SJ WorldNews - шаблон joomla Авто

ငလျင်ဘေးအန္တရာယ် ဇာတ်တိုက်လေ့ကျင့် သရုပ်ပြ

Friday, 12 July 2019 11:48 font size decrease font size decrease font size increase font size increase font size

ကရင်ပြည်နယ်  ဖာပွန်ခရိုင် ဖာပွန်မြို့နယ် မီးသတ်ဦးစီးဌာနနှင့်   သဘာဝဘေးအန္တရာယ်ဆိုင်ရာ   စီမံခန့်ခွဲမှုဦးစီး ဌာနတို့ ပူးပေါင်း၍  ဇူလိုင်  ၁ဝ  ရက်နံနက်ပိုင်းက  အနောက်ဘက်ကမ်းကျေးရွာ၌ ငလျင်ဘေးအန္တရာယ်   အသိပညာပေးဟောပြောပြီး ဇာတ်တိုက်လေ့ကျင့်သရုပ်ပြသသည်။

ရှေးဦးစွာ ဖာပွန်မြို့နယ် အထွေထွေအုပ်ချုပ်ရေးဦးစီးဌာန ခေတ္တအုပ်ချုပ်ရေးမှူးဦးကျော်မိုးဦးက အဖွင့်အမှာစကားပြောကြားပြီး ခရိုင်သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ဦးစီးအရာရှိ ဒေါ်ဟေဇင်ဇူး၊ဒုတိယဦးစီးမှူး ဒေါ်စိန်လှဝင်း၊ အငယ်တန်းစာရေး စောဆာလော်အယ်ထူးနှင့် ပစ္စည်းထိန်း-၅ ဒေါ်အေးအေးမာတို့က မိမိတို့ဌာန၏လုပ်ငန်းဆောင်တာများ၊  ငလျင်ဘေးအန္တရာယ်ဆိုင်ရာအကြောင်း သိကောင်းစရာများ၊ မုန်တိုင်းဘေးအန္တရာယ်အကြောင်း သိကောင်းစရာများနှင့် ရေဘေးအကြောင်း သိကောင်းစရာများ ကို ပြောကြားသည်။

ထို့နောက် မြို့နယ်မီးသတ်ဦးစီးဌာန ဦးစီးအရာရှိ ဦးမျိုးဇော်က ရှာဖွေကယ်ဆယ်ရေးဆိုင်ရာ လုပ်ဆောင်ချက်များ ရှင်းလင်းသည်။

ထို့နောက် သဘာဝဘေးဒဏ်မကျရောက်မီ၊ ကျရောက်ချိန်နှင့် ကျရောက်ပြီးချိန်များတွင် ကြိုတင်နှိုးဆော်ခြင်း၊ ရှာဖွေကယ်ဆယ်ရေးပြုလုပ်နိုင်ရန်အတွက် အသံချဲ့စက်၊ မိုက်ခရိုဖုန်း၊ စပီကာများ၊ မီးသတ်ကိရိယာနှင့် ဆက်စပ်ပစ္စည်းများကို ဆရာ၊ ဆရာမများ၊ ကျောင်းသား၊ ကျောင်းသူများနှင့်ဒေသခံပြည်သူများ အသုံးပြုနိုင်ရန်အတွက်  မြို့နယ်မီးသတ်ဦးစီးဌာန ဦးစီးအရာရှိနှင့်တပ်ဖွဲ့ဝင်များက လက်တွေ့သရုပ်ပြသကြောင်း သိရသည်။                           ကျော်ဝဏ္ဏ    

Read 25 times Last modified on Friday, 12 July 2019 11:49