SJ WorldNews - шаблон joomla Авто

ပြည်သူ့ကျန်းမာရေး ပြဿနာ တစ်ရပ်အနေနဲ့ မရှိစေဖို့ နိုင်ငံတစ်ဝန်း ရည်မှန်းချက်ထားလုပ်ဆောင်နေတဲ့ ဆင်ခြေထောက်ရောဂါ ကာကွယ်ရေး

Sunday, 21 January 2018 09:40 Written by  font size decrease font size decrease font size increase font size increase font size

မြန်မာနိုင်ငံတစ်ဝန်း၌ ဆင်ခြေထောက်ရောဂါကာကွယ်နိုင်ရန် သန်ချဆေးပေါင်းတိုက်ကျွေးခြင်းနှင့်ပတ်သက်၍ ခြင်မှတစ်ဆင့်ကူးစက်တတ်သောရောဂါများ ကာကွယ် နှိမ်နင်းရေးဌာနမှ လက်ထောက်ညွှန်ကြားရေးမှူး ဒေါက်တာ အေးမွန် မွန်ကျော်နှင့် တွေ့ဆုံမေးမြန်း ခဲ့သည်တို့ကို စာဖတ် ပရိသတ် သိရှိစေရန် ရေးသား တင်ပြလိုက်ပါသည်။

ဆင်ခြေထောက်ရောဂါကာကွယ်ဆေး တိုက်ကျွေးခြင်းရဲ့   ရည်ရွယ်ချက်ကိုပြောပြပေးပါဦး။

ကမ္ဘာ့ကုလသမဂ္ဂအကြိမ်(၅ဝ)မြောက် ညီလာခံကနေ  ၂ဝ၂ဝ ပြည့်နှစ်မှာ ဆင်ခြေထောက်ရောဂါကို  ပြည်သူ့ ကျန်းမာရေး ပြဿနာတစ်ရပ်အနေနဲ့မရှိဖို့ ရည်မှန်းချက် ထားပြီး  ပြည်တွင်းမှာလည်း  ဆင်ခြေ ထောက်ရောဂါ ကာကွယ်ဖို့  သန်ချဆေးပေါင်းကို ၂ဝ၁၃ ခုနှစ်ကစပြီး  ရန်ကုန်တိုင်းဒေသကြီးမှာ တိုက်ကျွေးတာ အခုဆို (၅) ကြိမ်မြောက်ရှိပါပြီ။   တိုက်ကျွေးမှု ပြီးသွားရင် ပြန်ပြီးတော့ ဆန်းစစ်မှာပါ။

သူငယ်တန်းနဲ့  ပထမတန်းက   ကလေး တွေကို   သွေးဖောက်စစ်ဆေးပြီး   ဆင်ခြေထောက်ရောဂါ   ရှိ၊ မရှိ  ပြန် လည် ဆန်းစစ် မှာပါ။   ပြီးတော့မှ   နောက်ထပ် ဆေးတိုက်ကျွေးသင့်၊    မသင့်ကို  ဆုံးဖြတ်မှာပါ။

ပြန်လည်ဆန်းစစ်မှုကို ဘယ်လိုဆောင် ရွက်မှာလဲဆိုတာ ပြောပြပေးပါဦး။

အဲဒါ WHO က ဦးဆောင်တဲ့အဖွဲ့က လာပြီး စစ်ဆေးပေးမှာပါ။ ဘယ်လိုလာမှာလဲ၊ ဘယ်ကိုလာ မှာလဲဆိုတာ   မသိ သေးဘူး။ လာရင် ကလေးတွေကို   သွေးဖောက်စစ် ဆေးမယ်။ အမြန်သွေးစစ် ကိရိယာနဲ့ ပိုးရှိ၊ မရှိစစ်ပေးပြီး     ချက်ချင်း သိနိုင်မယ်။ 

စစ်ဆေးပြီး အောင်မြင်သွားရင်  မတိုက်သင့်ရင် မတိုက်သင့်တဲ့အကြောင်း၊ တိုက်သင့်ရင် တိုက်သင့်တဲ့ အကြောင်း ခွဲခြားပေးမှာပါ။

ကလေးတွေဆိုရင်  ဒီဆေးကို  ဘယ် အသက်အရွယ်မှာ တိုက်သင့်ပြီး  ဘယ်လိုလူမျိုးတွေက  ဆေးမသောက်သင့် ဘူးလဲ ဆိုတာပြောပြပေးပါဦး။

အသက် နှစ်နှစ်အောက်ကလေးတွေ၊ ကိုယ်ဝန်ဆောင်မိခင်တွေနဲ့ ရောဂါတစ်ခုခုကြောင့်  အိပ်ရာထဲလဲနေတဲ့ သူတွေ ဆိုရင်  မတိုက်ပါဘူး။ နှစ်နှစ်အထက်ကနေ ငါးနှစ်အထိကို   ဆေးတစ်ခြမ်းတိုက်ပါတယ်။

အသက်ခြောက်နှစ်ကနေ ၁၅ နှစ်အထိက  တစ်လုံးတိုက်ပါတယ်။ ၁၅ နှစ်ပြည့်ပြီးတဲ့ လူကြီးတွေကို တစ်လုံးနဲ့ တစ်ခြမ်း တိုက်ပါတယ်။ ဒါ့အပြင် အူလမ်းကြောင်းမှာရှိနေတဲ့ သန်ကောင်တွေကို သေစေတဲ့ အူလမ်း ကြောင်း သန်ချဆေးကိုလည်း ကျွန်မတို့က တစ်လုံးတိုက်ပါတယ်။ ဆေးပေါင်းတိုက်တာပါ။

ဆင်ခြေထောက်ရောဂါရဲ့  လက္ခဏာတွေပြောပြပေးပါဦး။

ရောဂါလက္ခဏာအနေနဲ့  ရောဂါနုတဲ့ အချိန်နဲ့   ရောဂါရင့်တဲ့အချိန်ကွာတယ်။ ရောဂါနုနေတဲ့အချိန်က ချမ်းတုန်ပြီး ဖျားတယ်။ အရေပြားတွေ ယားလာတယ်။ နောက်ကျမှ  အင်ပျဉ်တွေခဏခဏထွက် တယ်။  နောက်ပြီးရင်ကျပ် တယ်။ ရင်ကျပ်၊ ပန်းနာတွေကို သမားတော်ကြီးတွေကိုယ်တိုင် သန်ချဆေးတိုက်လိုက်ရင် သက်သာသွား တာရှိတယ်။ ဒါကြောင့် ဒီသန်ချဆေးကို သောက်သုံးခြင်းက လူတစ်ဦးကနေ တစ်ဦးကူးစက်မှုကို   ဖြတ်တောက် နိုင်ပါ တယ်။

 အဲဒီရောဂါလက္ခဏာတွေက  တဖြည်းဖြည်း ဆိုးရွားလာပြီး  သန်ကောင်တွေက သွေးသန်ကောင်ဖြစ်တဲ့ အတွက် သွေးကြောထဲမှာ ပိတ်နေတတ်တယ်။  ပိတ်နေတဲ့အတွက် ခန္ဓာကိုယ် အတွင်းက ရေတွေ အပြင်ဘက် ထွက်လာ လို့ ခြေထောက်ကြီးတွေ ဖောင်းလာတယ်။ အဲဒီသွေးကြောတွေအပြင် ကျောက်ကပ်တွေသွားတဲ့ နေရာတွေမှာ လည်း ပိတ် တတ်တယ်။ ပိတ်နေရာက  ပေါက်ထွက်သွားရင် ကျောက်ကပ်ပျက်ပြီးတော့ ဆီးတွေက  အဖြူရောင်၊  အနီရောင်တွေ ဖြစ်လာပါတယ်။ အကြိတ်တွေဆီမှာသွားပြီး ခိုအောင်းတယ်။ သန်ကောင်တွေနဲ့ ပိတ်ဆို့နေတယ် ဆိုရင် အကြိတ်ကြီးလာတာတို့၊ နာလာတာတို့ဖြစ်တယ်။

ဆင်ခြေထောက်ရောဂါ ကူးစက်ပုံကို ပြောပြပေးပါဦး။

ဆင်ခြေထောက်ရောဂါက  ခြင်ကနေ တစ်ဆင့်ကူးစက်တယ်။ သန်ကောင်တွေရှိ နေတဲ့လူကို      ခြင်ကကိုက်တဲ့ အခါ ပိုးကခြင်ထဲကိုဝင်သွားတယ်။   ဝင်သွားပြီးခြင်ထဲမှာတော့ မပွားဘူး။ ဒါပေမဲ့ သန်ကောင် အသေးလေးတွေ ကနေ သန်ကောင် Step 1/2/3 ဆိုပြီးတော့ဖြစ်လာတယ်။ ပြီးတော့အဲဒီခြင်က လူတစ်ဦးကို ကိုက်တဲ့အခါ   ခြင်ထဲမှာ ရှိတဲ့ သန်ကောင်တွေက   လူထဲရောက်ပြီး  သန်ကောင်အကြီးဖြစ်တယ်။

သန်ကောင်ကြီးမှာ သန်ကောင်ဖိုနဲ့ သန်ကောင်မမျိုးပွားပြီး အရေအတွက် များလာတယ်။  လူထဲမှာ   မျိုးပွားခြင်း အားဖြင့်  သန်ကောင်ပွားလာပြီး  တဖြည်းဖြည်း ရောဂါတွေ ကူးစက်လာပါတယ်။

ဒီဆင်ခြေထောက်ရောဂါကြောင့် အသက်ဆုံးရှုံးမှုတွေရော ဖြစ်နိုင်ပါသလား။

အသက်ဆုံးရှုံးတာက ဒီရောဂါကြောင့် မဟုတ်ပါဘူး။ ဒါပေမဲ့ လူတစ်ဦးရဲ့ လုပ်ငန်းဆောင်တာဖြစ်တဲ့ စားတာ၊ သောက်တာ သွားလာလှုပ်ရှားမှုတွေနဲ့ အိပ်တာ အားလုံး သူတစ်ပါး အကူအညီယူရတဲ့ ဘဝမျိုးဖြစ်သွားတယ်။

လက်ရှိ တစ်နိုင်ငံလုံးမှာ ဆေးတိုက်တာ လွှမ်းခြုံမှု  ရာခိုင်နှုန်းဘယ်လောက်အထိရှိလဲ။

လူဦးရေစုစုပေါင်း ၇ဝ ရာခိုင်နှုန်းကျော် လွှမ်းခြုံနိုင်ပါတယ်။ ဒါပေမဲ့ မြန်မာနိုင်ငံမှာ ရန်ကုန်တိုင်း ဒေသကြီးအနေနဲ့ တခြား တိုင်းဒေသကြီးတွေထက်စာရင် လွှမ်းခြုံမှုက နည်းပါတယ်။

ဆင်ခြေထောက်ရောဂါကာကွယ်ဖို့  သန်ချဆေးပေါင်းကို ရန်ကုန်တိုင်းဒေသကြီးအပြင် ဘယ်တိုင်းဒေသကြီးတွေမှာ တိုက်ကျွေးပေးပါသလဲ။

မြန်မာနိုင်ငံမှာ ဆင်ခြေထောက်ရောဂါ အမြစ်တွယ်နေတဲ့ ခရိုင် ၄၅ ခရိုင်စလုံး ဆေးတိုက်မှာပါ။  ဆင်ခြေထောက် ရောဂါ ကင်းဝေးသွားတဲ့ ခရိုင်တွေအားလုံး၊ မြို့နယ်တွေနဲ့  ရန်ကုန်တိုင်းဒေသကြီးမှာဆို  လေးခရိုင်စလုံးကို တိုက်ပါ မယ်။ မြို့နယ်  ၄၄ မြို့နယ်စလုံးကိုတိုက်ပါမယ်။ ဇန်နဝါရီ၂၂ ရက်ကနေ ၃၁ ရက်အထိ ၁ဝ ရက်  တိုက် ကျွေးပါမယ်။     

ဆုလာဘ်

Read 14 times
Rate this item
(0 votes)
Last modified on Sunday, 21 January 2018 09:58