SJ WorldNews - шаблон joomla Авто

လဟယ်မြို့နယ်၌ ဘေလီတံတား နှစ်စင်းတည်ဆောက်ရန် အိန္ဒိယနိုင်ငံမှ ပေးအပ်သည့် စတုတ္ထအကြိမ်မြောက် အထောက်အပံ့ လုပ်ငန်းစာရင်းတွင် လျာထားပြီးဖြစ်

Saturday, 04 August 2018 10:34 font size decrease font size decrease font size increase font size increase font size

အမျိုးသားလွှတ်တော်အစည်းအဝေး

နေပြည်တော် ဩဂုတ် ၃

ဒုတိယအကြိမ် အမျိုးသားလွှတ်တော် နဝမပုံမှန်အစည်းအဝေးပဉ္စမနေ့ကို ယနေ့ နံနက် ၁၀နာရီတွင် နေပြည်တော်ရှိ အမျိုးသား လွှတ်တော်အစည်းအဝေးခန်းမ၌ကျင်းပသည်။ အစည်းအဝေးတွင် စစ်ကိုင်းတိုင်းဒေသကြီး မဲဆန္ဒနယ်အမှတ်(၁၂)မှ ဦးမင်းနိုင်၏ စစ်ကိုင်း တိုင်းဒေသကြီး နာဂကိုယ်ပိုင်အုပ်ချုပ်ခွင့်ရ ဒေသ လဟယ်မြို့နယ် အိန္ဒိယနယ်စပ်လမ်းတွင် လုံဝသိင်္ခနှင့် ဂမ်းညကြားရှိ ဝါးချောင်းကို လည်းကောင်း၊ ဂမ်းညနှင့် ယမ်းကြုန်းကြားရှိ ယမ်းကြုန်းချောင်းကိုလည်းကောင်း ပေ ၁၀ဝ ရှိ ဘေလီတံတားနှစ်စင်းတည်ဆောက်ပေးရန် အစီအစဉ် ရှိ၊ မရှိ မေးခွန်းနှင့်စပ်လျဉ်း၍ နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်က ဝန်ကြီးဌာနအနေဖြင့် နာဂဒေသအတွက် ၂၀၁၇ - ၂၀၁၈ ဘဏ္ဍာနှစ်တွင် ငွေကျပ် ၃၂၀၄ ဒသမ ၈၅၇ သန်းဖြင့် ဒေသဖွံ့ဖြိုးရေးလုပ်ငန်းများကို အကောင် အထည်ဖော်ဆောင်ရွက်ပေးခဲ့ကြောင်း၊ ထို့ပြင် နာဂဒေသအတွက် အိန္ဒိယနိုင်ငံမှ ထောက်ပံ့ ပေးအပ်သည့် ပထမအကြိမ် ထောက်ပံ့ငွေကျပ် ၁၇၄၈ ဒသမ ၈၄၉၂ သန်း၊ ဒုတိယအကြိမ် ထောက်ပံ့ငွေကျပ် ၂၃၁၁ ဒသမ ၃၃ သန်း၊ တတိယအကြိမ် ထောက်ပံ့ငွေကျပ် ၂၈၇၉ ဒသမ ၁၅၁ သန်းတို့ဖြင့် ဒေသဖွံ့ဖြိုးရေး လုပ်ငန်းများကို အကောင်အထည်ဖော်ဆောင် ရွက်ပေးလျက်ရှိကြောင်း။ လွှတ်တော်ကိုယ်စားလှယ်မေးမြန်းသည့် နာဂကိုယ်ပိုင်အုပ်ချုပ်ခွင့်ရ ဒေသ လဟယ်မြို့နယ် အိန္ဒိယနယ်စပ်လမ်းတွင်ရှိသည့် ယမ်းကြုန်းချောင်းတို့တွင် ပေ ၁၀ဝ ရှိ ဘေလီတံတား နှစ်စင်းတည်ဆောက်ပေးရန်နှင့်ပတ်သက်၍ မြေပြင်ကွင်းဆင်းစစ်ဆေးခဲ့ရာ တင်ပြထား သကဲ့သို့ ပေ ၁၀ဝ မရှိဘဲ ပေ ၆၀ သာရှိသည့် တံတားနှစ်စင်း ဖြစ်သည်ကိုတွေ့ရှိရကြောင်း၊ အဆိုပါ တံတားနှစ်စင်းကို အိန္ဒိယနိုင်ငံမှ ပေးအပ်သည့် စတုတ္ထအကြိမ်မြောက် အထောက်အပံ့ လုပ်ငန်းစာရင်းတွင် လျာထားပြီးဖြစ်ကြောင်း ဖြေကြားသည်။ ချင်းပြည်နယ် မဲဆန္ဒနယ်အမှတ်(၄)မှ ဦးဇုန်လှယ်ထန်း၏ ကလေးလေဆိပ် အဆောက်အအုံနှင့် လေဆိပ်၏ပရိဝုဏ်အား အဆင့်မြှင့်တင်ပေးရန် အစီအစဉ် ရှိ၊ မရှိ မေးခွန်းနှင့် စပ်လျဉ်း၍ ပို့ဆောင်ရေးနှင့် ဆက်သွယ်ရေး ဝန်ကြီးဌာန ဒုတိယဝန်ကြီး ဦးကျော်မျိုးက လေကြောင်းပို့ဆောင်ရေး ညွှန်ကြားမှု ဦးစီးဌာန အနေဖြင့် နှစ်စဉ်ခွင့်ပြုရရှိသည့် ရန်ပုံငွေ အပေါ်မူတည်၍ လေယာဉ်စီးခရီးသည် ဝင်/ထွက်များသည့် အခြားပြည်တွင်း လေဆိပ်များ အဆင့်မြှင့်တင်ပြုပြင်ခြင်း လုပ်ငန်းများကို ဦးစားပေးဆောင်ရွက် နေရခြင်းကြောင့် လည်းကောင်း၊ ကလေးလေဆိပ်အတွက် အသုံးပြု ဆင်း/တက်နေသည့် လေယာဉ်နှင့် ခရီးသည်များ ဘေးကင်းလုံခြုံရေးကို ဦးစားပေးဆောင်ရွက်လျက် ရှိခြင်းကြောင့်လည်းကောင်း၊ ၂၀ဝ၇ - ၂၀ဝ၈ ဘဏ္ဍာနှစ်မှ ၂၀၁၇ - ၂၀၁၈ ဘဏ္ဍာနှစ်အထိ ၁၁ နှစ်ကာလအတွင်း ကလေးလေ ဆိပ်ခရီးသည် အဆောက်အအုံပြုပြင်ထိန်းသိမ်းခြင်းအတွက် သာမန်အသုံးစရိတ် စုစုပေါင်းငွေကျပ် ၁၁ သန်းသာသုံးစွဲနိုင်ခဲ့ကြောင်း။ လွှတ်တော်ကိုယ်စားလှယ်၏တင်ပြချက် အရ လေဆိပ်အဆောက်အအုံ၏ အထွက်ခရီးသည်များ စောင့်ဆိုင်းနားနေခန်းတွင် ဌာနရှိ ပြုပြင်ပြီးလေအေးပေးစက်တစ်လုံးကို အမြန်ဆုံး တပ်ဆင်ပေးသွားမည်ဖြစ်သည့်အပြင် ကလေးလေဆိပ်သို့တိုးချဲ့ပျံသန်းမည့် လေယာဉ်ခရီးစဉ်များနှင့် နှစ်စဉ်တိုးတက်လာမည့် ခရီးသည်ဦးရေကိုမျှော်မှန်း၍ လက်ရှိလေဆိပ် အဆောက်အအုံ (ပေ ၁၂၀_ပေ ၆၀)ကို (ပေ၁၂၀ _ ပေ ၁၀ဝ)ရရှိသည်အထိ တိုးချဲ့ခြင်းနှင့် အဆောက်အအုံပြုပြင်ခြင်း လုပ်ငန်းများ အတွက် ၂၀၁၉ - ၂၀၂၀ ဘဏ္ဍာနှစ်တွင် ငွေကျပ်သန်း ၄၀ဝ နှင့် ၂၀၂၀-၂၀၂၁ ဘဏ္ဍာနှစ်တွင် ငွေကျပ်သန်း ၃၀ဝ လျာထားမှုရှိကြောင်းနှင့် ရန်ပုံငွေရရှိမှုအပေါ်မူတည်၍ ဆောင်ရွက် ပေးသွားမည်ဖြစ်ကြောင်း ဖြေကြားသည်။ အလားတူ ကချင်ပြည်နယ် မဲဆန္ဒနယ် အမှတ်(၃)မှ ဦးဇယ်ခေါင်၊ ရှမ်းပြည်နယ် မဲဆန္ဒနယ်အမှတ်(၈)မှ ဒေါ်မမလေးနှင့် ဧရာဝတီတိုင်းဒေသကြီး မဲဆန္ဒနယ်အမှတ် (၄)မှ ဦးထိန်ဝင်းတို့၏ မေးခွန်းများနှင့်စပ်လျဉ်း၍ ဒုတိယဝန်ကြီး ဗိုလ်ချုပ်သန်းထွဋ်နှင့် ဦးကျော်မျိုးတို့က ပြန်လည်ရှင်းလင်းဖြေကြားကြသည်။ ထို့နောက် မြန်မာနိုင်ငံတိုင်းရင်းဆေး ကောင်စီဥပဒေကြမ်းနှင့်စပ်လျဉ်း၍ လွှတ်တော် ကိုယ်စားလှယ်များက ဆွေးနွေးကြသည်။ မန္တလေးတိုင်းဒေသကြီး မဲဆန္ဒနယ်အမှတ် (၁)မှ ဒေါက်တာသန်းဝင်းက မြန်မာ့တိုင်းရင်း ဆေးပညာ၏ အဆင့်အတန်း၊ စံသတ်မှတ်ထိန်းသိမ်းရန်နှင့် ပြည်သူများစနစ်တကျ ယုံကြည်လက်ခံကျင့်သုံးစေရန် တိုင်းရင်း ဆေးဆရာများ၏ ပညာအဆင့်အတန်း သတ်မှတ်ခြင်းအပေါ်တွင် များစွာမူတည်နေကြောင်း၊ ၁၉၆၂ ခုနှစ်ကတည်းက နိုင်ငံတစ်ဝန်း တိုင်းရင်းဆေးဆရာများကို စနစ်တကျ သင်ကြားလေ့ကျင့်မွေးထုတ်ပေးခဲ့ရာ ၇၅၀ဝ ခန့်ရှိပြီဖြစ်ကြောင်း၊ ထို့ပြင် တိုင်းရင်းဆေး ဆရာမှတ်ပုံတင် စတင်ပြုလုပ်စဉ်အချိန်က ရိုးရာတိုင်းရင်းဆေးဆရာများကိုလည်း စိစစ်ကာ မှတ်ပုံတင်ပေးခဲ့ပြီးဖြစ်ကြောင်း။ ယခု ၂၁ ရာစု ဒုတိယ ၁၀ စုနှစ်အရောက်တွင် တိုင်းရင်းဆေးတက္ကသိုလ် အဆင့်အထိ သင်ကြားရေးဌာနများက တိုင်းရင်းဆေးပညာ ရှင်ဆေးဆရာများ မွေးထုတ်ပေးနေသော်လည်း ဥပဒေကြမ်းပုဒ်မ ၁၅ (စ)အရ ဘွဲ့ဒီပလိုမာမရှိဘဲ တိုင်းရင်းဆေးပညာဖြင့် အသက်မွေးလျက်ရှိသူများကို ကောင်စီက သတ်မှတ်သည့် အရည်အချင်းအရ တိုင်းရင်းဆေးဆရာ မှတ်ပုံတင်လက်မှတ် ထုတ်ပေးရန် ထည့်သွင်းထားခြင်းသည် မဖြစ်သင့်ကြောင်း၊ နိုင်ငံတကာ ပညာရှင်ဆိုင်ရာ ကောင်စီများက ကျင့်သုံးနေသည့် ပညာရှင်အဖြစ် သတ်မှတ်ထားသည့် စံ၊ စနစ်တို့ဖြင့် မကိုက်ညီကြောင်း၊ ထို့ကြောင့် မြန်မာတိုင်းရင်းဆေးကောင်စီ ဥပဒေကြမ်းအား ပုဒ်မ ၁၅(စ)နှင့် ၃၁ (ဂ)တို့ကို ပယ်ဖျက်ပေးပါရန် ဆွေးနွေးအပ်ကြောင်း ရှင်းလင်းပြောကြားသည်။ အဆိုပါဥပဒေကြမ်းနှင့် စပ်လျဉ်း၍ တနင်္သာရီတိုင်း ဒေသကြီး မဲဆန္ဒနယ်အမှတ် (၁၀)မှ ဦးစိုးသိန်း (ခ) ဦးမောင်စိုးကဆက် လက်ဆွေးနွေးသည်။ ယင်းနောက် အမျိုးသားလွှတ်တော် ဥပဒေကြမ်းကော်မတီဝင် ဒေါ်အုန်းကြည်က ပြည်သူ့လွှတ်တော်က ပြင်ဆင်ချက်ဖြင့်အတည် ပြုပြီးပေးပို့လာသော မြန်မာနိုင်ငံမိခင်နှင့် ကလေးစောင့်ရှောက်ရေး အသင်းဥပဒေကြမ်းကို အမျိုးသားလွှတ်တော်က ဆွေးနွေးနိုင်ရန် ဥပဒေကြမ်းကော်မတီ၏ အစီရင်ခံစာကို ဖတ်ကြားရှင်းလင်းသည်။ ဆက်လက်၍ အမျိုးသားလွှတ်တော် ဥက္ကဋ္ဌမန်းဝင်းခိုင်သန်းက အဆိုပါ ဥပဒေကြမ်းကို ဆွေးနွေးလိုသည့် လွှတ်တော်ကိုယ်စားလှယ်များ ရှိပါက အမည်စာရင်း တင်သွင်းနိုင်ကြောင်း ကြေညာသည်။

Read 174 times Last modified on Saturday, 04 August 2018 10:34