SJ WorldNews - шаблон joomla Авто

နိုင်ငံတော်သမ္မတ ဦးဝင်းမြင့် ဗိုလ်ချုပ်အောင်ဆန်းပြတိုက်(ရန်ကုန်)နှင့် အတွင်းဝန်ရုံးဟောင်း (ယခင်ဝန်ကြီးများရုံး) တို့ကို ကြည့်ရှုလေ့လာ

Friday, 19 July 2019 14:01 font size decrease font size decrease font size increase font size increase font size

နိုင်ငံတော်သမ္မတ ဦးဝင်းမြင့်သည် ယနေ့တွင် ရန်ကုန်တိုင်းဒေသကြီး ဗဟန်းမြို့နယ်ရှိ ဗိုလ်ချုပ်အောင်ဆန်း ပြတိုက်(ရန်ကုန်)နှင့် ဗိုလ်တထောင်မြို့နယ်ရှိ အတွင်းဝန် ရုံးဟောင်း(ယခင်ဝန်ကြီးများရုံး)တို့အား ကြည့်ရှုလေ့လာ သည်။

နိုင်ငံတော်သမ္မတ ဦးဝင်းမြင့်သည် ယနေ့နံနက် ၉ နာရီ မိနစ် ၂ဝ တွင် လေကြောင်းခရီးဖြင့် နေပြည်တော်မှ ရန်ကုန်မြို့သို့ရောက်ရှိရာ ရန်ကုန်မြို့တော်ဝန် ဦးမောင်မောင်စိုးနှင့်  တာဝန်ရှိသူများက  ရန်ကုန်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြသည်။

ထို့နောက် နိုင်ငံတော်သမ္မတ ဦးဝင်းမြင့်သည်  ဗိုလ်ချုပ် အောင်ဆန်းပြတိုက်(ရန်ကုန်)သို့ရောက်ရှိပြီး ဒုတိယသမ္မတ များဖြစ်ကြသည့် ဦးမြင့်ဆွေနှင့် ဦးဟင်နရီဗန်ထီးယူ၊   ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကျော်ဆွေ၊  ဒုတိယဝန်ကြီးများဖြစ်ကြသည့် ဗိုလ်ချုပ်အောင်သူနှင့် ဦးကြည်မင်း၊ ရန်ကုန်မြို့တော်ဝန်  ဦးမောင်မောင်စိုး၊ တာဝန်ရှိသူများနှင့်အတူ  ဗိုလ်ချုပ် အောင်ဆန်း ပြတိုက်ဝင်းအတွင်းရှိ   ဗိုလ်ချုပ်အောင်ဆန်း အသုံးပြုခဲ့သော  မော်တော်ယာဉ်၊  ဗိုလ်ချုပ် အောင်ဆန်း၏   သမိုင်း မှတ်တမ်း ဓာတ်ပုံများ၊  ပြည်တွင်းပြည်ပ ခရီးစဉ် မှတ်တမ်း ဓာတ်ပုံများ၊  အာဇာနည်နေ့ အထိမ်းအမှတ် အဖြစ်ထုတ်ဝေ သောစာပို့ခတံဆိပ်ခေါင်းများ၊     ဗိုလ်ချုပ် အောင်ဆန်းရုပ်ပုံပါ   စာပို့ခတံဆိပ်ခေါင်း များ၊    ငွေစက္ကူများနှင့်   ငွေအကြွေစေ့များ ခင်းကျင်းပြသထားရှိမှုကို  ကြည့်ရှုလေ့လာ သည်။

ဆက်လက်၍    နိုင်ငံတော်သမ္မတသည်  ပြတိုက်အတွင်းရှိ   ဗိုလ်ချုပ်အောင်ဆန်းပုံစံတူ ရုပ်တု၊ ဘုရားခန်း၊ အိပ်ခန်း၊ စာဖတ်ခန်း၊ ဧည့်ခန်း နှင့်ထမင်းစားခန်းတို့ကို   လှည့်လည်ကြည့်ရှု လေ့လာပြီး ဗိုလ်ချုပ်အောင်ဆန်းကြေးရုပ်တု အားဂါရဝပြုကာ ပြတိုက်ဝင်းအတွင်း ဗိုလ်ချုပ် အောင်ဆန်းကိုယ်တိုင်စိုက်ပျိုးခဲ့သည့် စိုက်ခင်း နေရာနှင့်ရေကန်တို့ကို ကြည့်ရှုလေ့လာသည်။

ယင်းနောက် နိုင်ငံတော်သမ္မတ ဦးဝင်းမြင့် သည် အတွင်းဝန်ရုံးဟောင်း (ယခင်ဝန်ကြီးများရုံး)သို့ရောက်ရှိပြီး ဝင်းအတွင်းရှိ အာဇာနည်ခေါင်းဆောင်ကြီးများအတွက် ပြုလုပ်ထားသည့်  အထိမ်းအမှတ်ကျောက်တိုင်၊ လွတ်လပ်ရေး မရမီအသုံးပြုခဲ့သည့် တိုင်းပြုပြည်ပြုလွှတ်တော် အဆောက်အအုံ၊  ဗိုလ်ချုပ်အောင်ဆန်းနှင့်  အာဇာနည်ခေါင်းဆောင်ကြီးများကျဆုံးခဲ့သည့်  အစည်းအဝေးဆောင်တို့ကို ကြည့်ရှုလေ့လာခဲ့ ကြောင်း သိရသည်။

Read 80 times