SJ WorldNews - шаблон joomla Авто

မြောက်ဦးမြို့နယ်၊ ဘောင်းဒုတ် ကျေးရွာရှိ နယ်မြေခံ တပ်ဌာနချုပ်အား AA အကြမ်းဖက် သောင်းကျန်းသူ အချို့က ကျေးရွာအတွင်းမှ နေရာယူ၍ လက်နက်ကြီး/လက်နက်ငယ် များဖြင့် လာရောက် နှောင့်ယှက်ပစ်ခတ်

Thursday, 25 April 2019 17:23 font size decrease font size decrease font size increase font size increase font size

နေပြည်တော်၊ ဧပြီ - ၂၅

ရခိုင်ပြည်နယ်၊ မြောက်ဦးမြို့နယ်၊ ဘောင်းဒုတ်ကျေးရွာရှိ နယ်မြေခံ တပ်ဌာနချုပ် အား ဧပြီ ၂၄ ရက် ညပိုင်းတွင် AA အကြမ်းဖက် သောင်းကျန်းသူများက ကျေးရွာ အတွင်းနှင့် ရန်ကုန်-စစ်တွေကားလမ်းမပေါ်တို့မှ နေရာယူ၍ လက်နက်ကြီး/လက်နက်ငယ် များဖြင့် လာရောက် နှောင့်ယှက် ပစ်ခတ်ခဲ့ကြောင်း သိရှိရသည်။

ဖြစ်စဉ်မှာ ဧပြီ ၂၄ ရက် ည ၇ နာရီခွဲခန့်တွင် ဘောင်းဒုတ်ကျေးရွာရှိ နယ်မြေခံ တပ်ဌာနချုပ်၊ လုံခြုံရေး ဂိတ်ကင်းနေရာများသို့ AA အကြမ်းဖက်သောင်းကျန်းသူအချို့က ကျေးရွာအတွင်းမှ နေရာယူ၍ လက်နက်ငယ်များဖြင့် လာရောက်ပစ်ခတ်ခဲ့သဖြင့် မိမိဘက်မှ ပြန်လည်ပစ်ခတ်ခဲ့ရာ ရန်သူ့ပစ်ခတ်မှု ည ၇ နာရီ မိနစ် ၄၀ ခန့်တွင်ရပ်တန့် သွားခဲ့ပြီး ရန်ကုန်-စစ်တွေကားလမ်းမပေါ်မှ ည ၈ နာရီ ၁၅ မိနစ်ခန့်တွင် လက်နက်ကြီး ဖြင့်လည်းကောင်း၊ ည ၉ နာရီခန့်တွင် လက်နက်ငယ်များဖြင့်လည်းကောင်း ထပ်မံနှောင့်ယှက် ပစ်ခတ်ခဲ့သည်။

ဖြစ်စဉ်ဖြစ်ပွားရာနေရာနှင့် အနီးပတ်ဝန်းကျင်တစ်ဝိုက်အား တပ်ဌာနချုပ်မှ တာဝန်ရှိသူများက သွားရောက်ရှာ ဖွေစစ်ဆေးခဲ့ရာ ယနေ့နံနက် ၆ နာရီခွဲခန့်တွင် တပ်ဌာနချုပ်အိမ်ထောင်သည် လိုင်းခန်းများနေရာမှ AA အကြမ်းဖက်သောင်းကျန်းသူ အလောင်း ၁ လောင်းရရှိခဲ့ပြီး တပ်မတော်စစ်ကြောင်းများက နယ်မြေလုံခြုံရေး လုပ်ငန်း များ ဆောင်ရွက်လျက်ရှိသည်။

အဆိုပါ ဘောင်းဒုတ်ကျေးရွာအတွင်းမှ တပ်ဌာနချုပ်များသို့ AA အကြမ်းဖက် သောင်းကျန်း သူများ ပစ်ခတ် တိုက်ခိုက်ခဲ့မှုအနေဖြင့် ယခုအကြိမ်အပါအ၀င် ၃ ကြိမ်ရှိပြီး ယင်းကိစ္စနှင့် ပတ်သက်၍လည်း ဧပြီ ၁၈ ရက်တွင် တာဝန်ရှိသူများက ၎င်းကျေးရွာ ဘုန်းတော်ကြီးကျောင်း၌ ကျေးရွာ တာဝန်ရှိသူများနှင့် ရပ်မိရပ်ဖများအား တွေ့ဆုံ၍  AA အကြမ်းဖက် သောင်းကျန်းသူများ ရွာအတွင်းသို့ ၀င်ရောက်မှုမရှိစေရေး၊ ရောက်ရှိလာပါက သက်ဆိုင်ရာသို့ သတင်းပို့၍ ရပ်ရွာလုံခြုံရေးအတွက် ပူးပေါင်းဆောင်ရွက်ရေးတို့အား စည်းရုံး ဆွေးနွေး ခဲ့ပြီးဖြစ်သည်။

AA အကြမ်းဖက် သောင်းကျန်းသူများ အနေဖြင့် တပ်မတော်အပေါ် ပြည်သူလူထု အထင်မြင် လွဲမှားစေရန် မြို့၊ ရပ်ကွက်၊ ကျေးရွာများနှင့် ကျေးရွာလူထုအား လူသားတံတိုင်းအဖြစ် အသုံး ချလျက် တပ်ဌာနချုပ်များနှင့် တပ်မတော် လုံခြုံရေး စစ်ကြောင်းများကို မကြာခဏ ချောင်း မြောင်း ပစ်ခတ်လျက်ရှိကြောင်း သတင်းရရှိသည်။

         

Read 119 times Last modified on Friday, 26 April 2019 08:40