SJ WorldNews - шаблон joomla Авто

တရုတ်ချိန်ခွင်လျှာကို ညှိရန် ကြိုးစားလာသည့် အင်ဒိုပစိဖိတ်ဒေသ အမေရိကန်နှင့် အိန္ဒိယ ပူးပေါင်းမှု

Saturday, 11 May 2019 13:04 Written by  font size decrease font size decrease font size increase font size increase font size

နိုင်ငံရေးနှင့် ပတ်သက်လျှင် ထာဝရရန်သူ၊ ထာဝရမိတ်ဆွေဟူ၍ မရှိ ဆိုသည့်အတိုင်း ၂၁ ရာစု နိုင်ငံရေးအခင်းအကျင်း များက ဆန့်ကျင်ဘက်များဆီသို့ သိသာစွာ ရွေ့လျားလျက်ရှိကာ မဟာမိတ်များက ရန်သူဖြစ်၊ ရန်သူများက မဟာမိတ်ဖြစ်ခဲ့ကြသည်။

ထိုအပြောင်းအလဲများက၂ဝ၁၇ ခုနှစ်တွင် ဒေါ်နယ်ထရမ့် အမေရိကန်သမ္မတ ဖြစ်လာသည့် အချက်အပေါ် အဓိကတည်မှီနေသည်ဟု ဆိုရမည် ဖြစ်သည်။

ပထမဆုံး တောင်တရုတ် ပင်လယ်ပြင် အရေးတွင် စပရက်တလီကျွန်းစုများနှင့် ပတ်သက်၍ ရန်သူဖြစ်ခဲ့သည့် တရုတ်နှင့် အမေရိကန်တို့၏ မိတ်ဆွေ ဖိလစ်ပိုင်တို့ မဟာမိတ် ဖြစ်သွားကြသည်။ ထို့နောက် အမေရိကန်နှင့် ဖိလစ်ပိုင်တို့ ရန်သူတော်ကြီးများသဖွယ် ပြောင်းလဲသွားသည်။

ထို့ပြင် အရှေ့အလယ်ပိုင်းကို ကြည့်မည်ဆိုလျှင်လည်း အမေရိကန်၏ မဟာမိတ် ဖြစ်သော တူရကီက ရုရှားဘက်သို့ ပြောင်းသွားပြီး ဥရောပသမဂ္ဂသို့ ဝင်ရောက်ရေးကိုပင် စိတ်မဝင်စားတော့သည် အထိ ဖြစ်သည်။ ထို့ကြောင့် ဥရောပသမဂ္ဂ၏ ဖိအားများမှာ တူရကီအပေါ် ထိရောက်မှု မရှိသလောက်ပင် ဖြစ်လာသည်။

နောက်ဆုံး ဒုတိယကမ္ဘာစစ်နောက်ပိုင်းမှစ၍ ရန်သူတော်များ ဖြစ်ခဲ့ကြသည့် အိန္ဒိယနှင့် အမေရိကန်တို့ မဟာမိတ်အဖြစ်

ပြောင်းလဲသွားသည်။ အိန္ဒိယနှင့် ပါကစ္စတန်တို့၏ စစ်ပွဲသမိုင်း တစ်လျှောက်တွင် ပါကစ္စတန်ကို ထောက်ခံသူက အမေရိကန်၊ အိန္ဒိယကို ကျောထောက်နောက်ခံပေးထားသူက ရုရှားဖြစ်သည်။ ပါကစ္စတန်ဘက်မှ ရေငုပ်သင်္ဘောများဖြင့် ဝင်ရောက် စစ်ကူပေးခဲ့သည်အထိ အမေရိကန်တို့ ပါကစ္စတန်ကို ပံ့ပိုးခဲ့ကြသည်။

ယခုအခါ၌ ပါကစ္စတန်က မဟာမိတ်ဖြစ်သော အမေရိကန်နှင့်ကွဲကာ တရုတ်နှင့်မဟာမိတ် ဖြစ်သွားပြီး ရန်သူတော်အိန္ဒိယက အမေရိကန်နှင့် မဟာမိတ်ဖြစ်လာသည်။

နောက်ပိုင်း တရုတ်၏ အာရှ-ပစိဖိတ်အတွင်း အင်အားချဲ့ထွင်လာမှု အရှိန်ကြောင့် ရန်သူ၏ ရန်သူက မဟာမိတ်ဆိုသည့် စကားအတိုင်း အိန္ဒိယနှင့် အမေရိကန်တို့ ပိုမိုနီးကပ်လာကြကာ တရုတ်၏ လွှမ်းမိုးမှုကို ခံနေရသည့် အိန္ဒိယကလည်း တရုတ်ကို သိသိသာသာ ဖယ်ခွာလာသည်။

ဘီလီယံနှင့်ချီသည့် လုပ်ငန်းစီမံကိန်းများအား တရုတ်ကို ပေးမည့်အစား ဂျပန်ကိုပေးသည်။ နျူကလီးယားဓာတ်ပေါင်းဖို စီမံကိန်းများကိုလည်း အမေရိကန်နှင့် ပူးပေါင်းတည်ဆောက်ရေးကိုသာ အိန္ဒိယတို့ ခြေကုန်ရုန်းကြတော့သည်။ ထိုသို့မဟုတ်ပါက အာရှအင်အားကြီး နိုင်ငံတစ်နိုင်ငံ တရုတ်သြဇာအောက် ရောက်သွားရမည့် အဖြစ်မျိုးကဲ့သို့ ဖြစ်လာနိုင်ပြီး လက်ရှိ သြစတြေးလျ၏ ရပ်တည်မှု ပုံစံထက်ပင် ဆိုးရွားသွားနိုင်သည်။

ထို့ကြောင့် မိုဒီဝန်ကြီးချုပ်ဖြစ်လာပြီး နောက်ပိုင်း တရုတ်ခွာ မူဝါဒကို စတင်ကျင့်သုံးကာ အမေရိကန်ဆီသို့ ဦးတည်သွား

ရောက်ခဲ့သည်။ ၂ဝ၁ဝ ပြည့်နှစ်အထိ တရုတ်တို့က အိန္ဒိယကို ၎င်းတို့နယ်ခံပြိုင်ဘက်အဖြစ် သတ်မှတ်ခြင်း မပြုဘဲ နောက်ပိုင်း အိန္ဒိယတို့ စီးပွားရေးအင်အား၊ စစ်ရေးအင်အား ကြီးထွားလာမှသာ တရုတ်တို့ သတိထား စောင့်ကြည့်လာခြင်း ဖြစ်သည်။ ယခုအခါ တရုတ်တို့ ထပ်မံစောင့်ကြည့်ရမည်မှာ အိန္ဒိယနှင့် အမေရိကန်တို့ ပူးပေါင်းလုပ်ဆောင်မည့် စီမံကိန်းများဖြစ်သည်။ နှစ်နိုင်ငံပူးပေါင်းဆောင်ရွက်ရေး စည်းမျဉ်းစည်းကမ်းများနှင့် အိန္ဒိယ-အမေရိကန်တို့ ၂ဝ၂၁ ခုနှစ်အထိ လက်မှတ်ရေးထိုးထားပြီး အာဆီယံနှင့်အာဖရိက ဖွံ့ဖြိုးရေး အစီအစဉ်များကိုပါ ပူးပေါင်းဆောင်ရွက်ရန် သဘောတူညီထားကြသည်။

အမေရိကန် နိုင်ငံတကာဖွံ့ဖြိုးရေးအေဂျင်စီ (USAID) နှင့် အိန္ဒိယအစိုးရတို့ ပူးပေါင်းမှု အဆင့်မြှင့်တင်ခြင်းက ဒေသတွင်းဖွံ့ဖြိုးရေးကို အဓိကဦးတည်လာသော တရုတ်၏ စီးပွားရေးစင်္ကြံကို တန်ပြန်နိုင်ရန် ဖြစ်သည်။ အာရှနှင့် အာဖရိကဒေသများက စိုက်ပျိုးရေးကိုအားထားသည့် အဓိကဒေသများ ဖြစ်သောကြောင့် စိုက်ပျိုးရေးကို အဓိက ထားပံ့ပိုးပေးနိုင်ရန် ကြိုးပမ်းနေကြကာ ကျန်းမာရေး၊ စွမ်းအင်၊ ကုန်သွယ်ရေးနှင့် ရင်းနှီးမြှုပ်နှံမှုတို့လည်း ပါဝင်နေသည်။

အာဖရိကကို အိန္ဒိယတို့ ပထမဆုံးဝင်ရောက်လာသည့် ဖြစ်စဉ်တွင် အမေရိကန်နှင့် ပူးပေါင်းဆောင်ရွက်မှုကြောင့် အောင်မြင်မှုရခဲ့ပြီး အာဖရိက၌ လမ်း၊ တံတားကဲ့သို့ အခြေခံအဆောက်အအုံစီမံကိန်းများကိုပင် အိန္ဒိယတို့ ဆောင်ရွက်နေကြပြီ ဖြစ်သည်။

ပထမဆုံး အာဖရိကကို ကိုလိုနီပြုခဲ့သူက ပြင်သစ်၊ ဒုတိယက အမေရိကန်၊ ယခုအခါ ခေတ်ပြောင်းသွားပြီး တရုတ်တို့က ကိုလိုနီပြုနေပြီဖြစ်သည်။ အာဖရိက၌ စီမံကိန်းကြီးကအစ ဘောလုံးကွင်းအဆုံး တရုတ်တို့ စိုးမိုးနေသောကြောင့် အမေရိကန်က အိန္ဒိယနှင့်ပူးပေါင်းပြီး အင်အားချိန်ခွင် လျှာညှိရန် ကြိုးပမ်းနေခြင်း ဖြစ်သည်။ သို့သော်လည်း အာဖရိကသာမက အာဆီယံ၌ပါ တရုတ်အင်အားကို ချိန်ခွင်လျှာညှိမည်ဆိုလျှင် အနည်းဆုံးဆယ်စုနှစ် တစ်စုခန့် လိုက်ရ

တော့မည်ဖြစ်သည်။

တရုတ်တို့က အနောက်အုပ်စု ဖွံ့ဖြိုးရေးကို ဆယ်စုနှစ်နှစ်စုခန့် အချိန်ယူအပြီး တရုတ်နောက်ကို ထပ်မံ ပြန်လိုက်ရမည်မှာ အနောက်အုပ်စုဖြစ်သည်။ လူ့အခွင့်အရေးဟု အမြဲတမ်းအော်နေတတ်သည့် ဥရောပသမဂ္ဂကဲ့သို့ အဖွဲ့အစည်းများကပင် တရုတ်၏ ပိုးလမ်းမစီမံကိန်းတွင် ပါဝင်လာကာ တရုတ်ဆီတဖြည်းဖြည်း ချဉ်းကပ်လျက်ရှိသည်။ ထိုအချက်ကို မကြာသေးမီက One Belt One Road စီမံကိန်းအား လက်ခံခဲ့သည့် အီတလီတို့ ဖွင့်ချလိုက်ရာမှ သိသာနိုင်သည်။

ပိုးလမ်းမစီမံကိန်းကို အီတလီလက်ခံလိုက်ချိန်တွင် ဥရောပအသိုင်းအဝိုင်းမှ အသံတချို့ ထွက်ပေါ်လာသည်။ သို့သော် အီတလီက ဝေဖန်သူများကိုယ်တိုင် တရုတ်နှင့် ဆက်ဆံရေး ရှိနေကြသောကြောင့် ဥရောပ သမဂ္ဂဆီမှ ဝေဖန်မှုကို ဂရုစိုက်စရာမလိုဟု ပြတ်သားစွာ ကြေညာချက် ထုတ်ပြန်ခဲ့သည်။ ထိုအချက်က လူ့အခွင့်အရေးနှင့် ပတ်သက်ပြီး ထိပ်ဆုံးမှ ဆောင်ရွက်နေသည့် ဗြိတိန်ကို တိုက်ရိုက်ထိခိုက်သလို ဖြစ်သွားသည်။

ပထမဆုံး ပိုးလမ်းမ တစ်စိတ်တစ်ပိုင်းဖြစ်သည့် တရုတ်နှင့် ရုရှားကိုဖြတ်ပြီး ဗြိတိန်အရောက် ဖောက်လုပ်မည့် ရထားလမ်း စီမံကိန်းက အာရှနှင့် ဥရောပဆက်ဆံရေးကို ပြောင်းလဲသွားစေကာ ဥရောပတို့ ပိတ်ဆို့အရေးယူထားသည့် ရုရှားကို ဖြတ်ကျော်ပြီးမှ ဥရောပသို့ ရောက်ရှိလာခြင်းကို လက်ခံလိုက်သည့် အချက်က ဝေဖန်ချင်စရာ ဖြစ်သည်။

ယခင်က တရုတ်တို့ ဝီဂါမွတ်စလင်များကို ဖိနှိပ်မှုအပေါ် ဥရောပတို့က အပြင်းထန်ဆုံး ဝေဖန်ခဲ့ကြပြီး ယခုအခါ မည်သည့်အသံမှ တစ်စုံတစ်ရာထွက်ပေါ်လာခြင်း မရှိတော့သောကြောင့် ဥရောပ-တရုတ် ဆက်ဆံရေး ကောင်းမွန်နေပြီဟု ဆိုရမည် ဖြစ်သည်။ ထိုအချိန်တွင် ထရမ့်၏ ဥရောပဘက်ခြမ်းကို ပစ်ပယ်ထားခြင်းက အားနည်း ချက်တစ်ရပ်အဖြစ် နိုင်ငံရေးလေ့လာသူတိုင်းက သုံးသပ်ကြသည်။

လက်ရှိ ထရမ့်စိတ်ဝင်စား နေသည်မှာ ဥရောပဘက်ခြမ်း မဟုတ်ဘဲ အာရှ-ပစိဖိတ် ဒေသဖြစ်သည်။ ထို့ပြင် အိန္ဒိယနှင့်ပူးပေါင်းဆောင်ရွက်မှုများကို အထူးခြားဆုံး အဆင့်မြှင့်တင်နေသည်။ အရှေ့အလယ်ပိုင်း၌လည်း အမေရိကန်တို့က ၎င်း၏နေရာကို အိန္ဒိယထံ ပေးအပ်ရန် ကြိုးပမ်းလာသည်။

သို့သော်လည်း နိုင်ငံတစ်နိုင်ငံကို စစ်ရေးအရ လုံခြုံမှုအပြည့်အဝ ပေးနိုင်ရန် အိန္ဒိယတို့အတွက် မလွယ်ကူသေးသည့် အချိန်ဖြစ်သည်။

ထို့ကြောင့် အိန္ဒိယက ပူးတွဲစီမံကိန်း ဆောင်ရွက်ချက်များနှင့်သာ တစ်ဆင့်ချင်းတက်နေပြီး နီပေါနှင့်ဘူတန်က ထိုပူးပေါင်းဆောင်ရွက်မှုများတွင် ဦးစားပေးဖြစ်သည်။

နီပေါက လက်ရှိ အိန္ဒိယသြဇာအောက် ရှိနေသေးသည်ဆိုသော်လည်း တရုတ်တို့က အဝေးပြေးလမ်းမကြီးများ ဖောက်ပြီး နီပေါနှင့် ဆက်ဆံရေး နီးကပ်ရန် ကြိုးပမ်း လာသည့်အတွက် မကြာမီ တရုတ်လက်အောက် ရောက်သွားမည့် အရေးကို အိန္ဒိယတို့ စိုးရိမ်နေသည်။

ထို့ကြောင့် အိန္ဒိယနှင့် အမေရိကန်တို့ ဒေသတွင်း ဖွံ့ဖြိုးရေးနှင့် ပူးပေါင်းဆောင်ရွက်မှုများကို ထပ်မံ အဆင့်မြှင့်တင် ရဦးမည် ဖြစ်ပါကြောင်း တင်ပြလိုက် ရပါသည်။ ။

Ref;CNN

Read 28 times
Rate this item
(0 votes)
Last modified on Saturday, 11 May 2019 13:05