SJ WorldNews - шаблон joomla Авто

လေပြင်း တိုက်ခတ်မှုကြောင့် ပျက်စီးမှုများ ဖြစ်ပေါ်ခဲ့သည့် ကျေးရွာများသို့ ကူညီကယ်ဆယ်ရေး လုပ်ငန်းများ ဆက်လက် ဆောင်ရွက်

Thursday, 16 May 2019 08:22 font size decrease font size decrease font size increase font size increase font size

နေပြည်တော်   မေ   ၁၅

စစ်ကိုင်းတိုင်းဒေသကြီး၊  ကနီမြို့နယ်အတွင်း မေ ၁၃ ရက် ညနေပိုင်းတွင် မိုးရွာသွန်းပြီး လေပြင်း တိုက်ခတ်မှုကြောင့် ကနီမြို့နယ်အတွင်း ကျေးရွာများရှိ ဘုန်းကြီးကျောင်းများ၊ စာသင်ကျောင်းများ၊ ဌာနဆိုင်ရာ အဆောက်အအုံ များနှင့် လူနေအိမ်များ အမိုးလန်ခြင်း၊   ပြိုကျပျက်စီးခြင်းများ၊  သစ်ပင်သစ်ကိုင်းများ ကျိုးကျခြင်းများဖြစ်ပေါ်ခဲ့သည်။

အဆိုပါလေပြင်း တိုက်ခတ်မှုကြောင့် ပျက်စီးခြင်းများ ဖြစ်ပေါ်ခဲ့သော နေရာများအား ကူညီကယ်ဆယ်ရေး လုပ်ငန်းများ ဆောင်ရွက်ပေးလျက်ရှိရာ ယနေ့တွင် အနောက်မြောက်တိုင်း စစ်ဌာနချုပ်၊ မုံရွာတပ်နယ်မှ တပ်မတော်သား များက ဒေသခံပြည်သူများနှင့် ပူးပေါင်း၍ ကနီမြို့နယ်၊ ဝရာကျေးရွာရှိ မဟာရွှေမုဋ္ဌော ဘုန်းကြီးကျောင်းနှင့် အခြေခံပညာ အလယ် တန်းကျောင်း၊ ကျွဲတက်ကျေးရွာရှိ ပြည်လုံး ချမ်းသာဘုန်းကြီးကျောင်း၊ သီရိမင်္ဂလာဘုန်းကြီး ကျောင်းနှင့် အခြေခံပညာ မူလတန်းကျောင်း၊ ဇီးဖြူကုန်းကျေးရွာရှိ မဟာယာကြီး ဘုန်းကြီး ကျောင်း၊ ကံဇိဘကျေးရွာရှိ ညောင်ပင်သာ ဘုန်းကြီးကျောင်းနှင့် အခြေခံပညာအလယ်တန်း ကျောင်းများ၌ အပျက်အစီးများ ပြန်လည် ရှင်းလင်းဖယ်ရှားခြင်း၊ သစ်ပင်၊ သစ်ကိုင်းများ ခုတ်ထွင်ရှင်းလင်းခြင်း၊ အမိုးများပြန်လည် ပြုပြင်ပေးခြင်း စသည့်ကူညီ ကယ်ဆယ်ရေး လုပ်ငန်းများ ဆောင်ရွက်ပေးလျက် ရှိကြောင်း သတင်း ရရှိသည်။                 

(၁ဝဝ)

Read 11 times Last modified on Thursday, 16 May 2019 08:24