SJ WorldNews - шаблон joomla Авто

အဆောက်အအုံ ဆောက်လုပ်ခွင့်ပြုမိန့်ကို အွန်လိုင်းမှ တစ်ဆင့် လျှောက်ထားရာ၌ သတ်မှတ် ကန့်သတ်ချက်များ ရှိနေ

Thursday, 22 August 2019 09:45 font size decrease font size decrease font size increase font size increase font size

ရန်ကုန်မြို့၌ အဆောက်အအုံ ဆောက်လုပ်ခွင့်ပြုမိန့်ကို     အွန်လိုင်းမှ တစ်ဆင့် လျှောက်ထားမှုအား   ခွင့်ပြုထားသော်လည်း  မြန်ဆန်ရေးအတွက်  သတ်မှတ် ကန့်သတ်ချက်များ ရှိနေသေးကြောင်း မြန်မာနိုင်ငံ ဆောက်လုပ်ရေး လုပ်ငန်းရှင်များ အဖွဲ့ချုပ်မှ အထွေထွေအတွင်းရေးမှူး   ဦးမျိုးမြင့်၏ ပြောကြားချက်အရ သိရသည်။

အွန်လိုင်းမှတစ်ဆင့် ဆောက်လုပ်ခွင့်ပြုမိန့် လျှောက်ထားရာတွင်  လျင်မြန်လွယ်ကူ သော်လည်း အန္တရာယ်ရှိနိုင်သည့်  အခြေအနေများဖြစ်သော  ရန်ကုန်မြို့တွင်း၌  ရှစ်ထပ်တိုက် တည်ဆောက်ခြင်း၊ မြစ်ကမ်းဘေးများ၌ အဆောက် အအုံ တည်ဆောက်ခြင်း တို့အတွက်  ပါမစ်စစ်ဆေးရာ၌  ကြာမြင့်မှုများ ရှိကြောင်း သိရသည်။  

ဆောက်လုပ်ခွင့် ပါမစ်လျှောက်ထားရာတွင်   စနစ်သစ်တစ်ခု   စတင်ပြောင်းလဲ ကျင့်သုံးခြင်းကြောင့်   အနည်းဆုံးသုံးလမှ  ငါးလအတွင်း  အခက်အခဲများ ရှိနိုင်သော်လည်း ရေရှည်တွင် အဆင်ပြေစေနိုင်ကြောင်း သိရသည်။

''အွန်လိုင်းစနစ်နဲ့ လျှောက်ထားခွင့်ပြုတာကလျင်မြန် လွယ်ကူစေဖို့ပါ။  ဒါပေမဲ့ အန္တရာယ်ရှိ အခြေအနေတွေနဲ့ ပတ်သက်လို့  ပါမစ်စစ်ဆေးတာတွေမှာ ကြာမြင့်မှုကတော့ ရှိနေမှာပါ။ ဒီစနစ် အမြန်ဆုံး အဆင်ပြေဖို့ကတော့  အခက်အခဲ ရှိနေဦးမယ်။  စနစ်တကျနဲ့ အသုံးပြုမယ်ဆိုရင်   ရေရှည်မှာ အခက်အခဲမရှိနိုင်ပါဘူး။   ပါမစ်လျှောက်ထားတာက  အရင်တုန်းကတော့   အချိန်ကာလ အတိုင်းအတာတစ်ခုအထိ ကြာမြင့်ပါတယ်။ အွန်လိုင်းစနစ်နဲ့ ဆောင်ရွက်လာတော့  အရင်ကထက်   ပိုပြီးမြန်လာမယ်လို့ထင်တယ်''  ဟု   ဦးမျိုးမြင့် ကပြောသည်။

ရန်ကုန်မြို့၌ ဆောက်လုပ်ခွင့်ပြုမိန့် ကြန့်ကြာမှုကို ပြုပြင်ပြောင်းလဲရန် အွန်လိုင်းမှ ပါမစ်လျှောက်ထားနိုင်မည့် အစီအစဉ်ကို ယခုလပထမပတ်က ဆောင်ရွက်ခဲ့ကြောင်း၊ ယင်းစနစ်အသုံးပြုခြင်းကို ရန်ကုန်မြို့တော် စည်ပင်သာယာရေး ကော်မတီအနေဖြင့်   ပထမဆုံး  စမ်းသပ် ဆောင်ရွက်ခြင်းဖြစ်ပြီး Doing Business 2019 အစီရင်ခံစာအရ    မြန်မာနိုင်ငံသည်   အဆောက်အအုံပါမစ် ရရှိမှုကဏ္ဍတွင်  ကမ္ဘာ့အဆင့် ( ၈၁ ) တွင် ရှိနေပြီးဆောက်လုပ်ခွင့်ပါမစ် လျှောက်ထားမှုတွင်  ကြန့်ကြာမှုများရှိကြောင်း၊ ယခုစနစ်သည်     ဆောက်လုပ်ရေး လုပ်ငန်းများ  တိုးတက်ရေးအတွက် အဆင်ပြေစေမည် ဖြစ်ကြောင်း သိရသည်။

Read 22 times Last modified on Thursday, 22 August 2019 09:47