SJ WorldNews - шаблон joomla Авто
×

Warning

JUser: :_load: Unable to load user with ID: 105

ဘုရင့်အာဏာခိုင်မာရေး ဆက်လက် ဆောင်ရွက်နိုင်သည့် ထိုင်းဘုရင် မဟာဝဇီရာ လောင်ကွန်း

Monday, 06 May 2019 10:32 Written by  font size decrease font size decrease font size increase font size increase font size

ကမ္ဘာတွင် နာမည်ဂုဏ်သတင်း ကျော်ကြားပြီး ပြည်သူများ၏ ချစ်ခင်မှုကို ရရှိသည့် နတ်ရွာစံဘုရင် ဘူမိဘော အဒူယာဒက်၏ သားတော် မဟာဝဇီရာ လောင်ကွန်းသည် မေ ၄ ရက်က နန်းတက်ပွဲ ကျင်းပပြီး ဘုရင်အဖြစ် တရားဝင် ဆက်ခံလိုက်ပြီ ဖြစ်သည်။

စည်းမျဉ်းခံဘုရင်စနစ် ကျင့်သုံးသည့် ထိုင်းနိုင်ငံ၌ ဘုရင်၏ သြဇာအာဏာသည် ကြီးမားသော အခန်းကဏ္ဍ တစ်ခုတွင် ပါဝင်နေသည်။ ထိုအခန်းကဏ္ဍများအနက် ထိုင်းဘုရင် မဟာဝဇီရာလောင်ကွန်း ဆောင်ရွက်လာနိုင်သည့် အခန်းကဏ္ဍ တချို့ကို ဖော်ပြလိုက်ပါသည်။

ဘုရင် မဟာဝဇီရာလောင်ကွန်းသည် ကမ္ဘာ့အချမ်းသာဆုံး ဘုရင်များတွင် တစ်ပါး အပါအဝင်ဖြစ်သည့် ၎င်း၏ ခမည်းတော်ဘူမိဘော အဒူယာဒက်ထံမှ စည်းစိမ်ဥစ္စာများကို ဆက်ခံရရှိထားသူ ဖြစ်သည်။ ထိုစည်းစိမ်ဥစ္စာများကို အိမ်ရှေ့မင်းသား၏ ပိုင်ဆိုင်မှုဗျူရို (CPB)တွင် ထိန်းသိမ်းထားပြီး ပိုင်ဆိုင်မှုများတွင် ဘဏ်များ၌ အပ်နှံထားသည့် ဘီလီယံနှင့်ချီသော ငွေကြေးများ၊ ကုမ္ပဏီများနှင့် အရေးကြီးသော အိမ်ခြံမြေများ ပါဝင်သည်။

CPB ကို ယခင်က ဘဏ္ဍာရေးဝန်ကြီး ဦးဆောင်ရခြင်း ဖြစ်ပြီး စုစုပေါင်းပိုင်ဆိုင်မှု ပမာဏ အမေရိကန်ဒေါ်လာ ၃ဝ ဘီလီယံမှ ၆ဝ ဘီလီယံအထိ ရှိမည်ဟု ကျွမ်းကျင်သူ တချို့က ခန့်မှန်းထားကြသည်။ CPB တွင်ရှိသည့် ပိုင်ဆိုင်မှုများ ထိန်းချုပ်ပိုင်ခွင့်ကို သီးသန့်ထားရှိပြီး အလွန်လျှို့ဝှက်ထားသည်။ မဟာဝဇီရာ လောင်ကွန်းအနေဖြင့် အိမ်ရှေ့မင်းသား ဘဝကတည်းက CPB အပေါ် လွှမ်းမိုးမှု ရရှိစေရန် ကြိုးပမ်းခဲ့ခြင်း ဖြစ်သောကြောင့် ဘုရင်ဖြစ်လာချိန်တွင် ၎င်း၏ အာဏာကိုသုံး၍ CPB အပေါ် အပြည့်အဝ လွှမ်းမိုးလာတော့မည် ဖြစ်သည်။

ဘုရင်ဘူမိဘော အဒူယာဒက် နတ်ရွာစံပြီးချိန်တွင် နန်းတွင်းရှိ သက်တော်ရှည် အမတ်များ ရာထူးမှ ဖယ်ရှားခံလိုက်ရသည်။ ထို့ပြင် မဟာဝဇီရာလောင်ကွန်းသည် လွှမ်းမိုးမှုရှိသော ဘုရင့်အတိုင်ပင်ခံ အဖွဲ့တွင် အဖွဲ့ဝင်အသစ်များကို ခန့်အပ်လိုက်သည်။

နန်းတွင်းရေးရာ ကိစ္စရပ်များ အားလုံးကို စီမံခန့်ခွဲပိုင်ခွင့် ရှိသော ဘုရင့်အိမ်တော်ထိန်း ရာထူးအတွက်လည်း ၎င်းနှင့်ပနံသင့်သူကို ခန့်အပ်ထားသည်။

မဟာဝဇီရာလောင်ကွန်းလက်ထက် ကြီးမားသော ပြောင်းလဲမှုများအနက် တစ်ခုမှာ နန်းတော်ကို ပြန်လည်ဖွဲ့စည်းခြင်း ဖြစ်သည်ဟု လူသားချင်း စာနာထောက်ထားမှုဆိုင်ရာ ဆွေးနွေးပွဲ ဗဟိုဌာနမှ အာရှဒေသဆိုင်ရာ ညွှန်ကြားရေးမှူး မိုက်ကယ်ဗာတီကီအိုတစ်က ပြောသည်။ နန်းတွင်းပုဂ္ဂိုလ်ကျော် တချို့လည်း ရာထူးမှ ဖယ်ရှားခံရသည့်အပြင် ပြစ်ဒဏ်များလည်း ချမှတ်ခံခဲ့ရသည်။

ထိုပုဂ္ဂိုလ်ကျော် တချို့တွင် ဒုတိယဦးစီးအရာရှိချုပ်ဟောင်း ချစ်ပုံသောင်ကမ်လည်း ပါဝင်သည်။ ၎င်းသည် ဘုရင်နှင့် ပတ်သက်၍ မှားယွင်းသော ပြောဆိုမှုများ ပြုလုပ်သည်ဟု ဆိုကာ ထောင်ဒဏ်ငါးနှစ်ခွဲ ချမှတ်ခံရသည်။

ထိုင်းနိုင်ငံ၏ လူမှုအဖွဲ့အစည်းတွင် ဘုရင်စနစ်ကို အထွတ်အမြတ်ထားပြီး အထိမခံပေ။ ထိုဘုရင်စနစ်ကို တော်ဝင်မျိုးနွယ် စော်ကားမှု ဥပဒေများဖြင့် အကာအကွယ် ပေးထားသည်။ ထိုဥပဒေများသည် ကမ္ဘာပေါ်တွင် အတင်းကျပ်ဆုံးလည်း ဖြစ်သည်။

မီဒီယာများအနေဖြင့် ဘုရင်နှင့်ပတ်သက်၍ ဖော်ပြမှုတွင် ကိုယ့်တာဝန် ကိုယ်ယူပြီး ဖော်ပြရသည်။ အခန့်မသင့်လျှင် တော်ဝင်မျိုးနွယ်ကို စော်ကားမှု ဥပဒေဖြင့် ကြီးလေးသော ပြစ်ဒဏ်ကို ခံယူရသည်။ ဘုရင်ဘူမိဘော အဒူယာဒက်လက်ထက် ၂ဝ၁၄ ခုနှစ်တွင် အိမ်ရှေ့စံ မဟာဝဇီရာလောင်ကွန်း၏ တတိယမြောက် ကြင်ယာတော်ဘက်မှ ဆွေမျိုးများအား တော်ဝင်မျိုးနွယ်ကို စော်ကားသည် ဟူသော ဥပဒေဖြင့် ထောင်ဒဏ်များ ချမှတ်ခဲ့သည်။

သို့သော် မဟာဝဇီရာလောင်ကွန်း အနေဖြင့် ထီးနန်းကို ဆက်ခံပြီးသည့် အချိန်တွင် ထိုဥပဒေကို တွင်တွင်ကျယ်ကျယ် အသုံးမပြုသည်ကို တွေ့ရသည်။ ထို့ကြောင့် ၎င်းအနေဖြင့် ပြည်သူများနှင့် ဆက်ဆံရာတွင် ပျော့ပျောင်းသော သဘောထားများကို ကျင့်သုံးလာနိုင်ဖွယ် ရှိသည်။

၂ဝ၁၄ ခုနှစ်မှာပင် ဝန်ကြီးချုပ်ယင်လတ်ရှင်နာဝပ်ထရာ၏ အစိုးရအဖွဲ့ ဖြုတ်ချခံရပြီး ထိုင်းစစ်ဘက်က တိုင်းပြည်၏ အာဏာကို ရယူခဲ့သည်။ ထို့နောက် သုံးနှစ်အကြာ ၂ဝ၁၇ ခုနှစ်တွင် ထိုင်းနိုင်ငံ၏ လက်ရှိအစိုးရ အဖွဲ့က ဖွဲ့စည်းပုံ အခြေခံဥပဒေ အသစ်ကို ပြဋ္ဌာန်းခဲ့သည်။ ထိုဖွဲ့စည်းပုံ အခြေခံ ဥပဒေအသစ်သည် နိုင်ငံရေး မတည်မငြိမ်ဖြစ်မှုနှင့် အကျင့်ပျက် ခြစားမှုကို အဆုံးသတ် နိုင်စေမည်ဟု စစ်ဘက်က ပြောထားသည်။

ထိုင်းနိုင်ငံ၌ မည်သည့်ဥပဒေမဆို ဘုရင်က လက်မှတ်ထိုး အတည်ပြုမှသာ အသက်ဝင်ခြင်းဖြစ်သည်။ မဟာဝဇီရာလောင်ကွန်းသည် ဘုရင့်အာဏာကို ပိုမိုခိုင်မာစေမည့် ပုဒ်မများ ပြန်ပြင်ရေးဆွဲစေသည်။ ထိုပုဒ်မများတွင် ကြိုတင် မတွက်ဆနိုင်သော ကိစ္စများအား ရှေးရိုးအစဉ်အလာကို အခြေခံ၍ ဖြေရှင်းရမည်ဟုလည်း ပါဝင်သည်။

ထို့ကြောင့် ထိုင်းနိုင်ငံရေးတွင် ဘုရင်က အာဏာတစ်ရပ်ကို ဆုပ်ကိုင်ထားဆဲဖြစ်ပြီး မဟာဝဇီရာလောင်ကွန်း လက်ထက်တွင် ထိုအာဏာမှာ ပိုမိုခိုင်မာလာမည် ဖြစ်သည်။ ဥပမာအားဖြင့် မတ် ၂၄ ရက်တွင် ကျင်းပသော ရွေးကောက်ပွဲ မတိုင်မီ ၎င်း၏ အစ်မတော်က နိုင်ငံရေးပါတီတစ်ခုကို ဦးဆောင်၍ ဝန်ကြီးချုပ်ရာထူး နေရာအတွက် ဝင်အရွေးခံရန် အမည်စာရင်း တင်သွင်းခဲ့သည်။ သို့သော် ထိုကဲ့သို့ အမည်စာရင်း တင်သွင်းမှုသည် အလွန်မသင့်လျော်သော လုပ်ရပ်ဖြစ်သည်ဟု မဟာဝဇီရာလောင်ကွန်းက ဘုရင့်အမိန့်ထုတ်ပြန်ကာ အစ်မတော်၏ အမည်စာရင်း တင်သွင်းမှုကို ပယ်ချခဲ့သည်။

ထိုင်းနိုင်ငံသည် ၁၉၃၂ ခုနှစ်တွင်ဖြစ်ပွားသော သွေးမြေကျသည့် အာဏာသိမ်းမှုအတွင်း စည်းမျဉ်းခံ ဘုရင်စနစ်ကို ကျင့်သုံးသည့် နိုင်ငံဖြစ်လာခြင်း ဖြစ်သည်။ ထိုအချိန်မှစ၍ နောက်ပိုင်းနှစ်များတွင် အကြိမ်ကြိမ် အာဏာသိမ်းမှုများနှင့် မတည်ငြိမ်မှုများကို ရင်ဆိုင်ခဲ့ရသည်။ ထိုဆူပူအုံကြွမှုများသည် နောက်ဆုံးတွင် ဘုရင်၏ အာဏာဖြင့်သာ အဆုံးသတ် သွားခြင်း ဖြစ်သည်။ ထို့ကြောင့် မဟာဝဇီရာ လောင်ကွန်းလက်ထက် ဖွဲ့စည်းပုံ အခြေခံဥပဒေတွင် ဘုရင်၏ အာဏာကို ပိုမိုခိုင်မာစေရန် ရေးဆွဲထားသည့်အတွက် ဘုရင့်အာဏာသည် ထိုင်းနိုင်ငံရေးတွင် ထဲထဲဝင်ဝင် ပါဝင်ပတ်သက် နေဦးမည် ဖြစ်ကြောင်း ရေးသား တင်ပြလိုက်ရပါသည်။ ။

မင်းခန့်တင်

Ref: AFP

Read 76 times
Rate this item
(0 votes)
Last modified on Monday, 06 May 2019 10:32

Latest from