SJ WorldNews - шаблон joomla Авто

ပြည်သူ့လွှတ်တော် ကိုယ်စားလှယ်များ ဇန်နဝါရီ ၁၄ ရက်အရောက် သတင်းပို့ရန် ဖိတ်ကြားထား

Monday, 25 December 2017 09:39 font size decrease font size decrease font size increase font size increase font size

နေပြည်တော်     ဒီဇင်ဘာ     ၂၄

ဒုတိယအကြိမ်   ပြည်သူ့လွှတ်တော် သတ္တမပုံမှန် အစည်းအဝေးကို နေပြည်တော်ရှိ ပြည်သူ့လွှတ်တော် အစည်းအဝေး ခန်းမ၌ ၂ဝ၁၈ ခုနှစ် ဇန်နဝါရီ ၁၅ ရက်(တနင်္လာနေ့) နံနက်  ၁ဝ  နာရီတွင် စတင်ကျင်းပရန် ပြည်သူ့လွှတ်တော် ဥက္ကဋ္ဌက ခေါ်ယူထားရာ အဆိုပါအစည်းအဝေးသို့ တက်ရောက်ရန် ဖိတ်စာများကို ပြည်သူ့လွှတ်တော် ကိုယ်စားလှယ်များထံသို့ ပေးပို့ထားကြောင်း သိရသည်။

ပြည်သူ့လွှတ်တော် ကိုယ်စားလှယ်များ အနေဖြင့် အစည်းအဝေး အတွက် လိုအပ်သည့် ပြင်ဆင်မှုများပြုလုပ်နိုင်ရန် ဖိတ်စာလက်ခံ ရရှိသည်ဖြစ်စေ၊ မရရှိသည်ဖြစ်စေ နေပြည်တော် ပြည်သူ့လွှတ်တော်ရုံး ရေးရာဆောင်အမှတ်-၁၂ (I-12)သို့ ၂ဝ၁၈ ခုနှစ် ဇန်နဝါရီ ၁၃ ရက်(စနေနေ့)ထက် မစော၊ ဇန်နဝါရီ  ၁၄  ရက်(တနင်္ဂနွေနေ့)ထက် နောက်မကျစေဘဲ ရုံးချိန်အတွင်း သတင်းပို့ကြရန်နှင့် ကိုယ်စားလှယ်စိစစ်ရေး ကတ်ပြား ယူဆောင်လာကြရန် ဖြစ်ကြောင်း သတင်းရရှိသည်။

(သတင်းစဉ်)

Read 263 times Last modified on Monday, 25 December 2017 09:40