SJ WorldNews - шаблон joomla Авто

ရန်ကုန်မြို့၌ အာရှဗုဒ္ဓဘာသာ အသင်းချုပ်ရုံးခန်း ဖွင့်လှစ်

Thursday, 11 July 2019 11:44 font size decrease font size decrease font size increase font size increase font size

အာရှတိုက်အတွင်းရှိ  ဗုဒ္ဓဘာသာဝင်များနှင့် ပူးပေါင်း၍ ဗုဒ္ဓသာသနာထွန်းကားပြန့်ပွားရေး၊   ဗုဒ္ဓဘာသာဝင်အချင်းချင်း အပြန်အလှန်ကူညီ ရိုင်းပင်းနိုင်ရေး၊   ဗုဒ္ဓဘာသာဝင်အားလုံး၏ လူမှုဘဝ ရပ်တည်နိုင်ရေးကို ရှေးရှုလျက် အာရှဗုဒ္ဓဘာသာ အသင်းချုပ်ရုံးခန်း ဖွင့်ပွဲကို  ဇူလိုင်  ၁ဝ  ရက်က ရန်ကုန်တိုင်းဒေသကြီး မရမ်းကုန်းမြို့နယ်ရှိ ဇဗ္ဗူသီရိဗိမာန်၌ ကျင်းပသည်။

အခမ်းအနားသို့ ထိုင်းနိုင်ငံ မဟာချူလာလောင်ကွန်းတက္ကသိုလ် ပါမောက္ခချုပ်ဆရာတော် အမှူးပြုသော သင်ကြားရေးနှင့်  စီမံဌာနမှ ဆရာတော်များ၊ နိုင်ငံတော်ပရိယတ္တိ သာသနာ့တက္ကသိုလ်မှ  ပါမောက္ခချုပ်ဆရာတော် အဂ္ဂမဟာပဏ္ဍိတ အဂ္ဂမဟာ ဂန္ထဝါစကပဏ္ဍိတ ဒေါက်တာ ဘဒ္ဒန္တကုမာရ၊ ဒုတိယ ကျိုက်ထီးဆောင်းဆရာတော်   အဂ္ဂမဟာ သဒ္ဓမ္မဇောတိကဓဇ ဒေါက်တာ ဘဒ္ဒန္တနာဂ ဒီပအမှူးပြုသော သံဃာတော်များ၊ သာသနာရေးနှင့် ယဉ်ကျေးမှုဝန်ကြီးဌာနမှ တာဝန်ရှိသူများ၊ မြန်မာနိုင်ငံလုံးဆိုင်ရာ ထေရဝါဒဗုဒ္ဓသာသနာ အဖွဲ့ချုပ်နှင့် နယ်စပ်တောင်တန်းဒေသ သာသနနုဂ္ဂဟအသင်း(ဗဟို) ဥက္ကဋ္ဌနှင့်  အသင်းဗဟိုကော်မတီဝင်များ၊  ထေရဝါဒဗုဒ္ဓဘာသာနိုင်ငံ ၁၁ နိုင်ငံမှ ဆရာတော်များ တက်ရောက်ကြသည်။

အဆိုပါ အာရှဗုဒ္ဓဘာသာအသင်းချုပ် ရုံးခန်းသစ်ဖွင့်လှစ်ခြင်းသည် ကမ္ဘာ့လူဦးရေ သန်းပေါင်း ၇ဝဝဝ ကျော်အနက် အင်အားနည်းပါးသော ဗုဒ္ဓဘာသာဝင်များ၏ စုစည်းမှု အင်အားတစ်ရပ်လည်း ဖြစ်ကြောင်း  သိရသည်။

ထို့ပြင် ဗုဒ္ဓဘာသာဝင် အချင်းချင်း လက်တွဲပူးပေါင်းလျက်  ဗုဒ္ဓသာသနာတော်ထွန်းကား ပြန့်ပွားရေး၊ လူမှုအဆောက်အအုံ ငြိမ်းချမ်းရေး၊   ဒေသတွင်းငြိမ်းချမ်းရေးနှင့် ကမ္ဘာ့ငြိမ်းချမ်းရေးတို့ကိုပါ    ဆောင်ရွက်နိုင်ရန် ဖွဲ့စည်းတည်ထောင်ခြင်း ဖြစ်ကြောင်း သိရသည်။

အာရှဗုဒ္ဓဘာသာ အသင်းချုပ်ရုံးခန်း ဖွင့်ပွဲတွင် မြန်မာနိုင်ငံအပါအဝင်  ထိုင်း၊ ကမ္ဘောဒီးယား၊   လာအို၊  သီရိလင်္ကာ၊  အိန္ဒိယ၊ စင်ကာပူ၊  ဗီယက်နမ်၊  တရုတ်၊  တောင်ကိုရီးယား၊  အင်ဒိုနီးရှား၊  တရုတ် (တိုင်ပေ)နိုင်ငံတို့မှ ဗုဒ္ဓဘာသာ ကိုယ်စားလှယ်များနှင့် ဧည့်သည်တော်များ တက်ရောက်ခဲ့ကြောင်း သိရသည်။                      လင်းခန့်

Read 32 times Last modified on Thursday, 11 July 2019 11:45