SJ WorldNews - шаблон joomla Авто
ဘာသာပြန်ဆောင်းပါး

ဘာသာပြန်ဆောင်းပါး (104)

၁၉၇၈ ခုနှစ်တွင် တရုတ်တို့၏ စီးပွားရေးပြုပြင်ပြောင်းလဲမှုများ အောင်မြင်ခဲ့သည့် နောက်ပိုင်းတွင် အကြီးမားဆုံး ရည်မှန်းချက်က ကမ္ဘာလုံးဆိုင်ရာ လွှမ်းမိုးမှုဖြစ်လာသည်။ အမေရိကန်ကို အလဲထိုးရန် ကြိုးစားရင်းက စီးပွားရေးအင်အားကို အမေရိကန်၏ အိမ်နီးချင်း နိုင်ငံများအထိ မရောက်မီ ပထမဆုံး ခြေလှမ်းအဖြစ် အရှေ့ကမ္ဘာခြမ်းမှာ စစ်ရေးအင်အားကို တိုးချဲ့သည်။ အလားတူ အမေရိကန် နိုင်ငံထဲ၌လည်း နည်းပညာမြင့် ကုမ္ပဏီများကို ဝယ်ယူကာ အမေရိကန် စီးပွားရေးနယ်ပယ်ကို အတိုင်းအတာ တစ်ခုအထိ ပိုင်ဆိုင်နိုင်ရန် ကြိုးစားလာပြီး နောက်ဆုံး အမေရိကန်တို့ တရုတ်ကုမ္ပဏီများအား နည်းပညာများ မရောင်းရစာရင်းပင် လုပ်လိုက်ရသည်အထိ ဖြစ်ခဲ့သည်။

 

ယခု အမေရိကန်တို့၏ နောက်ဝင်ပေါက်မှတစ်ဆင့် တရုတ်တို့ ဝင်ရောက်မည့် အစီအစဉ်ကြီး တစ်ခုက အမေရိကန်ကို ခြိမ်းခြောက် နေပြန်ပြီဖြစ်သည်။ ကာရေဘီယံ နိုင်ငံငယ်လေး တစ်ခုက ၃၄ နှစ်စာ ရေရှည် စီမံကိန်း ကြီးတစ်ခုကို တရုတ်တို့ လက်ထဲသို့ ထိုးပေးလိုက်ပြီး နောက်ပိုင်း အမေရိကန်တို့က စာရွက်ပြာကျူးကျော်မှုဟု နာမည်ပေးခဲ့သည်။ လူဦးရေသိန်း ဂဏန်းသာရှိသည့် ဂရန်နာဒါဆိုသည့် နိုင်ငံလေးက အမေရိကန်ဒေါ်လာ ဘီလီယံနှင့်ချီသည့် ၄င်း၏ အမျိုးသား ဖွံ့ဖြိုးရေးစီမံကိန်းကို တရုတ်တို့ လက်ထဲသို့ အလုံးစုံ ထိုးထည့်ခဲ့ကာ ပထမဆုံး ကာရေဘီယံဒေသမှာ တရုတ်လွှမ်းမိုးခံရသည့် စီမံကိန်းဖြစ်လာသည်။

 

ရေနက်ဆိပ်ကမ်း၊ ရထားလမ်း၊ အဝေးပြေးလမ်းမဆိုသည့် အကြီးမားဆုံးအရာများကို တရုတ်တို့ ရေရှည်စီမံကိန်းဖြင့် ဖွံ့ဖြိုးရေး ဆောင်ရွက်ပေးမည်ဖြစ်ပြီး တရုတ်ပြည်ပကြီးနှင့် ကုန်သွယ်ရေးအထိပါ တရုတ်တို့က တစ်ပါ တည်း ယူဆောင်မည်ဖြစ်သည်။အမေရိကန်က ရုရှားနှင့်နီးကာ ကျူးဘား ကွန်မြူနစ် အစိုးရနှင့်လည်း နီးစပ်သောကြောင့် အတိတ်က ဂရန်နာဒါကို ကျူးကျော်ထားသည့် ဥပမာကရှိနေသဖြင့် ဂရန်နာဒါက အမေရိကန်တို့ မည်မျှပင် ကောင်းကောင်း သိပ်အမြင်ကြည်မည် မဟုတ်ပေ။ထို့ကြောင့် တရုတ်တို့၏ ဖွံ့ဖြိုးရေး ကမ်းလှမ်းချက်ကိုချက်ချင်း ရာနှုန်းပြည့် လက်ခံခဲ့ခြင်းဖြစ်သည်။ တရုတ်တို့ အတွက် အကြီးမားဆုံး အောင်မြင်မှုဟု ဆိုနိုင်ကာ အမေရိကန်အတွက်က အဆိုးရွားဆုံး ကျဆုံးမှု နောက်တစ်ခုဖြစ်သည်။ အမေရိကန်နှင့် အဆင်မပြေသည့် အိမ်နီးချင်းများကို တရုတ်တို့က ပူးပေါင်းကာ ၄င်း၏ လွှမ်းမိုးမှုရရှိစေရန် ကြိုးစားနေပြီး အမေရိကန် ပတ်ပတ်လည်ကို ၄င်း၏ စီးပွားရေးဖြင့် တံတိုင်းကာနိုင်ရန်ဖြစ်သည်။

 

ထိုစီမံကိန်းများကို အမေရိကန်တို့ ရိပ်မိပြီး ထိုအဖြစ်မျိုးအဖြစ် မခံနိုင်သောကြောင့် ဂရန်နာဒါနှင့် ဆက်ဆံရေးတိုးမြှင့်ရန် ကြိုးစားခဲ့သော်လည်း တရုတ်တို့က နှာတစ်ဖျား သာခဲ့ သည်။ ယခု အမေရိကန်တို့ ခဲလေသမျှ သဲရေကျဖြစ်ရသည်။ ဂရန်နာဒါက တရုတ်မှ တရုတ် ဖြစ်နေသည်။ နောက်ဆုံး စွမ်းအင်ကဏ္ဍကို ပါချုပ်ကိုင်နိုင်ရန် တရုတ်တို့က ၄င်း၏ စီမံကိန်းထဲတွင် ထည့်ထားပြီး အနာဂတ်တွင် ဂရန်နာဒါက သူ့လက်သူ့ ခြေဖြစ်မည့် နိုင်ငံအဖြစ် ပုံဖော်နိုင်ရန်ဖြစ်သည်။

 

အမေရိကန်နှင့် အနီးဆုံး နောက်ပေါက်မှ ဝင်ရောက်နိုင်ရန် တရုတ်တို့ ကြိုးစားနေကြကာ နောက်ပိုင်းတွင် အမေရိကန်ကို တိုက်ခိုက်ရန် အခြေစိုက်စခန်းတစ်ခု အဖြစ်လည်း နောက်ပိုင်း အသုံးပြု လာနိုင်သည်။ အမေရိကန်တို့က အာရှ-ပစိဖိတ်မှာအမေရိကန်ကို ကန့်သတ်နိုင်ရန် ကြိုးစားရင်းနှင့်ပင် တရုတ်တို့က ၄င်း၏ နယ်စပ်နားအထိ ချဉ်းကပ်လာခြင်းဖြစ်သည်။ တရုတ်တို့အတွက် အမေရိကန်နှင့် နီးနီးကပ်ကပ် နေရာတစ်နေရာရလေ ၄င်းအတွက် အကျိုးရှိ လေဖြစ်သည်။ ၂ဝ၁၆ ခုနှစ်ကပင် ကနေဒါမှာကုမ္ပဏီအခြေစိုက်ပြီး အမေရိကန် ဂျက် တိုက်လေယာဉ်နည်းပညာများကို ခိုးယူနေသည့်တရုတ်နိုင်ငံသားကို အမေရိကန်တို့ ဖမ်းဆီး နိုင်ခဲ့သဖြင့် ထိုအဖြစ်မျိုး ထပ်ဖြစ်မှာကို အမေရိကန်တို့ အစိုးရိမ်ဆုံးဖြစ်သည်။

 

နောက်ပိုင်း တရုတ်တို့က အမေရိကန် နည်းပညာ ကုမ္ပဏီများကို ဈေးများများပေးဝယ်ကာ အမေရိကန်နည်းပညာဈေးကွက်ကို ချုပ်ကိုင်နိုင်ရန် ကြိုးစားလာသောကြောင့် သမိုင်းတစ် လျှောက် နှစ်ကြိမ်၊သုံးကြိမ်သာ ကန့်သတ်ဖူးသည့် တရုတ်တွင်မရောင်းရန်စည်းမျဉ်း ကို ထရမ့်က ထုတ်ပြန်ခဲ့ရသည်။ အဆိုးဆုံးက ထိုနည်းပညာကုမ္ပဏီများကို အသုံးချရင်း အမေရိကန်တို့၏ ဘဏ္ဍာရေး အချက်အလက်များနှင့် တခြားနိုင်ငံရေး အချက်အလက်များကိုတရုတ်တို့ ရရှိသွားမည်ကို စိုးရိမ်သောကြောင့်ဖြစ်သည်။

 

သို့သော် ဈေးများများဖြင့် ပေးဝယ်နေသည့်တရုတ်ကြောင့် အမေရိကန်အစိုးရ တားမြစ်ရန် ခက်ခဲနေသည်။ ယခု တရုတ်တို့ပိုင်သည့် နည်းပညာကုမ္ပဏီများက အမေရိကန်တွင် ဆယ်နှင့် ချီပင်ရှိနေပြီဖြစ်သည်။ ထို့ကြောင့် တရုတ်တို့ အတော်အတန် ခရီးရောက်နေသည်ဟု ဆိုရ မည်ဖြစ် သည်။အမေရိကန်အစိုးရက ပြည်တွင်းရော ပြည်ပမှာပါ တရုတ်ကို ကန့်သတ်ရန် ကြိုးစားရင်း နောက်ပေါက်မှပင် ခဏခဏအဝင်ခံနေရသည်။

 

တရုတ်တို့က နိုင်ငံအဆင့် ပံ့ပိုးကူညီမှုများဖြင့် အမေရိကန်ကို ထိုးဖောက်နေသောကြောင့် ခရီးရောက်နေခြင်းဖြစ်သည်။ထရမ့်လက်ထက် တရုတ်ကို ၄င်းအမေရိကန်တွင် လာရောက် ရင်းနှီးမြှုပ်နှံမှုများ လုပ်ရန် ဖိတ်ခေါ် ထားသော်လည်း တရုတ်က အမေရိကန်တို့ ရင်းနှီးမြှုပ်နှံ စေချင်သည့် နေရာတွင် မမြှုပ်နှံဘဲ အမြတ်ထုတ်နိုင်မည့် နေရာများတွင် လာရောက်ရင်းနှီးမြှုပ်နှံ နေသောကြောင့်ထရမ့်အတွက် အခက်ကြုံနေရသည်။

 

ထို့ကြောင့် ထရမ့်က တရုတ်နှင့်ပတ်သက်လာလျှင် နောက်ပိုင်းတွင် ပိုမိုပြီး ဆတ်ဆတ် ထိမခံ ဖြစ်နေရခြင်းဖြစ်သည်။ သို့သော်အရှေ့အလယ်ပိုင်း လမ်းကြောင်းများက ထရမ့်စိတ်တိုင်း ကျခင်း၍ရနေသည်။ လုံခြုံရေးကောင်စီ ဆုံးဖြတ်ချက်က ၄င်းကို အရှိုက်ထိစေခဲ့သော်လည်း ၄င်းအတွက်က အရှုံးမရှိပေ။ မည်သူကဝေဖန်ဝေဖန် ထရမ့်ကအမေရိကန်သံရုံးကို ဂျေရုဆလင်သို့ ပြောင်းမည်ဖြစ်သောကြောင့်ဖြစ်သည်။

 

အရှေ့အလယ်ပိုင်းမှာ အောင်မြင်နေသော်လည်း အာရှရေးရာမှာ တရုတ်တို့ကြောင့် မြောက်ကိုရီးယားအရေး၊ စီးပွားရေးနှင့်စစ်ရေးမှာပါ အမေရိကန်တို့ အရှိုက်ထိုးခံနေရသည်။ ထိုကြားထဲတွင် ဥရောပရော အမေရိက တိုက်အထိပါ တရုတ်က ၄င်းတို့၏နောက်ကို လိုက်နေသောကြောင့် ပိုဆိုးနေသည်။ ဗြိတိန်ဆိုလျှင် တရုတ်ဆက်သွယ်ရေး ဂြိုဟ်တုများကို အတွဲလိုက်လွှတ်ရန် စီမံကိန်းများပေးထားကာ နျူကလီးယား ဓာတ်အားပေး စက်ရုံများကိုပါ တရုတ်တို့က ပြည်ပတွင် ဘီလီယံချီပြီးတည်ဆောက်နေပြန်သည်။

 

ယခု အမေရိကန်နိုင်ငံ အနီးထိပင် တရုတ်တို့က နိုင်ငံ့စီမံကိန်းဖြင့် ထပ်ရောက်နေသောကြောင့် အမေရိကန်အတွက် ပိုဆိုးနေပြန်သည်။ တစ်ကမ္ဘာလုံးကို အမေရိကန်က စစ်ရေးဖြန့်ကြက်ရန် ကြိုးစားနေသည့်အချိန် တရုတ်က စစ်ရေးနှင့်စီးပွားရေးကို ချိန်ခွင်လျှာညှိပြီး မရ၊ ရသည့် ဘက်မှ အမေရိကန်ကို ချောင်ပိတ်နိုင်ရန် ကြိုးစားနေသည်။ အာဖရိကကိုဝင်ခဲ့သည့် တရုတ်တို့၏ ဗျူဟာအတိုင်း ဂရန်နာဒါကို ငါးစာချပြီး တရုတ်တို့က အရယူခဲ့ကာ ၄င်းအတွက် စီးပွားရေး နယ်ပယ် ချဲ့ထွင်ခြင်း စီမံကိန်းသစ်ကြီး တစ်ခုဖြစ်သည်။

 

One Belt One Roadက ၂ဝ၁၈ခုနှစ်မှာ လုံခြုံရေးစိန်ခေါ်မှုများနှင့် ရင်ဆိုင်နေရသည် ဆိုသော် လည်း ယခုအချိန်ထိ အောင်မြင်သည့် အရှိန်များဖြင့် ဆက်လှမ်းနေနိုင်သေးကာ အမေရိကန် အတွက် အဓိကထိုးနှက်ချက်က တရုတ်တို့ တစ်ကမ္ဘာလုံး ကုန်သွယ်ရေး၏ ရာခိုင်နှုန်း အများစု ကို ချုပ်ကိုင်နိုင်သောကြောင့် ဖြစ်သည်။ ထို့ကြောင့်ယခုအခါ တရုတ်ကို အမေရိကန်တို့ ဘက်ပေါင်းစုံ စောင့်ကြည့်နေရပြီ ဖြစ်ပါကြောင်း တင်ပြလိုက်ရပါသည်။

 

 

Page 2 of 8