SJ WorldNews - шаблон joomla Авто

အမှိုက်များ ချေဖျက်သည့်စနစ် အကောင်အထည်ဖော်နိုင်ရန် ဂျပန်နိုင်ငံက လာရောက် လေ့လာမည်

Tuesday, 11 June 2019 11:54 font size decrease font size decrease font size increase font size increase font size

စစ်ကိုင်းတိုင်းဒေသကြီး  မုံရွာမြို့သည် လူဦးရေထူထပ်ပြီး နေ့စဉ်လူတို့ အသုံးပြုလျက်ရှိသော အမှိုက်တန်ချိန် ၁၅ဝ ခန့် ထွက်ရှိလျက်ရှိရာ ယင်းအမှိုက်များကို ခေတ်မီနည်းပညာဖြင့် ချေဖျက်သည့်စနစ် အကောင်အထည်ဖော် လုပ်ဆောင်နိုင်ရန်အတွက် ဇူလိုင်လအတွင်း ဂျပန်နိုင်ငံမှ ဖူဂျီတကုမ္ပဏီ လာရောက် ကွင်းဆင်းလေ့လာမှုများ  လုပ်ဆောင်မည်ဖြစ်ကြောင်းသိရသည်။

မုံရွာမြို့၌ နေ့စဉ် လူတို့စွန့်ပစ်သည့် မီးဖိုချောင်သုံး အမှိုက် ၇၄ ရာခိုင်နှုန်း၊ ပလတ်စတစ်အမှိုက်   ၁ဝ   ရာခိုင်နှုန်း၊ ပုလင်းခွံ၊ ဘူးခွံအမှိုက် ၁ ရာခိုင်နှုန်းနှင့် ခြံထွက်အမှိုက် ၁၅ ရာခိုင်နှုန်း ထွက်ရှိသဖြင့် ယင်းအမှိုက်များကို နေရာသုံးခုခွဲပြီး ပို့ဆောင်စွန့်ပစ်လျက်ရှိရာ   နေရာခက်ခဲခြင်းနှင့်   ပတ်ဝန်းကျင် ညစ်ညမ်းမှုများဖြစ်ပေါ်ခြင်းကြောင့် ခေတ်မီ နည်းစနစ်များ ဖြစ်သော အမှိုက်အမျိုးအစားအလိုက်    လောင်စာတောင့် ထုတ်လုပ်ခြင်း၊ လျှပ်စစ်ဓာတ်အား ထုတ်လုပ်ခြင်း၊ မြေသြဇာထုတ်လုပ်ခြင်း စသည့်ခေတ်မီ အမှိုက်ချေဖျက် နည်းပညာများကို အသုံးပြုရန် လုပ်ဆောင်ခြင်း ဖြစ်သည်။

''မုံရွာမြို့မှာက တစ်ရက်ကို အမှိုက်တန်ချိန် ၁၅ဝ လောက်ထွက်တယ်။ တစ်ရက်အမှိုက်ကို သွားပြီးပုံလိုက်တော့ မြေနေရာတွေပုပ်တယ်။

ပတ်ဝန်းကျင်လည်း ပျက်စီးတယ်။ အမှိုက်ပုံတွေရှိပေမယ့် အချိန်ကြာလာတာနဲ့အမျှ အမှိုက်ထားရမယ့် နေရာပြဿနာက ပေါ်လာတယ်။ အဲဒီအမှိုက်တွေကို ချေဖျက်ဖို့အတွက် ဂျပန်နိုင်ငံက  ကုမ္ပဏီတစ်ခုနဲ့  ချိတ်ဆက်ပြီးတော့ လုပ်ဆောင်နေတယ်။   သုံးနှစ်အတွင်း

အပြီး လုပ်ဆောင်ပေးမှာဖြစ်တယ်။ အမှိုက်စွန့်ပစ်တဲ့ နေရာတွေကိုတော့  လိုက်ပြီးပြသပေးထားပြီးပြီ။ လာမယ့် ဇူလိုင်လအတွင်းမှာတော့ အမှိုက်စွန့်ပစ်ထားတဲ့နေရာ သုံးနေရာကို အသေးစိတ် သူတို့ကွင်းဆင်း လေ့လာပြီးတော့ လုပ်လို့ရမယ့် အမှိုက်ချေဖျက်နည်း စနစ်တစ်ခုကို  အသုံးပြု လုပ်ဆောင်သွားမှာပါ''ဟု စစ်ကိုင်းတိုင်းဒေသကြီး စည်ပင်သာယာရေး အဖွဲ့မှ ညွှန်ကြားရေးမှူး   ဦးသစ်ထူးမြင့်က ပြောသည်။

ယခုလက်ရှိတွင်  မုံရွာမြို့မှ ထွက်ရှိသော အမှိုက်များကို အိုးဘိုတောင်ရပ်ကွက်ရှိ အမှိုက်ပစ်နေရာနှင့်  ကိုင်းတောကျေးရွာနားရှိ အမှိုက်စွန့်ပစ်နေရာတို့၌ စွန့်ပစ်လျက်ရှိပြီး အမှိုက်ချေဖျက် စနစ်ကို  လုပ်ဆောင်နိုင်ရန် အတွက်   ယင်းနေရာနှစ်ခုအပြင်   ခိုးသန်းကျေးရွာ အနီးရှိ အမှိုက်စွန့်ပစ် နေရာတို့ကို ကွင်းဆင်းလေ့လာမှုများ လုပ်ဆောင် မည်ဖြစ်ကြောင်း သိရသည်။         

Read 24 times Last modified on Tuesday, 11 June 2019 11:55