SJ WorldNews - шаблон joomla Авто

၂၀၁၉ ခုနှစ်၊ တပ်မတော်(ကြည်း၊ရေ၊လေ) အားကစားပြိုင်ပွဲ ဖွင့်ပွဲအခမ်းအနား ကျင်းပ၊ အားကစား အောင်မြင်မှုသည် နိုင်ငံတော်ဖွံ့ဖြိုးတိုးတက်မှုနှင့်လူမျိုး၏ ဂုဏ်သိက္ခာအဆင့်အတန်း ဖွံ့ဖြိုးတိုးတက်မှုကိုဖော်ညွှန်းနေ

Wednesday, 16 January 2019 20:57 font size decrease font size decrease font size increase font size increase font size

နေပြည်တော်၊ ဇန်န၀ါရီ - ၁၆

"အားကစား မြှင့်တင်ခြင်းနှင့် စွမ်းဆောင်နိုင်မှုများသည် အမျိုးသားရေး ဂုဏ်သိက္ခာကို မြှင့်တင်ပေး နေခြင်းဖြစ်သကဲ့သို့ နိုင်ငံတော်ကို ကာကွယ်စောင့်ရှောက် နေခြင်းလည်းဖြစ်ကြောင်း၊ အားကစား အောင်မြင်မှုသည် နိုင်ငံတော် ဖွံ့ဖြိုးတိုးတက်မှုနှင့် လူမျိုး၏ဂုဏ်သိက္ခာ အဆင့်အတန်း ဖွံ့ဖြိုး တိုးတက်မှုကို ဖော်ညွှန်းနေကြောင်း၊ အလားတူ  တပ်မတော်သား အားကစားသမားများ၏ အားကစား အောင်မြင်မှုများသည်လည်း တပ်မတော်၏ ဂုဏ်သိက္ခာနှင့် စွမ်းရည်ထက်မြက်မှုကို ဖော်ညွှန်းပြသ လျက်ရှိကြောင်း၊ ထို့ကြောင့် တပ်မတော်အတွင်းမှ ထူးချွန်ထက်မြက်သည့် အားကစားသမားများကို နိုင်ငံ့ဂုဏ်ဆောင် မျိုးဆက်သစ် အားကစားသမားများအဖြစ် ပေါ်ထွန်း လာစေရေးအတွက် ရည်ရွယ်ပြီး တပ်မတော် (ကြည်း၊ ရေ၊ လေ) အားကစားပြိုင်ပွဲများကို နှစ်စဉ်ကျင်းပပေးနေခြင်း ဖြစ်ကြောင်း" တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယနေ့ ညနေပိုင်းတွင် နေပြည်တော်ရှိ ဇေယျာသီရိ တပ်မတော် အားကစားကွင်း၌ ကျင်းပပြုလုပ်သည့် ၂၀၁၉ ခုနှစ်၊ တပ်မတော်(ကြည်း၊ ရေ၊ လေ) အားကစားပြိုင်ပွဲ ဖွင့်ပွဲအခမ်းအနား၌ အဖွင့်မိန့်ခွန်း ပြောကြားရာတွင် ထည့်သွင်း ပြောကြား သည်။

 

အဆိုပါ အခမ်းအနားသို့ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယ တပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ကာကွယ်ရေး ၀န်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီး စိန်ဝင်းနှင့်ဇနီး၊ ညှိနှိုင်း ကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦးနှင့်ဇနီး၊ ကာကွယ်ရေးဦးစီးချုပ်ရုံးမှ တပ်မတော် အရာရှိကြီးများနှင့်ဇနီးများ၊ နေပြည်တော် တိုင်းစစ်ဌာနချုပ် တိုင်းမှူးနှင့်ဇနီး၊ ကာကွယ်ရေး ဦးစီးချုပ်ရုံး (ကြည်း၊ ရေ၊ လေ) ရုံး/ဌာနများမှ အရာရှိ၊ စစ်သည်၊ မိသားစုများ၊ နိုင်ငံတော် ကာကွယ်ရေး တက္ကသိုလ်မှ သင်တန်းသား အရာရှိကြီးများ၊ နေပြည်တော် တိုင်းစစ်ဌာနချုပ် ကွပ်ကဲမှု အောက် တပ်ရင်း/တပ်ဖွဲ့များမှ အရာရှိ၊ စစ်သည်၊ မိသားစုများ၊ တပ်မတော်ဘောလုံး အကယ်ဒမီ ကျောင်းမှ သင်တန်းသားများ၊ ဖိတ်ကြားထားသူများနှင့် ပြိုင်ပွဲဝင် အားကစားသမားများ တက်ရောက် ကြသည်။

ဖွင့်ပွဲအခမ်းအနား အစီအစဉ်များအရ တပ်မတော်(ကြည်း၊ ရေ၊ လေ) ဂုဏ်ပြုစစ်တီးဝိုင်းအဖွဲ့က ကွင်းအတွင်း ၀င်ရောက်နေရာယူပြီး စစ်ရေးပြမှူးကြီး ဦးဆောင်သော အလံတော်အဖွဲ့နှင့် အားကစား အသင်း ၁၇ သင်းမှ အားကစားသမားများ နေရာယူကြသည်။ ထို့နောက် ၂၀၁၉ ခုနှစ်၊ တပ်မတော် (ကြည်း၊ ရေ၊ လေ)အားကစားပြိုင်ပွဲ ဖွင့်ပွဲအခမ်းအနား ဖွင့်လှစ်ကြောင်း ကြေညာချိန်တွင် တပ်မတော် အားကစားနှင့် ကာယပညာ အုပ်ချုပ်မှု ကော်မတီဥက္ကဋ္ဌ စစ်ရေးချုပ် ဒုတိယဗိုလ်ချုပ်ကြီး ဆန်းဦးနှင့် နေပြည်တော်တိုင်း စစ်ဌာနချုပ်တိုင်းမှူး ဗိုလ်ချုပ် မြင့်မော်တို့က ဖွင့်ပွဲစာတမ်းပါ မိုးပျံပူဖောင်းများအား ဖဲကြိုးဖြတ်၍ လွှတ်တင်ကြသည်။

ယင်းနောက် တပ်မတော် ကာကွယ်ရေးဦးစီးချုပ်က အဖွင့်အမှာစကား ပြောကြားရာတွင် အားကစား ဆိုသည်မှာ နိုင်ငံတစ်နိုင်ငံ၊ လူမျိုးတစ်မျိုး၏ ကျန်းမာကြံ့ခိုင်မှု၊ ဇွဲ့လုံ့လ ၀ီရိယကြီးမားမှုနှင့် စည်းလုံး ညီညွတ်မှုတို့ကို ထင်ဟပ်ပေါ်လွင်စေနိုင်သည့် စွမ်းရည်ပြ ယှဉ်ပြိုင်မှု တစ်မျိုးပင်ဖြစ်ကြောင်း၊ ထို့ပြင် နိုင်ငံသူ၊ နိုင်ငံသားများ၏ စိတ်ကိုဆွဲဆောင် သိမ်းသွင်းနိုင်ခြင်း၊ နိုင်ငံ့ဂုဏ်၊ အမျိုးဂုဏ်ကို ဆောင်လို သော အမျိုးသားရေး စိတ်ဓာတ် ပိုမိုထက်သန်လာစေခြင်း၊ ယှဉ်ပြိုင်မှုတိုင်းတွင် အနိုင်မခံ၊ အရှုံးမပေး သည့်ခိုင်မာသော စိတ်ဓာတ်ဖြစ်ပေါ်စေခြင်း စသည့် အကျိုးကျေးဇူးများကိုလည်း ရရှိစေနိုင်မည်ဖြစ် ကြောင်း"အားကစား မြှင့်တင်ခြင်းသည် နိုင်ငံတော်ကိုကာကွယ် စောင့်ရှောက်နေခြင်း ဖြစ်သည်" ဆိုသည့်အတိုင်း လက်တွေ့မြေပြင်တွင် အားကစားကဏ္ဍကို တိုးတက်အောင်မြင်အောင် ၀ိုင်းဝန်း လုပ်ဆောင်ပြီး အမိနိုင်ငံတော်ကို တစ်ဖက်တစ်လမ်းမှ ကာကွယ်စောင့်ရှောက်သွားကြရန် လိုအပ် ကြောင်း၊ မြန်မာ့ရိုးရာ သိုင်းပညာသည် မြန်မာ တိုင်းရင်းသားတို့၏ ဇာတိသွေး၊ ဇာတိမာန် ထက်သန်မှု၊ ရဲရင့်ဖြတ်လတ်မှု၊ ကြံ့ခိုင်မှုများကို လက်တွေ့ပြသသည့် အားကစားနည်း တစ်ရပ်ပင်ဖြစ်ကြောင်း၊ တပ်မတော်အနေဖြင့်လည်း မြန်မာ့သိုင်းပညာများကို တပ်မတော် သင်တန်းကျောင်းများတွင် အားကစား သင်ခန်းစာ တစ်ရပ်အနေဖြင့် ထည့်သွင်းလေ့ကျင့် သင်ကြားပြီး ကာကွယ်ရေး စွမ်းအား အတွက် အထောက်အကူ ဖြစ်စေရန် တစ်ဖက်တစ်လမ်းမှ ကြိုးပမ်းလျက်ရှိကြောင်း၊ မြန်မာ့သိုင်းပညာကို အားကစားနည်း အဖြစ်လည်းကောင်း၊ နိုင်ငံတော်ကာကွယ်ရေး အတတ်ပညာအဖြစ်လည်း ကောင်း၊ မြန်မာတို့၏ ကိုယ်ပိုင်ယဉ်ကျေးမှု အားကစား တစ်ရပ်အဖြစ် လည်းကောင်း နိုင်ငံနှင့် လူမျိုးဂုဏ်ကို အဖက်ဖက်မှ မြှင့်တင်ပေးခြင်း ဖြစ်ကြောင်း၊ တပ်မတော် (ကြည်း၊ ရေ၊ လေ) အားကစား ပြိုင်ပွဲများမှတစ်ဆင့် နိုင်ငံတော် အတွက် အားထားရသည့် အားကစားသမားကောင်းများ ဖြစ်ရန် အစွမ်းကုန် ကြိုးစားကြရန် လိုအပ်ကြောင်း၊ အားကစားနယ်ပယ် အောင်မြင်မှုဆိုသည်မှာ နိုင်ငံတော် ဖွံ့ဖြိုးတိုးတက်မှုကိုပါ သွယ်ဝိုက်ဖော်ဆောင်နေခြင်း ဖြစ်သည့်အတွက် တပ်မတော်သားများ၏ ကြိုးစားအားထုတ်မှုနှင့် တပ်မတော်၏ ဂုဏ်သိက္ခာ၊ နိုင်ငံတော်၏ ဂုဏ်သိက္ခာကို မြှင့်တင်ပေးရန် လိုအပ်ကြောင်း၊ " လှေခွက် ချည်းကျန် အလံမလှဲသည့် စိတ်ဓာတ်""တုံးတိုက်တိုက် ကျားကိုက်ကိုက် စိတ်ဓာတ်""အနိုင်မခံ အရှုံးမပေးတဲ့ စိတ်ဓာတ်"များဖြင့် သန့်ရှင်းမျှတစွာ ယှဉ်ပြိုင်ပြီး စည်းကမ်းကို တန်ဖိုးထားသော စစ်သည်တော်ကောင်းများ ဖြစ်ရန်အတွက် သက်သေပြကြရန် လိုအပ်ကြောင်း စသည့် အချက်များကို ပြောကြားသည်။

ထို့နောက် ဖွင့်ပွဲအခမ်းအနား အပြီးတွင် တပ်မတော် ကာကွယ်ရေးဦးစီးချုပ်ဖလား (က)အဆင့် ဘောလုံးပြိုင်ပွဲ ပထမအကြိုဗိုလ်လုပွဲအဖြစ် နေပြည်တော် တိုင်းစစ်ဌာနချုပ် ကိုယ်စားပြုအသင်းနှင့် ကာကွယ်ရေးဦးစီးချုပ်ရုံး(ကြည်း) ကိုယ်စားပြု အသင်းတို့ ယှဉ်ပြိုင်ကစားကြရာ အချိန်ပိုသွင်းဂိုးဖြင့် ကာကွယ်ရေးဦးစီးချုပ်ရုံး(ကြည်း)ကိုယ်စားပြု အသင်းက ၂ ဂိုး ၁ ဂိုးဖြင့် အနိုင်ရရှိသွားသည်။

တပ်မတော်(ကြည်း၊ ရေ၊ လေ) အားကစားပြိုင်ပွဲတွင် ဘောလုံးပြိုင်ပွဲ၊ လက်ဝှေ့ပြိုင်ပွဲ၊ ပိုက်ကျော်ခြင်း ပြိုင်ပွဲ၊ ပြေးခုန်ပစ် (ကျား/မ)ပြိုင်ပွဲ၊ မသန်စွမ်း အားကစားပြိုင်ပွဲ၊ ခြင်းလုံးပြိုင်ပွဲ၊ ဘော်လီဘော (ကျား/မ)ပြိုင်ပွဲ၊ ဂျူဒို(ကျား/မ)ပြိုင်ပွဲ၊ ရေကူးပြိုင်ပွဲ၊ အလေးမနှင့် ကာယဗလပြိုင်ပွဲ၊ ၀ူရှူးပြိုင်ပွဲ၊ ကရာတေးဒိုပြိုင်ပွဲ၊ မြန်မာ့သိုင်းပြိုင်ပွဲနှင့် တိုက်ကွမ်ဒိုပြိုင်ပွဲ စသည့် အားကစားပြိုင်ပွဲ ၁၄ မျိုးအား ၂၈ ရက်နေ့အထိ ယှဉ်ပြိုင် ကစားသွားမည်ဖြစ်ကြောင်း သတင်းရရှိသည်။

Read 291 times Last modified on Wednesday, 16 January 2019 21:06