Print this page

မြောက်ဦးမြို့နှင့် ဘောင်းဒုတ်ကျေးရွာအနီးရှိ နယ်မြေခံတပ်ဌာနချုပ်များအား AA အကြမ်းဖက်သောင်းကျန်းသူများက ကျေးရွာအတွင်းမှ ဖြန့်ခွဲနေရာယူလျက် လာရောက် ပစ်ခတ်တိုက်ခိုက်

Thursday, 18 April 2019 19:49 font size decrease font size decrease font size increase font size increase font size

နေပြည်တော်၊ ဧပြီ - ၁၈ 

ရခိုင်ပြည်နယ်၊ မြောက်ဦးမြို့နယ်အတွင်း နယ်မြေခံ တပ်ဌာနချုပ်များသို့ AA အကြမ်းဖက် သောင်းကျန်းသူများက ဧပြီ ၁၇ ရက် ညပိုင်းတွင် ဘောင်းဒုတ်ကျေးရွာ အတွင်း ဖြန့်ခွဲနေရာယူလျက် လာရောက် ပစ်ခတ်တိုက်ခိုက်ခဲ့ကြောင်း သိရှိရသည်။ 

    

ဖြစ်စဉ်မှာ ယမန်နေ့ ဧပြီ ၁၇ ရက် ည ၁၀ နာရီ မိနစ် ၄၀ ခန့်တွင် မြောက်ဦးမြို့နယ်၊ ဘောင်းဒုတ်ကျေးရွာ အနီးရှိ နယ်မြေခံတပ်ဌာနချုပ်၏ တောင်ဘက်နေရာသို့ AA အကြမ်းဖက် သောင်းကျန်းသူအဖွဲ့တစ်ဖွဲ့က ဘောင်းဒုတ်ကျေးရွာ စာသင်ကျောင်း နေရာမှ လည်းကောင်း၊ ည ၁၀ နာရီ  မိနစ် ၄၀ ခန့်နှင့် ည ၁၁ နာရီ ၃၂ မိနစ်တို့တွင် တပ်ဌာနချုပ်၏ အရှေ့တောင်ဘက် နေရာသို့  AA အကြမ်းဖက် သောင်းကျန်းသူ အချို့က လည်းကောင်း၊ ည ၁၁ နာရီ မိနစ် ၄၀ ခန့်တွင် ဘောင်းဒုတ်ကျေးရွာ နယ်မြေခံတပ် ဌာနချုပ်ရှိ လုံခြုံရေးဂိတ်ကင်း ၂ နေရာသို့ AA အကြမ်းဖက် သောင်းကျန်းသူ အင်အား စိစစ်ဆဲအဖွဲ့က ဘောင်းဒုတ်ကျေးရွာ အစပ်မှလည်းကောင်း ကျေးရွာအတွင်း ဖြန့်ခွဲနေရာယူလျက် လက်နက်ကြီး/လက်နက်ငယ်များဖြင့် လာရောက် ပစ်ခတ်ခဲ့ရာ မိမိဘက်မှ ပြန်လည်ပစ်ခတ်ခဲ့သဖြင့် ရန်သူ့ပစ်ခတ်မှု ည ၁၁ နာရီ ၄၅ မိနစ်ခန့်တွင် ရပ်တန့် သွားခဲ့သည်။

အလားတူ ည ၁၀ နာရီ မိနစ် ၄၀ ခန့်တွင် မြောက်ဦးမြို့ရှိ နယ်မြေခံတပ်ဌာနချုပ်သို့ AA အကြမ်းဖက်သောင်း ကျန်းသူအင်အား စိစစ်ဆဲအဖွဲ့က ရန်ကုန်-စစ်တွေပြည်ထောင်စု ကားလမ်းမကြီးပေါ်မှ လာရောက် ပစ်ခတ်ခဲ့သည့်အတွက် မိမိဘက်မှ ပြန်လည်ပစ်ခတ် တိုက်ခိုက်ခဲ့သည်။

ယနေ့ မွန်းလွဲပိုင်းတွင် မြောက်ဦးမြို့နယ် အုပ်ချုပ်ရေးရုံးမှ တာဝန်ရှိသူများ၊ ခရိုင် ရဲတပ်ဖွဲ့ဝင်များနှင့် ဌာနဆိုင်ရာ တာဝန်ရှိသူများသည် ဘောင်းဒုတ်ကျေးရွာရှိ ဗုဒ္ဓနတ်တောင် ဘုန်းတော်ကြီး ကျောင်းတွင် ကျောင်းထိုင်ဆရာတော် ဘဒ္ဒန္တရာဇိန္န ရှေ့မှောက်၌ ကျေးရွာရပ်မိရပ်ဖများကို သွားရောက်တွေ့ဆုံ၍ AA အကြမ်းဖက်သောင်း ကျန်းသူများအနေဖြင့် ကျေးရွာအတွင်း ၀င်ရောက်၍ တပ်ဌာနချုပ်အား လာရောက် ပစ်ခတ်ခဲ့သဖြင့် ကျေးရွာ၌ AA အကြမ်းဖက် သောင်းကျန်းသူများအား  လက်ခံခြင်း မပြုရန်၊ ကျေးရွာအနီးတစ်ဝိုက် AA အကြမ်းဖက်သောင်း ကျန်းသူများနှင့် ထိတွေ့ တိုက်ပွဲများဖြစ်ပွားပါက ဒေသခံပြည်သူများသာ ဒုက္ခများ တွေ့ကြုံရမည်ဖြစ်ကြောင်းနှင့် အကြမ်းဖက်မှုကို အားပေးခြင်းမပြုရန်၊ ကျေးရွာအတွင်းနှင့် အနီးတစ်ဝိုက်သို့ ရောက်ရှိ လာပါကနီးစပ်ရာ လုံခြုံရေး တပ်ဖွဲ့ဝင်များနှင့် တာဝန်ရှိသူများထံသို့ သတင်း ပေးပို့ကြခြင်းဖြင့် မိမိတို့မြို့၊ ရပ်ကွက်၊ ကျေးရွာ တည်ငြိမ် အေးချမ်းရေးအတွက် ပူးပေါင်း ဆောင်ရွက်ကြရန်တို့အား စည်းရုံးဆွေးနွေးခဲ့သည်။

AA အကြမ်းဖက် သောင်းကျန်းသူများသည် မြို့၊ ကျေးရွာအနီးအနားရှိ တပ်ဌာန ချုပ်များအား ချဉ်းကပ်တိုက်ခိုက် ရာတွင် မြို့၊ ရပ်ကွက်၊ ကျေးရွာများကို အကာအကွယ် ရယူတိုက်ခိုက်လျက်ရှိပြီး မိမိဘက်မှ ပြန်လည်ခုခံမှု အပေါ်တွင် မသမာသော နည်းများဖြင့် အမြတ်ထုတ်ကာ ပြည်သူလူထု အထင်အမြင်လွဲမှားစေရန် လုပ်ကြံဖန်တီး လျက်ရှိကြောင်း သတင်းရရှိသည်။

 

               

Read 336 times Last modified on Thursday, 18 April 2019 20:08