SJ WorldNews - шаблон joomla Авто

မြန်မာ-ထိုင်6းth High Level Committee Meetingတက်ရောက်မည့် ထိုင်းဘုရင့်တပ်မတော်ကာကွယ်ရေးဦးစီးချုပ်နှင့်ဇနီး ဦးဆောင်သည့်ကိုယ်စားလှယ်အဖွဲ့ရောက်ရှိ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီးတို့ကဂုဏ်ပြုညစာဖြင့်တည်ခင်းဧည့်ခံ

Friday, 17 August 2018 18:21 font size decrease font size decrease font size increase font size increase font size

နေပြည်တော်၊ သြဂုတ် - ၁၇

မြန်မာနိုင်ငံ၌ အိမ်ရှင်အဖြစ် လက်ခံကျင်းပပြုလုပ်မည့် မြန်မာ-ထိုင်း  6th High Level Committee Meeting တက်ရောက်မည့် ထိုင်းဘုရင့်တပ်မတော် ကာကွယ်ရေး ဦးစီးချုပ် Gen. Tarnchaiyan Srisuwan နှင့်ဇနီး Mrs. Jiraporn Srisuwan ဦးဆောင်သော ကိုယ်စားလှယ်အဖွဲ့သည် သြဂုတ် ၁၆ ရက် နေ့လယ်ပိုင်းတွင် ပုဂံ-ညောင်ဦးလေဆိပ်သို့ ရောက်ရှိလာရာ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇနီး ဒေါ်ကြူကြူလှ ဦးဆောင်သည့် မြန်မာ့တပ်မတော် အရာရှိကြီးများ၊ HLC အစည်းအဝေး ထိုင်းနိုင်ငံဘက်မှ ပူးတွဲအတွင်းရေးမှူး Lt. Gen. Kumron Kearwichayajane ၊ မြန်မာနိုင်ငံဆိုင်ရာ ထိုင်းဘုရင့်တပ်မတော် (ကြည်း၊ရေ၊လေ) စစ်သံမှူးများနှင့် တာဝန်ရှိသူများက လေဆိပ်တွင် ကြိုဆိုနှုတ်ဆက်ကြသည်။

ထို့နောက်ညပိုင်းတွင် ထိုင်းဘုရင့်တပ်မတော် ကာကွယ်ရေးဦးစီးချုပ် Gen. Tarnchaiyan Srisuwan နှင့်ဇနီး ဦးဆောင်သော ကိုယ်စားလှယ်အဖွဲ့အား တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇနီးတို့က ညပိုင်းတွင် ဧရာဝတီမြစ်အတွင်း Orient Pandaw သင်္ဘောပေါ်၌ဂုဏ်ပြုညစာဖြင့် တည်ခင်းဧည့်ခံသည်။

အဆိုပါဂုဏ်ပြုညစာ စားပွဲအခမ်းအနားသို့ တပ်မတော်ကာကွယ်ရေး ဦးစီးချုပ်နှင့် အတူဇနီး ဒေါ်ကြူကြူလှ၊ ထိုင်းဘုရင့်တပ်မတော် ကာကွယ်ရေးဦးစီးချုပ် Gen. Tarnchaiyan Srisuwan နှင့်ဇနီး Mrs. Jiraporn Srisuwan ၊ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦးနှင့်ဇနီး၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်းနှင့်ဇနီး၊ ကာကွယ်ရေးဦးစီးချုပ်ရုံးမှ တပ်မတော် အရာရှိကြီးများနှင့် ဇနီးများ၊ ထိုင်းဘုရင့်တပ်မတော်မှ အရာရှိကြီးများ၊ ထိုင်းနိုင်ငံဆိုင်ရာ မြန်မာနိုင်ငံစစ်သံမှူး၊ ထိုင်းဘုရင့် တပ်မတော် (ကြည်း၊ရေ၊လေ) စစ်သံမှူးများနှင့် တာဝန်ရှိသူများ တက်ရောက်ကြသည်။

ဦးစွာညစာစားပွဲသို့ တက်ရောက်လာကြသူများသည် တန့်ကြည်တောင် ရန်အောင်မြင် ကျောင်းသင်္ဘောဆိပ်မှ သင်္ဘောဖြင့်ထွက်ခွာ၍ ဧရာဝတီ မြစ်ကြောင်းတစ်လျှောက် နေ၀င်ဆည်းဆာ အလှအားကြည့်ရှုကြပြီး ညအချိန်တွင်မြစ် အတွင်း ရောင်စုံမီးမျှောပွဲအား ကြည့်ရှုအားပေးကြသည်။

ယင်းနောက် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ထိုင်းဘုရင့် တပ်မတော်ကာကွယ်ရေး ဦးစီးချုပ်Gen. Tarnchaiyan Srisuwan တို့သည် အခမ်းအနား တက်ရောက်လာကြသူများနှင့်အတူ ညစာအား အတူတကွ သုံးဆောင်ကြသည်။
ညစာသုံးဆောင်အပြီးတွင် တပ်မတော်ကာကွယ်ရေး ဦးစီးချုပ်နှင့်ဇနီး၊ ထိုင်းဘုရင့် တပ်မတော် ကာကွယ်ရေးဦးစီးချုပ်နှင့် ဇနီးတို့သည် အမှတ်တရ လက်ဆောင်ပစ္စည်းများ အပြန်အလှန်ပေးအပ်ပြီး စုပေါင်းဓာတ်ပုံရိုက်ကြသည်။

ထိုင်းဘုရင့်တပ်မတော် ကာကွယ်ရေးဦးစီးချုပ်၏ဇနီး Mrs. Jiraporn Srisuwan ဦးဆောင်သည့် အဖွဲ့သည် တပ်မတော်ကာကွယ်ရေး ဦးစီးချုပ်၏ဇနီး ဒေါ်ကြူကြူလှနှင့် အဖွဲ့ဝင်များ လိုက်ပါပြီး သြဂုတ် ၁၆ ရက်မွန်းလွဲပိုင်းတွင် ရွှေစည်းခုံစေတီတော်နှင့် အာနန္ဒာစေတီတော်သို့ သွားရောက်ဖူးမြော်၍ ပန်း၊ရေချမ်း၊ ဆီမီးများ ကပ်လှူပူဇော်ကြပြီး ဧည့်သည်တော် မှတ်တမ်းစာအုပ်တွင် လက်မှတ်ရေးထိုးကာ အလှူငွေများ ဆက်ကပ် လှူဒါန်းကြသည်။

ထို့နောက် ထိုင်းဘုရင့်တပ်မတော် ကာကွယ်ရေးဦးစီးချုပ်၏ ဇနီး ဦးဆောင်သော အဖွဲ့သည် ပုဂံရှေးဟောင်း သုတေသနပြတိုက်သို့ သွားရောက်ကြည့်ရှု လေ့လာကြရာ တာဝန်ရှိသူများက လိုက်လံရှင်းလင်း ပြသခဲ့ကြသည်။

ဆက်လက်ပြီး ထိုင်းဘုရင့်တပ်မတော် ကာကွယ်ရေးဦးစီးချုပ်၏ ဇနီးဦးဆောင်သည့် အဖွဲ့သည် ယနေ့နံနက်ပိုင်းတွင် တပ်မတော်ကာကွယ်ရေး ဦးစီးချုပ်၏ဇနီး ဒေါ်ကြူကြူလှ နှင့်အဖွဲ့ဝင်များ လိုက်ပါပြီး ပုဂံမြို့ရှိ ရွှေပြည်နန်း သနပ်ခါးပြတိုက်နှင့် ဦးဘငြိမ်းယွန်းထည် ပစ္စည်းဆိုင်သို့ သွားရောက်ကြည့်ရှု လေ့လာ ခဲ့ကြကြောင်း သတင်း ရရှိသည်။

Read 530 times Last modified on Friday, 17 August 2018 18:27