SJ WorldNews - шаблон joomla Авто

ဘေးအန္တရာယ်ကြောင့် ထိခိုက်ဆုံးရှုံးမှုများကိုလျှော့ချပြီး ပြည်သူများ၏ လူနေမှုဘဝ တိုးတက်ဖွံ့ဖြိုးရေးကို အထောက်အကူ ဖြစ်စေရန် ပြည်သူအားလုံး ပူးပေါင်းပါဝင်သည့် ဘေးအန္တရာယ် စီမံခန့်ခွဲမှု လုပ်ငန်းစဉ်ကို မြှင့်တင် ဆောင်ရွက်ကြရမည်ဖြစ်

Sunday, 14 October 2018 13:56 font size decrease font size decrease font size increase font size increase font size

ဘေးအန္တရာယ်ကြောင့်  ထိခိုက်ဆုံးရှုံးမှုများကိုလျှော့ချပြီး ပြည်သူများ၏ လူနေမှုဘဝ တိုးတက်ဖွံ့ဖြိုးရေးကို အထောက်အကူ ဖြစ်စေရန် ပြည်သူအားလုံး ပူးပေါင်းပါဝင်သည့် ဘေးအန္တရာယ် စီမံခန့်ခွဲမှု လုပ်ငန်းစဉ်ကို မြှင့်တင် ဆောင်ရွက်ကြရမည်ဖြစ်

နေပြည်တော် အောက်တိုဘာ ၁၃

၂ဝ၁၈ ခုနှစ် အပြည်ပြည်ဆိုင်ရာသဘာဝ ဘေးလျော့ပါးရေးနေ့ အထိမ်းအမှတ်အခမ်းအနားကို ယနေ့နံနက် ၈ နာရီတွင် နေပြည် တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ ၌ကျင်းပရာ အမျိုးသားသဘာဝ ဘေးအန္တရာယ် ဆိုင်ရာ စီမံခန့်ခွဲမှု ကော်မတီ ဥက္ကဋ္ဌ   ဒုတိယသမ္မတ ဦးဟင်နရီဗန်ထီးယူ တက်ရောက် အမှာစကား ပြောကြားသည်။

အခမ်းအနားသို့  ပြည်ထောင်စု ဝန်ကြီး များဖြစ်ကြသည့် ဒုတိယဗိုလ်ချုပ်ကြီးစိန်ဝင်း၊ ဦးသန့်စင်မောင်၊   ဒေါက်တာ ဝင်းမြတ်အေးနှင့်  နိုင်သက်လွင်၊ နေပြည်တော် ကောင်စီ ဥက္ကဋ္ဌ ဒေါက်တာမျိုးအောင်၊ ဒုတိယဝန်ကြီး  ဦးဝင်းမော် ထွန်းနှင့် ဦးစိုးအောင်၊ အမျိုးသား လွှတ်တော် စိုက်ပျိုးရေး၊  မွေးမြူရေးနှင့်ရေလုပ်ငန်းဖွံ့ဖြိုး တိုးတက်ရေးကော်မတီ အတွင်း ရေးမှူး ဒေါက်တာ ဝင်းမြင့်၊ အမြဲတမ်းအတွင်း ဝန်များ၊ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူး ချုပ်များ၊ မြန်မာနိုင်ငံဆိုင်ရာ သံရုံးများမှ  သံအမတ်ကြီးများနှင့် သံရုံးတာဝန်ခံများ၊ ကုလသမဂ္ဂနှင့် နိုင်ငံတကာ အဖွဲ့အစည်းများ၊ INGO၊  NGO များ၊ သတင်း မီဒီယာများ၊ ဖိတ်ကြားထားသည့်ဧည့်သည်တော်များနှင့် တာဝန်ရှိ သူများ တက်ရောက် ကြသည်။

အခမ်းအနားတွင် ဒုတိယသမ္မတက ယနေ့ ကျင်းပသည့် အပြည်ပြည်ဆိုင်ရာသဘာဝ ဘေးလျော့ပါးရေးနေ့ အခမ်းအနားသည် ၂ဝဝ၉ ခုနှစ် ဒီဇင်ဘာ ၂၁ ရက်တွင်ကျင်းပ သည့် ကုလသမဂ္ဂအထွေထွေညီလာခံဆုံးဖြတ် ချက်အမှတ်(၆၄/၂ဝဝ)အရ နှစ်စဉ်အောက် တိုဘာ ၁၃ ရက်ကို  အပြည်ပြည်ဆိုင်ရာ သဘာဝဘေးလျော့ပါးရေးနေ့ အဖြစ် သတ် မှတ်ချက်နှင့်အညီ  ကျင်းပခြင်းဖြစ်ကြောင်း၊  အလားတူ    ကမ္ဘာ့နိုင်ငံအသီးသီး၌လည်း  ကျင်းပလျက်ရှိ ကြောင်း၊ မြန်မာနိုင်ငံ အနေဖြင့်  အပြည်ပြည်ဆိုင်ရာသဘာဝဘေးလျော့ပါးရေးနေ့ အထိမ်းအမှတ် အခမ်းအနားကို  ၂ဝ၁ဝ  ပြည့်နှစ်မှစတင်၍ နှစ်စဉ်ကျင်းပခဲ့ကြောင်း၊  ထိုသို့ကျင်းပရာတွင် ကုလသမဂ္ဂ အပြည်ပြည် ဆိုင်ရာ သဘာဝ ဘေးလျော့ပါးရေး မဟာဗျူဟာ  (United Nations International Strategy  for Disaster Reduction-UNISDR) က   နှစ်စဉ် ဦးတည်အုပ်စု တစ်စုကိုရွေးချယ်၍ ဆောင်ပုဒ်များ ချမှတ်ကျင်းပခြင်းဖြစ်ကြောင်း၊   ယခု ၂ဝ၁၈ ခုနှစ် အတွက် ရွေးချယ်သတ်မှတ် ထားသည့်ဆောင်ပုဒ်မှာ ပြည်သူ့ဘဝတိုးတက် ပြောင်းလဲဖို့၊ ဘေးဒဏ်ကြောင့် စီးပွား ဆုံးရှုံးမှု လျှော့ချစို့ (REDUCING  ECONOMIC LOSSES  FROM  DISASTER  HAS THE  POWER  TO  TRANSFORM LIVES) ဖြစ်ကြောင်း၊ ပြည်သူများ၏ ဘဝတိုးတက် ပြောင်းလဲရေးဆောင်ရွက်ရာတွင်  သဘာဝ ဘေးနှင့် လူကြောင့်ဖြစ်သည့် ဘေးများ ကြောင့်  စီးပွားရေးဆုံးရှုံးမှုလျှော့ချရေးသည် အလွန် အရေးပါသည့်ကဏ္ဍတွင် ပါဝင်နေ သည်ကို ယခုနှစ်ဆောင်ပုဒ်က  ညွှန်းဆို နေကြောင်း၊

ယနေ့ မျက်မှောက်ကမ္ဘာ့ နိုင်ငံအသီးသီးတွင် ကမ္ဘာကြီးပူနွေးလာမှုနှင့် ရာသီဥတုပြောင်းလဲဖောက်ပြန်မှုများ၏    ဆိုးရွား လှသည့် သက်ရောက်မှုများကို ရင်ဆိုင်တွေ့ကြုံခံစား နေကြရကြောင်း၊  ၂ဝ၁၄  ခုနှစ်အတွင်း ကမ္ဘာ တစ်ဝန်း လုံးတွင်  အသက်သေဆုံးခဲ့ ရသည်အထိဖြစ်ပွားခဲ့သော သဘာဝဘေးများ၏  ၅ဝ ရာခိုင်နှုန်းကျော်သည် အာဆီယံ ဒေသတွင်းနိုင်ငံများတွင် ဖြစ်ပွားခဲ့သည်ကို လေ့လာတွေ့ရှိရမည်ဖြစ်ကြောင်း။

၂ဝ၁၇ ခုနှစ်အတွင်းဘေးအန္တရာယ်အမျိုး မျိုးကြောင့် စီးပွားရေးကဏ္ဍဆုံးရှုံးမှု ပမာဏသည် ၂ဝ၁၆ ခုနှစ်ကထက် ၆၃ ရာခိုင်နှုန်း ပိုမိုမြင့်မားခဲ့ကြောင်း၊ ကမ္ဘာတစ်ဝန်းလုံးတွင် ဘေးအန္တရာယ်ကြောင့် စီးပွားရေးကဏ္ဍဆုံးရှုံး မှုနှင့် ပတ်သက်၍  ၁၉၉ဝ ပြည့်နှစ်မှ ၂ဝ၁၈ ခုနှစ်ကာလအတွင်း ၂ဝ၁၁ ခုနှစ်သည် စီးပွားရေးအရ   ထိခိုက်ဆုံးရှုံးမှု အမြင့်ဆုံး ဖြစ်ပြီး ဆုံးရှုံးမှု အမေရိကန်ဒေါ်လာ ဘီလီယံ ၄ဝဝရှိခဲ့ကြောင်း၊   ဘေးအန္တရာယ်များကြောင့် အာဆီယံ ဒေသ၏ စီးပွားရေး ထိခိုက်ဆုံးရှုံးမှုသည် ကမ္ဘာ့ဘဏ်စာရင်းအင်းအချက်အလက်များအရ နှစ်စဉ်အမေရိကန်ဒေါ်လာ ၄ ဒသမ  ၄ ဘီလီယံထိရှိခဲ့ပြီး  ဒေသတွင်းနိုင်ငံများ၏ ဂျီဒီပီ၏ သုည ဒသမ ၂ ရာခိုင်နှုန်းထက် ပိုမို နေသည်ကို တွေ့ရ ကြောင်း၊ မြန်မာနိုင်ငံတွင် ၂ဝ၁၇-၂ဝ၁၈ ခုနှစ်အတွင်း ဘေးအန္တရာယ် ဖြစ်ပွားမှုပေါင်း ၂၅ဝဝ ကျော်ရှိခဲ့ပြီး လူဦးရေ ငါးသိန်းကျော် ဘေးဒုက္ခခံစားခဲ့ကြရကြောင်း၊ နိုင်ငံတော်အနေဖြင့် ဘေးဖြစ်ပွားမှုများ အတွက်  ထောက်ပံ့ မှုများ အပြင် ရေရှည် သဘာဝဘေးလျော့ပါးရေးအစီအမံများအတွက် ၂ဝ၁၇-၂ဝ၁၈ ဘဏ္ဍာနှစ်တွင် ငွေကျပ်သန်း ပေါင်း ၅၅၈၅ ကျော် ထောက်ပံ့ပေးခဲ့ကြောင်း၊ 

သဘာဝဘေးများကြောင့် ဆုံးရှုံးမှုများနှင့် ထောက်ပံ့မှုများအား    နိုင်ငံတော် ဖွံ့ဖြိုး တိုးတက်မှုလုပ်ငန်းများတွင် သုံးစွဲ နိုင် ခဲ့ ပါက  ပြည်သူများ၏ဘဝ   တိုးတက်ပြောင်းလဲရေး ကိုအတိုင်းအတာတစ်ခုအထိ   အထောက် အပံ့ဖြစ်စေ မည်ဖြစ်ကြောင်း။

ဘေးအန္တရာယ်ကြောင့်  ထိခိုက်ဆုံးရှုံးမှု များကိုလျှော့ချပြီး ပြည်သူများ၏လူနေမှုဘဝ တိုးတက်ဖွံ့ဖြိုးရေးကို အထောက် အကူဖြစ်စေရန် ပြည်သူအားလုံးပူးပေါင်းပါဝင်သည့် ဘေးအန္တရာယ်စီမံခန့်ခွဲမှုလုပ်ငန်းစဉ်ကို မြှင့်တင် ဆောင်ရွက်ကြရမည်ဖြစ်ကြောင်း၊   ထိုသို့  ဆောင်ရွက်ရာတွင်   နိုင်ငံတွင်း၌သာမက ဒေသတွင်းနိုင်ငံများအကြား   ပိုမိုပူးပေါင်း ဆောင်ရွက်နိုင်ရေးနှင့် ဘေးအန္တရာယ်စီမံ ခန့်ခွဲမှုလုပ်ငန်းများကို အရှိန်အဟုန်မြှင့်တင် နိုင်ရေးတို့အတွက် နေပြည်တော်တွင်ကျင်းပခဲ့ သည့် (၂၄)ကြိမ်မြောက် ASEAN  Summit  ကထုတ်ပြန်ခဲ့သည့် နေပြည်တော်ကြေညာ စာတမ်း၊ သဘောတူညီချက်(၂၄)တွင် ''အာဆီယံ သဘာဝဘေးအန္တရာယ်စီမံခန့်ခွဲမှုဆိုင်ရာ လူသားချင်း စာနာမှုအကူ အညီပေးရေး ညှိနှိုင်းမှု ဗဟိုဌာန'' (ASEAN Coordination Centre for Humanitarian Assistance on Disaster Management-AHA Centre) ၏ စွမ်းဆောင် နိုင်မှုမြှင့်တင်နိုင်ရေးနှင့် သဘာဝ ဘေးအန္တရာယ် ဆိုင်ရာစီမံခန့်ခွဲမှုနှင့် အရေးပေါ်တုံ့ပြန်ရေး ဆိုင်ရာအာဆီယံသဘောတူစာချုပ် (ASEAN Agreement on Disaster Management and Emergency Response-AADMER) ကို ဒေသတွင်းမူဘောင် တစ်ရပ်အဖြစ် သတ်မှတ်ပြီး  အာဆီယံနိုင်ငံများ၏ သဘာဝဘေးအန္တရာယ် စီမံခန့်ခွဲမှု လုပ်ငန်းများတွင် ပိုမိုပူးပေါင်းဆောင် ရွက်ကြ ရန်နှင့် တစ်ခုတည်းသော အာဆီယံ၊ တစ်ခုတည်းသော တုံ့ပြန်မှု  One ASEAN, One Response ကို အာဆီယံအဖွဲ့ ဝင်နိုင်ငံ များအားလုံး တညီတညွတ် တည်းသဘော တူညီခဲ့ကြကြောင်း၊ မြန်မာနိုင်ငံအနေဖြင့် အဆိုပါမူဘောင် သဘောတူညီချက်များနှင့် အညီ ဘေးအန္တရာယ်စီမံခန့်ခွဲမှု လုပ်ငန်းများ ကိုဆောင်ရွက်နေသကဲ့သို့ တတိယအကြိမ် သဘာဝ ဘေးလျော့ပါးရေး ကမ္ဘာ့ ညီလာခံက ချမှတ်ခဲ့သည့် ဘေးအန္တရာယ်ကြောင့် ထိခိုက်ဆုံးရှုံးနိုင်ခြေ လျှော့ချရေး ဆိုင်ရာ ဆန်ဒိုင်း မူဘောင်(၂ဝ၁၅-၂ဝ၃ဝ)တွင် ပါရှိသည့် ဘေးအန္တရာယ် စီမံခန့်ခွဲရေး ဆိုင်ရာ အခြေခံမူများ နှင့်လုပ်ငန်း စဉ်များ၊ စဉ်ဆက် မပြတ်ဖွံ့ဖြိုးမှု ပန်းတိုင်များ (Sustainable Development Goals) နှင့်အညီ မြန်မာနိုင်ငံ ဘေးအန္တ ရာယ်ကြောင့် ထိခိုက်ဆုံးရှုံးနိုင်ခြေ လျှော့ချရေးလုပ် ငန်းစီမံချက်(၂ဝ၁၇)ကိုရေးဆွဲပြီး သက်ဆိုင် ရာဝန်ကြီးဌာနများ အလိုက် အကောင်အထည် ဖော်ဆောင်ရွက်နေကြောင်း။

ဘေးအန္တရာယ်ကြောင့် စီးပွားရေးကဏ္ဍ အပါအဝင် ထိခိုက်ဆုံးရှုံးမှုများကို လျှော့ချ နိုင်ရေးအတွက် စနစ်ကျသည့်စီမံ ခန့်ခွဲမှုများ၊ မူဘောင်များ၊ လုပ်ငန်းစဉ်များဖြင့် ဆောင်ရွက် ရသကဲ့သို့ လိုအပ်သည့်ဥပဒေ၊ နည်းဥပဒေများ ဖြင့်လည်းဆောင်ရွက်ရသည့်အတွက် မြန်မာနိုင်ငံအနေဖြင့် သဘာဝ ဘေးအန္တရာယ်ဆိုင်ရာ စီမံခန့်ခွဲမှုဥပဒေ၊ နည်းဥပဒေများကို ရေးဆွဲ ပြဋ္ဌာန်းထားပြီး အဆိုပါဥပဒေပြဋ္ဌာန်းချက်များ နှင့်အညီ မြန်မာနိုင်ငံ၏ဘေးအန္တရာယ်စီမံ ခန့်ခွဲမှုလုပ်ငန်းများကို အမျိုးသားသဘာဝ ဘေးအန္တရာယ်ဆိုင်ရာစီမံခန့်ခွဲမှုကော်မတီက ဦးဆောင်၍ တိုင်းဒေသကြီး/ ပြည်နယ်/ ခရိုင်နှင့်   မြို့နယ်အဆင့်အထိ  သဘာဝဘေး အန္တရာယ်ဆိုင်ရာစီမံခန့်ခွဲမှုအဖွဲ့များဖွဲ့စည်း ကာ ဘေးဒဏ် ကြောင့် ထိခိုက်ဆုံးရှုံးမှုလျော့ နည်းနိုင်သမျှ လျော့နည်းအောင် ကြိုးပမ်း ဆောင်ရွက်လျက်ရှိကြောင်း၊    ပြည်သူများ

၏ ဘေးဒဏ်ရင်ဆိုင် တုံ့ပြန်နိုင်စွမ်းမြင့်မားရေးနှင့် စီမံဆောင်ရွက်ပေးရမည့် တာဝန်ရှိသူများပူးပေါင်း ပါဝင်ကြသည့် အဖွဲ့အစည်းများ အားလုံး၏ စွမ်းဆောင်ရည်များမြင့်မားလာ စေရေးကိုလည်း စီမံဆောင်ရွက်ပေးကြရမည် ဖြစ်ကြောင်း၊ သဘာဝ ဘေးအန္တရာယ်ဆိုင်ရာ အသိပညာပေးဟောပြောမှုများ၊  စွမ်းဆောင် ရည်မြှင့်တင်မှု သင်တန်း များ၊ ပြည်သူများပါဝင်သည့် ဇာတ်တိုက်လေ့ကျင့်မှုများအပြင် ကြိုတင် ပြင်ဆင်မှုလုပ်ငန်းများဖြစ်သည့်   မုန်တိုင်း ဒဏ်ခံ အဆောက်အအုံများ၊ ဘေးလွတ်ရာသို့ ရှောင်တိမ်းနိုင်သောလမ်းတံတားများ၊ ဘက်စုံ သုံးအဆောက် အအုံများ၊  ရှာဖွေ ကယ်ဆယ် ရွှေ့ပြောင်းရေးအတွက်   ယာဉ်ယန္တရားများစသည်တို့ကိုလည်း တိုးမြှင့်ဖြည့်ဆည်း ဆောင် ရွက်ပေးလျက် ရှိကြောင်း။

သဘာဝ ဘေးအန္တရာယ် ဆိုသည်မှာ နိုင်ငံတစ်နိုင်ငံ၏ ရေရှည်တည်တံ့သည့် စဉ်ဆက်မပြတ်ဖွံ့ဖြိုးတိုးတက်ရေး (Sustainable Development )လုပ်ငန်းများကို အဟန့်အတား ဖြစ်စေသည့်   အဓိကစိန်ခေါ်မှုတစ်ရပ် ဖြစ်သည့် အတွက် ဘက်စုံဖွံ့ဖြိုးတိုးတက်ရေး မဟာဗျူဟာ လုပ်ငန်းစဉ်များနှင့် စီမံကိန်းများ ရေးဆွဲဆောင်ရွက်ကြရာ တွင် သဘာဝဘေး အန္တရာယ်လျော့ပါးရေးလုပ်ငန်းစဉ်များကို ပေါင်းစပ် ထည့်သွင်း ဆောင်ရွက်သွားကြရန်  လိုအပ် ကြောင်း။

သဘာဝ ဘေးအန္တရာယ်လျော့ပါးရေး လုပ်ငန်းများကို ကမ္ဘာ့နိုင်ငံများတွင် အရှိန်အဟုန်တိုးမြှင့်ဆောင်ရွက်နေကြ သကဲ့သို့ မြန်မာနိုင်ငံ၌လည်း ဘက်စုံကဏ္ဍစုံတွင် ထည့်သွင်းပေါင်းစပ် ဆောင်ရွက်လျက်ရှိကြောင်း၊ ပြည်သူများ၏ လူမှုစီးပွားဘဝ တိုးတက်မြင့်မား စေရေးဆောင်ရွက်ရာတွင် ယခုနှစ်ဆောင်ပုဒ် ပါအတိုင်း သဘာဝဘေးကြောင့် စီးပွားရေး ထိခိုက်ဆုံးရှုံးနိုင်မှုလျှော့ချပြီး နိုင်ငံသားတိုင်း ပိုမိုပူးပေါင်းဆောင်ရွက်နိုင်သည့်အခွင့်အလမ်း များကို ဖန်တီးပေးခြင်းဖြင့် ဘေးဒဏ်များကို ကြံ့ကြံ့ခံ ရင်ဆိုင်နိုင်ပြီး လူမှုစီးပွားဖွံ့ဖြိုးတိုးတက် သည့်နိုင်ငံအဖြစ်   အသက် အရွယ် မရွေး၊  လူတန်းစားမရွေးပါဝင် တည်ဆောက်သွားကြ ရမည်ဖြစ်ကြောင်း။

ကဏ္ဍအလိုက်ဖွံ့ဖြိုးတိုးတက်ရေးလုပ်ငန်း များဆောင်ရွက်ရာတွင် သဘာဝဘေးလျော့ပါး ရေးအစီအမံများ ထည့်သွင်း စဉ်းစားဆောင် ရွက်ရေးကို သက်ဆိုင်ရာ အစိုးရဌာန၊  အဖွဲ့ အစည်းများ၊ ကော်မတီဝင်များ၊ အပြည်ပြည် ဆိုင်ရာ အဖွဲ့အစည်းများ၊ လူမှုရေးအသင်း အဖွဲ့များအနေဖြင့် မိမိတို့ဌာနအဖွဲ့အစည်း များ၏ မဖြစ်မနေဆောင်ရွက် ရမည့် လုပ်ငန်း စဉ်တစ်ရပ်အဖြစ် မှတ်ယူဆောင်ရွက်ကြရန်နှင့် ပြည်သူလူထုတစ်ရပ်လုံး နိုးကြားတက်ကြွစွာ ပါဝင် ဆောင်ရွက် လာစေရေးအတွက် စည်းရုံး ဆောင်ရွက်သွားကြရမည်ဖြစ်ကြောင်း၊ လူတစ်ဦးတစ်ယောက်ချင်းစီက တာဝန် သိစိတ် ကိုယ်စီဖြင့်   ဘေးအန္တရာယ်လျော့ပါးရေး လုပ်ငန်းများတွင် တက်ကြွစွာ ပါဝင်ဆောင်ရွက်ခြင်းဖြင့် သဘာဝ ဘေးအန္တရာယ်များကို ကြံ့ကြံ့ခံနိုင်ပြီး  ဘေးအန္တရာယ်များကြောင့် ထိခိုက်ဆုံးရှုံးမှုကို လျှော့ချနိုင်ကာ စီးပွားရေး ဖွံ့ဖြိုးတိုးတက်ပြောင်းလဲမှုကို ဦးတည်သည့် လူနေမှုဘဝများ တည်ဆောက်ကြပါစို့ဟု တိုက်တွန်း လိုကြောင်း ပြောကြားသည်။

ထို့နောက် မြန်မာနိုင်ငံ ဆိုင်ရာ ကုလသမဂ္ဂ ခေတ္တဌာနေ ညှိနှိုင်းရေးမှူး  Ms. Janet E Jackson က ကုလသမဂ္ဂ အထွေ ထွေ အတွင်းရေးမှူးချုပ်၏ သဝဏ်လွှာကိုဖတ်ကြားသည်။

ယင်းနောက် အပြည်ပြည်ဆိုင်ရာ သဘာဝ ဘေးလျော့ပါးရေးနေ့ အထိမ်းအမှတ် ဗီဒီယို မှတ်တမ်းကိုပြသသည်။

ယင်းနောက်  အမျိုးသား သဘာဝ ဘေးအန္တရာယ်ဆိုင်ရာ စီမံခန့်ခွဲမှု ကော်မတီ ဥက္ကဋ္ဌ ဒုတိယသမ္မတ   ဦးဟင်နရီ ဗန်ထီး ယူသည်  အခမ်းအနားသို့ တက်ရောက် လာကြသူများ နှင့်အတူ မှတ်တမ်းတင် ဓာတ်ပုံရိုက်ပြီး ၂ဝ၁၈ခုနှစ် အပြည်ပြည် ဆိုင်ရာ သဘာဝဘေးလျော့ပါး ရေးနေ့ အထိမ်းအမှတ်ပြခန်းများကိုလှည့်လည် ကြည့်ရှုသည်။       

Read 479 times Last modified on Sunday, 14 October 2018 14:19