SJ WorldNews - шаблон joomla Авто

မြန်မာ့လက်ရွေးစင်ဖူဆယ် အသင်း ထိုင်းနိုင်ငံခြေစမ်းပွဲတွင် တစ်ပွဲနိုင် တစ်ပွဲသရေ နှစ်ပွဲရှုံး ရလဒ်ရရှိထား

Friday, 12 January 2018 13:39 font size decrease font size decrease font size increase font size increase font size

ရန်ကုန်   ဇန်နဝါရီ    ၁၁

မြန်မာ့လက်ရွေးစင် ဖူဆယ်အသင်းသည် ထိုင်းနိုင်ငံ လေ့ကျင့်ရေးခရီးစဉ်၏ နောက်ဆုံး ခြေစမ်းပွဲကို ယနေ့နံနက်ပိုင်းတွင်  ထိုင်း ယူ-၂၃ အသင်းနှင့် ယှဉ်ပြိုင်ကစားခဲ့ရာ ၃ ဂိုး-၁ ဂိုးဖြင့် ရှုံးနိမ့်ခဲ့ကြောင်း သိရသည်။

မြန်မာအသင်းအတွက်ဂိုးကို အဆိုပါပွဲ တွင် အသင်းခေါင်းဆောင်အဖြစ်ကစားသော နိုင်ရဲကျော်ကသွင်းယူ ပေးသည်။ ယင်းပွဲစဉ်တွင်  မြန်မာ့လက်ရွေးစင် ဖူဆယ်အသင်းက လူငယ် ကစားသမားအများစုကို ထည့်သွင်း ကစားခဲ့ပြီး ပထမပိုင်းတွင် အကောင်းဆုံး တုံ့ပြန်ကစားနိုင်ခဲ့၍ တစ်ဂိုးစီ သရေရလဒ်ဖြစ်ခဲ့သည်။ သို့သော် ဒုတိယပိုင်းတွင် ထိုင်း  ယူ-၂၃ အသင်းကအသာစီးဖြင့် ပြန်လည်ကစားနိုင်ခဲ့ပြီး အနိုင်ဂိုးနှစ်ဂိုး ထပ်မံသွင်းယူကာ ပွဲအပြီးတွင်  ထိုင်း ယူ-၂၃ အသင်းက ၃ ဂိုး-၁ ဂိုးဖြင့် အနိုင်ရရှိခြင်းဖြစ်သည်။

မြန်မာဖူဆယ် အသင်းသည် ထိုင်းနိုင်ငံ၌ ခြေစမ်းပွဲလေးပွဲအထိ ယှဉ်ပြိုင်ကစားရာ တစ်ပွဲနိုင်၊ တစ်ပွဲသရေ၊ နှစ်ပွဲရှုံးရလဒ် ရရှိ ထားသည်။ ထိုင်းနိုင်ငံ ခြေစမ်းပွဲ ပထမပွဲစဉ် တွင် မြန်မာ့လက်ရွေးစင် ဖူဆယ်အသင်းသည် ထိုင်းကလပ် CAT FUTSAL CLUB နှင့်  ယှဉ်ပြိုင်ကစားရာ ၃ ဂိုး-၂ ဂိုးဖြင့် အနိုင် ရရှိခဲ့သည်။

ဒုတိယမြောက်ခြေစမ်းပွဲတွင် ထိုင်းလိဂ် ကလပ် Tha Khm Futsal Club  အသင်းနှင့် ယှဉ်ပြိုင်ကစားရာ  နှစ်ဂိုးစီ သရေဖြင့် ပြီးဆုံးခဲ့သည်။ ထို့နောက်  ထိုင်း ယူ-၂၃ အသင်းနှင့် ခြေစမ်းပွဲနှစ်ပွဲ ထပ်မံကစားရာ ပထမပွဲတွင် ၆ ဂိုး-၁ ဂိုး၊ ဒုတိယ ပွဲတွင် ၃ ဂိုး-၁ ဂိုးတို့ဖြင့် ရှုံးနိမ့်ခဲ့သည်။

မြန်မာ့လက်ရွေးစင် ဖူဆယ် အသင်းသည် ယနေ့ညပိုင်းတွင် မြန်မာနိုင်ငံသို့ ပြန်လည်  ရောက်ရှိမည်ဖြစ်ကြောင်း သိရသည်။   တီတီ

Read 245 times Last modified on Friday, 12 January 2018 13:40