SJ WorldNews - шаблон joomla Авто

ပြည်သူလူထုအထင်အမြင်လွဲမှားစေရန် တပ်မတော်မှ ပစ်ခတ်သဖြင့် ရွာသား ၁ ဦး သေဆုံး၊ ၁ ဦး ဒဏ်ရာရရှိဟု မဟုတ်မမှန်စွပ်စွဲပြောဆို၊ ဖြစ်စဉ်အပေါ်စိစစ်ခဲ့ရာ သေဆုံးဒဏ်ရာရရှိသူများမှာ AA အကြမ်းဖက် သောင်းကျန်းသူများဖြစ်

Sunday, 14 April 2019 20:05 font size decrease font size decrease font size increase font size increase font size

နေပြည်တော်၊ ဧပြီ - ၁၄

ရခိုင်ပြည်နယ်၊ မြောက်ဦးမြို့နယ်၊ ဘောင်းဒုတ်ကျေးရွာအုပ်ချုပ်ရေးမှူး ဦးတင်ထွန်း (၄၈နှစ်)(ဘ) ဦးမောင်ကျော်ထွန်းဆိုသူက တပ်မှ ပစ်ခတ်သဖြင့် ၎င်းရပ်ကွက်ရှိ အမျိုးသား ၁ ဦး သေဆုံး၊ ၁ ဦး ဒဏ်ရာရရှိဟု ယနေ့ နံနက် ၂ နာရီခန့်တွင် အဆိုပါကျေးရွာ နယ်မြေခံတပ်မှ တာဝန်ရှိသူများထံ ဖုန်းဖြင့် ဆက်သွယ် သတင်းပို့တိုင်ကြားခဲ့သည်။

ဖြစ်စဉ်အပေါ်စိစစ်ခဲ့ရာ ဘောင်းဒုတ်ကျေးရွာနယ်မြေခံတပ်၌ နယ်မြေခံတပ်ရှိ လူနေထိုင်ခြင်းမရှိသည့် အိမ်ထောင်သည်လိုင်းခန်းဘက်၌ ဧပြီ ၁၃ ရက် ည ၁၀ နာရီ ခန့်တွင် မသင်္ကာဖွယ်လှုပ်ရှားမှုများတွေ့ရှိရသဖြင့် စစ်ဆေးမေးမြန်းမှုများ ပြုလုပ်ခဲ့ပြီး ကင်းတာဝန်ကျသူက လက်နက်ငယ်ဖြင့် ၄ ချက်ပစ်ခတ်ခဲ့သည်။ ထို့နောက် ၎င်းအိမ်ထောင်သည် လိုင်း၏ အနောက်ဘက်ဓနိတောများဘက်၌လည်း လူတိုးသံများ ထပ်မံကြားခဲ့ရသဖြင့် လက်နက်ငယ်ဖြင့် အချက် ၂၀ ခန့်ထပ်မံပစ်ခတ်ခဲ့သည်။

ယင်းနောက် ဧပြီ နံနက် ၁ နာရီ မိနစ် ၄၀ ခန့်တွင် အထက်ပါအိမ်ထောင်သည်လိုင်း ခန်းများနှင့် ဆန့်ကျင် ဘက်ဖြစ်သည့် ဘောင်းဒုတ်ကျေးရွာအတွင်းမှ သေနတ်သံ ၆ ချက်ခန့်ကြားခဲ့ရသဖြင့် တပ်ဌာနချုပ်၌ တပ်အသင့်နေရာယူမှုများပြုလုပ်လျက်လုံခြုံရေး လုပ်ငန်းများဆောင်ရွက်ခဲ့သည်။ ဖြစ်စဉ်ဖြစ်ပွားပြီး မိနစ် ၂၀ ခန့်အကြာ အဆိုပါရပ်ကွက် ရှိ အုပ်ချုပ်ရေးမှူးက တပ်က ပစ်ခတ်သဖြင့် ရပ်ကွက်နေအမျိုးသား ၁ ဦးသေဆုံးပြီး ၁ ဦး ဒဏ်ရာရရှိလျက်ရှိကြောင်း ဖုန်းဖြင့် သတင်းပေးပို့တိုင်ကြားလာခဲ့သဖြင့် တာဝန်ရှိသူ များက လိုအပ်သည့် စစ်ဆေးမှုများအသေးစိတ်ဆောင်ရွက်ခဲ့သည်။

စစ်ဆေးချက်များအရ သေဆုံးသူမှာ ဘောင်းဒုတ်ကျေးရွာနေ ဦးမောင်ကျော်စိန် (၆၂နှစ်)ဖြစ်ပြီး လက္ကာ ကျေးရွာနေ ကျော်သိန်း(၆၁နှစ်) ဒဏ်ရာရရှိခဲ့သဖြင့် ခွဲစိတ်ကုသမှုများ ဆောင်ရွက်လျက်ရှိသည်။ တပ်ဌာနချုပ်အိမ်ထောင်သည်လိုင်းနှင့် ဘောင်းဒုတ် ကျေးရွာသည် လက်နက်ငယ်ထိရောက်မှု အကွာအဝေး ထက်ကျော်လွန်ပြီး မီတာ ၃၆၀ ခန့်အကွာတွင် တည်ရှိသည့်အနေအထားအပြင် ဘောင်းဒုတ်ကျေးရွာရှိ သေဆုံးသူ ဦးမောင်ကျော်စိန်၏ နေအိမ်အား သွားရောက်စစ်ဆေးခဲ့ရာ နေအိမ်ထုတ်တန်းတွင် ကျည်ဖောက်ဝင်လျက်ရှိပြီး အနီးပတ်ဝန်းကျင်သစ်ကိုင်းများကျည်ထိမှန်ပြတ်ကျမှုများ တွေ့ရှိရခဲ့ကာ အုပ်ချုပ်ရေးမှူးဆိုသူမှာလည်း ထွက်ပြေးတိမ်းရှောင်လျက်ရှိကြောင်း သိရှိရ သည်။

အထက်ပါဖြစ်စဉ်မှာ ဘောင်းဒုတ်ကျေးရွာ နယ်မြေခံတပ်ဌာနချုပ် အား AA အကြမ်းဖက်သောင်းကျန်းသူများက ၀င်ရောက်မည့်အစီအစဉ်အား တပ်ရှိလုံခြုံရေးကင်းများ၏ နိုးကြားမှုကြောင့် ပစ်ခတ်ခံခဲ့ရပြီး ထိခိုက်ဒဏ်ရာ ရရှိမှုအပေါ် ယုတ်မာသောအကြံဖြင့် တပ်မှ ကျေးရွာအတွင်း အကြောင်းမဲ့ပစ်ခတ်သည့် အခြေအနေ လုပ်ကြံဖန်တီးကာ ပြည်သူလူထုအထင်အမြင်လွဲမှားစေရန် မဟုတ်မမှန်စွပ်စွဲပြောဆိုခဲ့ခြင်းဖြစ်ကြောင်း သိရှိရသည်။

ပစ်ခတ်ခဲ့သည့် တပ်ဌာနချုပ်အိမ်ထောင်သည်လိုင်းများဘက် အုတ်တံတိုင်း ခြံစည်းရိုးအား ရိုက်ချိုးထားပြီး တပ်အတွင်းဝင်ရောက်ရန်ချဉ်းကပ်ထားသည့် AA အကြမ်းဖက် သောင်းကျန်းသူများ၏ ခြေရာအများ အပြားကိုလည်း ၎င်းနေရာအနီးတစ်ဝိုက်တွင်တွေ့ရှိ ရကြောင်း သိရှိရသည်။

သို့ဖြစ်၍ ဒဏ်ရာရရှိခဲ့သည့် ကျော်သိန်းအား ခွဲစိတ်ကုသမှုများဆောင်ရွက်ပြီးစီး ပါက စစ်ဆေးမေးမြန်းမှု များဆောင်ရွက်သွားမည်ဖြစ်ကြောင်းနှင့် ပြည်သူလူထု အထင်အမြင်လွဲမှားစေရန် မဟုတ်မမှန်လုပ်ကြံစွပ်စွဲ ပြောဆိုတိုင်ကြားခဲ့ပြီး ထွက်ပြေးသွားသူ ကျေးရွာအုပ်ချုပ်ရေးမှူး ဦးတင်ထွန်းအား ဖမ်းဆီးရမိရေးဆောင်ရွက် လျက်ရှိကြောင်း သတင်းရရှိသည်။

Read 60 times Last modified on Sunday, 14 April 2019 20:34