SJ WorldNews - шаблон joomla Авто

မှော်ဘီမြို့နယ်နှင့် သုံးခွမြို့နယ်တို့အတွင်း ကူညီ ကယ်ဆယ်ရေးနှင့် စားသောက်ဖွယ်ရာများ ပေးအပ် လှူဒါန်း

Tuesday, 13 August 2019 11:14 font size decrease font size decrease font size increase font size increase font size

နေပြည်တော်   သြဂုတ်   ၁၂

ရန်ကုန်တိုင်းဒေသကြီး အတွင်း  မိုးအဆက်မပြတ် ရွာသွန်းပြီး မှော်ဘီချောင်းရေ လျှံမှုကြောင့် မှော်ဘီမြို့နယ်၊ အမှတ်(၃)ရပ်ကွက် အတွင်းရှိ အနိမ့်ပိုင်းလမ်းများတွင် မိုးရေ ၁ ပေခန့်ဝင်ရောက်လျက်ရှိရာ ရပ်ကွက်နေပြည်သူများမှာ ၎င်းတို့နေအိမ်များ၌ပင် နေထိုင်လျက် ရှိပြီး မိုးရေများ ဆက်လက်မြင့်တက်နေပါက ရေဘေး ကင်းလွတ်ရာသို့  ရွှေ့ပြောင်းရန်အတွက်  တာဝန်ရှိသူများက  စီမံထားရှိသည်။

အဆိုပါရပ်ကွက်သို့ ရန်ကုန်တိုင်း စစ်ဌာနချုပ် ကွပ်ကဲမှုအောက် မှော်ဘီတပ်နယ်မှ နယ်မြေခံ တပ်မတော်သားများက ယနေ့တွင် စားသောက်ဖွယ်ရာများနှင့် သောက်ရေသန့်ဘူးများ ပေးအပ်လှူဒါန်းပြီး ရေဝင်ရောက်သည့်နေရာများ၌ ရေစီးရေလာ ကောင်းမွန်စေရန် ရေမြောင်းများ အတွင်း ပိတ်ဆို့နေသော အမှိုက်များအား ဖယ်ရှားရှင်းလင်းခြင်း လုပ်ငန်းများ ဆောင်ရွက်ပေးသည်။

အလားတူ ရန်ကုန်တိုင်းဒေသကြီး၊ သုံးခွမြို့နယ်၊ ရှမ်းစုကျေးရွာအတွင်း ပင်လယ်ဒီရေ မြင့်တက်မှုကြောင့် ရေများ ဝင်ရောက်လျက်ရှိရာ နယ်မြေခံ တပ်မတော်သားများက အိမ်ထောင်စုခြောက်စုအား ရေဘေးကင်းလွတ်ရာ အဆိုပါကျေးရွာ ရှိ ဇမ္ဗူအေး ကျောင်းတိုက်သို့ ယာယီ ရွှေ့ပြောင်းနေရာ ချထားပေးပြီး ရေဘေးသင့်ပြည်သူ ၂၂  ဦးတို့အတွက်  စားသောက်ဖွယ်ရာများ ပေးအပ်လှူဒါန်းခဲ့ကြောင်း သတင်း ရရှိသည်။        

Read 23 times Last modified on Tuesday, 13 August 2019 11:15