SJ WorldNews - шаблон joomla Авто

အင်းလေးဖောင်တော်ဦး ဗုဒ္ဓရုပ်ပွားတော်များ ကိန်းဝပ်စံပယ်ရာဂန္ဓကုဋိတိုက်၌ ဖန်စေတီတော် တပ်ဆင် လှူဒါန်း ပူဇော်ခြင်းနှင့် ရေစက်ချ အလှူတော် မင်္ဂလာ အခမ်းအနားကျင်းပ

Saturday, 13 April 2019 20:57 font size decrease font size decrease font size increase font size increase font size

နေပြည်တော်၊ ဧပြီ - ၁၃

ရှမ်းပြည်နယ်(တောင်ပိုင်း)၊ ညောင်ရွှေမြို့နယ်၊ အင်းလေးဖောင်တော်ဦး ဗုဒ္ဓရုပ်ပွား တော်များ ကိန်းဝပ်စံပယ်ရာ ဂန္ဓကုဋိတိုက်၌ တပ်မတော်(ကြည်း၊ရေ၊လေ) မိသားစု များ စုပေါင်း လှူဒါန်းသည့် ဖန်စေတီတော်တပ်ဆင်လှူဒါန်း ပူဇော်ခြင်းနှင့် ရေစက်ချ အလှူတော် မင်္ဂလာ အခမ်းအနားအား ယနေ့နံနက်ပိုင်းတွင် ဖောင်တော်ဦးမြတ်စွာ ဘုရား ရတနာစံ ကျောင်းတော်ကြီး၌ ကျင်းပပြုလုပ်သည်။

အခမ်းအနားသို့ နိုင်ငံတော်သံဃ မဟာနာယကအဖွဲ့၊ ဒုတိယဥက္ကဋ္ဌ၊ ညောင်ရွှေ မြို့နယ်၊ မိုင်းသောက် ပထမ စာသင်တိုက်ဆရာတော် အဘိဓဇမဟာရဋ္ဌဂုရု ၊ ဘဒ္ဒန္တသုမင်္ဂလာ ဘိဝံသ အမှူးပြုသော သံဃာတော်အရှင် သူမြတ်များ ကြွရောက်ချီးမြှင့် တော်မူကြပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှ၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း နှင့်ဇနီး၊ ကာကွယ်ရေးဦးစီးချုပ် (လေ)ဗိုလ်ချုပ်ကြီး မောင်မောင်ကျော် နှင့်ဇနီး၊ ကာကွယ်ရေး ဦးစီးချုပ်ရုံး(ကြည်း)မှ တပ်မတော်အရာရှိကြီးများ နှင့်ဇနီးများ၊ အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် လင်းအောင်နှင့်ဇနီး၊ ဖိတ်ကြားထားသည့် ဧည့်သည်တော်များနှင့် ဒေသခံ တိုင်းရင်းသား ပြည်သူများ တက်ရောက်ကြသည်။

ဦးစွာ တပ်မတော် ကာကွယ်ရေး ဦးစီးချုပ်နှင့် ဇနီးတို့က အင်းလေးဖောင်တော်ဦး ဗုဒ္ဓရုပ်ပွား တော်များအား မြသပိတ် ဆွမ်းတော်၊ ပန်း၊ ရေချမ်းနှင့် သစ်သီးများ ကပ်လှူပူဇော် သည်။ ထို့နောက် အခမ်းအနားအား ကျင်းပပြုလုပ်ရာ တပ်မတော် ကာကွယ်ရေး ဦးစီးချုပ်နှင့် ဇနီး၊ အခမ်းအနား တက်ရောက်လာကြသူများသည် မိုင်းသောက် ဆရာတော် ကြီးထံမှ ငါးပါးသီလခံယူဆောက်တည်ကြပြီး သံဃာတော် အရှင်သူမြတ်များ ရွတ်ပွားချီး မြှင့်တော်မူကြသည့် ပရိတ်တရားတော်များအား နာယူကြသည်။

ယင်းနောက် တပ်မတော်ကာကွယ်ရေး ဦးစီးချုပ်က ဖန်စေတီတော်အား စက်ခလုတ် နှိပ်ဖွင့်လှစ်ပြီး ဖန်စေတီတော် တပ်ဆင်လှူဒါန်းရခြင်းနှင့်ပတ်သက်၍ လျှောက်ထား ရာတွင် အင်းလေးကန်သည် မြန်မာမှာ သာမက ကမ္ဘာမှာပါကျော်ကြားသည့် ကန်ကြီး တစ်ခုဖြစ် သကဲ့သို့ အင်းလေးဖောင်တော်ဦးမြတ်စွာ ဘုရားသည်လည်း ဗုဒ္ဓဘာသာ ၀င်များ အကြား ထင်ရှားကျော်ကြားသည့် သာသနာ့ အမွေအနှစ်များဖြစ်ပါကြောင်း၊ အင်းလေး ဖောင်တော်ဦး ရုပ်ပွားတော်များနှင့် ကိန်းဝပ်စံရာကျောင်းတော်ကြီးကို ယနေ့ကြွ ရောက်လာသည့် ဆရာတော်ကြီးများအပါအ၀င် အစဉ်အဆက် နှစ်ပေါင်း များစွာ ထိန်းသိမ်းစောင့်ရှောက် ခဲ့ကြသည့်အတွက် ယခုကဲ့သို့ ဖူးမြော်ကြည်ညို ခွင့်ရနေသည်ကို ရဟန်းရှင်လူပြည်သူများ ကိုယ်စားဝမ်းမြောက် သာဓုခေါ်ပါကြောင်း။

၂၀၁၈ခုနှစ်၊ ဒီဇင်ဘာလ ၂၇ရက်နေ့တွင် စိန်နှင့်မြ ကျောင်း၌ ဖောင်တော်ဦး မြတ်စွာ ဘုရား ရွှေသင်္ကန်းကပ် လှူပူဇော်ခြင်းနှင့် ပတ်သက်သည့် အစည်းအဝေးပြု လုပ်ခဲ့ပြီး အစည်းအဝေးဆုံးဖြတ်ချက်အရ ရုပ်ပွားတော်မြတ်များအား ဂေါပကအဖွဲ့ထံသို့ ငွေသားဖြင့် လှူဒါန်းပြီး ဂေါပကအစီအမံဖြင့်သာ ရွှေသင်္ကန်းကပ် လှူရန်၊ ဖောင်တော်ဦး ရုပ်ပွားတော် မြတ်များအား မှန်တပ်ဆင်ကာရံရန် ဆုံးဖြတ်ခဲ့သည် ကိုသိရှိခဲ့ရသဖြင့် ရုပ်ပွားတော်မြတ်များအား ဖန်အုပ်ဆောင်း စေတီတော်လှူဒါန်း ကုသိုလ်ပြုလုပ်ရန် အခွင့်အလမ်း ပေါ်လာသည့်အတွက် ဆရာတော်ကြီးများထံ လျှောက်ထား ခွင့်ပန်ခဲ့ရာ ခွင့်ပြုချက် ရရှိတော်မူသဖြင့် ၀မ်းမြောက်စွာလှူဒါန်း ရခြင်းဖြစ်ပါကြောင်း၊ မိမိတို့ အနေဖြင့် ယခုကဲ့သို့ ဖန်အုပ်ဆောင်း စေတီတော်များအား မန်းရွှေစက်တော် ဘုရား ပါဒ စေတီတော်၊ အောက်စက်တော်ရာ မြတ်တွင် တစ်ဆူ၊ စစ်တွေမြို့ စကြာမုနိ ဘုရားတွင် ဖန်အုပ်ဆောင်း စေတီတော် တစ်ဆူတို့အား လှူဒါန်းခဲ့ပြီး ဖြစ်ပါကြောင်း၊ယခုအင်းလေး ဖောင်တော်ဦး ရုပ်ပွားတော် များအား ဖန်အုပ် ဆောင်းစေတီတော် လှူဒါန်းခြင်းသည် တတိယအကြိမ် မြောက်ဖြစ်ပါကြောင်း။

ယခုကဲ့သို့ ဖန်အုပ်ဆောင်းလှူဒါန်း ပူဇော်ထားခြင်းဖြင့် လုံခြုံမှုသန့်ရှင်း မှုကောင်းမွန်ပြီး သဘာဝဘေးအန္တရာယ်များမှ ကာကွယ်နိုင်သည့် အတွက် ရေရှည်တည်တံ့ ခိုင်မြဲအောင် ထိန်းသိမ်း ထားရှိနိုင်မည်ဖြစ်ပါကြောင်း၊ လျှပ်စစ်မော်တာဖြင့် ထိန်းချုပ် တင်ချနိုင် သည့် အတွက် နှစ်စဉ် ကျင်းပလျက်ရှိသည့် ဖောင်တော်ဦး မြတ်စွာ ဘုရားများ ဒေသစာရီ လှည့်လည် ပူဇော်မှုအားလည်းလွယ်လင့်တကူ အစဉ်အလာ မပျက် ဆောင်ရွက်နိုင် ပါကြောင်း၊ ထို့အတူ ဆရာတော်ဘုရားများ၏ခွင့်ပြုသြ၀ါဒ၊ ဂေါပက အဖွဲ့၏ ကြီးကြပ်မှုဖြင့်အခါအားလျော်စွာ ရွှေသင်္ကန်းကပ် လှူပူဇော်ခြင်းအား လည်း လွယ်ကူစွာ ဆောင်ရွက်နိုင်မည် ဖြစ်ပါကြောင်း၊ ရှေးနှစ်ပေါင်းများစွာ ကပင် ဗုဒ္ဓ သာသနာတော် ထွန်းလင်းဝေစည်ခဲ့သည့် အင်းလေးဒေသတွင် ဗုဒ္ဓသာသနာတော် ရေရှည်တည်တံ့ ခိုင်မြဲရေးအတွက် ဆရာတော်ကြီးများ၏ လမ်းညွှန် သြ၀ါဒများကို ခံယူ၍ တိုင်းရင်းသား ညီအစ်ကိုမောင်နှမများ လက်တွဲပြီး ထာဝစဉ်ကြိုးပမ်း ဆောင်ရွက်ကြရမည်ဖြစ်ကြောင်းလျှောက်ထားပြီး ယနေ့ပြုလုပ်သော ကုသိုလ်စေတနာ တို့ကြောင့် အင်းလေးဒေသအပါအ၀င် ရှမ်းပြည်နယ်နှင့်တကွ ပြည်ထောင်စုသမ္မတ မြန်မာနိုင်ငံ တော်ကြီး ငြိမ်းချမ်းသာယာဝပြောပါစေကြောင်း၊ အနှောက်အယှက်များ ကင်းဝေးပြီး ပိုမို၍ဖွံ့ဖြိုး တိုးတက် အောင်မြင်ပါစေကြောင်း၊ ဆရာတော်ကြီးများ သက်ရှည် ကျန်းမာ ချမ်းသာစွာဖြင့် သာသနာတော်အကျိုး သယ်ပိုး ထမ်းဆောင် တော်မူနိုင် ကြပါစေကြောင်း၊ ဗုဒ္ဓမြတ်စွာ သာသနာတော်ကြီး နှစ်ပေါင်းများစွာ အဓွန့်ရှည် တည်တံ့ ဝေစည်ပြန့်ပွားထွန်းလင်း နိုင်ပါစေကြောင်းဖြင့် ဆုမွန်ကောင်း တောင်း ပါကြောင်း လျှောက်ထားသည်။

 

ထို့နောက် မိုင်းသောက်ပထမစာသင်တိုက်ဆရာတော် အဘိဓဇမဟာရဋ္ဌဂုရု၊ ဘဒ္ဒန္တ သုမင်္ဂလာ ဘိဝံသ က သြ၀ါဒစကားမြွက်ကြားသည်။ ယင်းနောက် တပ်မတော် ကာကွယ်ရေးဦးစီးချုပ်နှင့်ဇနီး၊ တပ်မတော်အရာရှိကြီးများနှင့် အခမ်းအနားတက်ရောက် လာကြသူများက ဆရာတော်၊ သံဃာတော်များအား လှူဖွယ်ပစ္စည်းများ ဆက်ကပ်လှူ ဒါန်းကြသည်။

၎င်းနောက် အင်းလေးဒေသ အင်းလျားကျောင်း ဓမ္မကထိက ဗဟုဇန ဟိတဓရ ဘဒ္ဒန္တ ဓမ္မ၀ရ ဆရာတော်ထံမှ အနုမောဒနာ တရားနာယူပြီး လှူဒါန်းမှု အစုစုအတွက် ရေစက်သွန်းချအမျှပေးဝေကြသည်။ ယင်းနောက် မိုင်းသောက် ပထမစာသင်တိုက် ဆရာတော် အဘိဓဇ မဟာရဋ္ဌဂုရု၊ ဘဒ္ဒန္တ သုမင်္ဂလာ ဘိဝံသ အမှူးပြုသောဆရာတော် သံဃာတော်များက စက်ခလုပ်နှိပ်၍ ဖန်စေတီတော်မြတ်အား ဖောင်တော်ဦးရုပ်ရှင် တော်မြတ်ကြီးဘုရားသို့ပူဇော်ကြသည်။

ထို့နောက် တပ်မတော်ကာကွယ်ရေးဦးစီးချုပ်နှင့်ဇနီးတို့သည် အလှူတော်မင်္ဂလာ အခမ်းအနား အောင်မြင်ခြင်း အထိမ်းအမှတ် ရတနာရွှေမိုး ငွေမိုးများ ရွာသွန်းဖြိုး ကြသည်။ အခမ်းအနားအပြီးတွင် တပ်မတော် ကာကွယ်ရေး ဦးစီးချုပ်နှင့်ဇနီး၊ တပ်မတော် အရာရှိကြီး များသည် ဆရာတော် သံဃာတော်များအား နေ့ဆွမ်း ဆက်ကပ် လှူဒါန်းကြသည်။

တပ်မတော်(ကြည်း၊ရေ၊လေ) မိသားစုများမှ လှူဒါန်းသည့် အင်းလေးဖောင်တော်ဦး ဗုဒ္ဓ ရုပ်ပွားတော်များ ကိန်းဝပ်စံပယ်ရာ ဂန္ဓကုဋိတိုက်၌ တပ်မတော် (ကြည်း၊ရေ၊လေ) မိသားစုများ စုပေါင်းလှူဒါန်းသည့် ဖန်စေတီတော်သည် အချင်း ၄ ပေ ၈ လက်မ၊ အမြင့် ၃ ပေ၊ ၂ ဒသမ ၅လက်မ၊ အထူ ၁ လက်မရှိကြောင်း သိရှိရသည်။

ယင်းနောက် တပ်မတော် ကာကွယ်ရေး ဦးစီးချုပ်သည် အင်းလေးဒေသရှိ ရပ်မိရပ်ဖ များနှင့်တွေ့ဆုံ၍ အင်းလေးကန် ရေရှည်တည်တံ့ပြီး စိမ်းလန်းစိုပြေရေး၊ အင်းလေးကန် အား ပလပ်စတစ် ကင်းမဲ့ဇုံအဖြစ် သတ်မှတ်သင့်ရေးနှင့် ကန်အတွင်းမှ ဗေဒါပင်များ ဆယ်ယူရေးအတွက် စက်ယန္တရားများ တိုးချဲ့နိုင်ရေး၊ ဗေဒါပင်များမှ သဘာဝ မြေသြဇာ ထုတ်လုပ်ပြီး စိုက်ပျိုးရေးလုပ်ငန်းသုံး ပိုးသတ်ဆေးနှင့် ဓာတ်မြေသြဇာ လျော့ချရေး ကိစ္စရပ် များအား ဆွေးနွေးခဲ့ကြောင်း သတင်းရရှိသည်။

 

Read 31 times Last modified on Monday, 15 April 2019 08:52