SJ WorldNews - шаблон joomla Авто

ဒုတိယ တပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ် (ကြည်း) ဒုတိယ ဗိုလ်ချုပ်မှူးကြီးစိုးဝင်း ရုရှား ဖက်ဒရေးရှင်း နိုင်ငံတွင် ကျင်းပပြုလုပ်လျက်ရှိသည့် International Army Games-2018 ပိတ်ပွဲအခမ်းအနားသို့ တက်ရောက်ရန် ရုရှားဖက်ဒရေးရှင်း နိုင်ငံသို့ ထ

Thursday, 09 August 2018 15:11 font size decrease font size decrease font size increase font size increase font size

နေပြည်တော်၊ သြဂုတ် - ၉

ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း ဦးဆောင်သော မြန်မာ့တပ်မတော်ကိုယ်စားလှယ်အဖွဲ့ သည် ရုရှားဖက်ဒရေးရှင်းနိုင်ငံ တွင် ကျင်းပပြုလုပ် လျက်ရှိသည့် International Army Games-2018 ပိတ်ပွဲအခမ်းအနားသို့ တက်ရောက်ရန်အတွက် ယနေ့ နံနက်ပိုင်းတွင် လေကြောင်းခရီးဖြင့် ရန်ကုန်အပြည်ပြည်ဆိုင်ရာ လေဆိပ်မှ ထွက်ခွာသည်။

ဒုတိယ တပ်မတော် ကာကွယ်ရေး ဦးစီးချုပ် ကာကွယ်ရေးဦးစီးချုပ် (ကြည်း) နှင့်အတူ ကာကွယ်ရေး ဦးစီးချုပ်ရုံး(ကြည်း)မှ တပ်မတော်အရာရှိကြီးများ လိုက်ပါသွားကြပြီး ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ် သက်ပုံနှင့် တပ်မတော် အရာရှိကြီးများ၊ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ ဒုတိယ သံအမတ်ကြီး Dr.Sergey LIZOGUB ၊ စစ်သံရုံးမှ Lieutenant Colonel Alexey Yumatov နှင့်တာဝန်ရှိသူများက လေဆိပ်၌ ပို့ဆောင်နှုတ်ဆက်ကြသည်။

အဆိုပါမြန်မာ့ တပ်မတော် ကိုယ်စားလှယ် အဖွဲ့သည် ရုရှား ဖက်ဒရေးရှင်းနိုင်ငံ သို့ရောက်ရှိနေစဉ် အတွင်း International Army Games-2018 ပိတ်ပွဲအခမ်းအနားသို့ တက်ရောက်ပြီး မြန်မာထေရ၀ါဒ ဗုဒ္ဓစင်တာ (မော်စကို)ကျောင်း၊ ရင်ပြင်နီနှင့် တပ်မတော်ပြတိုက်တို့အား သွားရောက်လေ့လာကြမည်ဖြစ်ကြောင်း သတင်း ရရှိသည်။

Read 942 times Last modified on Thursday, 09 August 2018 15:12