SJ WorldNews - шаблон joomla Авто

တဖြည်းဖြည်း တိုးတက်လာသည့်လူဦးရေကို ဝလင်စွာ ကျွေးမွေးနိုင်ရေးအပြင် ကျန်းမာသန်စွမ်းပြီး တောက်ပသည့် အနာဂတ်ကို ပုံဖော်ကြရန်အတွက် မှန်ကန်ထိရောက်သည့် မူဝါဒများ၊ ထိရောက်အောင်မြင်သည့် အကောင်အထည်ဖော် ဆောင်ရွက်မှုများဖြင့် ဟန်ချက်ညီညီ ဆောင်ရွက်ကြရမည်

Wednesday, 17 October 2018 10:10 font size decrease font size decrease font size increase font size increase font size

နေပြည်တော် အောက်တိုဘာ ၁၆

၂ဝ၁၈ ခုနှစ် ကမ္ဘာ့စားနပ်ရိက္ခာနေ့ အထိမ်းအမှတ် အခမ်းအနားကို ယနေ့နံနက် ၉ နာရီတွင် နေပြည်တော်ရှိ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန အစည်းအဝေးခန်းမ၌ ကျင်းပရာ ဒုတိယသမ္မတ ဦးဟင်နရီဗန်ထီးယူ တက်ရောက်အမှာစကား ပြောကြားသည်။

ဒုတိယသမ္မတက စားနပ်ရိက္ခာဖူလုံရေးနှင့် ငတ်မွတ်မှု တိုက်ဖျက်ရေးတွင် လူတိုင်း ပူးပေါင်းပါဝင်ဆောင်ရွက်ရန် အရေးကြီးကြောင်း ဖော်ပြနိုင်ရန်အတွက် ယခုကဲ့သို့ ကမ္ဘာ့စားနပ်ရိက္ခာနေ့အခမ်းအနားကို ကျင်းပရခြင်းဖြစ်ကြောင်း၊ အထူးသဖြင့် မိမိတို့၏ အနာဂတ်ဖြစ်သည့် ကလေးငယ်များအားလုံး ဘေးကင်းပြီး အာဟာရ ပြည့်ဝသည့် အစားအစာများကို လုံလုံလောက်လောက် စားသုံးနိုင်မှသာ ကျန်းမာသန်စွမ်းပြီး ဖွံ့ဖြိုးတိုးတက်သည့် အနာဂတ် လူ့အဖွဲ့ အစည်းကို ပိုင်ဆိုင်နိုင်မည်ဖြစ်ကြောင်း။

၂ဝ၁၇ ခုနှစ် FAO၏အစီရင်ခံစာအရ ၂ဝ၁၆ ခုနှစ်တွင် ကမ္ဘာ့လူဦးရေ၏ ၈၁၅ သန်းကျော်သည် ပြင်းထန်သည့် ငတ်မွတ်မှုဒဏ်ကို ကာလရှည် ခံစားနေကြရပြီး ယင်းကိန်းဂဏန်းသည် ၂ဝ၁၅ ခုနှစ်ကထက် ၃၈ သန်းကျော် တိုးတက်များပြားလာကြောင်း၊  ၁၅၅ သန်းသော အသက် ၅ နှစ်အောက် ကလေးငယ်များသည် ကြုံလှီသေးကွေးနေကြသည်ဟု သိရကြောင်း။

အလွန်အမင်းဆင်းရဲသူ အားလုံးအနက် ၈ဝ ရာခိုင်နှုန်းသည် ကျေးလက်ဒေသများတွင် နေထိုင်ကြပြီး စိုက်ပျိုးရေးနှင့် အသက်မွေးကြသည်ဟု စစ်တမ်းများအရ သိရကြောင်း၊ မိမိတို့နိုင်ငံတွင်လည်း လူဦးရေ၏ ၇ဝ ရာခိုင်နှုန်းကျော် သည် စိုက်ပျိုးရေးကို အခြေခံသည့် ကျေးလက်ဒေသတွင် နေထိုင်ကြသည့်အတွက် ကျေးလက်ဒေသ ဖွံ့ဖြိုးရေးသည် များစွာအရေးကြီးလှကြောင်း၊ငတ်မွတ်မှုပပျောက်ရန် ဆောင်ရွက်ခြင်းဖြင့်သာ ကျေးလက်ဒေသ လူမှုစီးပွားဘဝ တိုးတက်ရန် ဆောင်ရွက်နိုင်မည်ဖြစ်ပြီး မိမိတို့အနေဖြင့် နေထိုင်ပုံ၊ စဉ်းစားပုံများကိုလည်း ပြောင်းလဲရန် လိုအပ်ကြောင်း၊ ပတ်ဝန်းကျင်နှင့်  လူမှုရေးဆိုင်ရာ စဉ်ဆက်မပြတ် ဖွံ့ဖြိုးတိုးတက်ရန် အတွက် ကောင်းမွန်သည့် စီမံအုပ်ချုပ်မှု စနစ်များလည်း လိုအပ်လှကြောင်း၊ ထို့ပြင် အစိုးရအနေဖြင့် နိုင်ငံ ဖွံ့ဖြိုးရေးအတွက် ပြည်တွင်းပြည်ပ ရင်းနှီးမြှုပ်နှံသူများကို အခွင့်အလမ်းကောင်းများ ဖန်တီးပေးရန်လည်း လိုအပ်မည်ဖြစ်ကြောင်း။

ယနေ့ကမ္ဘာကြီး၏ နည်းပညာပြောင်းလဲမှုနှင့် အတူ ယှဉ်တွဲလာသည့် ကမ္ဘာကြီး ပူနွေးလာမှုနှင့် ရာသီဥတု ဖောက်ပြန်မှုများသည် စိုက်ပျိုးရေး လုပ်ငန်းကို အဓိက မှီတင်းနေထိုင်ကြသည့် ကျေးလက်ဒေသကို များစွာဆိုးကျိုး သက်ရောက်စေကြောင်း၊ ယခုကဲ့သုိ့ ဆိုးကျိုး သက်ရောက်မှုကြောင့်  လူအများစု မှီတင်းနေထိုင်ရာ ကျေးလက်ဒေသများတွင် စိုက်ပျိုးသီးနှံများ ပျက်စီးဆုံးရှုံးမှု၊  ထွက်ရှိလာသည့် သီးနှံများ အရည်အသွေး မပြည့်ဝမှုများ၏ အကျိုးဆက်အဖြစ် လူမှုစီးပွားရေး ချွတ်ခြုံကျမှု၊ စားနပ်ရိက္ခာမပြည့်စုံမှု၊ ဘေးကင်းလုံခြုံသည့်  စားရေရိက္ခာရှားပါးလာမှု၊  ငတ်မွတ်မှုများဖြင့် ရင်ဆိုင်နေကြရကြောင်း။

အကျိုးဆက်အနေဖြင့်  နှစ်စဉ်ငတ်မွတ်မှုကြောင့်  သေဆုံးမှုနှုန်းသည် ငှက်ဖျားရောဂါ၊ တီဘီရောဂါနှင့် အေအိုင်ဒီအက်စ် ရောဂါသုံးမျိုးပေါင်း သေဆုံးမှုထက်ပင် များပြားနေသည်ဟု သိရကြောင်း၊ ထို့ပြင် မွေးကင်းစ ကလေးငယ်သေဆုံးမှု၏ ၄၅ ရာခိုင်နှုန်းသည်လည်း အာဟာရချို့တဲ့မှုကြောင့်ဟု သိရကြောင်း။

ထို့ကြောင့် ကမ္ဘာ့စားနပ်ရိက္ခာနေ့ အခမ်းအနားကို Our Actions are our Future. A# ZeroHunger world by 2030 is possible. ''ငတ်မွတ်ကင်းစင် ၂ဝ၃ဝ တွင် တို့ရဲ့အနာဂတ် တို့ပြင်ဆင်'' ဆိုသည့် ဆောင်ပုဒ်ဖြင့် ကျင်းပရန်  ကမ္ဘာ့စားနပ်ရိက္ခာနှင့် စိုက်ပျိုးရေးအဖွဲ့ကသတ်မှတ်ခဲ့ကြောင်း၊ တဖြည်းဖြည်း တိုးတက်လာသည့် လူဦးရေကို ဝလင်စွာ ကျွေးမွေးနိုင်ရေးအပြင်  ကျန်းမာသန်စွမ်းပြီး တောက်ပသည့် အနာဂတ်ကို ပုံဖော်ကြမည့် အနာဂတ်မျိုးဆက်ကို ပြုစုပျိုးထောင်ကြရန်အတွက် ဘေးကင်းပြီး လုံခြုံစိတ်ချရသည့် အစားအစာများ ထုတ်လုပ်နိုင်ရေး၊ ကျေးလက်ဒေသဖွံ့ဖြိုးရေး၊ ကျေးလက်လူနေမှု ဘဝဖွံ့ဖြိုးတိုးတက်စေရေး  စသည့်အဓိကကျသည့် လုပ်ငန်းတာဝန်များကို မိမိတို့အနေဖြင့်ကိုယ်စွမ်းဉာဏ်စွမ်းရှိသမျှ ကြိုးစားဆောင်ရွက် ကြရမည်ဖြစ်ကြောင်း၊ ထိုသို့ဆောင်ရွက်ရာတွင် FAO၏ အကူအညီ၊ မိမိတို့ အစိုးရ၏ မှန်ကန် ထိရောက်သည့် မူဝါဒများ၊ ဌာနဆိုင်ရာများ၏ ထိရောက်အောင်မြင်သည့် အကောင်အထည်ဖော် ဆောင်ရွက်မှုများနှင့် ပြည်သူလူထုတစ်ရပ်လုံး၏ ပူးပေါင်း ပါဝင်မှုများဖြင့် ဟန်ချက်ညီညီ ဆောင်ရွက်ကြရမည်ဖြစ်ကြောင်း။

ကမ္ဘာတွင်   ငတ်မွတ်မှုကို ခံစားနေကြရသည့် လူဦးရေ၏  ၆ဝ ရာခိုင်နှုန်းသည် အမျိုးသမီးများ ဖြစ်ကြသည်ဟု ဆိုကြောင်း၊ မိမိတို့နိုင်ငံတွင်လည်း လူဦးရေ၏ ထက်ဝက်ကျော်သည် အမျိုးသမီးများ ဖြစ်ကြကြောင်း၊ ထို့ကြောင့် အမျိုးသမီးများ၏ အခန်းကဏ္ဍကိုလည်း အလေးထားကြရန် လိုကြောင်း၊ အမျိုးသမီးထု၏ ကုန်ထုတ်စွမ်းအားသည်လည်း မိသားစု၊ နိုင်ငံနှင့် ကမ္ဘာ့အတိုင်းအတာအထိ ကြီးကြီးမားမား သက်ရောက်မှုရှိကြောင်း။

ထို့ကြောင့် အိမ်တွင်း စက်မှုလက်မှုလုပ်ငန်းများကိုလည်း သမဝါယမ လုပ်ငန်းစဉ်များမှ တစ်ဆင့် မြှင့်တင်ကြရန်လိုကြောင်း၊ ပုခက်လွှဲသည့် လက်သည် ကမ္ဘာကိုကိုင်လှုပ်မည့် လက်များဟုဆိုသကဲ့သို့ အနာဂတ်မျိုးဆက် ကလေးသူငယ်များ၏ အာဟာရပြည့်ဝရေး၊ ကျန်းမာသန်စွမ်းရေးနှင့် ပညာရည်မြင့်မားရေးတို့သည် အမျိုး သမီးများနှင့် တိုက်ရိုက်သက်ဆိုင်နေကြောင်း၊ မိသားစု စားသောက်နေထိုင်မှု ပုံစံပြောင်းလဲရန် အတွက်   အမျိုးသမီးထုကို ပညာပေးခြင်း နည်းလမ်းသည်  အကောင်းဆုံးသော နည်းလမ်းဖြစ်ကြောင်း။

၂ဝ၃ဝ ပြည့်နှစ် စဉ်ဆက်မပြတ် ဖွံ့ဖြိုးတိုးတက်ရေး ရည်မှန်းချက်ပန်းတိုင် အမှတ်စဉ်(၂)ပြည့်မီရေးအတွက် ၂ဝ၁၈ ခုနှစ် ကမ္ဘာ့စားနပ်ရိက္ခာနေ့ ကျင်းပခြင်းဖြင့်  လူသားတို့ ငတ်မွတ်ကင်းစင်ရေးကို    အလေးပေး ဆောင်ရွက်သွားရမည်ဖြစ်ကြောင်း၊ အပြည်ပြည်ဆိုင်ရာ အဖွဲ့အစည်းများမှလည်း စဉ်ဆက်မပြတ် ဖွံ့ဖြိုးတိုးတက်ရေးအတွက်  ဝိုင်းဝန်းပူးပေါင်းဆောင်ရွက် သွားရမည်ဖြစ်သကဲ့သို့ မိမိတို့အနေဖြင့်လည်း   ဝိုင်းဝန်းပူးပေါင်း ကြိုးပမ်းကြရမည်ဖြစ်ကြောင်း၊ စားရေရိက္ခာ ဖူလုံရေးနှင့် ကျေးလက်ဒေသ ဖွံ့ဖြိုးရေးကို ထိရောက်အောင်မြင်စွာ ဆောင်ရွက်နိုင်မှုမရှိဘဲ ၂ဝ၃ဝ  မှာ  ငတ်မွတ်မှုပပျောက်ရေးဟူသည့်တစ်ကမ္ဘာလုံးဆိုင်ရာ  ရည်မှန်းချက်သည် အောင်မြင်နိုင်မည် မဟုတ်ကြောင်း၊ ထို့အတူငတ်မွတ်မှုကို  ပပျောက်အောင် မဆောင်ရွက်နိုင်သော်လည်း အာဟာရပြည့်ဝရေး၊ ကျန်းမာကြံ့ခိုင်ရေး၊ ပညာရည်မြင့်မားရေးနှင့် လူမှုစီးပွားဘဝ ဖွံ့ဖြိုးတိုးတက်ရေး စသည့်ရည်မှန်းချက်ပန်းတိုင်များသို့ ရောက်ရှိအောင် ဆောင်ရွက်နိုင်မည် မဟုတ်ကြောင်း။

ငတ်မွတ်မှုနှင့်အာဟာရချို့တဲ့မှုသည် အချိန်အတိုင်းအတာ တစ်ခုအထိ  ကျဆင်းခဲ့ပြီးမှ   ယခုတစ်ဖန် ပြန်လည်မြင့်တက်လာပြီး မိမိတို့ကမ္ဘာ့ လူမှုအဖွဲ့အစည်းကို ခြိမ်း ခြောက်လျက်ရှိကြောင်း၊ ပဋိပက္ခများ၊ ရာသီဥတုပြောင်းလဲမှုများ၊ စီးပွားရေး ကျဆင်းမှုများ၊ တန်းတူရည်တူမရှိမှုများ စသည့်အကြောင်းတရားများကြောင့် တစ်ကမ္ဘာလုံးဆိုင်ရာ ငတ်မွတ်မှုပပျောက်ရေး ဟူသည့် ရည်မှန်းချက် အောင်မြင်ရေးသည်   ယခင်ကထက်ပို၍ ခက်ခဲမည့်ပုံပေါ်နေကြောင်း။

သို့သော်လည်း ကမ္ဘာ့နိုင်ငံများ၊ သက်ဆိုင်ရာ အဖွဲ့အစည်းများနှင့် လူထုအားလုံး လက်တွဲ ညီညီ  ပူးပေါင်းတိုက်ဖျက်ကြမည် ဆိုပါက စားနပ်ရိက္ခာဖူလုံရေးနှင့် အာဟာရပြည့်ဝရေးတွင်  အကြီးအကျယ် တိုးတက်မှု ရရှိနိုင်ကြောင်း၊ ရေရှည်တည်တံ့သည့် အနာဂတ်ကို ပိုင်ဆိုင်ရန်အတွက် ရေရှည်တည်တံ့သည့်  ဖွံ့ဖြိုးမှုပန်းတိုင် (SDGs)၂ဝ၃ဝ ကို အကောင်အထည် ဖော်ဆောင်ကြရန်သည် ကမ္ဘာ့လူသားအားလုံး၏ တာဝန်ဖြစ်ကြောင်း။

ငတ်မွတ်မှုနှင့် အာဟာရချို့တဲ့မှုကို တိုက်ဖျက်ကြရာတွင် ၎င်းနှင့် ဆက်စပ်ပတ်သက်နေသည့် လူမှုဘဝလုံခြုံရေး၊ ရေရှည်တည်တံ့သည့် စိုက်ပျိုးမွေးမြူရေး၊ အာဟာရပြည့်ဝရေး၊ ကျန်းမာရေး၊ ပညာရေး စသည့် ကဏ္ဍများတွင် အစိုးရပိုင်းအနေဖြင့် မှန်ကန်သည့် မူဝါဒနှင့်   လမ်းညွှန်ချက်များ ချမှတ်နိုင်မှု၊ထိရောက်မြန်ဆန်သည့် ဆက်သွယ်ရေးစနစ် ဥပဒေနှင့် လုပ်ထုံးလုပ်နည်းများ ဖြေလျှော့ပေးမှု၊ ရင်းနှီးမြှုပ်နှံသူများ အတွက် အခွင့်အလမ်းများ ဖန်တီးပေးနိုင်မှု၊ ပြည်သူလူထုတစ်ရပ်လုံး ပူးပေါင်းပါဝင်မှုများသည် အလွန်အရေးကြီးကြောင်း။

မိမိတို့အစိုးရအနေဖြင့်   စားနပ်ရိက္ခာ ဖူလုံရေး၊ ဘေးကင်းလုံခြုံရေးနှင့် အာဟာရပြည့်ဝရေး ကဏ္ဍများတွင် FAOကဲ့သို့ နိုင်ငံတကာ အဖွဲ့အစည်းများနှင့် နီးကပ်စွာ ပူးပေါင်းဆောင်ရွက် သွားမည်ဖြစ်သည့်အပြင်  ၎င်းနှင့် ဆက်စပ်နေသည့် ကျေးလက်ဒေသ ဖွံ့ဖြိုးရေး၊ လယ်ယာထုတ်ကုန် မြှင့်တင်ရေး၊ လူမှုစီးပွားဘဝ ဖွံ့ဖြိုးတိုးတက်ရေး စသည့် ကဏ္ဍများတွင် သက်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်ခြင်း၊ အခွင့်အလမ်းများ ဖန်တီးပေးခြင်း၊ လိုအပ်သည့်ဥပဒေ၊ နည်းဥပဒေနှင့် လုပ်ထုံးလုပ်နည်းများ ပြင်ဆင်ပြဋ္ဌာန်းပေးခြင်း စသည့်လုပ်ငန်းများကိုလည်း သက်ဆိုင်ရာ ဝန်ကြီးဌာနများမှတစ်ဆင့် ဆောင်ရွက် ပေးသွားမည်ဖြစ်ကြောင်း။

ကမ္ဘာ့စားနပ်ရိက္ခာနှင့် စိုက်ပျိုးရေးအဖွဲ့ (FAO)အနေဖြင့် မြန်မာနိုင်ငံ၏ စားနပ်ရိက္ခာ ဖူလုံရေးနှင့်  ရေရှည်ဖွံ့ဖြိုး တိုးတက်ရေးတို့ အတွက် စိုက်ပျိုးမွေးမြူရေး ကဏ္ဍ၊ ကျေးလက်ဒေသဖွံ့ဖြိုးရေး ကဏ္ဍများတွင် နည်းပညာနှင့် ဘဏ္ဍာရေးဆိုင်ရာ အထောက်အပံ့များ စဉ်ဆက်မပြတ်ပူးပေါင်း ကူညီဆောင်ရွက်ပေးခဲ့မှုများ အတွက် မြန်မာပြည်သူလူထုနှင့် နိုင်ငံတော် အစိုးရကိုယ်စား ကျေးဇူးအထူး တင်ရှိကြောင်းနှင့် မှတ်တမ်းတင် ဂုဏ်ပြု အပ်ကြောင်း ကိုလည်း ပြောကြားလိုကြောင်း။

စားနပ်ရိက္ခာများ လေလွင့်မှုမရှိစေရန် တိုးလာမည့်လူဦးရေ  ၉ ဘီလီယံအတွက် စားနပ်ရိက္ခာများ တိုးတက်ထုတ်လုပ်နိုင်ရန်၊ အာဟာရပြည့်ဝသည့် အစားအစာများ စနစ်တကျစားသုံးနိုင်ရန် မိမိတို့အားလုံး ကြိုးပမ်းကြမှသာ ၂ဝ၃ဝ ပြည့်နှစ်တွင် ငတ်မွတ်မှုပပျောက်ရေးရည်မှန်းချက် ပန်းတိုင်ကို ရောက်ရှိနိုင်မည် ဖြစ်ကြောင်း၊ ထို့ကြောင့် ယခုနှစ် ဆောင်ပုဒ်ဖြစ်သည့် ''ငတ်မွတ်ကင်းစင် ၂ဝ၃ဝ တွင် တို့ရဲ့ အနာဂတ် တို့ပြင်ဆင်''နှင့်အညီ   မိမိတို့အားလုံး ကိုယ်စီတာဝန်ကို ကျေပွန်စွာ ထမ်းဆောင်ကြပါစို့ဟု တိုက်တွန်းဆန္ဒပြုကြောင်းပြောကြားသည်။

ထို့နောက် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူက ၂ဝ၁၈ ခုနှစ် ကမ္ဘာ့စားနပ်ရိက္ခာနေ့နှင့် စပ်လျဉ်း၍ အမှာစကား ပြောကြားပြီး  ကုလသမဂ္ဂစားနပ်ရိက္ခာနှင့် စိုက်ပျိုးရေး အဖွဲ့၏ မြန်မာနိုင်ငံဆိုင်ရာ ဌာနေကိုယ်စားလှယ် Ms. Xaiojie Fanက ကမ္ဘာ့ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့ ညွှန်ကြားရေးမှူးချုပ်၏ သဝဏ်လွှာကို ဖတ်ကြားသည်။

ယင်းနောက် ၂ဝ၁၈ ခုနှစ် ကမ္ဘာ့စားနပ်ရိက္ခာနေ့ အထိမ်းအမှတ် ဗီဒီယိုနှင့် မြန်မာနိုင်ငံ၏ စားနပ်ရိက္ခာ ဖူလုံရေးနှင့် လယ်ယာကဏ္ဍ ဖွံ့ဖြိုးတိုးတက်ရေး ကြိုးပမ်းဆောင်ရွက်မှု မှတ်တမ်းဗီဒီယိုကို ပြသသည်။

ထို့နောက် ဒုတိယသမ္မတသည် အခမ်းအနားသို့ တက်ရောက်လာကြသူများနှင့်အတူ မှတ်တမ်းတင် ဓာတ်ပုံရိုက်ပြီး ၂ဝ၁၈ ခုနှစ် ကမ္ဘာ့စားနပ်ရိက္ခာနေ့ အထိမ်းအမှတ်ပြခန်းများကို လှည့်လည်ကြည့်ရှုသည်။

အဆိုပါအခမ်းအနားသို့ ပြည်ထောင်စုဝန်ကြီး ဒေါက်တာအောင်သူ၊ ဒုတိယဝန်ကြီးများ၊ နေပြည်တော်ကောင်စီဝင်၊ ကုလသမဂ္ဂ အဖွဲ့အစည်းများမှ ကိုယ်စားလှယ်များ၊ သံတမန်များ၊ ကမ္ဘာ့စားနပ်ရိက္ခာနှင့် စိုက်ပျိုးရေးအဖွဲ့မှ ကိုယ်စားလှယ်များ၊ ကုလသမဂ္ဂ အဖွဲ့အစည်းများမှ ကိုယ်စားလှယ်များ၊ ပြည်တွင်းပြည်ပ အစိုးရမဟုတ်သော အဖွဲ့အစည်းများမှ ကိုယ်စားလှယ်များ၊ ဌာနဆိုင်ရာ တာဝန်ရှိသူများနှင့် ဖိတ်ကြားသူများ တက်ရောက်ကြသည်။

(သတင်းစဉ်)

Read 125 times Last modified on Wednesday, 17 October 2018 10:13