SJ WorldNews - шаблон joomla Авто

ရန်ကုန်တိုင်းဒေသကြီး၊ ကွမ်းခြံကုန်းမြို့နယ်တွင် တစ်အုပ်တစ်မသစ်တော စိုက်ခင်းများစိုက်ပျိုး

Wednesday, 12 June 2019 08:47 font size decrease font size decrease font size increase font size increase font size

နေပြည်တော်  ဇွန်  ၁၁

ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၊ ကမာပါကျေးရွာအုပ်စု၊ မေတ္တာကျေးရွာရှိ အများပြည်သူနှင့် သက်ဆိုင်သော ကျေးရွာပိုင်မြေ၌ တစ်အုပ်တစ်မသစ်တောစိုက်ခင်း စိုက်ပျိုးခြင်းကို ယနေ့နံနက်ပိုင်းတွင် ပြုလုပ်ကြသည်။ ထိုသို့တစ်အုပ် တစ်မ သစ်တော စိုက်ခင်း စိုက်ပျိုးခြင်းတွင်  ရန်ကုန်တိုင်းစစ်ဌာနချုပ် တိုင်းမှူးနှင့်  တပ်မတော် အရာရှိကြီးများ၊ တပ်ရင်း/ တပ်ဖွဲ့မှူးများ၊  အရာရှိ၊  စစ်သည်၊ မိသားစုများ၊ မြို့နယ်စစ်မှုထမ်းဟောင်းအဖွဲ့ ဝင်များ၊ ဌာနဆိုင်ရာ ဝန်ထမ်း များ၊ ကျေးရွာ ရပ်မိရပ်ဖများနှင့် ဒေသခံပြည်သူများ ပါဝင်ကြသည်။

သစ်ပင်များ စိုက်ပျိုးခြင်း မပြုမီ တိုင်းမှူးက တစ်အုပ်တစ်မသစ်တောစိုက်ခင်းများ စိုက်ပျိုး ခြင်းနှင့်ပတ်သက်၍ ရှင်းလင်း ပြောကြားခဲ့ပြီး တက်ရောက်လာကြသူများအားလုံးက အရိပ်ရလေကာပင်ဖြစ်သည့် မန်ဂျန်ရှားပင်များကို တစ်အုပ်တစ်မ စိုက်ပျိုးကြသည်။

ယနေ့ပြုလုပ်သည့် တစ်အုပ်တစ်မ သစ်တောစိုက်ခင်း စိုက်ပျိုးခြင်း၌  မန်ဂျန်ရှား ၈ဝဝ ပင်အားစိုက်ပျိုးခဲ့ပြီး  ကွမ်းခြံကုန်း မြို့နယ်အတွင်းရှိ ဝါးကောက်တော ကျေးရွာအနီး၌ မန်ဂျန်ရှား  ၈ဝဝ  ပင်နှင့်  အေးမြသာယာကျေး ရွာအနီး၌ မန်ဂျန်ရှား  ၇ဝဝ ပင်တို့ကို ထပ်မံ စိုက်ပျိုးသွားမည်ဖြစ်ကြောင်း   သတင်းရရှိသည်။                             

(၁ဝဝ)

Read 31 times Last modified on Wednesday, 12 June 2019 08:48