SJ WorldNews - шаблон joomla Авто

ပြည်တွင်းငြိမ်းချမ်းရေး ဆောင်ရွက်မှုဆိုင်ရာ ကိစ္စရပ်များ၊ တပ်မတော်၏ ဆောင်ရွက်ချက်များ၊ AA အကြမ်းဖက်သောင်းကျန်းသူများနှင့် ပတ်သက်၍ တပ်မတော်သတင်းမှန် ပြန်ကြားရေးအဖွဲ့နှင့် သတင်းမီဒီယာများ ပြုလုပ်သည့် သတင်းစာ ရှင်းလင်းပွဲ မှတ်တမ်း

Wednesday, 24 July 2019 12:08 font size decrease font size decrease font size increase font size increase font size

နေပြည်တော်    ဇူလိုင်    ၂၃

ပြည်တွင်းငြိမ်းချမ်းရေး ဆောင်ရွက်မှုဆိုင်ရာ ကိစ္စရပ်များ၊ တပ်မတော်၏ ဆောင်ရွက်ချက်များနှင့် AA အကြမ်းဖက် သောင်းကျန်းသူများနှင့် ပတ်သက်သည့် သတင်းစာ ရှင်းလင်းပွဲကို ၂ဝ၁၉ ခုနှစ်၊ ဇွန်လ ၂၃ ရက်၊ ညနေ ၃ နာရီမှ ၄ နာရီခွဲအထိ တပ်မတော် စစ်သမိုင်းပြတိုက်(နေပြည်တော်)၌ ကျင်းပပြုလုပ်ခဲ့ပြီး တပ်မတော် သတင်းမှန်ပြန်ကြားရေး ကော်မတီအဖွဲ့ဝင် ၁၅ ဦးနှင့် သတင်းမီဒီယာ ၂၂ ခုမှ သတင်းထောက် ၄၄ ဦး တက်ရောက်ခဲ့ကြပါသည်။

ဗိုလ်ချုပ်စိုးနိုင်ဦးကပြောကြားရာတွင်

-ဗိုလ်ချုပ်စိုးနိုင်ဦးက ဦးစွာနှုတ်ခွန်းဆက်စကား ပြောကြား၍ ၂ဝ၁၈ ခုနှစ်၊ ဒီဇင်ဘာလ ၂၁ ရက်တွင် ထုတ်ပြန်ခဲ့သည့်  ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေး အတွက် တပ်မတော်မှ ထုတ်ပြန်ချက်ပြု လုပ်ပြီးနောက်ပိုင်း လက်နက်ကိုင် အဖွဲ့အစည်းများ၏ စည်းကမ်းဖောက်ဖျက်မှုများ၊ ငြိမ်းချမ်းရေး လုပ်ငန်းစဉ်များအတွက် ဆောင်ရွက်မှုများနှင့် ပတ်သက်သည့် အကြောင်းအရာများကို လစဉ်ရှင်းလင်း ဆွေးနွေးလျက်ရှိကြောင်း၊ ၂ဝ၁၈ ခုနှစ်၊ ဒီဇင်ဘာလ ၂၁ ရက်တွင် ထုတ်ပြန်ခဲ့သည့် ပစ်ခတ်တိုက်ခိုက်မှု ရပ်စဲရေးနှင့် ထာဝရငြိမ်းချမ်းရေး အတွက် ထုတ်ပြန်ချက်ပြုလုပ်ပြီး နောက်ပိုင်းတွင် အပစ်ရပ် တိုင်းစစ်ဌာနချုပ် ၅ ခု၌ ၂ဝ၁၉ ခုနှစ်၊ ဇွန်လ ၁၆ ရက်မှ ဇူလိုင်လ ၂၁  ရက်အထိ တိုင်းရင်းသား

လက်နက်ကိုင် အဖွဲ့အစည်းများ၏ စည်းကမ်း ဖောက်ဖျက်မှုများနှင့် ပတ်သက်၍ ရှင်းလင်းပြောကြား သွားမည်ဖြစ်ကြောင်း၊   တင်ပြပါ ကာလအတွင်းတွင် လက်နက်ကိုင် အဖွဲ့အစည်း အချင်းချင်း  ထိတွေ့တိုက်ပွဲဖြစ်ပွားမှု မရှိခဲ့ကြောင်း၊ မြောက်ပိုင်းတိုင်း စစ်ဌာနချုပ်နယ်မြေတွင်    မိမိတပ်နှင့် ထိတွေ့မှုမရှိပါကြောင်း၊  လက်နက်ကိုင်အဖွဲ့ အချင်းချင်း ထိတွေ့မှုမရှိပါကြောင်း၊ နယ်မြေကျော်လွန် လှုပ်ရှားမှုအနေဖြင့် KIAအဖွဲ့မှ ၁ဝ ကြိမ်၊ AA အဖွဲ့မှ ၂ ကြိမ်ရှိခဲ့ကြောင်း၊ ဆက်ကြေးကောက်ခံမှု အနေဖြင့် KIA အဖွဲ့မှ ၁ ကြိမ်ရှိခဲ့ပါကြောင်း၊ လူသစ်စုဆောင်းမှုအနေဖြင့် KIA အဖွဲ့မှ ၁ ကြိမ်ရှိခဲ့ပါကြောင်း၊ အရှေ့မြောက်တိုင်း စစ်ဌာနချုပ်နယ်မြေအတွင်း မိမိတပ်နှင့် ထိတွေ့မှု ၃၂ ကြိမ် ရှိခဲ့ပါကြောင်း၊ TNLA  အဖွဲ့နှင့် ၂ဝ ကြိမ်ဖြစ်ပြီး အများဆုံး ဖြစ်ပါကြောင်း၊ KIA နှင့် TNLA  အဖွဲ့နှင့် ၄ ကြိမ်၊ MNDAA နှင့် TNLA အဖွဲ့နှင့် ၂ ကြိမ်၊ MNDAA ၊ KIA နှင့် TNLA အဖွဲ့နှင့် ၂ ကြိမ်၊ KIA အဖွဲ့နှင့် ၁ ကြိမ်၊ MNDAA အဖွဲ့နှင့် ၁ ကြိမ်၊ KIA နှင့် MNDAA အဖွဲ့နှင့် ၂ ကြိမ်၊ စုစုပေါင်း ၃၂ ကြိမ်ဖြစ်ပွားခဲ့ကြောင်း၊ လက်နက်ကိုင် အချင်းချင်း ထိတွေ့မှု မရှိခဲ့ပါကြောင်း၊ နယ်မြေကျော်လွန် လှုပ်ရှားမှု အနေဖြင့် TNLA အဖွဲ့မှ ၁၈ ကြိမ်၊ KIAအဖွဲ့မှ ၃ ကြိမ်၊ MNDAA အဖွဲ့မှ ၆ ကြိမ်၊ SSA (ဝမ်ဟိုင်း)အဖွဲ့မှ ၇ ကြိမ်၊ RCSS/SSA အဖွဲ့မှ ၅ ကြိမ်၊ ပေါင်း ၃၉ ကြိမ်ဖြစ်ပွားခဲ့ကြောင်း၊ ဆက်ကြေးကောက်ခံမှု အနေဖြင့် TNLA အဖွဲ့မှ၂ ကြိမ်၊ SSA (ဝမ်ဟိုင်း)အဖွဲ့မှ ၄ ကြိမ်၊ RCSS/SSA အဖွဲ့မှ ၁ ကြိမ်၊ စုစုပေါင်း ၇ ကြိမ်ရှိခဲ့ပြီးလူသစ်စုဆောင်းမှု အနေဖြင့် TNLA အဖွဲ့မှ ၇ ကြိမ်၊ MNDAA အဖွဲ့မှ ၁ ကြိမ်၊ SSA (ဝမ်ဟိုင်း)အဖွဲ့မှ ၁ ကြိမ်၊ RCSS/SSA အဖွဲ့မှ ၂ ကြိမ်၊ စုစုပေါင်း ၁၁ ကြိမ်ရှိခဲ့ကြောင်း၊ တိုင်းစစ်ဌာနချုပ် နယ်မြေ ၅ ခုအနက် အရှေ့မြောက်တိုင်း စစ်ဌာနချုပ်နယ်မြေသည် အများဆုံးဖြစ်ပါကြောင်း၊ အရှေ့ပိုင်းတိုင်း စစ်ဌာနချုပ် နယ်မြေအတွင်း မိမိတပ်နှင့်ထိတွေ့မှု၊ လက်နက်ကိုင်အချင်းချင်းထိတွေ့မှုမရှိဘဲ နယ်မြေကျော်လွန်လှုပ်ရှားမှု အနေဖြင့် KNPP အဖွဲ့မှ ၁ ကြိမ်ရှိခဲ့ပါကြောင်း၊ အရှေ့အလယ်ပိုင်းတိုင်း စစ်ဌာနချုပ်နယ်မြေတွင်  မိမိတပ်နှင့် ထိတွေ့မှုအနေဖြင့်RCSS/SSA အဖွဲ့နှင့် ၁ ကြိမ်၊ နယ်မြေကျော်လွန်လှုပ်ရှားမှု အနေဖြင RCSS/SSA အဖွဲ့မှ ၂ ကြိမ်၊ ဆက်ကြေးကောက်ခံမှု အနေဖြင့် SSA (ဝမ်ဟိုင်း) အဖွဲ့မှ ၁ ကြိမ်၊ လူသစ်စုဆောင်းမှုအနေဖြင့် RCSS/SSA အဖွဲ့မှ ၃ ကြိမ်နှင့် တြိဂံဒေသတိုင်း စစ်ဌာနချုပ် နယ်မြေအတွင်း RCSS/SSA အဖွဲ့နှင့် မိမိတပ်တို့ ထိတွေ့မှု ၃ ကြိမ်၊ နယ်မြေကျော်လွန် လှုပ်ရှားမှုအနေဖြင့် RCSS/SSA အဖွဲ့မှ ၃ ကြိမ်ရှိခဲ့ပါကြောင်း၊ထို့ကြောင့် ၂ဝ၁၉ ခုနှစ်၊ ဇွန်လ ၁၆ ရက်မှ ဇူလိုင်လ ၂၁ ရက်အထိ စုစုပေါင်းမိမိတပ်နှင့် ထိတွေ့မှု ၃၆ ကြိမ်၊ နယ်မြေကျော်လွန် လှုပ်ရှားမှု ၅၇ ကြိမ်၊ ဆက်ကြေးကောက်ခံမှု ၉ ကြိမ်နှင့် လူသစ်စုဆောင်းမှု ၁၅ ကြိမ်ရှိခဲ့ကြောင်း၊ ခြုံငုံ သုံးသပ်ကြည့်ပါက တိုက်ပွဲဖြစ်ပွားမှု ပြန်လည်ဖြစ်ပွားလာခဲ့ပြီး မိမိတပ်နှင့်ထိတွေ့မှု အများဆုံးအဖွဲ့မှာ TNLA အဖွဲ့ဖြစ်၍ ၂ဝ ကြိမ်ရှိခဲ့ကြောင်း၊ နယ်မြေကျော်လွန် လှုပ်ရှားမှု အများဆုံး အဖွဲ့မှာ TNLA အဖွဲ့ဖြစ်ပြီး ၁၈ ကြိမ်ရှိခဲ့ကြောင်း၊ ဆက်ကြေးကောက်ခံမှု အများဆုံးအဖွဲ့မှာ SSA (ဝမ်ဟိုင်း)အဖွဲ့ဖြစ်ပြီး ၄ ကြိမ်ရှိကြောင်း၊ လူသစ်စုဆောင်းမှု အများဆုံးအဖွဲ့မှာ TNLA အဖွဲ့ဖြစ်ပြီး  ၇ ကြိမ်ရှိခဲ့ကြောင်း၊ဆက်လက်၍ အပစ်အခတ် ရပ်စဲထားသော တိုင်းစစ်ဌာနချုပ်နယ်မြေ  ၅ ခုအတွင်း ၂ဝ၁၈ ခုနှစ်၊ ဒီဇင်ဘာလ ၂၁ ရက်မှ ၂ဝ၁၉ ခုနှစ်၊ ဇူလိုင်လ ၂၁ ရက်အထိ ၇  လတာကာလအတွင်းတွင် စုစုပေါင်း အနေဖြင့် တင်ပြလိုသည်မှာ မိမိတပ်နှင့် ထိတွေ့မှုအနေဖြင့် TNLA အဖွဲ့နှင့် ၂၅ ကြိမ်ဖြစ်ပွားခဲ့ရာ အများဆုံး ဖြစ်ခဲ့ပါကြောင်း၊ မိမိတပ်နှင့် ထိတွေ့မှု ဒုတိယအများဆုံးမှာ KIA အဖွဲ့နှင့် ၂ဝ ကြိမ်၊ RCSS/SSAအဖွဲ့နှင့် ၁၁ ကြိမ်၊ SSA (ဝမ်ဟိုင်း)အဖွဲ့၊ MNDAA အဖွဲ့၊ KIA နှင့်TNLA အဖွဲ့တို့ဖြင့် ၉ ကြိမ်စီဖြစ်ပွားခဲ့ကြောင်း၊  လက်နက်ကိုင် အချင်းချင်း ထိတွေ့မှုများ အနေဖြင့် RCSS/SSA နှင့် TNLA ၊ SSA (ဝမ်ဟိုင်း) ပူးပေါင်းအဖွဲ့တို့သည် ၄၂ ကြိမ်ဖြစ်ပွားခဲ့ပြီး အများဆုံး ဖြစ်ကြောင်း၊   လက်နက်ကိုင်အချင်းချင်း ထိတွေ့မှုအနေဖြင့် ဒုတိယ အများဆုံးအဖွဲ့မှာ RCSS/SSA အဖွဲ့နှင့် PNLO အဖွဲ့တို့နှင့် ၂ ကြိမ်၊ RCSS/SSA အဖွဲ့နှင SSA (ဝမ်ဟိုင်း) အဖွဲ့တို့နှင့် ၁ ကြိမ်ဖြစ်ပွားခဲ့ကြောင်း၊ နယ်မြေကျော်လွန် လှုပ်ရှားမှုများ အနေဖြင့် TNLA အဖွဲ့သည် အများဆုံးဖြစ်ပြီး ၂ဝ၇ ကြိမ် ဖြစ်ပွားခဲ့ကြောင်း၊ ဒုတိယအများဆုံး အဖွဲ့မှာ RCSS/SSA အဖွဲ့သည် ၁၁၆ ကြိမ်၊ SSA (ဝမ်ဟိုင်း) အဖွဲ့သည်   ၈၉   ကြိမ်၊  KIA အဖွဲ့သည်  ၈၅ ကြိမ်ရှိခဲ့ပါကြောင်း၊ ဆက်ကြေးကောက်ခံမှု အနေဖြင့် RCSS/SSA အဖွဲ့သည် အများဆုံးဖြစ်၍ ၃၁ ကြိမ်ရှိကြောင်း၊  ဒုတိယအများဆုံး ဆက်ကြေးကောက်ခံသည့် အဖွဲ့မှာ  KIA အဖွဲ့ဖြစ်ပြီး ၁၅ ကြိမ်၊ SSA (ဝမ်ဟိုင်း)အဖွဲ့မှ ၁၁ ကြိမ်၊ TNLA အဖွဲ့မှ ၇ ကြိမ် အသီးသီး ရှိခဲ့ကြောင်း၊ လူသစ်စုဆောင်းမှု အနေဖြင့်  RCSS/SSA အဖွဲ့သည်  အများဆုံးဖြစ်၍ ၂၇ ကြိမ်ရှိခဲ့ကြောင်း၊    ဒုတိယအများဆုံး  လူသစ်စုဆောင်းမှု အနေဖြင့် KIA အဖွဲ့မှ ၂၁ ကြိမ်၊ TNLA နှင့် MNDAA တို့မှ ၁၆ ကြိမ်စီ အသီးသီး ဆောင်ရွက်ခဲ့ကြကြောင်း၊ ထို့ကြောင့် အပစ်ရပ်တိုင်း  စစ်ဌာနချုပ် ၅ ခုတွင် ၇ လတာ ကာလအတွင်း တိုင်းရင်းသား လက်နက်ကိုင် အဖွဲ့အစည်းများ၏  စည်းကမ်းဖောက်ဖျက်မှု စုစုပေါင်းမှာ  မိမိတပ်နှင့် ထိတွေ့မှု ၉၇ ကြိမ်၊  တိုင်းရင်းသား လက်နက်ကိုင်အချင်းချင်း ထိတွေ့တိုက်ပွဲဖြစ်ပွားမှု ၄၅ ကြိမ်၊ နယ်မြေကျော်လွန် လှုပ်ရှားမှု ၅၈၅  ကြိမ်၊ ဆက်ကြေးကောက်ခံမှု ၆၆ ကြိမ်၊  လူသစ်စုဆောင်းမှု ၈၆ ကြိမ်ရှိခဲ့ကြောင်း ပြောကြားခဲ့ပါသည်။ ထိတွေ့တိုက်ပွဲများ လျော့ကျလာခဲ့ပြီး တိုက်ပွဲကြီးများ ထပ်မံဖြစ်ပွားခြင်း မရှိခဲ့ကြောင်း၊ တပ်မတော်အနေဖြင့် တိုင်းရင်းသား လက်နက်ကိုင်အဖွဲ့များနှင့် တိုက်ပွဲများ လျော့ကျလာခြင်းသည် အကောင်းဘက်ကို ရှေးရှုလာသည်ဟု သုံးသပ်ပါကြောင်း၊ နိုင်ငံတည်ငြိမ် အေးချမ်းရေး၊   လုံခြုံရေးနှင့်  ဖွံ့ဖြိုးတိုးတက်ရေးအတွက်  လက်နက်ကိုင် တိုက်ပွဲဝင်သည့် လမ်းကြောင်းကို ရုပ်သိမ်း၍ နိုင်ငံရေးအရ ဆွေးနွေးကြရန်  ဖိတ်ခေါ်ပါကြောင်း၊ ငြိမ်းချမ်းရေး လုပ်ငန်းစဉ်များအတွက် ဆောင်ရွက်မှုများ အနေဖြင့်(NRPC)နှင့် တိုင်းရင်းသား လက်နက်ကိုင်အဖွဲ့များ အကြား တွေ့ဆုံဆွေးနွေးမှု အနေဖြင့် ၁-၇-၂ဝ၁၉ ရက်နေ့မှ ယနေ့အထိ  ၃ ကြိမ်ရှိခဲ့ပြီး  ကရင်အမျိုးသား အစည်းအရုံး(KNU) နှင့် ၉-၇-၂ဝ၁၉ ရက်တွင် ရန်ကုန်မြို့၌ လည်းကောင်း၊ ရှမ်းပြည်ပြန်လည် ထူထောင်ရေးကောင်စီ ( RCSS/SSA) နှင့် ၁၁-၇-၂ဝ၁၉ ရက်တွင်   နေပြည်တော်၌ လည်းကောင်း၊ ကရင်နီအမျိုးသား တိုးတက်ရေးပါတီ(KNPP)နှင့် ၁၇-၇-၂ဝ၁၉ ရက်တွင် နေပြည်တော်၌ လည်းကောင်း တွေ့ဆုံဆွေးနွေးခဲ့ကြကြောင်း၊ တပ်မတော်ညှိနှိုင်း ဆွေးနွေးရေးအဖွဲ့နှင့်  တိုင်းရင်းသား လက်နက်ကိုင်အဖွဲ့များ အကြား ၁-၇-၂ဝ၁၉ ရက်မှ ယနေ့အထိ၂ ကြိမ်ရှိခဲ့ပြီး  ရှမ်းပြည်ပြန်လည် ထူထောင်ရေးကောင်စီ(RCSS/SSA) နှင့် ၁၂-၇-၂ဝ၁၉ ရက်တွင် နေပြည်တော်၌ လည်းကောင်း၊ ကရင်နီအမျိုးသား တိုးတက်ရေး ပါတီ(KNPP)နှင့်  ၁၈-၇-၂ဝ၁၉ ရက်တွင် နေပြည်တော်၌ လည်းကောင်း တွေ့ဆုံ ဆွေးနွေးခဲ့ကြကြောင်း ရှင်းလင်းပြောကြားခဲ့ပါသည်။

သတင်းမီဒီယာများ၏ မေးမြန်းမှုများအပေါ်ပြန်လည်ဖြေကြားချက်များ

ဒေါ်အေးအေးမွန် (RFA သတင်းဌာန)

မေး။ ။ အရှေ့မြောက်တိုင်း စစ်ဌာနချုပ် နယ်မြေအတွင်းတွင် တိုက်ပွဲဖြစ်ပွားခဲ့သော တစ်လကျော်ကာလအတွင်း  တပ်မတော်ဘက်မှ ဒဏ်ရာရရှိမှုများ ရှိခဲ့ပါသလား၊ မည်မျှအထိ ရှိကြောင်းကို သိလိုပါကြောင်း မေးမြန်းခဲ့ပါသည်။

ဗိုလ်ချုပ်စိုးနိုင်ဦးက ဖြေကြားရာတွင်

-တိုက်ပွဲဖြစ်ပွားမှုများနှင့် ပတ်သက်၍ နိုင်ငံတကာ တပ်မတော်များတွင်လည်း ထိခိုက်ကျဆုံးမှုများကို ထုတ်ပြန်လေ့မရှိကြောင်း၊  တိုက်ပွဲအတွင်း ထိခိုက်ဒဏ်ရာရရှိမှုများ ရှိသော်လည်းအရေအတွက်ကို  ထုတ်ဖော်ပြောကြားလေ့ မရှိကြောင်း ပြန်လည် ဖြေကြားခဲ့ပါသည်။

ဒေါ်အေးအေးမွန် (RFA သတင်းဌာန)

မေး။  ။ အနောက်ဘက်နှင့် အနောက်မြောက်ဘက်ဒေသမှ   တိုက်ပွဲများ အကြောင်းကို မေးချင်ပါကြောင်း၊  ပြီးခဲ့သည့်ရက်ပိုင်းကပဲ တပ်မတော်ရေယာဉ်များအား  မြေပုံမြို့နယ်ထဲတွင် တိုက်ခိုက်ခံရသည်ဟု သိရကြောင်း၊ ဒီနေ့မနက်မှာပဲ မြေပုံမြို့နယ်ထဲက ကျေးရွာတချို့    မီးရှို့ဖျက်ဆီးခံရတယ်လို့ ကျွန်မတို့ သတင်းရပါကြောင်း၊ ဒေသခံတွေက ပြောပါကြောင်း၊  ဒါပေမဲ့  တပ်တွေက Ground မှာ ရှိတာဆိုတော့  ဗိုလ်ချုပ်တို့ပြောတာ  ပိုပြီးမှန်မယ်လို့ ယူဆပါကြောင်း၊ ကျွန်မတို့ သိရတဲ့သတင်း ဘယ်လောက်မှန်နိုင်မလဲဆိုတာ သိချင်ပါကြောင်း မေးမြန်းခဲ့ပါသည်။

ဗိုလ်မှူးချုပ်ဇော်မင်းထွန်းက ဖြေကြားရာတွင်

-ပထမဆုံးအနေဖြင့် ၎င်းသတင်းကို သတင်းစာရှင်းလင်းပွဲ မလာခင်မှာပင် BBC -မြန်မာပိုင်းကနေ မေးထားပါကြောင်း၊   ဒါနဲ့ပတ်သက်ပြီး အနောက်ပိုင်းတိုင်း စစ်ဌာနချုပ်ကို လှမ်းမေးကြည့်သောအခါ  ၎င်းနယ်မြေမှာ မီးရှို့တာ မရှိပါကြောင်း၊ လုံခြုံရေး ဆောင်ရွက်နေတာတော့ ရှိပါကြောင်း၊ နောက်တစ်ချက်က စစ်ရေယာဉ်တွေ ပစ်ခတ်ခံရမှုနဲ့ ပတ်သက်ပြီး  သတင်းထုတ်ပြန်ထားပါကြောင်း၊ မြေပုံဘက်ကမ်း ထောင်းကြီးရွာ၏ တောင်ဘက်တွင် တစ်ကြိမ်၊   ရသေ့တောင်ဘက်မှာ တစ်ကြိမ်ဖြစ်ကြောင်း၊ ကမ်းထောင်းကြီးရွာရဲ့ တောင်ဘက်မှာဖြစ်ခဲ့သည့်ဖြစ်စဉ်၌ ယခုချိန်မှာ ရခိုင်ပြည်နယ်ရှိ  ချောင်းတွေမှာ မိုးရာသီဖြစ်တဲ့ အတွက် ယခင် ရေမရှိသည့်ချောင်းတွေက   ရေရှိတဲ့ အနေအထားဖြစ်ကြောင်း၊ ကမ်းနားထိရေတက်တဲ့ အနေအထားဖြစ်ကြောင်း၊ ၎င်းအချိန် စစ်ရေယာဉ်တွေ ဖြတ်သန်းတဲ့အချိန်မှာ ငါးဖမ်းပိုက်တွေ ချထားကြောင်း၊ ငါးဖမ်းပိုက်တွေ ချထား၍ လုံခြုံရေး ဆောင်ရွက်တဲ့နေရာမှာ ငါးဖမ်းပိုက်တွေကို အပေါ်ကနေကျော်ပြီး၊တိုက်ပြီးသွားလို့ရကြောင်း၊ သို့သော် ဒေသခံပြည်သူလူထု၏ အသက်မွေးဝမ်းကျောင်းဖြစ်၍ ရှောင်သွားသော အချိန်မှာ စစ်ရေယာဉ် အရှိန်နှေးသွားကြောင်း၊ ၎င်းပိုက်ကို  ကွေ့ရှောင်နေသည့် အချိန်မှာပဲ တစ်ဖက်ကမ်းကနေ RPG နဲ့ ပစ်တာဖြစ်ကြောင်း၊ ကြိုတင်ကြံစည်ပြီးတော့ ထောင်ချောက် ဆင်ထားတာဖြစ်ကြောင်း၊ ဒေသခံတွေ အယောင်ဆောင်ပြီး ငါးဖမ်းပိုက်ချ ထောင်ချောက်ဆင်ထားခြင်း ဖြစ်ကြောင်း၊

ဒေသခံပြည်သူလူထုရဲ့   အကျိုးစီးပွားကို ထိခိုက်စေကြောင်း၊   နောင်စစ်ဆင်ရေး ဆောင်ရွက်တဲ့အခါ၌ ယခုလိုမျိုး တွေ့တယ်ဆိုရင် စဉ်းစားသုံးသပ်ရမယ့် အပိုင်းဖြစ်လာကြောင်း၊ စဉ်းစားသုံးသပ်ရတော့မယ့် အပိုင်းဖြစ်လာရင် ဒေသခံပြည်သူလူထုပဲ နစ်နာမှာဖြစ်ကြောင်း၊ ရခိုင်မှာဖြစ်နေသော တိုက်ပွဲတွေနဲ့ပတ်သက်ပြီး ပွင့်လင်းရာသီတုန်းက ရွာတွေနားမှာ မိုင်းဆွဲကြောင်း၊ မိုင်းထောင်တိုက်ခိုက်ကြောင်း၊ ရွာထဲကို ဝင်ပြေးပြီး ရွာထဲကနေပစ်ကြောင်း၊    ပြန်လည်ခုခံတဲ့အခါ  လုံခြုံရေးအရဆောင်ရွက်ရတဲ့ အခါ၌ ယခုလိုမျိုးဖြစ်စဉ်တွေဖြစ်ကြောင်း၊   ယခုရေကြောင်းမှာလည်း ၎င်းဖြစ်စဉ်အတိုင်း ဖြစ်လာသောအခါ  တကယ်ထိခိုက်နစ်နာတာက  ပြည်သူလူထုဖြစ်သည့်အတွက်  အုပ်ချုပ်ရေးအဖွဲ့အစည်း အဆင့်ဆင့်၊တရားဥပဒေ စိုးမိုးရေး အဖွဲ့အစည်း အဆင့်ဆင့်က အသိပေး ပြောကြားပြီးဖြစ်ကြောင်း၊ AAနဲ့ပတ်သက်ပြီး ရွာနားမှာ လက်မခံရန်၊ အယောင်ဆောင်မှုတွေမလုပ်ကြရန် ပြောကြားပြီးဖြစ်ကြောင်း၊ ဒေသခံပြည်သူလူထု အနေဖြင့် ပူးပေါင်း ဆောင်ရွက်ဖို့ ပြောချင်ပါကြောင်း၊ ရသေ့တောင်နားမှာ ဖြစ်ခဲ့သည့်ကိစ္စအား သတင်းထုတ်ပြန်ပြီး ဖြစ်ကြောင်း၊ ၁ဝ၇ မီလီမီတာ ရှော့ခ်တိုက်ဒုံးတွေနဲ့ ပစ်ခတ်တာဖြစ်ကြောင်း၊ ဒီဒုံးတွေနဲ့ ပတ်သက်ပြီး မေးထားတာ တွေရှိကြောင်း၊ ဘယ်နိုင်ငံ၊ ဘယ်ကနေရတာလဲဆိုတာ တိတိကျကျပြောဖို့ ခက်ပါကြောင်း၊ သို့သော် ၁ဝ၇ မီလီမီတာဒုံး ဆိုပြီး အင်တာနက်မှာ ရိုက်နှိပ်ရှာလိုက်ရင် တွေ့နိုင်ပါကြောင်း၊ ၎င်းဖြစ်စဉ်နဲ့ ပတ်သက်၍ စစ်ရေယာဉ်များပင် အပစ်ခံရသဖြင့်   လုံခြုံရေးနဲ့ ပတ်သက်ပြီး စိုးရိမ်စရာရှိလား ဆိုပြီး မေးခွန်းထုတ်ထားတာလည်း ပြန်ဖြေခဲ့ပြီးဖြစ်ကြောင်း၊ မြေပြင်မှာ ချုံခိုတိုက်သလိုပဲ    ရေပြင်မှာလည်း ကုန်းပေါ်ကနေပြီး ချုံခိုတိုက်လို့ရပါကြောင်း၊ ရခိုင်ပြည်နယ် အတွက်တော့ ထူးဆန်းနေပေမယ့် ယခုလိုမျိုး အဖြစ်အပျက်မျိုးမှာ လွန်ခဲ့တဲ့ နှစ် ၂ဝ ၊ ၃ဝ ကရှိကြောင်း၊  ကရင်ပြည်နယ်မှာ မော်လမြိုင်ကနေ ထွက်သော သင်္ဘောများကို ရေတပ်က သင်္ဘောငယ်လေးတွေနဲ့ အမြဲတမ်း အစောင့်လိုက်ပေးရကြောင်း၊   ထိုအချိန်က    ကရင်ပြည်နယ် အတွင်းမှာ   လက်နက်ကိုင် ပဋိပက္ခတွေ အရှိန်မြင့်တက်နေတဲ့ အချိန်ဖြစ်လို့ရေတပ်စစ်သင်္ဘောတွေ ချုံခိုတိုက်ခိုက်ခံရတာ မကြာခဏဖြစ်တတ်ကြောင်း၊    လုံခြုံရေးနဲ့ ပတ်သက်လို့ Serious အခြေအနေတော့ မဟုတ်ကြောင်း၊ သို့သော် ဂရုစိုက်ရမယ့် အခြေအနေတော့ ရှိပါကြောင်း၊ ကျွန်တော်အဓိက ပြောလိုသည်မှာ   ဒေသခံပြည်သူလူထုရဲ့ အသက်မွေးဝမ်းကျောင်း လုပ်သယောင်ဖြင့် ဒေသခံပြည်သူလူထုရဲ့ပစ္စည်းတွေဖြစ်သယောင်မျိုး ထောင်ချောက်ဆင်ခြင်းမှာ ဒေသခံပြည်သူလူထုရဲ့အကျိုးစီးပွားကို  ထိခိုက်စေကြောင်းဖြေကြားခဲ့ပါသည်။

ဒေါ်အေးအေးမွန် (RFA သတင်းဌာန)

မေး။ ။ AA  အကြမ်းဖက် သောင်းကျန်းသူများက ရခိုင်ပြည်နယ်ဟာ သူ့ဒေသလို့ ပြောထားပါကြောင်း၊   ရခိုင်ပြည်နယ်ထဲမှာ အခြေစိုက်ဖို့ ကြိုးစားနေကြောင်း၊ ဒါပေမဲ့ တပ်မတော်ဘက်ကလည်း ဘယ်လိုမှ လက်မခံနိုင်ကြောင်း၊ တိုက်ပွဲတွေလည်း မကြာခဏဖြစ်နေသည့်အတွှက်   AA နဲ့ တပ်မတော်ကြားမှာ Bilateral  သဘောတူစာချုပ် လက်မှတ်ထိုးဖို့ဆိုတာဖြစ်နိုင်ပါ့မလား သိလိုပါကြောင်း မေးမြန်းခဲ့ပါသည်။

ဗိုလ်မှူးချုပ်ဇော်မင်းထွန်းက ဖြေကြားရာတွင်  ဖြေခဲ့ပြီးသွားပြီဖြစ်ကြောင်း၊ AA အပေါ်မှာ မူတည်ပါကြောင်း၊ AA အပေါ်မှာ တပ်မတော်ရဲ့သဘောထားကတော့  အရင်သတင်းစာ ရှင်းလင်းပွဲတွေမှာ  ပြောကြားပြီးတဲ့အတိုင်း ပြောင်းလဲမှု မရှိပါကြောင်း ဖြေကြားခဲ့ပါသည်။

ဒေါ်အေးအေးမွန် (RFA သတင်းဌာန)

မေး။    ၂ဝ၁၉ ခုနှစ်အတွင်း KNPP အဖွဲ့နှင့် လက်မှတ်မထိုးသေးသည့် အဖွဲ့များ တွေ့ဆုံခဲ့မှုနှင့် ပတ်သက်ပြီး   မေးမြန်းခွင့် ရရှိခဲ့ပါကြောင်း၊ တပ်မတော်ကိုလည်း  မေးမြန်းလိုကြောင်း၊ အဆိုပါ ဆွေးနွေးပွဲအတွင်း  မည်မျှအတိုင်းအတာအထိ တိုးတက်မှုများရှိသည်ကို သိလိုပါကြောင်း မေးမြန်းခဲ့ပါသည်။

ဗိုလ်ချုပ်စိုးနိုင်ဦးက ဖြေကြားရာတွင်

တပ်မတော်ညှိနှိုင်းရေး အဖွဲ့နှင့်  ဇူလိုင်လအတွင်း EAOs တွေ့ဆုံမှု ၂ ကြိမ်ရှိခဲ့ပါကြောင်း၊အဆိုပါတွေ့ဆုံမှုတွင် တပ်မတော်ဘက်မှ ဒုတိယဗိုလ်ချုပ်ကြီးရာပြည့် ဦးဆောင်သည့်အဖွဲ့နှင့် တွေ့ဆုံခဲ့ခြင်းဖြစ်ကြောင်း၊    RCSS/SSA အဖွဲ့မှ စဝ်ဘောင်ခေး ဦးစီးအဖွဲ့နှင့်  နေပြည်တော်တွင်၂ဝ၁၉ ခုနှစ် ဇူလိုင်လ ၁၂ ရက်တွင် တွေ့ဆုံခဲ့ကြောင်း၊ အဆိုပါတွေ့ဆုံမှု အတွင်း အဓိကဆွေးနွေးခဲ့သည့် အချက် ၃ ချက်ရှိကြောင်း၊ နံပါတ် ၁ အချက်အနေဖြင့် RCSS/ SSA အဖွဲ့နှင့် ငြိမ်းချမ်းရေး ညီလာခံ-(၂၁)ရာစု ပင်လုံစတုတ္ထအကြိမ် ကျင်းပနိုင်ရေးဆွေးနွေးခဲ့ကြောင်း၊ နံပါတ် ၂ အချက်အနေဖြင့် ညီလာခံမတိုင်မီ ကြားကာလအစီအစဉ်၊ နံပါတ် ၃ အချက်အနေဖြင့် ဒေသဖွံ့ဖြိုးရေး အကောင်အထည်ဖော်ရေး ကိစ္စဖြစ်ကြောင်း၊   ၂ဝ၁၉ ခုနှစ်၊ ဇူလိုင်လ ၁၈ ရက်တွင် ဒုတိယဗိုလ်ချုပ်ကြီး ရာပြည့် ဦးစီးအဖွဲ့နှင့် KNPP အဖွဲ့မှ ငြိမ်းချမ်းရေး ဖော်ဆောင်ရေးကော်မတီ အဖွဲ့ခေါင်းဆောင် ခူဦးရယ်တို့တွေ့ဆုံခဲ့ကြောင်း၊ အဆိုပါတွေ့ဆုံမှုအတွင်း အချက် ၃ ချက် တွေ့ဆုံခဲ့ပါကြောင်း၊ နံပါတ် ၁ အချက်တွင် KNPP အဖွဲ့အနေဖြင့် NCA လက်မှတ်ရေးထိုးနိုင်ရေး၊ နံပါတ်၂ အချက်တွင် KNPP အဖွဲ့နှင့် တပ်မတော်တို့ ရရှိထားသော  သဘောတူညီချက်များ အလေးထား လိုက်နာဆောင်ရွက်ရေး၊ အဓိက တိုက်ပွဲမဖြစ်ပွားရေး၊ နံပါတ် ၃ အချက်တွင် ငြိမ်းချမ်းရေးလုပ်ငန်းစဉ် ဆိုင်ရာကိစ္စရပ်များ ဆွေးနွေးခဲ့ကြောင်း ဖြေကြားခဲ့ပါသည်။

ဦးစိုးမင်းထိုက် (Daily Eleven သတင်းဌာန)

မေး။  ။ ရေယာဉ်တွေ တိုက်ခံရတဲ့ကိစ္စ ရခိုင်ပြည်နယ်အတွက်  လုံခြုံရေး အခြေအနေ လက်ရှိမှာ တပ်မတော်အနေနဲ့ ဘယ်လောက်အထိ လုံခြုံမှုရှိနိုင်မယ်လို့ သုံးသပ်ထားလဲ သိလိုပါကြောင်း၊ စိုးရိမ်ရမယ့် အခြေအနေတွေ ဘယ်လိုတွေဖြစ်လာနိုင်မလဲ သိလိုပါကြောင်းမေးမြန်းခဲ့ပါသည်။

ဗိုလ်မှူးချုပ်ဇော်မင်းထွန်းက ဖြေကြားရာတွင်

လုံခြုံရေးဆိုတာ ၁ဝဝ ရာခိုင်နှုန်း ပြည့်စုံတဲ့ ဘယ်နိုင်ငံမှ မရှိပါကြောင်း၊ အမေရိကန်လို နိုင်ငံမျိုးတောင်   ၉/၁၁   ဖြစ်စဉ်ဖြစ်ခဲ့ကြောင်း၊ သို့သော်ပြောနိုင်တာ တစ်ခုမှာ AAနဲ့ ပတ်သက်ပြီး ၂ဝ၁၅ မှစတင်ပြီးဖြစ်ခဲ့ကြောင်း၊ နောက်ပိုင်း မှာ ပြန်ငြိမ်သွားကြောင်း၊ အခု ၂ဝ၁၈ နှင့် ၂ဝ၁၉ ခုနှစ်များမှာ ဖြစ်ခဲ့တာရှိကြောင်း၊   နယ်မြေအနေနဲ့ ခွဲခြားမယ်ဆိုရင်၂ဝ၁၉ ခုနှစ်၊ ဇန်နဝါရီ၊ ဖေဖော်ဝါရီ၊ မတ်လမှာတော့ ထိတွေ့တိုက်ပွဲဖြစ်ပွားမှု တော်တော်လေးများတဲ့ အခြေအနေမျိုးမှာရှိကြောင်း၊ သို့သော်အခုနောက်ပိုင်းမှာ ထိတွေ့တိုက် ပွဲဖြစ်ပွားမှု လျော့ကျလာတဲ့ အခြေအနေမှာရှိကြောင်း၊ လွန်ခဲ့တဲ့ ၁ ရက် ၂ ရက်အတွင်းမှာ တိုက်ပွဲမရှိသလောက် နီးပါးဖြစ်ပါကြောင်း၊ ခြုံငုံပြီးသုံးသပ်ရရင် အရင်ကထက် တပ်မတော်အနေနဲ့ လုံခြုံရေးပြန်လည်ပြီး ထိန်းသိမ်းနိုင်တဲ့ အနေအထားမျိုးရှိကြောင်း  ဖြေကြားခဲ့ပါသည်။

ဦးထက်နိုင်ဇော် (ဧရာဝတီသတင်းဌာန)

မေး။  ။ တပ်မတော်ကာကွယ်ရေး ဦးစီးချုပ်က ၂ဝ၂ဝ ပြည့်နှစ်မှာ ပြည်သူလူထု လက်ဝယ်ကို ငြိမ်းချမ်းရေးအရောက် အပ်နှံမယ်ဆိုပြီး (၂၁) ရာစုပင်လုံ အစည်းအဝေးတွေမှာလည်း ပြောထားပါကြောင်း၊ အခုက ၂ဝ၁၉ ခုနှစ် ရောက်လာပြီဆိုတော့ လက်တွေ့ ဘယ်လောက်ဖြစ်လာနိုင်မလဲဆိုတာ သိချင်ပါကြောင်း မေးမြန်းခဲ့ပါ သည်။

ဗိုလ်မှူးချုပ်ဇော်မင်းထွန်းက ဖြေကြားရာတွင်

၂ဝ၂ဝ ပြည့်နှစ်မှာ ငြိမ်းချမ်းရေးနဲ့ ပတ်သက်ပြီး သန္နိဋ္ဌာန်ချထားတဲ့ ကိစ္စကို ပြောချင် ပါကြောင်း၊ တပ်မတော်၏ သန္နိဋ္ဌာန်စိတ်ဖြစ် ပါကြောင်း၊ ၂ဝ၁၈ ခုနှစ်၊ ဒီဇင်ဘာ ၂၁ ရက် မှာ မြန်မာ့ငြိမ်းချမ်းရေး လုပ်ငန်းစဉ်သမိုင်းမှာ တစ်ခါမှမရှိခဲ့ဘူးသော ပစ်ခတ်တိုက်ခိုက်မှု ရပ်စဲရေးနှင့် ထာဝရငြိမ်းချမ်းရေး ထုတ်ပြန်ချက် ထုတ်ပြန်ကြေညာခဲ့ကြောင်း၊ လေးလတာ အပစ်အခတ် ရပ်စဲပေးခဲ့ပါကြောင်း၊ နောက်ထပ် နှစ်လ၊ နောက်ထပ်နှစ်လ ဆောင်ရွက်ပေးနေ တာရှိကြောင်း၊ ယခင်ကမြန်မာ့ငြိမ်းချမ်းရေး လုပ်ငန်းစဉ်သမိုင်းကို ပြန်ကြည့်ရင် ၁၉၆၂ ခုနှစ်မှာ တော်လှန်ရေး ကောင်စီတက်စဉ်က အထွေထွေ လွတ်ငြိမ်းချမ်းသာခွင့်ဆိုတာ အမြင့်ဆုံးဖြစ်ကြောင်း၊ အပစ်အခတ် ရပ်စဲပေးတယ်ဆိုတာ မရှိပါကြောင်း၊ အာမခံချက် တစ်ခုတော့ရှိကြောင်း၊ လာပြီးဆွေးနွေးပါ၊ လာဆွေးနွေးတဲ့ သူတွေကိုလည်း ရောက်တဲ့အခါမှာ ဖမ်းဆီး မခံရကြောင်း၊ ချုပ်နှောင်ထားခြင်း မရှိကြောင်း၊ လွတ်လွတ်လပ်လပ် လုပ်လို့ရကြောင်း၊ ဆွေးနွေးပွဲ မအောင်မြင်လည်းပြန်ဆိုပြီး အာမခံပဲ ပေးထားတာရှိကြောင်း၊ သတင်းထောက်များပုံတွေမြင်ဖူးမှာ ဖြစ်ကြောင်း၊ နာမည်ကြီးပုံတွေ ရှိပါကြောင်း၊ အရင်တုန်းက သတင်းထောက်တွေ ရိုက်ထားတဲ့ ''သူတို့ကျောခိုင်း ထွက်ခွာသွားလေပြီ''ဆိုတဲ့   ပုံမျိုးတွေရှိပါကြောင်း၊  အခုအချိန်မှာ  တပ်မတော်က တစ်ဖက်သတ် အပစ်အခတ် ရပ်စဲပေးထားတာ တပ်မတော်ရဲ့ သန္နိဋ္ဌာန်စိတ်ဖြစ်ပါကြောင်း၊

၎င်းနဲ့ပတ်သက်ပြီး ပြောရမယ်ဆိုရင် ဘယ်လုပ်ငန်းပဲ လုပ်သည်ဖြစ်စေ တပ်မတော်မှ သုံးစွဲနေသော မဟာဗျူဟာပဲဖြစ်ဖြစ်၊ နည်းဗျူဟာပဲဖြစ်ဖြစ်၊ အရပ်ဘက် အသုံးစကားနဲ့ ပြောရမယ်ဆိုရင် လုပ်ငန်းကြီးမှာပဲဖြစ်ဖြစ်၊ လုပ်ငန်းငယ်မှာပဲဖြစ်ဖြစ်  ရည်မှန်းချက်တော့ ရှိမှာဖြစ်ကြောင်း၊     ရည်မှန်းချက်ကို အကောင်အထည်ဖော်နိုင်ဖို့ လက်တွေ့ဘာ လုပ်နေသလဲဆိုတာကို ဒီအပစ်အခတ် ရပ်စဲပေးရေး သုံးကြိမ်နဲ့ သက်သေပြလျက်ရှိကြောင်း၊

တိုင်းရင်းသားလက်နက်ကိုင် အဖွဲ့အစည်းများနှင့် တိုင်းရင်းသားပြည်သူလူထုများ အနေဖြင့် လိုက်ပါဆောင်ရွက်ပေးဖို့ လိုပါကြောင်း၊  ငြိမ်းချမ်းရေး လုပ်ငန်းစဉ်တွေမှာ ပြည်သူလူထု ပါဝင်ဖို့အရေးကြီးပါကြောင်း၊ တိုင်းရင်းသား လက်နက်ကိုင် အဖွဲ့အစည်းတွေဆိုတာ တိုင်းရင်းသား ပြည်သူလူထုထဲမှာပဲ မှီခိုပြီးနေရကြောင်း၊ တိုင်းရင်းသား လက်နက်ကိုင်အဖွဲ့အစည်းများ ပါဝင်လာအောင်   ငြိမ်းချမ်းရေး လုပ်ငန်းစဉ်ကို အားသွန်ခွန်စိုက် တိုက်တွန်းပေးမယ်ဆိုရင် ပိုမိုပြီးအောင်မြင်လာနိုင်စရာ ရှိနိုင်ကြောင်း၊ သန္နိဋ္ဌာန်စိတ်အတိုင်း  ရည်ရွယ်ချက်ရှိရှိ   ဆောင်ရွက်နေခြင်း ဖြစ်ကြောင်း ဖြေကြားခဲ့ပါသည်။

ဦးထက်နိုင်ဇော် (ဧရာဝတီ သတင်းဌာန)

မေး။  ။ ငြိမ်းချမ်းရေးရအောင် ဆောင်ရွက်သည့်အခါ၌ EAOs အဖွဲ့အချို့သည် NCA ကို လက်မှတ်ရေးထိုးထားသည့် အဖွဲ့များရှိသကဲ့သို့  လက်မှတ်မရေးထိုးထားသည့် အဖွဲ့များလည်း ရှိပါကြောင်း၊ NCA ကို  ပြန်လည်သုံးသပ်စေလိုသည်ဟု ပြောကြားမှုများလည်းရှိကြောင်း၊   NCA လမ်းကြောင်းအပေါ် တပ်မတော်၏ သဘောထားကို သိရှိလိုကြောင်းနှင့် ပြုပြင်ပြောင်းလဲရေး လုပ်၍ရနိုင်ပါသလား၊ သို့မဟုတ် မူလအတိုင်း ဆက်သွားပါက အဆင်ပြေမလားဟု မေးမြန်းခဲ့ပါသည်။

ဗိုလ်ချုပ်စိုးနိုင်ဦးက ဖြေကြားရာတွင်

NCA ၏ရည်ရွယ်ချက်သည်  ထာဝရ ငြိမ်းချမ်းရေး အတွက်ဖြစ်ကြောင်း၊  NCA ၏အဓိပ္ပာယ်ကို   အကြမ်းဖျင်း ပြောရမည်ဆိုပါက    ပါဝင်သင့်ပါဝင်ထိုက်သူ အားလုံး ပါဝင်နိုင်သော   နိုင်ငံရေး ဆွေးနွေးပွဲများမှ တစ်ဆင့် တရား မျှတမှုနှင့်  ဂုဏ်သိက္ခာရှိမှုတို့ အပေါ် အခြေခံသည့်  ရေရှည်တည်တံ့ ခိုင်မြဲသောငြိမ်းချမ်းရေးကို ဦးတည်ပါကြောင်း၊ NCA ပါ နိုင်ငံရေး ဆွေးနွေးပွဲများ ကျင်းပနိုင်ရေးအတွက်  နိုင်ငံရေး ဆွေးနွေးမှုဆိုင်ရာ မူဘောင်ကို  ချမှတ်လုပ်ဆောင်ခဲ့ပါကြောင်း၊ နိုင်ငံရေး ဆွေးနွေးပွဲဆိုင်ရာ မူဘောင်တွင် ရည်ရွယ်ချက် ရှိပါကြောင်း၊ ရေရှည်တည်တံ့ ခိုင်မြဲသည့်  ငြိမ်းချမ်းရေး ရရှိရေးအတွက် နိုင်ငံရေးပြဿနာကို စစ်ရေးနည်းဖြင့် ဖြေရှင်းခြင်းမပြုဘဲ နိုင်ငံရေးနည်းဖြင့် ဖြေရှင်းနိုင်ရန် အလို့ငှာ ပါဝင်သင့်ပါဝင်ထိုက်သူ အားလုံးပါဝင်သည့် နိုင်ငံရေးဆွေးနွေးပွဲများ ကျင်းပနိုင်ရေး ဖြစ်ကြောင်း၊ ဒါကြောင့်  ရေရှည်တည်တံ့ခိုင်မြဲသည့်   ငြိမ်းချမ်းရေး ရရှိရန်အတွက် NCA လမ်းကြောင်း ကသာ အကောင်းဆုံး ဖြစ်ပါကြောင်း၊ စစ်ရေးနည်းဖြင့် မဖြေရှင်းဘဲ  နိုင်ငံရေးနည်းဖြင့် ဖြေရှင်းရန်အတွက်လည်း မူဘောင်ရေးဆွဲပြီး ဆောင်ရွက်နေပါကြောင်း၊

နိုင်ငံရေး ဆွေးနွေးနိုင်ရန် အတွက်လည်း တပ်မတော်အနေဖြင့်  တစ်ဖက်သတ် အပစ်ရပ်ပေးထားကြောင်း၊ တပ်မတော်အနေဖြင့်  တိုင်းစစ်ဌာနချုပ် နယ်မြေ ၅ ခုတွင် အပစ်ရပ် ထားပေးသည်မှာ     လရှိပြီဖြစ်ကြောင်း၊  အလွတ်သဘောတွေ့ဆုံ ဆွေးနွေးမှုများကိုလည်း အစိုးရရော တပ်မတော်ကပါ  လက်ခံဆွေးနွေးလျက် ရှိပါကြောင်း၊ တိုင်းရင်းသား လက်နက်ကိုင် အဖွဲ့အစည်းများ၏ ငြိမ်းချမ်းရေး လိုချင်သည့်ဆန္ဒအပေါ်တွင်  မူတည်နေသည်ဟု ပြောကြားလိုပါကြောင်း၊ အပစ်ရပ်ထားသည့် ကာလအတွင်း  တပ်မတော်နှင့် EAOs အဖွဲ့အချို့  အလွတ်သဘော တွေ့ဆုံမှုများရှိကြောင်း၊ အစိုးရအနေဖြင့်လည်း NRPC နှင့် အလွတ်သဘော တွေ့ဆုံမှုများ ရှိကြောင်း၊၎င်းလမ်းကြောင်းမှ တစ်ဆင့် NCA လက်မှတ်ရေးထိုးပြီး ရေရှည်တည်တံ့ ခိုင်မြဲသည့်ငြိမ်းချမ်းရေး ရရှိအောင် အစိုးရနှင့် တပ်မတော်က လုပ်ဆောင်နေကြောင်း၊ EAOs အဖွဲ့များအနေဖြင့် ၎င်းလမ်းကြောင်းပေါ်တွင် ယုံယုံကြည်ကြည်ဖြင့်  ပူးပေါင်း ဆောင်ရွက်စေလိုကြောင်း ပြောကြားခဲ့ပါသည်။

ဆက်လက်ဖော်ပြပါမည်။

Read 86 times Last modified on Thursday, 08 August 2019 08:54