SJ WorldNews - шаблон joomla Авто

တည်ငြိမ် အေးချမ်း တိုးတက် ဖွံ့ဖြိုးတဲ့ ရခိုင်ပြည်နယ် ဖြစ်ပေါ်လာရေး စီမံကိန်း အကောင်အထည် ဖော်တဲ့အခါမှာ ပြည်ထောင်စုကြီး တစ်ရပ်လုံးက ဆန္ဒ၊ ဝီရိယ၊ စိတ္တ၊ ပညာအားတွေ စုပုံပြီး သမိုင်းမှတ်ကျောက် တင်ရလောက်အောင် မှန်ကန်တဲ့ အစွမ်းတွေ ပြကြမယ်လို့ မျှော်လင့်ယုံကြည်

Friday, 13 October 2017 08:53 font size decrease font size decrease font size increase font size increase font size

နိုင်ငံတော်၏ အတိုင်ပင်ခံ ပုဂ္ဂိုလ် ပြည်သူသို့ တင်ပြချက်

နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၏ ပြည်သူသို့ တင်ပြချက်ကို အောက်တိုဘာ ၁၂ ရက် ည ပိုင်း မြန်မာ့ရုပ်မြင် သံကြားတွင် ထုတ်လွှင့်ခဲ့ပါသည်။ အဆိုပါ တင်ပြချက် အပြည့်အစုံမှာ အောက်ပါအတိုင်း ဖြစ်ပါ သည်-

ပြည်သူပြည်သားအားလုံး ကျန်းမာ၊ ချမ်းသာကြပါစေ။ နှလုံးစိတ်ဝမ်း အေးချမ်းကြပါစေ။ ဦးစွာ ပထမ ကျွန်မတို့နိုင်ငံ လက်ရှိရင်ဆိုင်နေရတဲ့ စိန်ခေါ်မှုတွေနဲ့ ပတ်သက်လို့ နားလည်မှု အပြည့်အဝနဲ့ စည်းစည်းလုံးလုံး ကျွန်မတို့ အစိုးရကို ဝန်းရံပေးတဲ့အတွက် အင်မတန်မှ ကျေးဇူးတင်ကြောင်း ပြောပါရစေ။ ပြည်သူရဲ့ထောက်ခံမှု၊ ပြည်သူရဲ့ယုံကြည်မှု၊ ပြည်သူရဲ့ ညီညွတ်မှုနဲ့ နှိုင်းယှဉ်နိုင်တဲ့ ဘာအင်အားမှ မရှိပါဘူး။ ဘယ်လို အခက်အခဲတွေနဲ့ပဲ ကြုံတွေ့ရပါစေ ပြည်သူရဲ့ ညီညွတ်မှု အင်အားနဲ့ ကျော်လွှားနိုင်မယ်လို့ ယုံကြည်ပါတယ်။

ကျွန်မတို့ ပြည်သူတွေ သိတဲ့အတိုင်းပါပဲ။ ယခင်နှစ် အောက်တိုဘာလမှာ ရခိုင်ပြည်နယ် ရဲစခန်းများ အတိုက်အခိုက် ခံရမှုမှစတင်ခဲ့ပြီး ယခုနှစ် သြဂုတ်လတွင် ထပ်မံဖြစ်ပေါ်ခဲ့တဲ့ အကြမ်းဖက် လုပ်ရပ်များကြောင့် ဆက်လက် ကြီးထွား လာရတဲ့ ပြဿနာများအပေါ် ကမ္ဘာ့အာရုံစိုက်မှုဟာ အင်မတန်မှ ကြီးမားပါတယ်။ ကျွန်မတို့ နိုင်ငံအပေါ် ဝေဖန်မှုတွေလည်း များပြားပါတယ်။ နိုင်ငံတကာရဲ့အမြင်သဘောထားတွေကို ကျွန်မတို့ သိရှိနားလည်ဖို့ လိုပါတယ်။ သို့သော်လည်း ကျွန်မတို့နိုင်ငံရဲ့ အခြေအနေကို ကျွန်မတို့ ပြည်သူပြည်သားများလောက် ဘယ်သူကမှ မသိနိုင်သလို ကျွန်မတို့နိုင်ငံ အေးချမ်း သာယာ ဖွံ့ဖြိုးရေးကို ကျွန်မတို့ ပြည်သူပြည်သားများလောက် ဘယ်သူကမှ မလိုလားနိုင်ပါဘူး။ ဒါ့ ကြောင့် ဒီပြဿနာတွေကို ကျွန်မတို့တွေရဲ့ စုပေါင်းအင်အားတွေကို အဓိကထားပြီး ဖြေရှင်းရမှာ ဖြစ်ပါတယ်။

ဒီအချိန်မှာ မြန်မာနိုင်ငံ အနေနဲ့ လုပ်စရာ ရှိတာတွေ၊ ကိုယ်လုပ်သင့်တာတွေကို မှန်မှန်ကန်ကန် ရဲရဲတင်းတင်း ထိထိ ရောက်ရောက် လုပ်ကိုင်နေဖို့ အရေးကြီးပါတယ်။ ကျွန်မတို့ လုပ်မယ်လို့ပြောထားတဲ့ လုပ်ငန်းတွေ၊ ကျွန်မတို့ လုပ်သင့်တယ်လို့ ခံယူထားတဲ့ လုပ်ငန်းတွေကို တိုးတက်အောင်မြင်ဖို့ ကျွန်မတို့ ဆောင်ရွက်သွားရမှာ ဖြစ်ပါတယ်။ ဝေဖန်ချက်တွေ၊ စွပ်စွဲချက်တွေကို စကားနဲ့ တုံ့ပြန်ချေပနေတာထက် လက်တွေ့ လုပ်ဆောင်ချက်တွေ၊ တိုးတက်မှု ရလဒ်တွေနဲ့ ကမ္ဘာကိုပြသသွားဖို့ ကျွန်မတို့ လုပ်ဆောင်သွားရမှာ ဖြစ်ပါတယ်။ ရခိုင်ပြည်နယ်မှာ လက်ရှိဖြစ်ပေါ် ကြုံတွေ့နေရတဲ့ အခြေ အနေတွေနဲ့ ပတ်သက်လို့ လုပ်ဆောင်ရမယ့် လုပ်ငန်းတွေကတော့ အများကြီး ဖြစ်ပါတယ်။ ဦးစားပေး လုပ်ငန်း စဉ်တွေ ပြန်ပြီးစိစစ် လိုက်မယ်ဆိုရင် အဓိကလုပ်ငန်းစဉ်ကြီး သုံးခုရှိနေပါတယ်-

- ပထမကတော့ လူသားချင်းစာနာ ထောက်ထားမှု ဆိုင်ရာ အကူအညီများ ထိထိရောက်ရောက် ပေးအပ်ရေးနဲ့ ဒုက္ခသည်များ ပြန်လည်လက်ခံရေး ဖြစ်ပါတယ်။

- ဒုတိယကတော့ ပြန်လည်နေရာ ချထားရေးနဲ့ ပြန်လည်ထူထောင်ရေး ဖြစ်ပါတယ်။

- တတိယကတော့ ဒေသဖွံ့ဖြိုးရေးနဲ့ ရေရှည်ပဋိပက္ခ ကင်းဝေးရေးတို့ပဲ ဖြစ်ပါတယ်။

လူသားချင်းစာနာ ထောက်ထားမှုဆိုင်ရာ အကူအညီတွေ ထိထိရောက်ရောက် ပေးအပ်နိုင်ဖို့ လက်ရှိအနေအထားကို ထပ်မံမြှင့်တင်ပြီး ဆောင်ရွက်ဖို့လိုပါတယ်။ ဘင်္ဂလားဒေ့ရှ် နိုင်ငံကို ရောက်ရှိသွားတဲ့သူတွေ ပြန်လည်လက်ခံဖို့ ဘင်္ဂလားဒေ့ရှ် အစိုးရနဲ့ ကျွန်မတို့ ညှိနှိုင်းနေပါတယ်။ မြန်မာနိုင်ငံ လွတ် လပ်ရေး ရရှိပြီးနောက်ပိုင်း ကျွန်မတို့နှစ်နိုင်ငံ အကြားညှိနှိုင်းပြီး လက်ခံရေး ဆောင်ရွက်ခဲ့တာ နှစ်ကြိမ်တိုင်တိုင် အောင်အောင်မြင်မြင် ဆောင်ရွက်နိုင်ခဲ့ပါတယ်။ ဒီအစဉ်အလာ ကောင်းတွေကို အခြေခံပြီး တတိယ အကြိမ်မြောက် ပူးပေါင်းဆောင်ရွက်မှု အောင်မြင်အောင်လို့ ကျွန်မတို့ ကြိုးပမ်းနေပါ တယ်။ ပြန်လည်နေရာချထားရေးနဲ့ ပြန်လည်ထူထောင်ရေး လုပ်ငန်းစဉ်တွေ ဆောင်ရွက်ရာမှာ ဘင်္ဂလားဒေ့ရ်ှနိုင်ငံက ပြန်လာမယ့်သူတွေအတွက် သာမက ဒိုင်းနက်၊ မြို အစရှိတဲ့ ရှားပါးဌာနေ တိုင်းရင်းသားတွေ၊ ဟိန္ဒူဘာသာဝင်တွေ၊ ရခိုင်တိုင်းရင်းသားတွေအတွက် မူလအနေအထားကို ပြန်လည်ေ ရာက်ရှိအောင်၊ မူလအနေ အထားထက် သာလွန်ကောင်းမွန်အောင် ရေရှည်တည်တံ့ ခိုင်မြဲမယ့် စီမံကိန်းကို ကျွန်မတို့ အကောင်အထည်ဖော်သွားမှာ ဖြစ်ပါတယ်။ နောင်အစဉ်အဆက် ပဋိပက္ခတွေ ကင်းဝေးစေဖို့အတွက် ဒေသဖွံ့ဖြိုးရေးနဲ့ ရေရှည်ပဋိပက္ခ ကင်းဝေးရေးကိုလည်း ရေရှည်စီမံကိန်းတွေနဲ့ ဆက်လက် ကြိုးပမ်းဆောင်ရွက် သွားရမှာဖြစ်ပါတယ်။ ဒီလုပ်ငန်းစဉ် တစ်ခုချင်းစီမှာ လုပ်ဆောင်ရမယ့် လုပ်ငန်းတွေ အများအပြား ရှိနေပါတယ်။ ပြည်တွင်းမှာရှိတဲ့ စီးပွားရေးလုပ်ငန်းရှင်တွေ၊ NGO တွေ၊ CSO တွေနဲ့ ပြည်သူတွေက တတ်နိုင်သမျှ ပါဝင်ဆောင်ရွက်ပေးဖို့ တင်ပြထားတာတွေလည်း ရှိနေ ပါတယ်။ နိုင်ငံတကာ အသိုင်းအဝိုင်း အနေနဲ့လည်း ပူးပေါင်းပါဝင် ဆောင်ရွက်ဖို့ ဆန္ဒပြု ထားကြပါတယ်။ ပြည်ထောင်စု နိုင်ငံတော် အရေးဖြစ်လို့ ပြည်ထောင်စု အစိုးရ၊ ပြည်နယ်/တိုင်းအစိုးရ အဖွဲ့တွေ အနေနဲ့ ဦးဆောင် တာဝန်ယူရမှာ ဖြစ်သလို စိတ်ရင်းစေတနာ အမှန်နဲ့ ပူးပေါင်းပါဝင်ဖို့ ပြည်တွင်း၊ ပြည်ပက ကမ်းလှမ်းချက်တွေကိုလည်း အလေးအနက် ထား စဉ်းစားသုံးသပ် ရပါလိမ့်မယ်။

ရခိုင်ပြည်နယ် ဖွံ့ဖြိုးရေးအတွက် ကဏ္ဍစုံ လုပ်ငန်းစဉ်တွေမှာ နိုင်ငံတော်အစိုးရ၊ ပြည်သူ ပြည်သားများ၊ ပုဂ္ဂလိကကဏ္ဍ၊ ပြည်တွင်း NGO နဲ့ CSO များ၊ မိတ်ဖက်နိုင်ငံများ၊ ကုလသမဂ္ဂ အေဂျင်စီများ၊ INGO များ ပူးပေါင်းပါဝင် ဆောင်ရွက်နိုင်ဖို့အတွက် ယန္တရားတစ်ရပ် ဖော်ဆောင်ရေး လိုအပ်ပါတယ်။ ဒီ ယန္တရားကို ရခိုင်ပြည်နယ်တွင်း လူသားချင်း စာနာမှု အကူအညီ အထောက်အပံ့ပေးရေး၊ ပြန်လည်နေရာ ချထားရေး၊ ဖွံ့ဖြိုးရေး စီမံကိန်း (Union Enterprise for Humanitarian Assistance, Resettlement and Development in Rakhine) လို့ အမည်ပေးထားပြီး နိုင်ငံတော် အစိုးရနဲ့အတူ ပြည်တွင်း၊ ပြည်ပနိုင်ငံ အဖွဲ့အစည်း စုံပါဝင်နိုင်မှု၊ ကဏ္ဍစုံ၊ အလွှာစုံ ပါဝင်နိုင်မှု၊ လုပ်ငန်းမျိုးစုံ ဆောင် ရွက်နိုင်မှုတို့အတွက် ရည်ရွယ်ပြီး ဖွဲ့စည်းဆောင်ရွက် သွားမှာဖြစ်ပါတယ်။

Union Enterprise for Humanitarian Assistance, Resettlement and Development in Rakhine မှာ နိုင်ငံတော် အစိုးရ အနေနဲ့ ကျွန်မ (နိုင်ငံတော်၏ အတိုင်ပင်ခံ ပုဂ္ဂိုလ်) က ဥက္ကဋ္ဌအဖြစ် တာဝန်ယူမှာဖြစ်ပြီး လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန ပြည်ေ ထာင်စုဝန်ကြီး ဒေါက်တာ ဝင်းမြတ်အေးက ဒုတိယ ဥက္ကဋ္ဌအဖြစ် တာဝန်ယူ ဆောင်ရွက်သွားမှာ ဖြစ်ပါတယ်။ ဒေါက်တာ ဝင်းမြတ်အေးဟာ Dr.Kofi Annan ကော်မရှင်၏ အကြံပြုချက်များ အကောင်အထည်ဖော်ရေး ကော်မတီရဲ့ ဥက္ကဋ္ဌလည်းဖြစ်တဲ့ အလျောက် ရခိုင်ပြည်နယ်အတွက် ရေတို၊ ရေရှည် လိုအပ်ချက် လုပ်ငန်းပေါင်းစုံကို ဆက်နွှယ်၍ ထိရောက်စွာ ကျွန်မတို့တွေအတူ ဆောင်ရွက်သွားနိုင်မှာဖြစ်ပါတယ်။

တည်ငြိမ်အေးချမ်း တိုးတက်ဖွံ့ဖြိုးတဲ့ ရခိုင်ပြည်နယ် ဖြစ်ပေါ်လာရေးအတွက် လက်တွေ့တိုးတက်မှု ရလဒ်တွေနဲ့ပြသဖို့ ကြိုးပမ်းဆောင်ရွက်မယ့် ဒီစီမံကိန်းမှာ ပြည်သူပြည်သားတွေ၊ ပြည်တွင်း NGO တွေ၊ CSO တွေ၊ စီးပွားရေး လုပ်ငန်း ရှင်ကြီးတွေ ပူးပေါင်းပါဝင်ကြဖို့ အလေးအနက် မေတ္တာရပ်ခံပါ တယ်။ လာမယ့် အပတ်မှစပြီး စီမံကိန်းအကောင် အထည်ဖော်တဲ့အခါမှာ ကျွန်မတို့ ပြည်ထောင်စုကြီး တစ်ရပ်လုံးက ဆန္ဒ၊ ဝီရိယ၊ စိတ္တ၊ ပညာအားတွေ စုပုံပြီး ထက်ထက် သန်သန်၊ သတ္တိရှိရှိနဲ့ သမိုင်းမှတ်ကျောက် တင်ရလောက်အောင် သန့်ရှင်းမှန်ကန်တဲ့ အစွမ်းတွေ ပြကြမယ်လို့ မျှော်လင့်ယုံကြည် ပါတယ်။

ရခိုင်ပြည်နယ် ဖွံ့ဖြိုးရေးအတွက် ပံ့ပိုးကူညီပေးဖို့ ကမ်းလှမ်းထားတဲ့ နိုင်ငံတွေ၊ ကုလသမဂ္ဂ အေဂျင်စီတွေ၊ World Bank နဲ့ ADB လိုဘဏ္ဍာရေး အဖွဲ့အစည်းတွေ၊ Nippon Foundation လို INGO အဖွဲ့အစည်းတွေ၊ မိတ်ဆွေနိုင်ငံ တွေပါဝင်ကြဖို့လည်း ဖိတ်ခေါ်ထားပါတယ်။ ကျွန်မတို့ အဓိက အား ကိုးနေတာကတော့ ကျွန်မတို့ ပြည်ထောင်စုရဲ့ သားသမီးတွေပါပဲ။ ပြည်တွင်းကသာမက ကမ္ဘာ့ဘယ်အရပ်ကိုပဲ ရောက်ရှိနေပါစေ၊ မိခင်နိုင်ငံ အပေါ်မှာ မေတ္တာ၊ သစ္စာ စောင့်စည်းကာ စိတ်ကောင်း စေတနာစစ်နဲ့ ဝန်းရံကူညီကြလိမ့်မယ်။ ပြည်ထောင်စု မြန်မာနိုင်ငံတော်ဟာ ရုပ်ပိုင်းဆိုင်ရာအရ အင် အားမကြီးပေမယ့် စိတ်အင်အားတွေ စုစည်းပြီး အောင်မြင်မှု ရယူနိုင်လိမ့်မယ် ဆိုတာကို သံသယမရှိပါဘူး။

ကျွန်မတို့ ပြည်သူပြည်သားများဟာ သဒ္ဓါတရား ထက်သန်စွာနဲ့ လှူဒါန်းပေးကမ်းရာမှာတော့ ကမ္ဘာ့နံပါတ်(၁)လို့ တောင် သတ်မှတ်ခြင်း ခံရပါတယ်။ ဒီသဒ္ဓါစိတ်တွေကို စည်းစနစ်နဲ့ သေချာစွာ ပြည်ထောင်စု အကျိုးအတွက် ကျွန်မတို့တွေ သုံးစွဲသွားကြရမှာပါ။ ကျွန်မတို့ ပြည်ထောင်စုကြီး အေးချမ်းသာ ယာ တိုးတက်ဖွံ့ဖြိုးစေဖို့ အကြီးမားဆုံး အင်အားဖြစ်တဲ့ ပြည်သူတွေဟာ ဘယ်လိုပဲ ဒေါသတွေ၊ အမုန်းတရားတွေ၊ အနိုင်ကျင့်မှုတွေနဲ့ ရင်ဆိုင်နေရပါစေ မေတ္တာ၊ ကရုဏာ၊ မုဒိတာကို စွဲစွဲမြဲမြဲကိုင်ပြီး စိန်ခေါ်မှုများကို ကျော်လွှားနိုင်မှာပါ။ ကျွန်မတို့တွေဟာ နိုင်ငံရဲ့ ပထဝီဒေသ တစ်နေရာအတွက်သာ လုပ်နေတာမဟုတ် ပြည်ထောင်စု တစ်ခုလုံးအတွက် လုပ်နေတာဆိုတဲ့ စိတ်ဓာတ်နဲ့ ''ရခိုင်ပြည်နယ်တွင်း လူသားချင်း စာနာမှု အကူအညီ ထောက်ပံ့ရေး၊ ပြန်လည် နေရာချထားရေး၊ ဖွံ့ဖြိုးရေးစီမံကိန်း'' အောင်မြင်ဖို့အတွက် ခိုင်မြဲစွာ လက်တွဲပြီး လုပ်သွားကြပါစို့။

ဘယ်လိုနည်းနဲ့ ကူညီနိုင်မယ်၊ ဘယ်လို ဆက်သွယ်ပြီး လုပ်ဆောင်နိုင်မယ် ဆိုတာကို Website နဲ့တကွ နိုင်ငံတော် သတင်းမီဒီယာတွေမှာ အောက်တိုဘာ ၁၅ ရက် တနင်္ဂနွေနေ့မှာ စတင်ပြီး ကြေညာပါမယ်။ ကမ္ဘာတစ်ဝန်း ရောက်ရှိ နေကြတဲ့ ပြည်ထောင်စု မြန်မာနိုင်ငံတော်ရဲ့ သား၊ သမီးများနဲ့ ကျွန်မ တို့ နိုင်ငံတော်အပေါ် စေတနာထားသော မိတ် ဆွေများအနေနဲ့ အနီးဆုံးမြန်မာသံရုံး၊ ကောင်စစ်ဝန်ချုပ်ရုံးများမှ တစ်ဆင့် ပါဝင်ကူညီနိုင်ရန်လည်း စီစဉ်ပါမယ်။ နိုင်ငံရဲ့အင်အား၊ ကျွန်မတို့ရဲ့ ယုံကြည်အားထားရာဖြစ်တဲ့ ပြည်သူ၊ ပြည်သားအားလုံး ကျန်းမာ၊ ချမ်းသာကြပါစေ။ နှလုံးစိတ်ဝမ်း အေးချမ်းကြ ပါစေလို့ ထပ်မံဆုတောင်း လိုက်ပါတယ်။ ကောင်းကျိုးလိုရာ ဆန္ဒများနဲ့လည်း ပြည့်ကြပါစေ။

Read 13 times Last modified on Friday, 13 October 2017 09:04