SJ WorldNews - шаблон joomla Авто

YBS ယာဉ်စီးခငွေ အကြွေပြေလည်စေရန် ယာဉ်မှတ်တိုင်များ၌ လဲလှယ်ပေးမည်

Thursday, 17 August 2017 09:33 font size decrease font size decrease font size increase font size increase font size

ရန်ကုန်  သြဂုတ်  ၁၆

ရန်ကုန်မြို့တွင်း YBS ယာဉ်များတွင် ပြည်သူများ   နေ့စဉ်တွေ့ကြုံနေရသည့် ငွေအကြွေပြဿနာများ   ပြေလည်စေရန် ယာဉ်မှတ်တိုင်များ၌ ငွေအကြွေများ လဲလှယ်ပေးမည်ဖြစ်ကြောင်း သိရသည်။

''ကျွန်တော်တို့  ငွေအကြွေလဲပေးဖို့အတွက် ကုမ္ပဏီကြီးတွေကို ပြောထားပြီးပါပြီ။ မှတ်တိုင်တိုင်းမှာလဲမပေးနိုင်ရင်တောင်  လူစည်ကားတဲ့မှတ်တိုင်တွေမှာလဲပေးဖို့ လုပ်ဆောင်နေပါတယ်။ အဓိကမှတ်တိုင်ကြီးတွေမှာ  Anypay  ကတ်ရောင်းတာတို့၊ Top up ကတ်လုပ်တာတို့ရှိပါတယ်။  အဲဒီနေရာတွေမှာ အကြွေပါတစ်ခါတည်းလဲလို့ ရအောင် ဆောင်ရွက်ပေးမှာပါ''ဟု   ရန်ကုန်တိုင်းဒေသကြီး   သယ်ယူပို့ဆောင်ရေး ကြီးကြပ် ကွပ်ကဲမှု အာဏာပိုင်အဖွဲ့ အတွင်းရေးမှူး  ဒေါက်တာမောင်အောင် ကပြောသည်။

ရန်ကုန်တိုင်းဒေသကြီး၌ သြဂုတ် ၁၄ ရက် စာရင်းများအရ ပြေးဆွဲနေသည့် ယာဉ်လိုင်းပေါင်း ၉၁ လိုင်း မော်တော်ယာဉ် အစီးရေ ၃၇၂ဝ ရှိကြောင်း သိရသည်။

YBS ခရီးသည်တင်ယာဉ်လိုင်းများတွင် ယာဉ်နောက်လိုက်များ မရှိတော့သည့် နောက်ပိုင်း ယာဉ်စီးခငွေကို ပုံးထဲသို့ထည့်စေခဲ့ရာ  ခရီးသွားပြည်သူတချို့က  ယာဉ်စီးခ  မှန်ကန်စွာ ထည့်သွင်းမှုမရှိခြင်း၊  ငွေအကြွေ ပြန်မအမ်းနိုင်သည့် ပြဿနာရှိခြင်း  စသည့် အခက်အခဲတချို့နှင့်  တွေ့ကြုံနေရသဖြင့်    ယင်းအခက်အခဲများကို   ဖြေရှင်းနိုင်ရန် Yangon Payment Services (YPS) လုပ်ငန်းကို  စတင်ဆောင်ရွက်လျက် ရှိကာ ၂ဝ၁၈   ခုနှစ်  ဖေဖော်ဝါရီလအတွင်း  အကောင်အထည် ဖော်နိုင်မည်ဟု   ခန့်မှန်းထားသည်။

''ငွေပုံးတွေထဲကိုထည့်တဲ့ ပိုက်ဆံတွေက ပြည်သူတွေလက်ထဲကို ချက်ချင်းပြန်ရောက်ပါတယ်။ ပုံးထဲက  ပိုက်ဆံတွေကို ဧရာဝတီဘဏ်ကစုပြီး စိစစ်ပေးပါတယ်။နောက်တစ်နေ့မှာပဲ  ယာဉ်လိုင်းရဲ့    ပိုင်ရှင်တွေ လက်ထဲကို   ပြန်ထည့်ပေးလိုက်ပါတယ်။

ဒီပိုက်ဆံတွေက တစ်ရက်၊ နှစ်ရက်အတွင်းမှာပဲ ပြည်သူတွေကြားထဲမှာ ပြန်လည်ပတ် နေတာပါ'' ဟု  ရန်ကုန်တိုင်းဒေသကြီး ကရင်တိုင်းရင်းသား လူမျိုးရေးရာဝန်ကြီး  ဒေါ်ပန်းသဉ္ဇာမျိုး ကပြောသည်။                  

Read 425 times Last modified on Thursday, 17 August 2017 09:34