံးနိုင်သည်ဟု ဆိုထားသေးသည်။

မိုဇမ်ဘစ်ကို အဆိုးရွားဆုံး နင်းခြေဖျက်ဆီးခဲ့သူများက ပထမဆုံး ဆိုင်ကလုန်းမုန်တိုင်း အိုင်ဒါနှင့် ဒုတိယမြောက် ကန်နက်သ်တို့ဖြစ်သည်။ ကမ်းရိုးတန်းများသာမက ကုန်းမြေအများစုကိုပါ ရေထုကဖုံးလွှမ်းသွားပြီး ကမ်းခြေ၌ရှိသည့် ကျောက်ဆောင် ကျောက်တန်းများကလည်း ပင်လယ်ရေလှိုင်းလုံးကြီးများကို တားဆီးမပေးနိုင်ကြပေ။ အမှန်တကယ် ဆိုလျှင် ကမ်းရိုးတန်း၌ရှိသည့် သွယ်တန်းနေသော ကျောက်ဆောင်ကျောက်တန်းများက ကမ်းရိုးတန်းများကို အကာအကွယ် ပေးနိုင်သည်ဟု လူသားတို့ ယူဆခဲ့ကြသည်။

ယခု မိုဇမ်ဘစ်ကတော့ ထိုအယူအဆကို ဆန့်ကျင်ဘက် ပြောင်းလဲပေးလိုက်ပြီ ဖြစ်သည်။ သိပ္ပံပညာရှင်များက ထိုကမ်းရိုးတန်းကျောက်ဆောင်များကို သံသယရှိနေသည်မှာ ကြာခဲ့ပြီ ဖြစ်သည်။ ထို့ကြောင့် မုန်တိုင်းအလာများသော မိုဇမ်ဘစ်ကမ်းရိုးတန်းရှိ ၁ဝ တန်ကျော် ကျောက်တုံးကျောက်ဆောင်များကို ရေဒီယိုလှိုင်း ထုတ်လွှတ်ပေးနိုင်သည့် ကိရိယာ ၁ဝဝ ကျော် တပ်ဆင်ပြီး လေ့လာကြသည်။

ထိုအခါ ၁ဝ တန်ကျော်ရှိသည့် ကျောက်တုံးကြီးများက မုန်တိုင်းဒဏ်ကြောင့် နောက်သို့ ၁ဝ မီတာကျော်ခန့် ရွေ့လျားခဲ့ရသည်။

ယင်းအတွက် လူသားတို့ ထင်မှတ်ထားခဲ့ကြသည့် ကမ်းခြေမှ ကျောက်တုံးကျောက်ဆောင်များက ရေလှိုင်းလုံးကြီးများကို

ကာကွယ်တားဆီး ပေးနိုင်သည်ဆိုသော အယူအဆမှာ လုံးဝမှားယွင်း သွားရတော့သည်။

တစ်ဆက်တည်းမှာပင် ကမ်းရိုးတန်းဒေသများ၏ လုံခြုံရေးကဏ္ဍသည် ထိပ်ဆုံးမှ ပါလာရတော့သည်။

၂၁ ရာစုနောက်ပိုင်း ကမ္ဘာကြီးပူနွေးလာမှုကို လူသားတို့ မထိန်းချုပ်နိုင်သေးသည့် အချိန်တွင် ရာသီဥတုပြောင်းလဲလာမှု၊ ဒီရေတောများ ပြုန်းတီးလာမှု၊ သန္တာကျောက်တန်းများ ကွယ်ပျောက်သွားမှုတို့ကြောင့် မုန်တိုင်းများ ယခင်ကထက် ပိုမိုဝင်ရောက်မှုများကာ ယခုလေ့လာချက်အရဆိုလျှင် စိတ်မချရတော့ပေ။

ယခုပင် ကမ္ဘာ့အပူချိန်ကြောင့် ပင်လယ်ရေမျက်နှာပြင် မြင့်တက်လာကာ ရေထုက မြေထုကို တဖြည်းဖြည်းဝါးမျိုမည့် အန္တရာယ် ရှိနေသည့်အချိန်တွင် သဘာဝက ပေးထားသည့် အကာအကွယ်ဟု ထင်ရသောအရာများကလည်း သုံးမရသောအခါ သဘာဝဘေးအတွက် ကြိုတင်ပြင်ဆင်ရတော့မည် ဖြစ်သည်။ ထိုနည်းတူစွာ ဘီလီယံနှင့်ချီသည့် ငွေများလည်း အလုံးအရင်းနှင့် သုံးရတော့မည်ဖြစ်သည်။

ထို့ကြောင့် သဘာဝပတ်ဝန်းကျင် ပညာရှင်များက ကမ္ဘာကြီးပူနွေးလာမှုကို ထိန်းချုပ်ရန် တိုက်တွန်းရင်း သဘာဝကို ချစ်မြတ်နိုးကြရန် အစဉ်မပြတ် နှိုးဆော်နေခြင်း ဖြစ်သည်။ သို့သော် ကမ္ဘာပေါ်၌ နှစ်စဉ် သစ်တောပြုန်းတီးမှု ပိုမိုမြန်ဆန်လာပြီး ကာဗွန်ထုတ်လွှတ်မှုလျှော့ချရေး ရည်မှန်းချက်များကလည်း မရေမရာဖြစ်လာသည်။

သဘာဝပတ်ဝန်းကျင် ထိန်းသိမ်းရေးနှင့် ကာဗွန်ထုတ်လွှတ်မှု လျှော့ချရေးအတွက် ဆိုလျှင် ဘီလီယံဆယ်နှင့်ချီသည့် ရန်ပုံငွေ လိုအပ်မည်ဖြစ်ပြီး မဖြစ်မနေ ဖွံ့ဖြိုးပြီး နိုင်ငံများ၏ အကူအညီ လိုအပ်သည်။ သို့သော် နောက်ပိုင်းတွင် အမေရိကန်ကဲ့သို့ ကမ္ဘာ့စူပါပါဝါနိုင်ငံမျိုးကပင် ကာဗွန်လျှော့ချမှု အညွှန်းကိန်း ဆောင်ရွက်ချက်များကို ဆန့်ကျင် နေသည်။ ထိုအချက်က ကမ္ဘာကြီးအတွက် ကောင်းမွန်သည့် အချက်မဟုတ်သည်မှာ သေချာသည်။

လက်ရှိ ပညာရှင်များ၏ တွက်ချက်မှုများကလည်း ယခုအတိုင်းသာ ဆက်သွားလျှင်၂၁ ရာစုတွင် အပူချိန် အမြင့်ဆုံး အခြေအနေအထိ ရောက်ရှိနိုင်သည်ဟု ဆိုသည်။

ထိုအချိန် ဝင်ရိုးစွန်း၌ ရှိသည့် ရေခဲပြင်များကလည်း အရည်ပျော်ကျလာကာ ပင်လယ်ရေမျက်နှာပြင် မြင့်တက်လာပြီး ဆူနာမီလှိုင်း လုံးကြီးများလည်း အချိန်မရွေး ရောက်ရှိလာနိုင်သည်။

သဘာဝဘေးကို ပြန်လည်ကုစားရန် ကြိုးစားခြင်းက ကုန်ကျစရိတ် အများဆုံးထဲတွင် တစ်ခုအပါအဝင်ဖြစ်ကာ ရှိရင်းစွဲ သဘာဝ ရင်းမြစ်များကို တန်ဖိုးထားတတ်ရန် လိုသည်။ ထိုသို့ တန်ဖိုးထား တတ်ရန်အတွက် အသိပညာ ဗဟုသုတရှိရန် လိုသည်။ ထိုသို့မဟုတ်ပါက ဒီရေတောများကိုပင် စီးပွားတွက်တွက်ပြီး ခုတ်ထွင်ကာ အသုံးချသည့် အဖြစ်သို့ ထပ်မံ ရောက်ရှိရတော့မည် ဖြစ်သည်။

၂ဝ၁၈ ခုနှစ်၌ သဘာဝပတ်ဝန်းကျင် ပညာရှင်များက အတားအဆီးမရှိသည့် ကုန်းမြေသို့ ပင်လယ်ရေလှိုင်းများ တိုက်ရိုက်ရိုက်ခတ်သည့်ပုံနှင့် ဒီရေတောများကိုဖြတ်ပြီးမှ ကုန်းမြေသို့ ရေရိုက်သည့်ပုံများကို ဖန်ပေါင်းထဲတွင် နှိုင်းယှဉ်ပြခဲ့သည်။ ထိုအခါ ဒီရေတော မဖြတ်ထားသည့်ရေများက လှိုင်းအဖြစ်ရောက်ရှိလာပြီး ဒီရေတောကိုဖြတ်ပြီး ရောက်ရှိလာသည့်ရေများက လှိုင်းမရှိသည့် တည်ငြိမ်သောရေအဖြစ် ရောက်ရှိသွားသည်။

သို့သော် ယခုအချိန်ထိ ဒီရေတော ပြုန်းတီးမှုများကို အဆက်မပြတ် တွေ့ကြုံနေရသေးကာ ကမ္ဘာ့အပူချိန် မြင့်တက်လာမှုနှင့်အတူ ထိန်းသိမ်းမရနိုင်သေးပေ။ နောက်ကမ္ဘာကြီးပူနွေးလာမှုက တိမ်စိုင်များ ပြောင်းလဲမှုကိုပင် ဖြစ်ပေါ်စေမည်ဟုဆိုသည်။ တိမ်စိုင်များက အေးမြသည့်အကျိုးသက်ရောက်မှုကို ပေးနိုင်ပြီး အကယ်၍ တိမ်ဖြစ်တည်မှု ပြောင်းလဲသွားမည်ဆိုလျှင် မိုးခေါင်ရေရှားမှု၊ ကန္တာရများ ဖြစ်တည်လာမှုကိုပင် အစဆွဲထုတ်ပေးလိုက်သကဲ့သို့ ဖြစ်သွားမည် ဖြစ်သည်။

တိမ်စိုင်များ ပြောင်းလဲသွားမည့် ကမ္ဘာ့အပူချိန်က ၈ ဒီဂရီဆဲလ်စီးရပ်စ်နှင့် အထက်ဖြစ်သည်။ ထို့ကြောင့် လက်ရှိမျိုးဆက်

ကို အကောင်းဆုံးကုစားနိုင်သည့် မျိုးဆက်ထိုသို့ မဟုတ်ပါက တရားခံဖြစ်မည့် မျိုးဆက်အဖြစ် သိပ္ပံပညာရှင်များနှင့် သဘာဝပတ်ဝန်းကျင် ပညာရှင်များကပါ ထပ်တလဲလဲ ပြောနေခြင်း ဖြစ်သည်။

ယခုပင် တစ်လသာခြားပြီး မိုဇမ်ဘစ်ကို မုန်တိုင်းနှစ်ခါဝင်သည်။ တိုက်ခတ်လာသည့် လေအင်အားကလည်း တစ်နာရီ မိုင် ၁၄ဝ ပြင်းအားရှိသည်။ ပျက်စီးဆုံးရှုံးမှုတန်ဖိုးက အမေရိကန်ဒေါ်လာ ၂ ဘီလီယံကျော်နှင့် ဆုံးရှုံးရသည့် လူ့အသက်ပေါင်းက ၁ဝဝဝကျော်ရှိသည်။ CNN ၏ မုန်တိုင်းမဖြစ်မီနှင့် ဖြစ်ပြီးပုံများမှာ ကုန်းမြေသုံးပုံတစ်ပုံကျော်ကို ရေထုကဖုံးလွှမ်းထားသည်။

ထို့ကြောင့် နောင်အနာဂတ်တွင် လူသားတို့အတွက် ကြောက်စရာအကောင်းဆုံး သဘာဝဘေးတစ်ခုက ရေဘေး ဖြစ်လာနိုင်ကြောင်း တင်ပြလိုက် ရပါသည်။ ။

ရှိန်းထက်

Ref;CNN

Read 10 times Last modified on Friday, 17 May 2019 11:42