SJ WorldNews - шаблон joomla Авто

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကော့မှူးမြို့နယ် အောင်ဇမ္ဗူလူငယ်ဖွံ့ဖြိုးရေး ပရဟိတ ဂေဟာ ဘုန်းတော်ကြီးသင် ပညာရေးကျောင်း ကျောင်းဆောင် သစ်လွှဲပြောင်းပေးအပ်ပွဲသို့ တက်ရောက်

Friday, 19 July 2019 09:42 font size decrease font size decrease font size increase font size increase font size

နိုင်ငံတော်၏  အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့နံနက်ပိုင်း တွင် ရန်ကုန်တိုင်းဒေသကြီး ကော့မှူးမြို့နယ် ပိန္ဒဲကုန်းကျေးရွာအုပ်စု    ဆင်ခြံကျေးရွာ အောင်ဇမ္ဗူပရိယတ္တိစာသင်တိုက် ဆရာတော်

အား သွားရောက်ဖူးမြော်ပြီး ဝါဆိုသင်္ကန်း ဆက်ကပ်လှူဒါန်းသည်။

နိုင်ငံတော်၏အတိုင်ပင်ခံပုဂ္ဂိုလ်သည် ယနေ့နံနက် ၉ နာရီတွင် ကော့မှူးမြို့နယ်ရှိ   အောင်ဇမ္ဗူပရိယတ္တိစာသင်တိုက်သို့ရောက်ရှိရာ ကော့မှူးမြို့နယ် သံအိုင်ကျေးရွာ  ခရစ်ယာန်အသင်းတော် တယောအဖွဲ့မှ လူငယ်များက   ''ဇာတိမာန်''သီချင်းဖြင့် ကြိုဆိုနှုတ်ဆက်ကြသည်။

ထို့နောက်   နိုင်ငံတော်၏အတိုင်ပင်ခံပုဂ္ဂိုလ်သည်   အောင်ဇမ္ဗူပရိယတ္တိစာသင် တိုက်ဆရာတော် ဘဒ္ဒန္တကေတုမာလာအား ဖူးမြော်ကြည်ညိုပြီး ဝါဆိုသင်္ကန်းနှင့်လှူဖွယ်ပစ္စည်းများကိုဆက်ကပ်လှူဒါန်းကာ လှူဒါန်းမှု အစုစုအတွက် ရေစက်သွန်းလောင်းအမျှ ပေးဝေသည်။

ယင်းနောက် နိုင်ငံတော်၏အတိုင်ပင်ခံ ပုဂ္ဂိုလ်သည်    ရွှေတောင်ဖောင်ဒေးရှင်းက ပိန္ဒဲကုန်းကျေးရွာအုပ်စု    ဆင်ခြံကျေးရွာ အောင်ဇမ္ဗူ ဘုန်းတော်ကြီးသင်ပညာရေး ကျောင်းဝင်းအတွင်း၌ တည်ဆောက်လှူဒါန်း သည့် အောင်ဇမ္ဗူ လူငယ် ဖွံ့ဖြိုးရေးပရဟိတ ဂေဟာ ဘုန်းတော်ကြီး သင်ပညာရေးကျောင်း RC နှစ်ထပ်ကျောင်းဆောင် သစ်လွှဲပြောင်း ပေးအပ်ပွဲသို့ တက်ရောက် ချီးမြှင့်သည်။

အခမ်းအနားတွင်     နိုင်ငံတော်၏ အတိုင်ပင်ခံပုဂ္ဂိုလ်က ကျောင်းဆောင်သစ် ကမ္ပည်းမော်ကွန်းအား အမွှေးနံ့သာရည်ဖြင့် ပက်ဖျန်းပေးပြီး   စာသင်ခန်းများအတွင်း လိုက်လံကြည့်ရှုသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် သည် ဆရာမများ၊ ကျောင်းသား၊ ကျောင်းသူ များနှင့်လည်းကောင်း၊   ကော့မှူးမြို့နယ် သံအိုင်ကျေးရွာ   ခရစ်ယာန်အသင်းတော် တယောအဖွဲ့မှ လူငယ်များ၊ ဘင်ခရာအဖွဲ့မှ ကျောင်းသား၊ ကျောင်းသူများနှင့်လည်းကောင်း မှတ်တမ်းတင်ဓာတ်ပုံရိုက်သည်။

ယင်းနောက်   ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး က နှုတ်ခွန်းဆက်စကားပြောကြားပြီး ပညာ ရေးဝန်ကြီးဌာန၏ ဆောင်ရွက်ချက်များနှင့် စပ်လျဉ်း၍ ရှင်းလင်းပြောကြားသည်။

ဆက်လက်၍ ရွှေတောင်ဖောင်ဒေးရှင်း နာယက ဦးအိုက်ထွန်းက ကျောင်းဆောင်သစ် လှူဒါန်းရခြင်းနှင့်စပ်လျဉ်း၍ ရှင်းလင်းပြော ကြားပြီး ဖောင်ဒေးရှင်းဥက္ကဋ္ဌ ဦးရဲမြင့်က ကျောင်းဆောင်သစ်နှင့်ပတ်သက်သည့် စာရွက် စာတမ်းများကို အောင်ဇမ္ဗူလူငယ်ဖွံ့ဖြိုးရေး ပရဟိတဂေဟာ ဂေဟာမှူး ဦးမင်းသိန်းထံ လွှဲပြောင်းပေးအပ်သည်။

ထို့နောက်  ပညာရေးလုပ်ငန်းများအား ကူညီဆောင်ရွက်ပေးနေသည့်   နေအုပ် ဖောင်ဒေးရှင်းဥက္ကဋ္ဌ ဦးနေအုပ်က ကျောင်း ဆောင်သစ်လှူဒါန်းသည့်အတွက် ဝမ်းမြောက် စကားပြောကြားသည်။

ယင်းနောက်   ပြည်ထောင်စုဝန်ကြီး ဒေါက်တာမျိုးသိမ်းကြီးထံ ပြည်တွင်း ပြည်ပ  အလှူရှင်များက သန့်စင်ခန်း၊ ကွန်ပျူတာ စားပွဲ၊ စာရေးထိုင်ခုံ၊ ကျောင်းအားကစားကွင်း၊  ရေစင်အဆောက်အအုံ၊ ကျောင်းသား၊ ကျောင်း

သူများအတွက် ဗလာစာအုပ်နှင့် ရေသန့်ဘူး များ၊ ကျောင်းသုံးပရိဘောဂများကို ပေးအပ် လှူဒါန်းကြသည်။

ထို့နောက် ရပ်မိရပ်ဖတစ်ဦးက ကျေးဇူးတင် စကားပြောကြားသည်။အဆိုပါ ကျောင်းဆောင်သစ်မှာ စာသင်ခန်း

ရှစ်ခန်းပါဝင်သည့် RC နှစ်ထပ်ကျောင်း ဆောင်သစ်ဖြစ်ကြောင်း သိရသည်။ ကျောင်းဆောင်သစ် လွှဲပြောင်းပေးအပ်ပွဲ အပြီးတွင် နိုင်ငံတော်၏ အတိုင်ပင်ခံပုဂ္ဂိုလ်သည် အောင်ဇမ္ဗူ ပရိယတ္တိကျောင်းတိုက် ဆရာတော်နှင့် သံဃာတော်များအား နေ့ဆွမ်း  ဆက်ကပ်လှူဒါန်းသည်။

အခမ်းအနားသို့ ပြည်ထောင်စုဝန်ကြီး ဦးမင်းသူ၊ သူရဦးအောင်ကို၊ ရန်ကုန်တိုင်း ဒေသကြီးဝန်ကြီးချုပ် ဦးဖြိုးမင်းသိန်း၊ တိုင်း ဒေသကြီးလွှတ်တော်ဥက္ကဋ္ဌ၊ တိုင်းဒေသကြီး ဝန်ကြီးများ၊ လွှတ်တော်ကိုယ်စားလှယ်များ၊ မြန်မာနိုင်ငံဆိုင်ရာ    နိုင်ငံခြားသံရုံးများမှ သံအမတ်ကြီးများ၊ ရွှေတောင်ဖောင်ဒေးရှင်း မှ တာဝန်ရှိသူများ၊ အလှူရှင်များ၊ ဆရာ၊ ဆရာမများ၊ ကျောင်းသား၊ ကျောင်းသူများ နှင့် ဒေသခံပြည်သူများ   တက်ရောက်ကြ သည်။

(သတင်းစဉ်)

Read 84 times Last modified on Friday, 19 July 2019 11:11