SJ WorldNews - шаблон joomla Авто

မိုင်းခတ်မြို့နယ်အတွင်းရှိ စစ်မှုထမ်းဟောင်း အဖွဲ့ဝင်များနှင့် ပြည်သူ့စစ်(ဌာနေ) တပ်ဖွဲ့ဝင်များအား တွေ့ဆုံ၊ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

Thursday, 14 March 2019 08:39 font size decrease font size decrease font size increase font size increase font size

နေပြည်တော်   မတ်   ၁၃

ရှမ်းပြည်နယ်(အရှေ့ပိုင်း)၊  မိုင်းခတ်မြို့နယ်အတွင်းရှိ စစ်မှုထမ်းဟောင်း အဖွဲ့ဝင် များနှင့်  ပြည်သူ့စစ်(ဌာနေ)  တပ်ဖွဲ့ဝင်များ အား  ယနေ့နေ့လယ်ပိုင်းတွင်  တြိဂံဒေသတိုင်း စစ်ဌာနချုပ်  တိုင်းမှူး  ဗိုလ်ချုပ်ခင်လှိုင်နှင့် အဖွဲ့ဝင် များက  နယ်မြေခံ တပ်နယ်ခန်းမ အသီးသီး၌ သွားရောက်တွေ့ဆုံသည်။

ဦးစွာ တိုင်းမှူးက အမှာစကား ပြောကြားပြီး စစ်မှုထမ်းဟောင်း အဖွဲ့ဝင်များနှင့် ပြည်သူ့စစ်(ဌာနေ) တပ်ဖွဲ့ဝင်များ၏ တင်ပြချက်များအပေါ် ညှိနှိုင်းဆောင်ရွက်ပေးကာ စစ်မှုထမ်းဟောင်း အဖွဲ့ဝင်များနှင့် ပြည်သူ့စစ်(ဌာနေ) တပ်ဖွဲ့ဝင်များအတွက် သွပ်၊ ရေပိုက်၊ ဘိလပ်မြေအိတ်များနှင့် စားသောက်ဖွယ်ရာများ ပေးအပ်သည်။

ထို့ပြင် ပြည်သူ့စစ်(ဌာနေ)တပ်ဖွဲ့ဝင် ၁ဝ၁ ဦးတို့ကို တိုင်းစစ်ဌာနချုပ်၊ နယ်လှည့်ဆေးကုသရေး အဖွဲ့က  သွေးတိုးရောဂါ၊  နှလုံးရောဂါ၊ ဆီးချိုရောဂါ၊ ခွဲစိတ်ကုသမှုဆိုင်ရာ ရောဂါ၊ မျက်စိရောဂါ၊  နား/ နှာခေါင်း/ လည်ချောင်းရောဂါ၊ အရိုး/အကြောရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေး ကုသပေးခြင်းများ ဆောင်ရွက်ပေးပြီး ထိုသို့ဆောင်ရွက်ပေးနေမှုများကို တိုင်းမှူးနှင့်အဖွဲ့ဝင်များက လိုက်လံကြည့်ရှု အားပေး ခဲ့ကြောင်း သတင်း ရရှိသည်။

(၁ဝဝ)

Read 19 times Last modified on Thursday, 14 March 2019 09:12