SJ WorldNews - шаблон joomla Авто

နွားထိုးကြီးမြို့နယ်၊ ပြင်ဦးလွင်မြို့နယ်နှင့် မိုးကုတ်မြို့တို့၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

Friday, 15 March 2019 08:10 font size decrease font size decrease font size increase font size increase font size

နေပြည်တော်  မတ်  ၁၄

မန္တလေးတိုင်းဒေသကြီး၊ နွားထိုးကြီးမြို့နယ်၊ ဒေါင်းဘိုးကျေးရွာ၊ ပြင်ဦးလွင်မြို့နယ်၊ ညောင်ကုန်းကျေးရွာနှင့် မိုးကုတ်မြို့ရှိ သံဃာတော်များနှင့် ဒေသခံပြည်သူများအား ယနေ့ နံနက်ပိုင်းတွင် အလယ်ပိုင်းတိုင်း စစ်ဌာနချုပ်၊ နယ်လှည့်ဆေးကုသရေး အဖွဲ့များက အဆိုပါ ကျေးရွာများရှိ အခြေခံပညာ အထက်တန်းကျောင်းများ၊ပရိယတ္တိ စာသင်တိုက်နှင့် ဘုန်းတော်ကြီးကျောင်းများ၌  ကျန်းမာရေး စောင့်ရှောက်မှုလုပ်ငန်းများ အသီးသီး ဆောင်ရွက်ပေး သည်။

ထိုသို့ဆောင်ရွက်ပေးရာတွင် ဆေးကုသရေး အဖွဲ့က သံဃာတော် ၂၅ ပါးနှင့် ဒေသခံပြည်သူ  ၉၇၉ ဦးတို့ကို ခွဲစိတ်ကုသမှုဆိုင်ရာ ရောဂါ၊ အရိုး/အကြောရောဂါ၊နား/နှာခေါင်း/လည်ချောင်းရောဂါ၊ မျက်စိရောဂါ၊ သွားနှင့် ခံတွင်းရောဂါ၊ ကလေးရောဂါ၊ သားဖွား/မီးယပ်ရောဂါ၊ အထွေထွေ ရောဂါတို့နှင့် ပတ်သက်၍   လိုအပ်သည့် ကျန်းမာရေး စစ်ဆေးကုသပေးခြင်း၊ ECG စက်ဖြင့် နှလုံးစမ်းသပ်စစ်ဆေးပေးခြင်း၊ သွေးဖောက်ဓာတ်ခွဲ စစ်ဆေးပေးခြင်းနှင့် တီဗွီဓာတ်မှန် ရိုက်ပေးခြင်းများ ဆောင်ရွက်ပေးပြီး ဆေးရုံတက်ရောက် ကုသရန် လိုအပ်သူ ၁၂ ဦးတို့အား တပ်မတော်ဆေးရုံများသို့ တက်ရောက်ကုသနိုင်ရေး  စီစဉ်ဆောင်ရွက်ပေးသည်။

ထို့ပြင် ဆေးကုသရေးအဖွဲ့က ဒေါင်းဘိုးကျေးရွာရှိ ဒေသခံပြည်သူများအား သားအိမ် ခေါင်း ကင်ဆာရောဂါ အကြောင်းနှင့် အပူလျှပ်ခြင်း အကြောင်းတို့နှင့် ပတ်သက်၍ ကျန်းမာရေး အသိပညာပေး ဟောပြောဆွေးနွေးခြင်းများ ဆောင်ရွက်ပေးခဲ့ကြောင်း သတင်းရရှိသည်။

 (၁ဝဝ)

Read 30 times Last modified on Friday, 15 March 2019 09:00