SJ WorldNews - шаблон joomla Авто

ရေနံနှင့် ရေနံထွက် ပစ္စည်းဆိုင်ရာ ဥပဒေ ပြဋ္ဌာန်း

Thursday, 03 August 2017 15:51 font size decrease font size decrease font size increase font size increase font size

လုပ်ငန်းတာဝန်များကို ပြင်ဆင်ခြင်း၊ တိုးချဲ့သတ်မှတ်ခြင်းနှင့် ပယ်ဖျက်ခြင်းများ ပြုလုပ်နိုင်သည်။

အခန်း(၄)

လိုင်စင် လျှောက်ထားခြင်း ခွင့်ပြုမိန့် ထုတ်ပေးခြင်း

လိုက်နာရန် စည်းကမ်း သတ်မှတ်ခြင်းနှင့် ကြီးကြပ်ခြင်း

၇။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသည် ရေနံနှင့် ရေနံထွက်ပစ္စည်း တစ်မျိုးမျိုးနှင့် စပ်လျဉ်း၍ အောက်ပါ လုပ်ငန်းများကို ဆောင်ရွက်ရမည်-

(က) ပြည်တွင်းသို့ တင်သွင်းခြင်း သို့မဟုတ် ပြည်ပသို့ တင်ပို့ခြင်းနှင့် သက်ဆိုင်သည့် လိုင်စင်များ ထုတ်ပေးခြင်း၊

(ခ) ပြည်တွင်းသို့ တင်သွင်းခြင်း သို့မဟုတ် ပြည်ပသို့ တင်ပို့ခြင်းပြုရာတွင် သတ်မှတ်ပေးသည့် နေရာများမှ တစ်ပါး အခြားနေရာများမှ တင်သွင်းခြင်း သို့မဟုတ် တင်ပို့ခြင်းကို တားမြစ်ခြင်း၊

(ဂ) ပြည်တွင်းသို့ တင်သွင်းခြင်း သို့မဟုတ် ပြည်ပသို့ တင်ပို့ခြင်းနှင့် သက်ဆိုင်သော လုပ်ထုံးလုပ်နည်းနှင့် စည်းကမ်း ချက်များကို သတ်မှတ်ခြင်း၊    

(ဃ) ပြည်တွင်းသို့ တင်သွင်းရန် သို့မဟုတ် ပြည်ပသို့တင်ပို့ရန် လိုင်စင်များအတွက် လျှောက်ထားရန်ကာလ၊ ပုံစံနှင့် စည်းကမ်းချက်များ၊ လိုင်စင်လျှောက်ထားပုံ နည်းလမ်းများ၊ စည်းကြပ်ရမည့် အခများနှင့် အခြားကိစ္စ တစ်ရပ်ရပ် အတွက် လိုအပ်သည်ဟု ယူဆသည့် စည်းကမ်းချက် များကို သတ်မှတ်ခြင်း။

၈။ ဝန်ကြီးဌာနသည် ရေနံနှင့်ရေနံထွက်ပစ္စည်း တစ်မျိုးမျိုးနှင့် စပ်လျဉ်း၍ အောက်ပါ လုပ်ငန်းများကို ဆောင်ရွက် ရမည်-

(က) ချက်လုပ်ခြင်း၊ ဖြတ်သန်းသယ်ယူခြင်း၊ ပိုက်လိုင်းဖြင့် သယ်ယူပို့ဆောင်ခြင်း၊ ဖြန့်ဖြူးရောင်းချခြင်း၊ စစ်ဆေးခြင်း၊ စမ်းသပ်ခြင်းတို့နှင့် သက်ဆိုင်သည့် လိုင်စင်များ ထုတ်ပေးခြင်း၊ လုပ်ငန်းတစ်မျိုးထက် ပိုမိုဆောင်ရွက်ခြင်းအတွက် နှစ်မျိုးတွဲလိုင်စင်ကို ဖြစ်စေ၊ ပေါင်းစပ်လိုင်စင်ကို ဖြစ်စေထုတ်ပေးခြင်း၊

(ခ) ပုဒ်မခွဲ (က) ပါ လိုင်စင်များအတွက် လျှောက်ထားရန်ကာလ၊ ပုံစံနှင့်စည်းကမ်းချက်များ၊ လိုင်စင်လျှောက်ထားပုံ နည်းလမ်းများ၊ ခွင့်ပြုမည့် အာဏာပိုင်နှင့် စည်းကြပ်ရမည့် အခကြေးငွေများကို သတ်မှတ်ခြင်း၊

(ဂ) ချက်လုပ်ခြင်း၊ ဖြတ်သန်းသယ်ယူခြင်း၊ ပိုက်လိုင်းဖြင့် သယ်ယူပို့ဆောင်ခြင်း၊ ဖြန့်ဖြူးရောင်းချခြင်း၊ စစ်ဆေးခြင်း၊ စမ်းသပ်ခြင်းတို့နှင့် သက်ဆိုင်သည့် လုပ်ထုံးလုပ်နည်းများနှင့် စည်းကမ်းချက်များကို သတ်မှတ်ခြင်း၊

(ဃ) ရေနံနှင့်ရေနံထွက် ပစ္စည်းဆိုင်ရာ လုပ်ငန်းများ ဆောင်ရွက်ရာတွင် ဘေးအန္တရာယ် ကင်းရှင်းစေရေးအတွက် တင်ပို့သူ၊ လက်ခံသူ၊ သယ်ယူပို့ဆောင်သူ၊ သိုလှောင်သူများ လိုက်နာဆောင်ရွက်ရမည့် လုပ်ထုံးလုပ်နည်းများနှင့် စည်းကမ်းချက်များကို သတ်မှတ်ခြင်း၊

(င) သယ်ယူပို့ဆောင်မည့် ထုပ်ပိုးထည့်သွင်းသည့် ပစ္စည်းများ၏ စံချိန်စံညွှန်း၊ အရည်အသွေးနှင့် ပိုက်လိုင်းများအ တွက် လုပ်ထုံးလုပ်နည်းများနှင့် စည်းကမ်းချက်များကို သတ်မှတ်ခြင်း၊

(စ) ရေနံနှင့်ရေနံထွက်ပစ္စည်း တစ်မျိုးမျိုးတွင် တည်ဆဲ ဥပဒေများအရ တားမြစ်ကန့်သတ်ချက်တွင် မပါဝင်သည့် အဆိပ်အတောက်ရှိသော ဓာတုပစ္စည်းနှင့် စက်ပစ္စည်းများကို ထိခိုက်ပျက်စီးစေနိုင်သည့် သတ္တုဓာတ်ပစ္စည်းများ၏ ပါဝင် ရမည့် အချိုးအစားနှင့် ပမာဏကို သတ်မှတ်ခြင်း၊ တားမြစ်ခြင်း၊

(ဆ) စံချိန်စံညွှန်း၊ အရည်အသွေး၊ အခြင်အတွယ် မှန်ကန်မှုရှိစေရန်အတွက် လုပ်ထုံးလုပ်နည်းများနှင့် စည်းကမ်းချက်များကို  သတ်မှတ်ခြင်း၊

(ဇ) စမ်းသပ်စစ်ဆေးမှုများအရ သတ်မှတ်အရည်အသွေးနှင့် မကိုက်ညီသော ရေနံနှင့်ရေနံထွက် ပစ္စည်းတစ်မျိုးမျိုးကို သိမ်းဆည်းခြင်း သို့မဟုတ် အခြားနည်းဖြင့် စီမံခန့်ခွဲခြင်း၊

(ဈ) ချက်လုပ်မည့်နေရာ၊ သိုလှောင်မည့်နေရာနှင့် သိုလှောင်ရာတွင် လိုက်နာရမည့် လုပ်ထုံးလုပ်နည်းများနှင့် စည်း ကမ်းချက်များကို သတ်မှတ်ခြင်း၊

(ည) လက်ဝယ်ထားခြင်း၊ ဖြန့်ဖြူးရောင်းချခြင်းနှင့် စပ်လျဉ်း၍ စည်းကမ်းချက်များကို သတ်မှတ်ခြင်း၊

(ဋ) ရေနံနှင့်ရေနံထွက်ပစ္စည်းဆိုင်ရာ လုပ်ငန်းကို သင့်လျော်သော ထိန်းကွပ်ကြီးကြပ်မှု ပြုလုပ်ရန် လိုအပ်သည့် လုပ် ထုံးလုပ်နည်းများနှင့် စည်းကမ်းချက်များ သတ်မှတ်ခြင်း၊

(ဌ) နိုင်ငံတော်၏ စွမ်းအင်ကဏ္ဍ ဖွံ့ဖြိုးတိုးတက်စေရေး၊ စွမ်းအင်လိုအပ်ချက်နှင့် စွမ်းအင်လုံခြုံရေး အာမခံချက် ရှိစေရေးတို့အတွက် သင့်လျော်သည့် အစီအမံများ ချမှတ်ခြင်း၊

(ဍ) သယ်ယူပို့ဆောင်ခြင်း၊ ဖြတ်သန်းသယ်ယူခြင်း၊ စမ်းသပ်ခြင်း၊ ဖြန့်ဖြူးရောင်းချခြင်း၊ ချက်လုပ်ခြင်းတို့ကို လုပ်ထုံး လုပ်နည်းများနှင့်အညီ စစ်ဆေးခြင်း။

၉။ ပို့ဆောင်ရေးနှင့် ဆက်သွယ်ရေး ဝန်ကြီးဌာနသည် ရေနံနှင့်ရေနံထွက်ပစ္စည်း တစ်မျိုးမျိုးနှင့် စပ်လျဉ်း၍ အောက်ပါ လုပ်ငန်းများကို ဆောင်ရွက်ရမည်-

(က) ရေနံနှင့်ရေနံထွက်ပစ္စည်း တစ်မျိုးမျိုးကို သယ်ဆောင်သည့် မော်တော်ယာဉ်၊ ရေယာဉ်နှင့် တွဲများကို လိုင်စင် ထုတ်ပေးခြင်း၊

(ခ) ပုဒ်မခွဲ (က) ပါ လိုင်စင်များအတွက် လျှောက်ထားရန်ကာလ၊ ပုံစံနှင့် စည်းကမ်းချက်များ လိုင်စင် လျှောက်ထား ပုံနည်းလမ်းများ၊ ခွင့်ပြုမည့်အာဏာပိုင်နှင့် စည်းကြပ်ရမည့် အခကြေးငွေများကို သတ်မှတ်ခြင်း၊

(ဂ) ရေကြောင်းမှ တင်သွင်းခြင်း၊ တင်ပို့ခြင်း၊ သယ်ယူခြင်းဆောင်ရွက်သည့် ရေယာဉ်နှင့် တွဲများအတွက် ဆိပ်ကမ်း များသတ်မှတ်ခြင်း၊ လုပ်ထုံးလုပ်နည်းများနှင့် အညီ ကြီးကြပ်ခြင်း၊

(ဃ) ရေနံနှင့် ရေနံထွက်ပစ္စည်းများကို ရေကြောင်းမှ တင်သွင်းခြင်း၊ တင်ပို့ခြင်း၊ သယ်ယူခြင်း၊ ဖြန့်ဖြူးရောင်းချခြင်း များ ဆောင်ရွက်ရာတွင် ယိုဖိတ်မှုနှင့် မတော်တဆမှုဖြစ်ပွားပါက တည်ဆဲဥပဒေများနှင့်အညီ လိုအပ်သလို အရေး ယူဆောင်ရွက်ခြင်း၊

(င) ပိုက်လိုင်းဖြင့် သယ်ယူပို့ဆောင်ခြင်းမှအပ ဖြစ်သည့် သယ်ယူပို့ဆောင်ခြင်း လုပ်ငန်းဆောင်ရွက်ရာတွင် လိုက်နာရ မည့် လုပ်ထုံးလုပ်နည်းများနှင့် စည်းကမ်းချက်များကို သတ်မှတ်ခြင်း။

၁ဝ။ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာနသည်  ရေနံနှင့်ရေနံထွက်ပစ္စည်း တစ်မျိုးမျိုးနှင့် စပ်လျဉ်း၍ အောက်ပါလုပ်ငန်းများကို ဆောင်ရွက်ရမည်-

(က) သိုလှောင်ကန်နှင့် သိုလှောင်ရုံများအတွက် သိုလှောင်ခွင့် လိုင်စင်ထုတ်ပေးခြင်း၊

(ခ) ရေနံနှင့်ရေနံထွက်ပစ္စည်း တစ်မျိုးမျိုးကို သယ်ဆောင်သည့် မော်တော်ယာဉ်၊ ရေယာဉ်နှင့်တွဲများအတွက် သယ်ယူ ခွင့် ခွင့်ပြုမိန့်ကို ထုတ်ပေးခြင်း၊

(ဂ) ပုဒ်မခွဲ(က)ပါ လိုင်စင်နှင့် ပုဒ်မခွဲ(ခ)ပါ ခွင့်ပြုမိန့်တို့အတွက် လျှောက်ထားရန် ကာလ၊ ပုံစံနှင့် စည်းကမ်းချက်များ၊ လျှောက်ထားပုံ နည်းလမ်းများ၊ ခွင့်ပြုမည့်အာဏာပိုင်နှင့် စည်းကြပ်ရမည့် အခကြေးငွေများကို သတ်မှတ်ခြင်း၊

(ဃ) ရေနံနှင့် ရေနံထွက်ပစ္စည်းဆိုင်ရာ လုပ်ငန်းများကို ဆောင်ရွက်ရာတွင် ပတ်ဝန်းကျင် ထိခိုက်မှုများ ဖြစ်ပွားပါက ကွင်းဆင်းစစ်ဆေးခြင်း တည်ဆဲ ဥပဒေများနှင့်အညီ လိုအပ်သလို အရေးယူ ဆောင်ရွက်ခြင်း၊

(င) သိုလှောင်ကန်နှင့် သိုလှောင်ရုံများ၊ ရေနံနှင့် ရေနံထွက်ပစ္စည်း တစ်မျိုးမျိုးကို သယ်ဆောင်သည့် မော်တော်ယာဉ်၊ ရေယာဉ်တွဲများရှိ သိုလှောင်ကန်များ၏ စံချိန်စံညွှန်း အရည်အသွေးနှင့် သက်ဆိုင်သည့် လုပ်ထုံးလုပ်နည်းများ၊ စည်း ကမ်းချက်များကို သက်ဆိုင်ရာ ဝန်ကြီးဌာနများနှင့် ညှိနှိုင်းသတ်မှတ်ခြင်း။

၁၁။ ဘေးအန္တရာယ်ရှိသော ရေနံနှင့် ရေနံထွက်ပစ္စည်း တစ်မျိုးမျိုးပါရှိသည့် ထုပ်ပိုးထည့်သွင်း ပစ္စည်းအားလုံးတွင် တံ ဆိပ်နှိပ်ခြင်း၊ဖောင်းကြွပုံဖော်ခြင်း၊ ဆေးဖြင့်ရေးသားခြင်း၊ ပုံနှိပ်ခြင်းတို့ဖြင့်ဖြစ်စေ၊ အခြားနည်း တစ်ရပ်ရပ်ဖြင့်ဖြစ်စေ အန္တရာယ်သတိပေးချက်ကို ဖော်ပြရမည်။ ထိုသို့ ဖော်ပြရန် မဖြစ်နိုင်ပါက ထုပ်ပိုးထည့်သွင်း ပစ္စည်းအနီး၌ ဓာတ်ဆီ၊ အ ရက်ပြန် သို့မဟုတ် ရေနံ၏ ဘေးအန္တရာယ်ရှိသည့် သဘာဝကို သတိပေးသည့် အလားတူ သတိပေးချက်ကို မြင်သာ သည့်နေရာတွင် ထင်ရှားသော စာလုံးများ ဖြင့်ဖြစ်စေ၊ သင်္ကေတဖြင့်ဖြစ်စေ ရေးသားေ ဖ်ာပြရမည်။

၁၂။ ပုဒ်မ ၁၁ ပါပြဋ္ဌာန်းချက်သည် အောက်ပါ ထုပ်ပိုးထည့်သွင်း ပစ္စည်းတစ်ခုခုနှင့် သက်ဆိုင်ခြင်း မရှိစေရ -

(က) နှစ်ဂါလန်ပမာဏအောက် လျော့နည်းသည့် ဘေးအန္တရာယ်ရှိသော ရေနံကို အဖုံးလုံခြုံစွာ ထည့်သွင်းထားသည့် ဖန်ထည်၊ ကျောက်ထည် သို့မဟုတ် သတ္တုထည်တစ်ခုခု၊

(ခ) ရေနံနှင့် ရေနံထွက်ပစ္စည်း တစ်မျိုးမျိုးသုံးသည့် စက်အားသုံးယာဉ်၊ စက်ယန္တရားတွင် တွဲလျက်ပါဝင်သော တိုင်ကီ၊

(ဂ) မြေအောက်တွင် လုံးဝမြှုပ်ထားသော သိုလှောင်ကန်၊

(ဃ) ဝန်ကြီးဌာနက အမိန့်ကြော်ငြာစာ ထုတ်ပြန်၍ ဤပုဒ်မနှင့် သက်ဆိုင်ခြင်းမှ ကင်းလွတ်ခွင့်ပြုထားသော ထုပ်ပိုး ထည့်သွင်းပစ္စည်း အတန်းအစားတစ်ခုခု။

၁၃။ ရေနံနှင့်ရေနံထွက်ပစ္စည်း တစ်မျိုးမျိုး သယ်ယူပို့ဆောင်သည့် ပိုက်လိုင်းတစ်လျှောက်တွင် အန္တရာယ် အမှတ်အ သား သတိပေးချက်ကို ထင်သာမြင်သာရှိသော စာဖြင့်ဖြစ်စေ၊ သင်္ကေတဖြင့်ဖြစ်စေ ရေးသားဖော်ပြရမည်။

၁၄။ ဝန်ကြီးဌာနသည် ပြည်ထောင်စုအစိုးရအဖွဲ့၏ သဘောတူညီချက်ဖြင့် အမိန့် ကြော်ငြာစာထုတ်ပြန်၍ ရေနံနှင့်ရေ နံထွက်ပစ္စည်း တစ်မျိုးမျိုးကို ဤအခန်းပါ ပြဋ္ဌာန်း ချက်တစ်ခုခုမှ ခြွင်းချက်ပေးနိုင်သည်။

၁၅။ ဘေးအန္တရာယ် မရှိသော ရေနံနှင့် ရေနံထွက်ပစ္စည်းများကို ပြည်တွင်း၌ သယ်ယူပို့ဆောင်ခြင်း သို့မဟုတ် သို လှောင်ခြင်း ပြုလုပ်လိုသူသည် စုစုပေါင်း ဂါလန် ၅ဝဝ ထက်ပိုမိုလျှင် လိုင်စင်ရယူရမည်။ သို့ရာတွင် ဂါလန် ၅ဝဝ နှင့် အောက်ရှိသော ပမာဏကို ထားသိုရာတွင် ဂါလန် ၂ဝဝ ထက် မကျော်လွန်သည့် ထုပ်ပိုးထည့်သွင်းပစ္စည်းကို အသုံးပြု ရမည်။

၁၆။ မည်သူမဆို ရောင်းချရန်မရည်ရွယ်သည့် ခြောက်ဂါလန်ထက်မပိုသော ဘေးအန္တရာယ်ရှိသော ရေနံနှင့်ရေနံထွက် ပစ္စည်းတစ်မျိုးမျိုးကို လိုင်စင်ရယူရန်မလိုဘဲ သိုလှောင်ခြင်း၊ ပြည်တွင်းသို့ တင်သွင်းခြင်း သို့မဟုတ် သယ်ယူပို့ဆောင် ခြင်းပြုနိုင်သည်။

၁၇။ ပုဒ်မ ၁၆ အရ ဘေးအန္တရာယ်ရှိသော ရေနံနှင့်ရေနံထွက်ပစ္စည်း တစ်မျိုးမျိုးကို ထားသိုလိုပါက အဖုံးလုံခြုံသည့် ဖန်ထည်၊ ကျောက်ထည် သို့မဟုတ် သတ္တုထုပ်ပိုး ထည့်သွင်းပစ္စည်းတွင် ထည့်သွင်းထားသိုရမည်။ ဖန်ထည် သို့မဟုတ် ကျောက်ထည် ထုပ်ပိုးထည့်သွင်း ပစ္စည်းတွင် ထားသိုလျှင် သုည ဒသမ ၂၅ ဂါလန် ပမာဏထက် မပိုစေရ။ သတ္တုထုပ်ပိုးထည့်သွင်း ပစ္စည်းတွင် ထားသိုလျှင် ၅ ဂါလန်ပမာဏထက် မပိုစေရ။

၁၈။ စက်အားသုံးယာဉ် စက်ယန္တရားတို့၏ ယာဉ်မောင်း၊ ရေယာဉ်မှူး၊ ပိုင်ရှင်တို့သည် ရေနံနှင့် ရေနံထွက်ပစ္စည်း တစ်မျိုးမျိုးကို အသုံးပြုသော စက်အားသုံးယာဉ်နှင့် စက်ယန္တရားများတွင် တပ်ဆင်ထားသည့် မူလသိုလှောင်ကန်တွင် ပါရှိသည့် ရေနံနှင့် ရေနံထွက်ပစ္စည်းအပြင် ယင်းစက် အားသုံးယာဉ်၊ စက်ယန္တရားများတွင် အသုံးပြုရန်အတွက် သို လှောင်ထားသည့် ဘေးအန္တရာယ်ရှိသော ဂါလန် ၂ဝ ပမာဏထက်မပိုသည့် ရေနံနှင့်ရေနံထွက် ပစ္စည်းများကို တင် သွင်းခြင်း၊ သယ်ယူခြင်း၊ သိုလှောင်ခြင်းတို့အတွက် လိုင်စင် သို့မဟုတ် ခွင့်ပြုချက်ရယူရန်မလို။

အခန်း(၅)

ရေနံနှင့် ရေနံထွက်ပစ္စည်းကို စမ်းသပ်ခြင်း

၁၉။ ဝန်ကြီးဌာနသည် အမိန့်ကြော်ငြာစာ ထုတ်ပြန်၍ မိမိဝန်ကြီးဌာန၏ ရေနံလုပ်ငန်း ဆိုင်ရာကျွမ်းကျင်သူ အရာရှိ တစ်ဦးဦးကိုဖြစ်စေ၊ ဝန်ကြီးဌာနမှ ရေနံနှင့် ရေနံထွက်ပစ္စည်း အရည်အသွေး စမ်းသပ်ခြင်းအတွက် လိုင်စင်ထုတ်ပေး ထားသော အခြားအဖွဲ့အစည်း တစ်ခုခုကိုဖြစ်စေ၊ ပြည်တွင်းသို့ တင်သွင်းခြင်း၊ ပြည်ပသို့ တင်ပို့ခြင်းပြုလုပ်မည့် ရေနံ နှင့်ရေနံထွက်ပစ္စည်းကို သတ်မှတ်ချက်များနှင့်အညီ နမူနာရယူပြီး စမ်းသပ်ရေးအရာရှိထံ ပေးပို့၍ စမ်းသပ်စစ်ဆေးစေရမည်။

၂ဝ။ ဝန်ကြီးဌာနသည် အမိန့်ကြော်ငြာစာ ထုတ်ပြန်၍ မိမိဝန်ကြီးဌာန၏ ရေနံလုပ်ငန်း ဆိုင်ရာ ကျွမ်းကျင်သူ အရာရှိ တစ်ဦးက စစ်ဆေးရေး အရာရှိအဖြစ် ဦးဆောင်သည့်အဖွဲ့အား ရေနံနှင့် ရေနံထွက်ပစ္စည်းဆိုင်ရာ လုပ်ငန်းဆောင်ရွက် သည့်နေရာတစ်ခုခုကို ဝင်ရောက်စစ်ဆေးရန်နှင့် ထိုနေရာတွင် တွေ့ရှိသည့် ရေနံနှင့် ရေနံထွက်ပစ္စည်း တစ်မျိုးမျိုးကို နမူနာယူပြီး စမ်းသပ်ရေး အရာရှိထံသို့ ပေးပို့၍ စမ်းသပ်စစ်ဆေး စေနိုင်သည်။

၂၁။ ဝန်ကြီးဌာနသည် အောက်ပါတို့ကို ဆောင်ရွက်ရမည် -

(က) စမ်းသပ်ရန်အတွက် ရေနံနှင့်ရေနံထွက်ပစ္စည်း နမူနာယူခြင်းဆိုင်ရာ စည်းကမ်းချက်များ သတ်မှတ်ခြင်း၊

(ခ) စမ်းသပ်ရန် နမူနာရယူခြင်းအတွက် ကျသင့်စရိတ်နှင့် ငွေပေးချေရမည့် နည်းလမ်းကို သတ်မှတ်ခြင်း၊

(ဂ) ဤပုဒ်မအရ လုပ်ပိုင်ခွင့်များကို ကျင့်သုံးမည့်ပုဂ္ဂိုလ်များအတွက် လုပ်ထုံး လုပ်နည်းများကို သတ်မှတ်ခြင်း။

၂၂။ စမ်းသပ်သည့်အရာရှိ သို့မဟုတ် စမ်းသပ်ခြင်းလိုင်စင်ရ အဖွဲ့အစည်းသည် ရေနံနှင့် ရေနံထွက်ပစ္စည်းများကို စမ်း သပ်စစ်ဆေးခြင်းနှင့် စပ်လျဉ်း၍ အောက်ပါတို့ကို ဆောင်ရွက်ရမည် -

(က) ရေနံနှင့် ရေနံထွက်ပစ္စည်းများ၏ မီးလောင်မှတ်နှင့် အခြားအရည်အသွေး စစ်ဆေးမှုတို့ကို စံချိန်စံညွှန်း သတ် မှတ်ခြင်းဆိုင်ရာ ဥပဒေနှင့်အညီ သတ်မှတ်ထားသည့် စမ်းသပ်ကိရိယာများဖြင့် စမ်းသပ်အတည်ပြုခြင်း၊

(ခ) စမ်းသပ်ကိရိယာများကို အခါအားလျော်စွာ စစ်ဆေးအတည်ပြုခြင်း၊ မှန်ကန်အောင် ပြုလုပ်ခြင်းနှင့် လိုအပ်သည့် အခါ အစားထိုးလဲလှယ်ခြင်း၊

(ဂ) စမ်းသပ်ခြင်းအတွက် သတ်မှတ်ထားသည့် အဖိုးအခပေးသွင်းပါက စမ်းသပ်မှုကိရိယာဖြင့် စမ်းသပ်စစ်ဆေးပေး ခြင်း။

၂၃။ စမ်းသပ်ခြင်းလိုင်စင်ရ အဖွဲ့အစည်းတစ်ခုခု၏ စမ်းသပ်ကိရိယာဖြင့် တိုင်းတာရရှိထားသော အချက်အလက်များကို ထပ်မံစမ်းသပ် စစ်ဆေးပေးရန်အတွက် ဝန်ကြီးဌာနသို့ တင်ပြလာပါက သတ်မှတ်ထားသော စမ်းသပ်ခပေးသွင်း စေပြီး စမ်းသပ်ကိရိယာများဖြင့် စမ်းသပ်၍ ရရှိလာ သည့် အချက်အလက်များကို စံသတ်မှတ်ချက်များနှင့် နှိုင်းယှဉ်ဖော် ပြပေးရမည်။

၂၄။ ဝန်ကြီးဌာနသည် အမိန့်ကြော်ငြာစာ ထုတ်ပြန်၍ မိမိဝန်ကြီးဌာန၏ အရည်အသွေးဆိုင်ရာ ကျွမ်းကျင်သူအရာရှိ တစ်ဦးဦးကိုဖြစ်စေ၊ စမ်းသပ်ခြင်းလိုင်စင်ရ အဖွဲ့အစည်းတစ်ခုခုကိုဖြစ်စေ ရေနံနှင့်ရေနံထွက်ပစ္စည်းကို စမ်းသပ်ရန်နှင့် ယင်းစမ်းသပ်မှုများ၏ ရလဒ်ကို သက်သေခံ လက်မှတ် ထုတ်ပေးရန် စမ်းသပ်ရေး အရာရှိအဖြစ် လုပ်ပိုင်ခွင့် အပ်နှင်းနိုင်သည်။

၂၅။ စမ်းသပ်ရေးအရာရှိသည် -

(က) ရေနံနှင့် ရေနံထွက်ပစ္စည်း နမူနာများကို စမ်းသပ်ပြီးနောက် သတ်မှတ်ထားသည့်ပုံစံတွင် သတ်မှတ်စံချိန်စံညွှန်း နှင့်ကိုက်ညီမှုရှိ၊ မရှိ ဖော်ပြသည့် စမ်းသပ်မှုသက်သေခံ လက်မှတ် ထုတ်ပေးရမည်။

(ခ) သက်ဆိုင်ရာပုဂ္ဂိုလ်က တောင်းဆိုပါက သတ်မှတ်ထားသည့် အခကြေးငွေ ပေးသွင်းလျှင် သက်သေခံလက်မှတ်၏ မိတ္တူမှန်ကို ထုတ်ပေးရမည်။ ယင်း မိတ္တူမှန်ကို တရားရုံးတွင် သက်သေခံအဖြစ် တင်ပြနိုင်သည်။

၂၆။ စမ်းသပ်ရေးအရာရှိ၏ စမ်းသပ်မှုရလဒ်ကို ကျေနပ်မှုမရှိသော ပိုင်ရှင် သို့မဟုတ် ယင်း၏ ကိုယ်စားလှယ်သည် ယင်းရလဒ်ကို ရရှိသည့်နေ့ရက်မှစ၍ ခုနစ်ရက်အတွင်း ထပ်မံစမ်းသပ်ပေးရန် ဝန်ကြီးဌာနသို့ လျှောက်ထားနိုင်သည်။

၂၇။ ပုဒ်မ ၂၆ အရ လျှောက်ထားပါက သတ်မှတ်ထားသော အခကြေးငွေကို ပေးသွင်းလျှင် ဝန်ကြီးဌာန၏ စမ်းသပ် ရေးအရာရှိက ထပ်မံစမ်းသပ်ပေးရမည်။

၂၈။ ပုဒ်မ ၂၇ နှင့်အညီ ထပ်မံစမ်းသပ်ချက်အရ မူလစမ်းသပ်မှုသည် မှားယွင်းကြောင်း ပေါ်ပေါက်လျှင် ဝန်ကြီးဌာန၏ စမ်းသပ်ရေးအရာရှိသည် မူလသက်သေခံလက်မှတ်ကို ပယ်ဖျက်၍ စမ်းသပ်မှုသက်သေခံ လက်မှတ်အသစ် ထုတ်ပေးရမည်။

၂၉။ ဝန်ကြီးဌာနသည် အောက်ဖော်ပြပါ ရေနံနှင့်ရေနံထွက်ပစ္စည်း စမ်းသပ်စစ်ဆေးမှု ဆိုင်ရာ သတ်မှတ်ခြင်းများနှင့် စပ်လျဉ်း၍ လိုအပ်သည့် စည်းကမ်းချက်များကို အမိန့်ကြော်ငြာစာ ထုတ်ပြန်သတ်မှတ်နိုင်သည် -

(က) ရေနံနှင့်ရေနံထွက်ပစ္စည်း စမ်းသပ်မှုနှင့် စပ်လျဉ်းသည့် လုပ်ထုံးလုပ်နည်းများ၊  စည်းမျဉ်းနှင့် စည်းကမ်းများ သတ်မှတ်ခြင်း၊

(ခ) ရေနံနှင့်ရေနံထွက်ပစ္စည်း စမ်းသပ်မှု သက်သေခံ လက်မှတ်ပုံစံနှင့် ယင်းအတွက် စည်းကြပ်မည့် အဖိုးအခများကို သတ်မှတ်ခြင်း၊

(ဂ) လိုင်စင်ရ အဖွဲ့အစည်းတစ်ခုခု၏ ရေနံနှင့်ရေနံထွက် ပစ္စည်းနှင့် စပ်လျဉ်း၍ စမ်းသပ်သည့် အရည်အသွေး ရလဒ်အပေါ် လိုအပ်ပါက ပြန်လည်စစ်ဆေးရန် စည်းမျဉ်းနှင့်စည်းကမ်းများ သတ်မှတ်ခြင်း၊

(ဃ) ပြန်လည်စမ်းသပ်ခြင်းအတွက် အဖိုးအခများ သတ်မှတ်ခြင်းနှင့်  မူလစမ်းသပ်မှုသည် မှားယွင်းပါက  ယင်းအဖိုး အခများကို ပြန်လည်ထုတ်ပေးရန် သတ်မှတ်ခြင်း။

 

အခန်း(၆)

တားမြစ်ချက်များ

၃ဝ။ မည်သူမျှ ဤဥပဒေအရ လိုင်စင်ရယူရန် လိုအပ်သည့်လုပ်ငန်း သို့မဟုတ် ဆောင်ရွက်မှု တစ်ခုခုကို သက်ဆိုင်ရာ လိုင်စင်မရရှိဘဲ လုပ်ကိုင်ဆောင်ရွက်ခြင်း မပြုရ။

၃၁။ လိုင်စင်ရရှိသူ မည်သူမျှ-

(က) ဤဥပဒေအရထုတ်ပြန်သော နည်းဥပဒေများ၊ စည်းမျဉ်းစည်းကမ်းများ၊ အမိန့်ကြော်ငြာစာ၊ အမိန့်၊ ညွှန်ကြား ချက်၊ လုပ်ထုံးလုပ်နည်းများနှင့် စည်းကမ်းချက် တစ်ခုခုပါ တားမြစ်ချက် တစ်ရပ်ရပ်ကို ဖောက်ဖျက်ခြင်း သို့မဟုတ် ဆောင်ရွက်ရန် တာဝန်ကို ပျက်ကွက်ခြင်း မရှိစေရ၊

(ခ) ဘေးအန္တရာယ်ရှိသော ရေနံနှင့်ရေနံထွက် ပစ္စည်းတစ်မျိုးမျိုးပါရှိသည့် ထုပ်ပိုးထည့်သွင်း ပစ္စည်းနှင့် သယ်ယူပို့ ဆောင်သည့်ယာဉ်နှင့် ပိုက်လိုင်းများတွင် အန္တရာယ်အမှတ်အသား သတိပေးချက်များကို ထင်ရှားအောင် ရေးသား ဖော်ပြခြင်းမပြုဘဲ သုံးစွဲခြင်းမပြုရ၊

(ဂ) ဘေးအန္တရာယ်ရှိသော ရေနံနှင့်ရေနံထွက် ပစ္စည်းကိုဖြစ်စေ၊ ဘေးအန္တရာယ်မရှိသော ရေနံနှင့်ရေနံထွက် ပစ္စည်း ကိုဖြစ်စေ ဤဥပဒေပါ သတ်မှတ်ထားသည့် နည်းလမ်းများမှတစ်ပါး တင်သွင်းခြင်း၊ သယ်ယူပို့ဆောင်ခြင်း၊ သိုလှောင်ခြင်း၊ ဖြန့်ဖြူးရောင်းချခြင်း မပြုရ၊

(ဃ) ရေနံနှင့်ရေနံထွက်ပစ္စည်း ဆိုင်ရာလုပ်ငန်းများကို ဆောင်ရွက်ရာတွင် ပတ်ဝန်းကျင် ထိခိုက်မှုများအပေါ် တာဝန်ခံ မှုမရှိဘဲ ဆောင်ရွက်ခွင့် မရှိစေရ၊

(င) စံချိန်စံညွှန်း၊ အရည်အသွေးနှင့် အခြင်အတွယ် ပြည့်မီမှန်ကန်မှုမရှိသော ရေနံနှင့်ရေနံထွက် ပစ္စည်းများကို ဖြန့် ဖြူးရောင်းချခြင်း မပြုရ။

၃၂။ ရေနံနှင့်ရေနံထွက်ပစ္စည်း ဆိုင်ရာလုပ်ငန်း လုပ်ကိုင်နေသူမည်သူမျှ ရေနံနှင့်ရေနံထွက် ပစ္စည်းတစ်မျိုးမျိုးကို ပြည် တွင်းသို့ တင်သွင်းခြင်း၊ ပြည်ပသို့ တင်ပို့ခြင်း၊ သိုလှောင်ခြင်း၊ ချက်လုပ်ခြင်း၊ ဖြန့်ဖြူး ရောင်းချခြင်းပြုသည့် နေရာ တစ်ခုခုကိုဖြစ်စေ၊ သယ်ယူပို့ဆောင်ဆဲ အချိန် တွင်ဖြစ်စေ၊ အခွင့်အာဏာ အပ်နှင်းထားသော အရာရှိ သို့မဟုတ် အဖွဲ့ အစည်းက ရေနံနှင့်ရေနံထွက် ပစ္စည်းကိုဖြစ်စေ၊ ထုပ်ပိုးထည့်သွင်းပစ္စည်းကိုဖြစ်စေ သယ်ယူပို့ဆောင်သည့် စက်အား သုံးယာဉ်၊ စက်ယန္တရား၊ ရေယာဉ်၊ ပိုက်လိုင်းတို့ကို စစ်ဆေးရန်နှင့် ရေနံနှင့်ရေနံထွက် ပစ္စည်းနမူနာ ရယူလိုကြောင်း တင်ပြလာပါက သင့်လျော်သော အကူအညီ တောင်းခံခြင်းကို ငြင်းဆန်ခြင်းမပြုရ။

၃၃။ ရေနံနှင့်ရေနံထွက်ပစ္စည်း ဆိုင်ရာလုပ်ငန်း တစ်မျိုးမျိုးကြောင့် ပေါက်ကွဲမှု သို့မဟုတ် မီးလောင်မှုဖြစ်ပွားလျှင် ဖြစ် စေ၊ ရေနံနှင့်ရေနံထွက်ပစ္စည်း ထားရှိရာနေရာနှင့် ယင်းအနီးအနားတွင် မီးလောင်မှု ဖြစ်ပွားတန်ရာ ရှိလျှင်ဖြစ်စေ အဆိုပါ လုပ်ငန်းကို ကြီးကြပ်အုပ်ချုပ်သူ မည်သူမျှ အနီးဆုံးသက်ဆိုင်ရာ အာဏာပိုင်ထံ ချက်ချင်းသတင်းပို့ရန်နှင့် မတော်တဆဖြစ်ရပ် တစ်ခုခုနှင့် ပတ်သက်၍ သတင်းအချက်အလက်များကို ပေးရန်ပျက်ကွက်မှု မရှိစေရ။

အခန်း(၇)

စီမံခန့်ခွဲရေး နည်းလမ်းအရ အရေးယူခြင်း

၃၄။ လိုင်စင်ရရှိသူသည် ပုဒ်မ ၃၁၊ ပုဒ်မခွဲ(က)နှင့် ပုဒ်မခွဲ(ခ)ပါ တားမြစ်ချက် တစ်ရပ်ရပ်ကို ကျူးလွန်လျှင် သက် ဆိုင်ရာ လိုင်စင်ထုတ်ပေးသည့် လုပ်ငန်း၊ ဌာနသည် လိုင်စင်ရရှိသူအား အောက်ပါစီမံခန့်ခွဲရေး ဆိုင်ရာအမိန့်တစ်ရပ် ရပ်ကို ချမှတ်နိုင်သည်-

(က) သတိပေးခြင်း၊

(ခ) သတ်မှတ်ထားသော ဒဏ်ကြေးငွေ တပ်ရိုက်ခြင်း၊

(ဂ) လိုင်စင်ကိုကာလ အကန့်အသတ်ဖြင့် ရပ်ဆိုင်းခြင်း၊

(ဃ) လိုင်စင်ကို အမြဲတမ်းရုပ်သိမ်းခြင်း သို့မဟုတ် ပယ်ဖျက်ခြင်း။

၃၅။ ပုဒ်မ ၃၄ အရ လိုင်စင်ထုတ်ပေးသည့် လုပ်ငန်းသို့မဟုတ် ဌာနကချမှတ်သည့် စီမံခန့်ခွဲရေးဆိုင်ရာ အမိန့်တစ် ရပ်ရပ်ကို မကျေနပ်သူသည် ယင်းအမိန့်ချမှတ်သည့်နေ့မှ ရက် ၃ဝ အတွင်း လိုင်စင်ထုတ်ပေးသည့် သက်ဆိုင်ရာ ပြည်ထောင်စု ဝန်ကြီးဌာနသို့ အယူခံ ဝင်ရောက်နိုင် သည်။ ယင်းဝန်ကြီးဌာနက သက်ဆိုင်ရာ လိုင်စင်ထုတ်ပေးသည့် လုပ်ငန်း သို့မဟုတ် ဌာနကချမှတ်သည့် စီမံခန့်ခွဲရေးဆိုင်ရာ အမိန့်ကို အတည်ပြုခြင်း၊ ပြင်ဆင်ခြင်း သို့မဟုတ် ပယ် ဖျက်ခြင်းပြုနိုင်သည်။ သက်ဆိုင်ရာ ပြည်ထောင်စုဝန်ကြီးဌာန၏ အမိန့်သည် အပြီးအပြတ် အတည်ဖြစ် သည်။

၃၆။ လိုင်စင်ထုတ်ပေးသည့် သက်ဆိုင်ရာ ပြည်ထောင်စု ဝန်ကြီးဌာနသည် ဤဥပဒေအရ ထုတ်ပြန်သော နည်းဥပဒေများပါ သတ်မှတ်ချက်များနှင့်အညီ မည်သည့်လိုင်စင်ကိုမဆို ဆိုင်းငံ့ခြင်း၊ ရုပ်သိမ်းခြင်း၊ ရပ်စဲခြင်း သို့မဟုတ် ပယ် ဖျက်ခြင်းပြုနိုင်သည်။ ထို့ပြင် မူလက သတ်မှတ် ထားသော လိုင်စင် စည်းကမ်းချက်များကိုလည်း ပြင်ဆင်သတ်မှတ်နိုင် သည်။

အခန်း(၈)

ပြစ်မှုနှင့် ပြစ်ဒဏ်များ

၃၇။ မည်သူမဆို ပုဒ်မ ၃ဝ ပါတားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် တစ်နှစ်ထက်မပိုသော ထောင်ဒဏ်ဖြစ်စေ၊ အနည်းဆုံး ကျပ်သုံးသိန်းမှ အများဆုံး ကျပ်သိန်း ၅ဝ အထိ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ စီရင်ခြင်းခံရမည့်အပြင် ပြစ်မှု ကျူးလွန်ခြင်းနှင့် သက်ဆိုင်သော ပစ္စည်းများကို ပြည်သူ့ဘဏ္ဍာ အဖြစ် သိမ်းဆည်းခြင်း ခံရမည်။

၃၈။ မည်သူမဆို ပုဒ်မ ၃၇ အရ ပြစ်ဒဏ်စီရင်ခံရပြီးနောက် ထိုပြစ်မှုကို ထပ်မံကျူးလွန်ကြောင်း ပြစ်ဒဏ်စီရင်ခံရလျှင် နှစ်နှစ်ထက်မပိုသော ထောင်ဒဏ်ဖြစ်စေ၊ အနည်းဆုံး ကျပ် ၁ဝ သိန်းမှ အများဆုံး ကျပ်သိန်း ၁ဝဝ အထိ ငွေဒဏ် ဖြစ်စေ၊ ပြစ်ဒဏ်နှစ်ရပ်လုံးဖြစ်စေ ချမှတ်ခြင်းခံရမည့် အပြင် ပြစ်မှုကျူးလွန်ခြင်းနှင့် သက်ဆိုင်သော ပစ္စည်းများကို ပြည် သူ့ဘဏ္ဍာအဖြစ် သိမ်းဆည်းခြင်းခံရမည်။

၃၉။ လိုင်စင်ရရှိသူ မည်သူမဆို-

(က) ပုဒ်မ ၃၁၊ ပုဒ်မခွဲ(ဂ)နှင့် ပုဒ်မခွဲ(ဃ)ပါ တားမြစ်ချက် တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှု ထင်ရှားစီရင်ခြင်းခံရလျှင် အနည်းဆုံး ကျပ်ငါးသိန်းမှ အများဆုံး ကျပ်သိန်း ၅ဝ အထိ  ငွေဒဏ်ချမှတ်ခြင်းခံရမည်။

(ခ) ပုဒ်မ ၃၁၊ ပုဒ်မခွဲ(င)ပါတားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ခြောက်လ ထက်မပိုသော ထောင်ဒဏ်ဖြစ်စေ၊ အနည်းဆုံး ကျပ်ငါးသိန်းမှ အများဆုံး ကျပ်သိန်း ၅ဝ အထိ ငွေဒဏ်ဖြစ်စေ၊  ဒဏ်နှစ်ရပ်လုံးဖြစ်စေ ချမှတ်ခြင်းခံရမည်။

၎ဝ။ မည်သူမဆို ပုဒ်မ ၃၂ ပါ တားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်း ခံရလျှင် အနည်းဆုံး ကျပ်ငါးသိန်းမှ  အများဆုံး ကျပ်သိန်း ၅ဝ အထိ ငွေဒဏ်ချမှတ်ခြင်းခံရမည်။

၄၁။ ကြီးကြပ်အုပ်ချုပ်သူ မည်သူမဆို ပုဒ်မ ၃၃ ပါ တားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ခြောက်လထက်မပိုသော ထောင်ဒဏ်ဖြစ်စေ၊ အနည်းဆုံးကျပ်ငါးသိန်းမှ အများဆုံးကျပ် သိန်း  ၅ဝ အထိ  ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ခြင်း ခံရမည်။

အခန်း(၉)

အထွေထွေ

၄၂။ ဝန်ကြီးဌာနသည် ရေနံနှင့် ရေနံထွက်ပစ္စည်း လုပ်ငန်းဆောင်ရွက်ရန်အတွက် အနည်းဆုံးရှိရမည့် ဧရိယာ အကျယ်အဝန်းနှင့် အကွာအဝေးကို သတ်မှတ်ပေးရမည်။ မည်သူမျှ ယင်းသတ်မှတ်ပေးထားသည့် နယ်နိမိတ်အတွင်း မီးဘေးအန္တရာယ် ဖြစ်ပေါ်စေနိုင်သည့် ဆောင်ရွက်မှု တစ်စုံတစ်ရာကို မပြုလုပ်ရ။

၄၃။ တရားရုံးသည် ပြည်သူ့ဘဏ္ဍာအဖြစ် သိမ်းဆည်းရရှိသည့် သက်သေခံပစ္စည်းများအား ဝန်ကြီးဌာနနှင့် သက်ဆိုင် ရာဝန်ကြီးဌာနများသို့ လွှဲပြောင်းပေးရမည်။

၄၄။ ဤဥပဒေမပြဋ္ဌာန်းမီက တည်ထောင်ထားသော ရေနံနှင့်ရေနံထွက်ပစ္စည်းဆိုင်ရာ လုပ်ငန်းဆောင်ရွက်သူသည် ဤဥပဒေနှင့် ဤဥပဒေအရ ထုတ်ပြန်သော နည်းဥပဒေ၊ စည်းမျဉ်းစည်းကမ်း၊ အမိန့်ကြော်ငြာစာ၊ အမိန့်၊ ညွှန်ကြား ချက်များနှင့် လုပ်ထုံးလုပ်နည်းများနှင့်အညီ စီမံခန့်ခွဲမှု အစီအစဉ် ရေးဆွဲ၍ ဤဥပဒေအရ လိုင်စင် သို့မဟုတ် ခွင့်ပြုမိန့် ထုတ်ပေးမည့် ဝန်ကြီးဌာနသို့ တင်ပြရမည်။ ယင်းဝန်ကြီးဌာနသည် တင်ပြလာသည့် စီမံခန့်ခွဲမှု အစီအစဉ်ကို စိစစ်သုံး သပ်၍ ကျေနပ်မှုရှိပါက အတည်ပြုရမည်။ ရေနံနှင့်ရေနံထွက် ပစ္စည်းဆိုင်ရာ လုပ်ငန်းဆောင်ရွက် သူသည် ဝန်ကြီးဌာန ကသတ်မှတ်ပေးသည့် အချိန်ကာလအတွင်း မိမိလုပ်ငန်းကို အကောင်အထည်ဖော် ဆောင်ရွက်ရမည်။

၄၅။ ဝန်ကြီးဌာနသည် မိမိဌာနအောက်ရှိ နိုင်ငံပိုင် စီးပွားရေး လုပ်ငန်းတစ်ခုခုကို ပြည်ထောင်စု အစိုးရအဖွဲ့၏ သ ဘောတူညီချက်ဖြင့် အများနှင့် သက်ဆိုင်သော ကော်ပိုရေးရှင်းအဖြစ် သင့်လျော်သည့်အချိန်တွင် တည်ထောင် ဆောင်ရွက်နိုင်သည်။

၄၆။ ဤဥပဒေအရ အရေးယူသည့် ပြစ်မှုများကို ရဲအရေးယူပိုင်ခွင့်ရှိသော ပြစ်မှုများအဖြစ် မှတ်ယူရမည်။

၄၇။The Petroleum Act. (INDIA  Act  XXX, 1934)အရ ထုတ်ပြန်ခဲ့သော နည်းဥပဒေ၊ စည်းမျဉ်း၊ စည်းကမ်း၊ အမိန့် ကြော်ငြာစာ၊ အမိန့်၊ ညွှန်ကြားချက်များနှင့် လုပ်ထုံးလုပ်နည်းများသည် ဤဥပဒေနှင့် မဆန့်ကျင်သမျှ ဆက်လက်ကျင့်သုံးနိုင်သည်။

၄၈။The Petroleum Act. (INDIA  Act  XXX, 1934) အရ ထုတ်ပေးခဲ့သော လိုင်စင် သို့မဟုတ် ခွင့်ပြုမိန့်များကို ဤဥပဒေအရ ထုတ်ပေးသော လိုင်စင် သို့မဟုတ် ခွင့်ပြုမိန့်များအဖြစ် မှတ်ယူ၍ ယင်းတို့တွင်ပါရှိသော သက်တမ်းနှင့် စည်းကမ်းချက်များအတိုင်း ဆက်လက် တည် ရှိစေရမည်။

၄၉။ ရေနံနှင့်ရေနံထွက် ပစ္စည်းဆိုင်ရာ လုပ်ငန်းဆောင်ရွက်သည့် အဖွဲ့အစည်း သို့မဟုတ် ပုဂ္ဂိုလ်သည် မိမိ၏လုပ်ငန်း ကြောင့် ပတ်ဝန်းကျင်ကို မထိခိုက်စေရန် တည်ဆဲဥပဒေ၊ နည်းဥပဒေ၊ စည်းမျဉ်းများ၊ လုပ်ထုံးလုပ်နည်းများနှင့်အညီ ဆောင်ရွက်ရမည်။

၅ဝ။ ဝန်ကြီးဌာနသည် ကော်မတီ၏ ရုံးလုပ်ငန်းများနှင့် ကုန်ကျစရိတ်များကို တာဝန်ယူ ဆောင်ရွက်ရမည်။ နိုင်ငံ့ဝန် ထမ်းမဟုတ်သော ကော်မတီ အဖွဲ့ဝင်များအတွက် သင့်လျော်သည့် ချီးမြှင့်ငွေနှင့် စရိတ်တို့ကို သတ်မှတ်နိုင်သည်။

၅၁။ ဝန်ကြီးဌာနသည် ရေနံနှင့်ရေနံထွက် ပစ္စည်းဆိုင်ရာ လုပ်ငန်းတွင် ဘေးအန္တရာယ် လုံခြုံမှု ရှိစေရန် လိုအပ်သော သင်တန်း၊ အလုပ်ရုံဆွေးနွေးပွဲ၊ သရုပ်ပြပွဲနှင့် အစည်းအဝေးများ ကျင်းပနိုင်သည်။

၅၂။ ဤဥပဒေဆိုင်ရာ အခွန်အခများအား လိုင်စင်ထုတ်ပေးသည့် ဝန်ကြီးဌာန၊ အခွန်အခ ကောက်ခံသည့် ဝန်ကြီး ဌာနတို့နှင့် တိုင်းဒေသကြီး သို့မဟုတ် ပြည်နယ်အစိုးရတို့အကြား မည်သို့ကောက်ခံ ခွဲဝေသုံးစွဲရမည်ကို ပြည်ထောင်စု အစိုးရအဖွဲ့၏ သဘောတူညီချက်ဖြင့် လိုင်စင် ထုတ်ပေးသည့် ဝန်ကြီးဌာနနှင့် အခွန်အခကောက်ခံသည့် ဝန်ကြီးဌာန တို့က အမိန့်ကြော်ငြာစာ ထုတ်ပြန် သတ်မှတ်ရမည်။

၅၃။ စီမံကိန်းနှင့် ဘဏ္ဍာရေး ဝန်ကြီးဌာနသည် ရေနံနှင့် ရေနံထွက်ပစ္စည်း တစ်မျိုးမျိုးနှင့် စပ်လျဉ်း၍ သတ်မှတ် ကာလအတွင်း လိုင်စင်လျှောက်ထားခြင်း မရှိသော၊ လိုင်စင်ထုတ်ပေးရန် ငြင်းပယ်ခြင်းခံရသော သို့မဟုတ် ပြည်ပသို့ တင်ပို့ခြင်း မပြုသော ရေနံနှင့်ရေနံထွက် ပစ္စည်း တစ်မျိုးမျိုးကို သိမ်းဆည်းပြီး ထုခွဲခြင်း သို့မဟုတ် အခြားနည်းလမ်းဖြင့် စီမံခန့်ခွဲခြင်း ပြုနိုင်သည်။

၅၄။ ဤဥပဒေပါ ပြဋ္ဌာန်းချက်များကို အကောင်အထည် ဖော်ဆောင်ရွက်ရာတွင်-

(က) ဝန်ကြီးဌာနသည် ပြည်ထောင်စု အစိုးရအဖွဲ့၏ သဘောတူညီချက်ဖြင့် နည်းဥပဒေများ၊ စည်းမျဉ်းစည်းကမ်းများကို ထုတ်ပြန်နိုင်သည်။

(ခ) ဝန်ကြီးဌာန၊ သက်ဆိုင်ရာ ဝန်ကြီးဌာနနှင့် ကော်မတီသည် အမိန့်ကြော်ငြာစာ၊ အမိန့်၊ ညွှန်ကြားချက်နှင့် လုပ်ထုံး လုပ်နည်းများကို ထုတ်ပြန်နိုင်သည်။

၅၅။The Petroleum Act. (INDIA  Act  XXX, 1934) ကို ဤဥပဒေဖြင့် ရုပ်သိမ်းလိုက်သည်။

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေအရ ကျွန်ုပ် လက်မှတ် ရေးထိုးသည်။

(ပုံ) ထင်ကျော်

နိုင်ငံတော် သမ္မတ

ပြည်ထောင်စု သမ္မတ မြန်မာ နိုင်ငံတော်

Read 416 times Last modified on Friday, 04 August 2017 13:22