SJ WorldNews - шаблон joomla Авто

နိုင်ငံတော်အဆင့် MSMEs ထုတ်ကုန်ပြပွဲနှင့် ပြိုင်ပွဲ(နေပြည်တော်) ဖွင့်ပွဲ အခမ်းအနား ကျင်းပ

Saturday, 23 March 2019 10:14 font size decrease font size decrease font size increase font size increase font size

နေပြည်တော်  မတ်  ၂၂

နိုင်ငံတော်အဆင့် MSMEs ထုတ်ကုန်ပြပွဲနှင့် ပြိုင်ပွဲ(နေပြည်တော်) ဖွင့်ပွဲ အခမ်းအနားကို ယနေ့နံနက် ၉ နာရီတွင်   နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ ၌ ကျင်းပရာ အသေးစား၊ အငယ်စားနှင့် အလတ်စား စီးပွားရေး လုပ်ငန်းများ  ဖွံ့ဖြိုးတိုးတက်ရေး လုပ်ငန်းကော်မတီ ဥက္ကဋ္ဌ ဒုတိယ သမ္မတ ဦးမြင့်ဆွေ တက်ရောက်၍ ဖွင့်လှစ်ပေးသည်။

ရှေးဦးစွာ   နိုင်ငံတော်အဆင့် MSMEs ထုတ်ကုန်ပြပွဲနှင့် ပြိုင်ပွဲ(နေပြည်တော်) ဖွင့်ပွဲအခမ်းအနားကို ကျင်းပရာ   ဒုတိယသမ္မတ ဦးမြင့်ဆွေ၊ ပြည်ထောင်စုဝန်ကြီးများ၊ ဒုတိယဝန်ကြီးများ၊ တိုင်းဒေသကြီး/ ပြည်နယ်အစိုးရ အဖွဲ့များမှ ဝန်ကြီးများ၊ မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ၊ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး လုပ်ငန်းသုံးသပ်မှု အစီရင်ခံရေးအဖွဲ့ ဥက္ကဋ္ဌ၊ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် ဥက္ကဋ္ဌနှင့် ကိုရီးယားစက်မှုဘဏ်(IBK)မှ အမှုဆောင် အရာရှိချုပ်တို့က ဖဲကြိုးဖြတ် ဖွင့်လှစ်ပေးကြပြီး တက်ရောက်လာကြသည့် ဧည့်သည်တော်များနှင့်အတူ စုပေါင်းမှတ်တမ်းတင် ဓာတ်ပုံရိုက်ကြသည်။

ထို့နောက်   ဒုတိယသမ္မတ   ဦးမြင့်ဆွေက အမှာစကားပြောကြားရာတွင်   အသေးစား၊ အငယ်စားနှင့်  အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီ၏ဦးဆောင်မှုဖြင့် တိုင်းဒေသကြီး/ ပြည်နယ် အသီးသီးတွင် MSMEs လုပ်ငန်းများ၏ ဒေသတွင်းထုတ်ကုန်ပစ္စည်း ပြပွဲနှင့်      ပြိုင်ပွဲများကို ၂ဝ၁၈ ခုနှစ် ဖေဖော်ဝါရီလမှ စတင်ကျင်းပခဲ့ရာ မန္တလေး၊ မကွေး၊ ပုသိမ်၊ တောင်ကြီး၊ မုံရွာ၊ ပဲခူး၊ ရန်ကုန်၊ မော်လမြိုင်နှင့်မြိတ်မြို့တို့တွင် စုစုပေါင်း ကိုးကြိမ်တိုင်တိုင် ကျင်းပပြီးစီးခဲ့ပြီး ဖြစ်ကြောင်း။

ကျင်းပပြီးစီးခဲ့သည့် ပြိုင်ပွဲများတွင် ဝင်ရောက် ယှဉ်ပြိုင်ခဲ့သော လုပ်ငန်းများကို  အမျိုးအစားအလိုက်ရွေးချယ်ပြီး ဆုများချီးမြှင့်ပေးခဲ့ရာတွင် အသေးစား လုပ်ငန်းအနေဖြင့် ပထမဆု ကိုးခု၊ ဒုတိယဆု ၁၁ ခု၊ တတိယဆု ၁၉ ခု  စုစုပေါင်း လုပ်ငန်း ၃၉ ခုကို ဆုချီးမြှင့်နိုင်ခဲ့ကြောင်း၊ အငယ်စားလုပ်ငန်း အနေဖြင့် ပထမဆု ကိုးခု၊ ဒုတိယဆု ၁၄ ခု၊ တတိယဆု ၂ဝ ခု စုစုပေါင်း လုပ်ငန်း ၄၃ ခုကို ဆုချီးမြှင့်နိုင်ခဲ့ကြောင်း၊ အလတ်စားလုပ်ငန်း အနေဖြင့်  ပထမဆု ကိုးခု၊  ဒုတိယဆု ၁၃ ခု၊ တတိယဆု ၁၈ ခု စုစုပေါင်းလုပ်ငန်း ၄ဝ ခုတို့ကို လုပ်ငန်းရှင်စုစုပေါင်း ၁၂၂ ဦးတို့အား ဆုများ ချီးမြှင့်နိုင်ခဲ့ကြောင်း။

MSMEs ထုတ်ကုန်ပစ္စည်းပြပွဲနှင့်  ပြိုင်ပွဲများတွင် ဆုရရှိခဲ့သည့် ထုတ်ကုန်များကို လုပ်ငန်းကော်မတီ၏   အသိအမှတ်ပြု အမှတ်တံဆိပ် (MSME Logo)  အသုံးပြုခွင့် ပေးမည်ဖြစ်ကြောင်း၊ MSME Logo ကို အသုံးပြုခွင့် ရရှိသည့် လုပ်ငန်းများအနေဖြင့် ဈေးကွက်က တုံ့ပြန်လာသော အကြံပြုချက်များကို လက်ခံပြီး စားသုံးသူများ အကြိုက်   အရည်အသွေး ပြည့်မီသည့် ကုန်ပစ္စည်းများ ဖြစ်စေရေးအတွက်   မိမိတို့လုပ်ငန်းများ၏ အားသာချက်ကို အကောင်းဆုံး ဝန်ဆောင်မှုများနှင့် စဉ်ဆက်မပြတ် တိုးတက်အောင် ကြိုးစားသွားရမည် ဖြစ်ကြောင်း ပြောကြားသည်။

ထို့နောက် MSMEs ထုတ်ကုန်ပြပွဲနှင့် ပြိုင်ပွဲကျင်းပနိုင်ရေး အတွက် ကိုရီးယား စက်မှုဘဏ် (IBK)နှင့် Good Brothers Co.,Ltd. တို့က အလှူငွေများ ပေးအပ်ရာ ပြည်ထောင်စုဝန်ကြီး ဦးခင်မောင်ချိုက လက်ခံရယူပြီး ဂုဏ်ပြုမှတ်တမ်းလွှာများ ပြန်လည် ပေးအပ်သည်။

ဆက်လက်၍ MSMEs ဖွံ့ဖြိုး တိုးတက်ရေး အတွက် ပံ့ပိုးကူညီ ဆောင်ရွက်ပေးလျက်ရှိသော အဖွဲ့အစည်းများကို ပြည်ထောင်စုဝန်ကြီးများ ဖြစ်ကြသည့် ဒေါက်တာဖေမြင့်၊ ဦးသိန်းဆွေနှင့် ဒေါက်တာမျိုးသိမ်းကြီးတို့က ဂုဏ်ပြု မှတ်တမ်းလွှာများ ပေးအပ်ကြသည်။

ယင်းနောက် အသေးစား၊ အငယ်စားနှင့် အလတ်စားစီးပွားရေး လုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ ဥက္ကဋ္ဌ ဒုတိယသမ္မတ ဦးမြင့်ဆွေသည်   မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ အတွင်း၌ ခင်းကျင်းပြသထားသည့် ပြခန်းများကို လှည့်လည်ကြည့်ရှု အားပေးသည်။

အခမ်းအနားသို့ အသေးစား၊ အငယ်စားနှင့် အလတ်စားစီးပွားရေး လုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ ဒုတိယဥက္ကဋ္ဌ   စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ပြည်ထောင်စုဝန်ကြီးများ ဖြစ်ကြသည့် ဒေါက်တာဖေမြင့်၊ ဦးသိန်းဆွေနှင့် ဒေါက်တာမျိုးသိမ်းကြီး၊ ဒုတိယဝန်ကြီးများဖြစ်ကြသည့်   ဦးသာဦး၊ ဦးအောင်ထူးနှင့် ဦးမောင်မောင်ဝင်း၊ နေပြည်တော် ကောင်စီဝင် ဦးအောင်မြင်ထွန်း၊  တိုင်းဒေသကြီး/ ပြည်နယ်အစိုးရ အဖွဲ့များမှ  ဝန်ကြီးများ၊ မြန်မာနိုင်ငံတော် ဗဟိုဘဏ်   ဒုတိယဥက္ကဋ္ဌ ဦးစိုးသိန်း၊ ဌာနဆိုင်ရာ တာဝန်ရှိသူများ၊ ပြည်ထောင်စုသမ္မတ မြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များ အသင်းချုပ် ဥက္ကဋ္ဌ နှင့် ဗဟို အလုပ်အမှုဆောင် အဖွဲ့ဝင်များ၊ ပြည်တွင်းပြည်ပ အဖွဲ့အစည်းများနှင့် အသင်းအဖွဲ့များ၊  အစိုးရမဟုတ်သော အဖွဲ့အစည်းများ၊ အသိပညာရှင်၊ အတတ်ပညာရှင်များ၊ အလှူရှင်များ၊လုပ်ငန်းရှင်များနှင့် တာဝန်ရှိသူများ တက်ရောက်ကြသည်။

ယနေ့ကျင်းပသည့် နိုင်ငံတော်အဆင့် MSMEs ထုတ်ကုန်ပြပွဲနှင့် ပြိုင်ပွဲ အခမ်းအနားကို မတ် ၂၄ ရက်အထိ ကျင်းပသွားမည်ဖြစ်ပြီး အဆိုပါပြပွဲတွင်   အိမ်သုံးနှင့် လက်မှုပစ္စည်း လုပ်ငန်း၊ စားသောက်ကုန်ပစ္စည်း လုပ်ငန်း၊ စက်ပစ္စည်း ထုတ်လုပ်မှု လုပ်ငန်း၊    ချည်မျှင်နှင့် အထည်လုပ်ငန်း၊ ဝန်ဆောင်မှု လုပ်ငန်းများနှင့် စက်မှုဝန်ကြီးဌာနတို့မှ ပြခန်းစုစုပေါင်း ၂၇၁ ခန်းပါဝင်ပြသခဲ့ပြီး MSMEs ထုတ်ကုန်ပြပွဲနှင့် ပြိုင်ပွဲ၏ ဆက်စပ်အခမ်းအနားများ အဖြစ် ''မြန်မာ့ကုန်စည် ကမ္ဘာဆီသို့''  ခေါင်းစဉ်ဖြင့် အသိပညာရှင်၊ အတတ်ပညာရှင်များက Panel Discussion ဆွေးနွေးပွဲများ ဟောပြောပို့ချခြင်းများ ပြုလုပ်ကြသည်။    ထို့ပြင်  MSMEs ထုတ်ကုန်မိတ်ဆက် အခမ်းအနားနှင့် Know-ledge Sharing ကျင်းပခြင်း၊ City Mart ၊ Gandamar  Whole  Sale   စသည့် အသင်းအဖွဲ့များက  လုပ်ငန်းရှင်များနှင့် Business  Matching ချိတ်ဆက်ခြင်း  စသော အခမ်းအနားများကိုလည်း ဆက်လက် ကျင်းပသွားမည် ဖြစ်ကြောင်း သတင်း ရရှိသည်။      

(၅ဝဝ)

Read 320 times Last modified on Saturday, 23 March 2019 10:15